|
يا اختى اصبرى
وان شاء الله سيعوضك الله خيرا ولا تنسى ما قلته لكى يا اختى والله هذه الطريقة سبحان الله تاثيرها فعال جدا كلما تذكرتى او جاء خطيبك السابق على بالك ابعدى الموضوع فورا عن ذهنك فكرى فى اى شىء آخر - اذكرى الله - افتحى كتاب الله اى شىء لتبعدى هذا الموضوع عن ذهنك با اختى انت على وشك امتحانات ولا تجعلى خسارة تفقدك كل شىء على الاقل استمرى فى حياتك يا اختى كما استمر هو فى حياته يا اختى ان لم يكن من آجل مستقبلك فمن آجل والدك ووالدتك انت لا تعلمى مدى الحزن الذى هم فيه من آجلك بس معلش يا اختى الكريمة انت كنتى بحمد الله بدأتى تنسى ماذا حدث لهذه الانتكاسة ان شاء الله خير وربينا يربط على قلبك والله اعلم انه صعب جدا ولكن يجب ان يكون هناك رضاء بقضاء الله عز وجل وخلى عندك آمل دائما يا اختى وطالما هناك امل اذن يمكن لنا ان نعيش ونحلم ونفرح كمان بأذن الله وبعدين يا اختى انت تقولى انك كنت دائمة الاستخارة اذن هذا هو الخير لك وله بأذن الله ابدأى من جديد يا اختى ، وثقى ان الموضوع مجرد وقت والله لو سألتى اى شخص مر بنفس الظروف التى تمرى بها لقال لك انى احمد الله الان انى لم استمر بذاك المشروع بل واحمد الله انه لم يكتمل والا كنت لم التقى بنصفى الآخر الان وحبى الحقيقى وبل والله ربما يستغرب كيف كان متقبل هذا الشخص وكيف كان يكن له كل هذا الحب يا اختى الحياه يجب ان تستمر وتذكرى يا اختى هذه الآية الكريمة والتى احبها جدا لان بها الآمل والعظة {إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللّهُ لاَ يُحِبُّ الظَّالِمِينَ }آل عمران140 الآمل اذا تأكدنا ان بعد ايام الحزن اكيد بأذن الله ستأتى ايام فرح وسرور والعظة حتى نتذكر ونحن فى الفرح والسرور ستأتى ايام حزن وابتلاء واختبار وفقك الله يا اختى الكريمة لما يحب ويرضى وان شاء الله ترجعى اختنا مصرية المثال الجميل لاخواتك المصريات دائمة السعادة والمرح والتى تملىء هذا المنتدى المبارك بالنصح وتساعد فى ازلة الهم عن كل مهموم وادخال السرور الى كل حزين |
اقتباس:
أخى.. انا ولله الحمد أفضل من أمبارح انا كما قولتلكم سابقا يوم بكون كويسه ويوم حزينه لكن كما قولت ياأخى بكره ربنا يرزقنى بنصف الثانى ويصبح كل هذا مجرد ذكرى الحمد الله ان احنا مسلمين والله القرآن بينزل على قلبى اطمئنان غريب وكأن لا يوجد بداخلى حزن سبحان الله لكن انا والله محتاجه منكم الدعاء لان ربنا بأذن الله بيستجيب منكم وانتم اخوات صالحين أدعولى حتى فى صلاتكم لان الوضع اللى انا فيه أكبر منى ومن سنى لان وضع مفاجئ وفى نفس الوقت غير متوقع لكن انا والله راضيه بقضاء الله والحمد الله الحمد الله |
نسأل الله ان يربط على قلبك وينسيك اى حزن وهم انه على كل شىء قدير بس لازم تعرفى يا اختى انك يجب ان تخرجى من هذا الجو اذهبى الى كليتك ، اخرجى مع صديقاتك ، اذهبى فى زيارة اقاربك لا تتركى نفسك للوحدة ابدا حتى تتمكنى من النسيان ولكن بهذا الشكل لن تنسى ابدا ربينا يفك كربك ويزيل همك ويصلح حالك اللهم آمين آمين آمين وصلى الله وسلم وبارك على سيدنا محمد وعلى آله وصحبه وسلم |
حقولك حاجة يا حيبيتي << نصي المصري بيتكلم
أنا انخطبت لواحد شهور طويلة حبيته حب عميق لذيذ برئ و قبل كتب الكتاب بيوم واحد اتصلت اتطمئن عليه و أشوف الحماس كانت صدمة لأنه قالي عايز أقولك حاجة كل شيء قسمة و نصيب و أنا مش قادر أكمل و ربنا يرزقك بإبن الحلال اللي يستهالك و مع السلامة , قفل التلفون و أنا في حالة من الصدمة و الذهول التام ده لسه مكلماه قبلها بيوم ايه اللي قلبه فجأة بدون أسباب , أنا عمري ما اتعاركت معاه و لا عليت صوتي و لا كنت دمي تقيل و لا حاجة , ده احنا كنا نحب بعض حب جامد جدا !!! تلات أسابيع اكتئاب مع صيام متواصل وراها و انعزال تام , قاعدة على سريري بيعط , التلفون جنبي مستنياه يتصل يقولي حاجة , مستنية أهله أخته اخوه أي حد يتصل يفسر اللي حصل المهم مر على الموضوع فترة زي اللي انتي بتمري بيها و أقولك النتيجة ربنا رزقني براجل بكل ما للكلمة من معنى بالفم المليان أقولك سيد سيده و احسن منه مليون مرة و بحبه حب ما شاء الله و لا كأنه أول انسان في حياتي كل شيء اختلف و الدنيا بقت وردية و اتعلمت درس عمري ما حنساه " إن مع العسر يسرا " و بعد كل كرب فيه فرج من عند ربنا و طالما الواحد مستخير ربه ما يهموش أي حاجة بعدها لأن ربنا عارف مصلحتنا فين دلوقتي لما أفتكر الأيام اللي قضيتها مكتئبة و الأيام اللي كنت رافضة فيها فكرة الجواز أضحك و أقول لنفسي " ده أنا كنت هبلة و سخيفة بشكل هههههه" صدقيني حتفكري الأيام الوحشة دي و تقولي " ايه الهبالة اللي كنت زعلانة عليها , ربنا رزقني بأحسن منه " و ربنا عليم حكيم و مش حيحرمك إلا عشان يرزقك وراها و تبقي مقدرة النعمة و شاكراها بكره تقولي قطرة حياة كان معاها حق ربنا معاكِ و بدعيلك يجمعك مع نصك التاني و نصيحة : إياك ثم إياك تقفلي باب الزواج عشان تجربة و فشلت , لو مليون تجربة فشلت معاك صدقيني حتوصلي لتتجربة مليون و واحد و تطلعي بنتيجة تنسيكِ كل الظلم و الأيام الوحشة و لما توصلي لتجربة جديدة عيشها كأنها أول تجربة بس اتجنبي أي خطأ قديم منك و ابعدي عنك الذكريات أنا كنت ناسية كل حاجة حصلت بس اضطريت افتكر عشان أواسيكِ بقصتي , تصدقي إن مرة وحدة صاحبتي ما شافتنيش من سنتين بتسألني عنه قلتلها : مين ؟ قالتلي حبيبك اللي كان خاطب , و الله قعدت حبة كده أحاول افتكر اسمه عشان أحكيلها يا عمري مجرد ما تدوبي في حب جديد مش حتفتكري أي حاجة عن حبك القديم خالص , حتى اسم الشاب إن شاء الله حتنسيه أتمنى أكون أفدتك و الله يوفقك |
الله يفرج همك وييسر امورك..
|
الله يفرج همك
ويفك كربك الزمي الاستغفار غاليتي |
اقتباس:
كلامك مريح بشكل:) بس ان شاء الله ربك ينسينى الاول عشان يجى اللى يدوبنى بس انا خايفه بعد مايدوبنى يمشى زى اللى قبله:( ساعتها نصبر وندعى ونحب تانى مفيش مشكله:23: أختى شكرا على كلامك بس الحاله اللى انا فيها دى أعتقد انها طبيعيه والايام ان شاء الله هاتنسينى وكمان يااختى هو اللى سابنى مش انا عشان كده حاسه ان فعلا هانسى لان جرحى قوووووووووى اوى بس محتاجه منكم الدعاء:22: |
اللهم يا حنان يا منان فك كربة اختنا المصرية
و اكتب لها الخير حيثما كان و ارضها به اللهم يا عزيز يا حليم يا رحمن يا رحيم ارحم حالها و ابعد عنها الهم و الحزن و الكرب اللهم يا كريم يا سميع الدعاء يا علام الغيوب وفقها و اسعدها و طمن بالها و ريح قلبها وابعد عنها كل سؤء |
يافارج الهم اكشف كرب اختي المصرية وانزل في قلبها السكينة وعوضها بكل مافيه خير وصلاح لها انك سميع مجيب
اختك حائزة |
أخواتى أبشركم
فأنا ولله الحمد وسبحان الله فرحااااااااااااااااااااانه ومرتاحه نفسيا الحمد الله والبركه فى دعائكم فلا تنسونى ياأخواتى أدعولى ربنا يديم عليا الحاله دى سعاده :) |
| الساعة الآن 02:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©