اختي هل فعلتي بنصائح الاخوان والاخوات

هل تحدثتي الى مختص لو بالهاتف ومو لازم تعطينه خبر ان زوجك ضابط

بس يعلمك الخطوات الي تسوينها لعلاج زوجك

والحمدلله زوجك ما وصل لمرحلة انه يدخل مصحه لانه في البدايه

وسارعي بالعلاج اختي حتى لاتزيد المشكله او يزيد تأثير الحبوب عليه وبكذا بيصعب العلاج

ونفس الكلام الي قالته لك وحده من العضوات

اجلي موضوع الحمل لين يشفى زوجك حتى لو ماكان راضي لأنه مريض

والله يكون في عونك وأعجبني فيك وقفتك مع زوجك وحرصك على القيام بالواجبات

سواء الدينيه او حقوق زوجك

استمري اختي في محاولاتك وألحي بالدعاء

والله ماراح يضيع تعبك

الله يصلح احوالكم ويسعدكم ويهنيكم دنيا وآخره ويرزقكم بالأبناء البارين

شوفي يا اختي

على حسب كلامكِ ، أو بالأصح على حسب اللي فهمته ، فإن زوجك ياخذ (حبوب اكتئاب)


وهي حبوب تصرف لمن أصيبوا باكتئاب نفسي شديد ( يعني بالعربي : عندهم هموم كثيرة أو صارت لهم مشاكل كبيرة)


ودور هذه الحبوب إنها تخفف الضغط النفسي عليهم ، يعني تقلل من إحساسهم بالمشاكل ، أو بالأصح تبلد مشاعرهم


يعني إذا الواحد داوم على أخذ هذه الحبوب ، ما يتأثر حتى لو شاف واحد ينذبح قدامه عااااااااااااااااااادي ، ولا كنه شي صاير


وهذه الحبوب لها دور كبير في تخفيف الاكتئاب ، خاصة للي هم ما يقدرون يحلون مشاكلهم بأنفسهم مثل المشاكل الإجتماعية اللي نسمعها


وانا ما أدري إن كان زوجك عنده مشاكل ولا لأ ،


وبعدين الإدمان عليها له تأثير سلبي جدا ، يصير الواحد كل ما صارت له أدنى مشكلة ياخذ هالحبوب


أنا أتوقع إن زوجك بدا ياخذ هالحبوب بعد مشكلة صارت له ، ثم تعود عليها


المهم


بالنسبة لمشكلتكِ


لا تحسبين إن زوجك راح يترك هالحبوب بين يوم وليلة ، هو رجال تعود عليها ويبيله فترة طويلة علشان يتركها تماماً ، وإنتي لازم تساعدينه في تركها ، ولازم توقفين معه في محنته ، وأتوقع إنه ما راح ينسى لك هالجميل


يعني لو تحطون لأنفسكم فترة زمنية طويلة نوعا ما ( 6شهور ، سنة ) ويصير الترك تدريجي شوي شوي إلى أن يتركها تماماً


يعني بالشهر الاول ياخذ الحبوب 3 مرات فقط ويستمر عليها

ثم ياخذ الحبوب مرتين في الشهر فقط


ثم مرة في الشهر


ثم يتركها تماما



الشاهد من الفكرة إنها (ترك تدريجي) وأنتم شوفوا الطريقة المناسبة


وأنتي يا أختي لازم لازم تساعدينه في هالموضوع



وبعدين يا أختي ، مهي معقولة أن زوجك ياخذ هالحبوب على أدنى مشكلة

يعني لو حرمة صارت لها مشاكل كبيرة ومتتالية وأخذت هالحبوب يمكن ، يعني الحرمة ضعيفة بطبعها وما تتحمل زي الرجال

لكن زوجك رجال ولازم يتحمل المشاكل ويواجهها

أجل لو يسمع بمشاكل العالم وش يسوي ؟ هذا وهو ما عنده عيال ولا مسؤولية ، شلون لو صارت عنده ذرية هو المسؤول عنهم كلهم


وقولي له : ترا الهروب من المشاكل مهو حل ، الحل يصير قوي ويواجه المشاكل ويحلها بنفسه


وعموما حاولي إنك تعززين الثقة بنفسه ، وتزرعين القوة فيه ، ولا تحاولين تحطمينه أبداً أبداً





والله يوفقكم ويرزقكم ويعينكم ويهديكم ويسعدكم ، آمين

انا برايي المتواضع مدام انه على قولتك ياخذها استهبال ومو ادمان لا تقسين عليه اكثر من كذا ترا النفس البشريه تنفر من القسوه والحنه .. انا ما اقول اتركيه بالي يفعله لا طبعا لكن خفي عليه شوي وتغاضي كثير وارجعي ذكريه بعد عدة مرات متباعده بما انها مش ادمان وادعي له لعل الله يهديه .. بما انه كويس ومافيه مشاكل من الي يسويه وانتي تحبينه ولا قدر يغير الي فيه تغاضي لان كثر الدق يفل الحديد وينفر منك واذا حصل هذا راح تراجعين نفسك ليش صار كذا .. الرجل كان طيب وكويس معاي وماكان منه مشاكل بس زنتك عليه هي الي راح تقسيه ... والزوجه غالبا هي طبيبة زوجها ونصيحه مني لا تدخلين اهلك في الموضوع ابدا راح يصير بينه وبيهنم وبينه وبينك حاجز يصعب ازاحته .... هالكلام كله اقوله لك لانه مثل ماقلتي مامنها مشاكل ومو ادمان ... عشان كذا لا تكبرين المشكله الا اذا طلع منه مشاكل بسبب الي يتعاطاه هذا ... ودائما الدعاء والنصيحه اللطيفه لها اثر كبير على الزوج والله يارب يوفقك ويفرج همك

الصراحه مو عارف شنو اقولك
كل الأساليب سويتيها
لكن لا تيأسي أبدا
دامه يحبك هدديه بأن يختار بينك وبينها ( الحبوب) وبيني له انك جاده
صدقيني راح يفكر الف مره قبل ياخذها مره ثانيه
هذا بسبب رفقاء السوء اظنك تناسيتي هالنقطه اعرفي منهم اصحابه وحاولي تصرفيهم اذا اتصلوا به
او بأي طريقة تمنعيه من الخروج معهم ادري صعب بس حاولي
اشغلي وقته بأي شي كان
هو محتاااج لك لاتتركينه يضيع ولاتنسي سهام الليل وكثرة الدعاء والصدقة
أسأل الله العظيم أن يفرج همك ويهدي زوجك ويبعده عن هذه الحبوب

عزيزتي اسمحي لي مابني على باطل فهو باطل هذي نهايه الغلط منذ البدايه بداتوها دلع وانتهت بولع ما املك ان ان ارفع اكفي لسماء وادعوا بأن الله يهدي زوجك ويفتح على قلبه وان يسخره لك ويسخرك له ويألف بين قلوبكم