|
[size="7"]الله يكتب لك الخير حيث كان[/size]
|
اقتباس:
مرحبا اختى واشكرك على المشاركه في موضوعي بصراحه نعم اغلب كلامه مايكون صادق يعنى مايكذب في اشياء كبيرة بس تحسين انه يبالغ في كثير امور يعنى الصدق ماهو في كلامه ولاتنسون اني بعدني مادخلت فية علشان اتاكد مدى صحه كلامه وايضا التناقض يعنى متناقض كل يوم براي اما حسناته فهى كثيرة اول شي انه طيب جدا وهذا الشي لاحظته بكلام اخواته وامه انة جدا جدا حنون وهذا الشي الي كاسرني وين القى بهذا الزمن شخص حنون ومادري الحنيه تكون معاى ولا بس مع اهله وانا يبهذلني اذا صارت مشكله على طول يهديها مايكبرها وينساها مو مثل البعض يكبر المشاكل وهى صغيرة مغرقني بكلام الحب والعشق والقبل وكل شي تتمناة البنت مع زوجها ولكن لاتنسون انها فتره ملكه وتعتبر ديكور وممكن كل شي يتغير بعد الملكه 180 درجه عيوبه كثيرة منها عدم الاهتمام بالمظهر وهذا الشي قلت ممكن اغيرة وبديت اغيرة قبل الملكه شوي شوي 2- كلامه بعض الاحيان دفش وجارح مايثمن كلامه بالمره واذا زعلتى يرجع يتاسف يعنى مثل مانقول مزحه ثقيل 3- عدم الصدق في بعض كلامه واحيانا احس انه من النوع الى يبالغ 4- البخل لان اغلب اغلب ااغلب لبسة كا الساعه والاب توب و و و كلها هدايا من الغير والعيوب الى قلتها سابقا |
اقتباس:
مرحبا اخوي احترم رايك واتمنى يكون تفكيرة نفس طريقه تفكير بعض الشباب ولكن المصيبه العظمى اذا كان استغلالي وغدار هلى ترضاة انت لاختك بالطبع لا |
السلام عليكم ..
جيت متاخرة وما كنت برد لأن الأخوة زالأخوات يكفون ما قصروا ...بس انقهرت عليك وحبيت اقولك كم نقطة ... 1- الله يجزى أخوك خير اللي لما شاف ان فيه رجال يبي يعف نفسه قاله تعال هذي اختي ....قليل اخوان يسوونها ... لكن اللي حصل ان فراسة اخوك في الرجال خابت والكل معرض للخطأ والحمدلله انكم لسه على البر.. لأن اللي هذا أوله ينعاف تاليه .. 2- مو كل رجال يستاهل من يقال له تعال هذي اختي .. ولا كل رجال يبين فيه هالمعروف ... فيه رجال والله تصير لهم ويقدرونها لأبو أو أخو البنت ويحطون البنت في عينهم .. وفيه رجال لا والله ... يسترخصها ويقول هذي جتني باردة مبردة ..واهلها ما صدقوا يفتكون ....يصير يبيع فيها ويشتري .. 3- انتي تقولين انه يقول انا اسايس اخوك وبعدين اسوي اللي ابي .. اختي .. هذه علامة خطيرة .. والحمدلله ان الله انطقه بها امامك قبل ما تتوهقين ... يعني حتى ما استحى يقولها لك ... يظن انك ميتة عليه وانقطعت الدنيا من الرجال الا هو .. وشكله مكبر راسه لأنه مطلوب مو طالب ... غير انه قلل من قدر اخوك قدامك وانتم على البر ... بكرة بعد الزواج وش يبي يسوي .. ما ابي اؤكد لك لأني ما اعرف الغيب .. ولكن وكاني بي اراه يقولك بعد الزواج في اسخفها مشكلة بينكم .. ( اصلا انتم اللي طلبتوني انا ما طلبتكم ) ( اصلا اخوك كان يبي يفتك منك ) وخذي من هالكلام اللي يرخصك ويرخص اهلك ..ولا له من يحوشه لأنك ما اتخذتي موقف من شكل هالكلام قبل الزواج .. واحتمال كبير يدخل ابليس بينك وبين اخوك لأنك بتلومينه بعدين .. طبيعي بعد ما تطيح الفاس في الراس بتدورين احد تلومينه .. والمتسبب الطبيعي في الموضوع راح يكون اخوك ... مع ان واضح ان نيته الخوف عليك من باب اخطب لبنتك ولا تخطب لابنك .... بس زي ما قلت من قبل ... مهوب اي واحد يستاهل ويقدر هالحركة .. بعدين انتي تقولين تركتي خطاب علشانه .... معليش اختي ... بس وش تعرفين عنه علشان تتركين خطاب علشانه ... استخيري .. استخيري ... استخيري ... ربك أدرى بخيرتك من نفسك .. وعلشان لما تاخذين قرار تكونين مرتاحة ان ربك معك ينصرك ويدلك على الطريق الصح .. وعلى فكرة اذا كان من الآن يحطك قدام الأمر الواقع ويتعلق بحجج واهية ...فانتي ما شفتي شي ... استني لبعد الزواج ... وشوفي وش بيسوي ... لأن عينه بتكون اقوى .. واذا على كان على كلام الحب .. سهلة .. مافيه رجال مهما كان سيء ما يقولها لخطيبته ايام الملكة ... ليس دليلا على الحب .. الأفعال ابلغ من الأقوال يا عزيزتي .. والكلام ببلاش ....والأفعال واضح انها مكلفة بالنسبة له .. الله يوفقك ويقدم لك اللي فيه الخير والصالح دمتي في حفظ الرحمن ,, |
اقتباس:
غاليتي إياك ثم إياك ان تعتمدي على كلام الأهل فيه انا اتكلم عن تجربة ..... يعني من سابع المستحيلات تجي الام ولا الاخت واتقول والله انه فيه كذا ولا كذا ماهوب زين لا تعتمدين على كلام الاهل فيه....في ازواج تعاملهم مع الاهل غير ومع الزوجة غير.... اختبريه تحمله للمسؤولية يعني اطلعي معاه عشان تشترين حاجات حق الشقة مثلا شوفي تصرفاته معاكي كيف برا البيت مو داخل البيت... وفي الاخير مثل ما قتلج لا تهتمين بالعمر على انك 28 سنة والفرص راح تقل ألزم مافي الانسان راحته شرط الزواج القبول والرضا من الطرفين... والزوج ما يجيبه العمر رب العالمين اللي يجيبه لا تشوفين الناس شوفي نفسج اولى منه شوفتهم كل الناس ما راح ينفعونج بكره ولا كلمه متزوجة راح تنفعج اذا انتي مو مرتاحة في حياتج..... هل انتي متقبلة انسان مثله تعيشين معاه طول العمر بكره فيه أولاد وبيت ومسؤولية في النفقة وفي التربية ايضا....يعني كلام اهله فيه ما راح ينفعج اذا انتي ما عرفتيه الحين ماراح تعرفينه بكره راح تظلين في ضالتك ..... استشيري اخوانج والرياييل أدرى في بعض اخذي برايهم مع الاستخارة وان شاء الله ربي يوفقج ويهديك وتلقين ضالتك... |
مني عارفه ايش اقولك
بصراحه زوجك هذا محتاج تفكير عميق جدا وبدون اي تأثير من أحد ولازم تجيبي ورقة وقلم وتكتبي عيوبه وحسناته وشوفي أيش الاغلب وحددي على أساسها بس أنصحك لاتستعجلو ولاتحطي عائق العمر في بالك الحياه لسى قدامك ومنتي كبيره مرررررررره الله يكتبلك اللي فيه الخير لكِ يارب |
يالله من جد انة قرار مصيري وماعندي غير استخير استخير استخير والله ثم والله انه هم كبير وياشماته الاعداء فيني اذا تطلقت لو كانت خطوبه اهون فكيف بطلاق ادعولي من كل قلبكم وربي انا خلقه اعانى من القلق النفسي والتوتر وحالتى النفسيه زفت الوحده ماتصدق تزوج وتستقر من المعاناه تجى تتورط بشخص مثل هذا يالله استرها على يارب دنيا واخرى
|
السلام عليكم ...
حبيبتي .. قبل الزواج والدخول اسمه مو طلاق ... اسمه فسخ عقد ... يعني اسمك مو مطلقة ... اسمك فاسخة عقدك .. فلا تخلين هالشي يأثر على قرارك ... لن تكوني مطلقة لو اخترتي الانفصال .. |
اقتباس:
|
حبيبتي واختي الغاليه علمتني الحياه ان الله سبحانه وتعالى يعطي كل انسان على قدر نيته وان الله كريم جدا جدا لقد كنت في هموم كثيره ولكن الله تعالى وحده جعلني بقدرته اسعد انسانه وصدقيني كل هذا لانني مهما حصل لدي ثقه في الله العظيم العلي الكبير ليس المهم ان تصلي استخاره ولكن المهم ان تصليها وانت قلبك مليئ بالثقه في الله وانت فتاه لا حول لك ولا قوه والله أحن على عباده منهم الى أنفسهم.
حبيبتي لا تخافي ليه الخوف اولا واضح ان في مشكله في هذا الانسان انا لا اوافق في المغالاة في المهور ولكن انت غاليه لا ترخصي نفسك هذا الرجل ليس فقط لا يهتم بطلباتك ولكنه حتى لا يريد ان يهتم بنفسه من اجلك ولا حتى من اجل نفسه فكيف سيهتم بك؟؟؟؟؟ ثانيا اول البدايه ان يكون لديه شقه بها فرش جديد وعلى ذوقك وذوقه اذا لم يتعب ويحاول ان يفعل شيئا من اجلك فلن يعرف قيمتك لا تقبلي وخلي اهلك هم اللي يتفقوا معاه او مع اهله وخليكي انتي بعيده خليكي عروسه غاليه وعزيزه وخلي اهلك هم اللي يتكلموا لكن خليهم لا يتغالون في طلباتهم ولا يتساهلون خير الامور الوسط ولو كلمك في هذه المواضيع قوليله كما يقول اهلي هم ادرى بمصلحتي. اما بالنسبه للاهتمام بنفسه فهميه بطريقه لطيفه انك نفسك يحط عطر كذا او يلبس كذا وقوليله انك بتحبي تشوفيه بطريقه كذا وكوني دايما هاديه جدا معاه. اما بالنسبه لكذبه عليكي فهذه صفه بشعه ولكنه لم يكذب بل خدع اخوك واهلك وخدعك لما قال انه هيجيب كل شيئ تتمنوه ولا تتساهلي في هذه الامور واجهيه وقوليله انك لو اكتشفتي انه كذب عليكي مره تانيه فلن تستمري معاه وخليكي جاده معاه في كلامك واختبريه في موضوع الشقه اذا وجدتي انه بينفذ اللي بتطلبوه وبدأ يهتم بنفسه اكثر ويتغير ولا يكذب عليكي اعطيله فرصه اخرى ولكن خليكي حريصه جدا واتأكدي انه فعلا اتغير وقتها عيشي حياتك عادي وتممي الزواج على خير باذن الله ولكن وقتها سامحيه ولا تعايريه او تذكريه بخطؤه مرة اخرى وابدئي معاه صفحه جديده . اما لو اتلاعب ولم ينفذ هذا الكلام وحسيتي انه بيماطل وبيطول في الكلام وبيكذب تاني اتركيه فورا وشوفي والدك ووالدتك الاحسن انك تتركيه الان ولا يوجد اطفال ام ومعك اطفال لاذنب لهم ولا تخافي وخليكي قويه وثقي ان الله يخبئ لك رزقك واياك ان تهتمي بالسن ما تهتمي به هو الانسان الذي سيكون زوجك اما لو تركتيه فاعلمي ان الله تعالى قد وضع لك الخير في انسان غيره ولا تتسرعي ولا تندمي طالما لم تفعلي ما تخجلين منه لا تندمي على اي شيئ والله يوفقك والله من قلبي اقولها لك لانني اشعر بك لاني كنت مكانك ورزقني الله الان بزوج احبه جدا ويحبني والحمد لله . ملاحظه طبعا لازم تصلي استخاره وسمعت في التلفاز ان لو الانسان دعا للرسول عليه الصلاة والسلام ثم دعا لنفسه اي دعاء او لغيره فان الله تعالى يجيب هذا الدعاء. الله معك |
| الساعة الآن 03:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©