|
إن شاء الله مافيك عيوب ولا شي كم من فتاة جميلة تأخر زواجها أو لم تتزوج
وكم من فتاة عادية الجمال وتزوجت مبكر هذه أرزاق مقسمة والواحد في بطن أمه توكلي على الله ورزقك راح يجي لكن أتمنى منك حفظ مواضيعك وإن شاء الله إذا تزوجتي إقرائيها وراح تضحكي أشد الضحك |
ضاقت فلما استحكمت حلقاتها ## فرجت وكنت أظنها لاتفرج
|
الحمد لله رب العالمين
الله يرزقك ويوفقك ويوفقنااااااااا اجمعين فرج الله همك حبيبتتتي,,,,,,,,,,,,,,,, |
الله يفرج همك يا نايت ... ويعيينك ان شاء الله .. مصيرها تفرج صدقيني مافي شي يدوم على حاله .. شوفي يا الغاليه ... هاي الحريم اللي يخافون على ازواجهم مافيهم ثقه لا في انفسهم ولا في ازواجهم .. والله في ناس وااايد تفكيرها جي .. تعرفين انا اول ما عرست كنت ساكته في عماره ماعرف فيها احد كلش .. وعقب تعرفت على بنات طيوبات واايد ... وقلت حق زوجي خل ننقل عندهم ... انا وزوجي كلش ماكان عندنا مانع وتحمسنا لانه فعلا البنات وايد طيبات ..
لكن يوم عرفوا صديقاتي "" المتزوجات "" قامت عندهم القيامه ... مب صاحيه انتي تروحين حق هالناس برجليج هاي الحين يسوون نفسهم طيبين عشان بس يتلصقون في ريلج ... والله يا نايت هالناس مريضه يعني الحين البنت ما عندها شي في الدنيا الا ريلي ... اكيد في بنات تفكيرهم جي بس مب كل البنات ... شتسوين في هالناس عاد انتي مرضى من قلب والله الواحد يشفق عليهم ويقول الله يعين ازواجهم عليهم ويعينهم ع نفسهم ... شوفي يا نيوته يا حبيبتي .. دام انج تقولين انه بيئتج جي ... الله عليج انج تسوينه الحين انج تدعين رب العباد بتضرع ويقييين ... اهم شي يكون عندج يقييين كبير برب العباد ومتأكده وواثقه .. والحين عندج رمضان شاء الله كلها شهرين ويايين ان شاء الله .. اخبر مره سمعت في برنامج الاستاذ عمرو خالد يقول انه الصحابه كانوا يخصصون دعوات محدده حق رمضان يعني 3 مثلا بس و يدعووه فيها الله في كل وقت قيام قعود ع السحور ع الفطور ف صلاتهم في سجودهم يعني مافي الا هال3 دعوات يقولوون والله ماكان يجي رمضان اللي بعده الا الله حقق لنا اللي نبيه ... تعالي نتعاهد مع بعض .. اذا عندك وعرفتي في حياتك صديقات مافيهم خير لا تخافين ترى الخير موجود وعمره ماينتهي .. تعالي نتعاهد ع رمضان الياي تكون وحده من الدعواتت اللي ان شاء الله مابيجي رمضان الياي الا وربي الكريم الحنون الودود حققها ندعي من كل قلبنا انا انت وحتى لو انا في مكان واتتي في مكان ربي يسمع من كل مكان .. تعالي ندعي من الحين وطول رمضان في كل صلاة وفي كل سجود انه ربي يفرح قلبج ويرزقج بزوج صالح يعيينج على طاعته وتعيشون مع بعض في حب وهناء .... اشرايك ؟؟ واسمحي لي ع الاطاله .. اختك في الله .. أم فطومه :) |
شغموم الشغاميم لا ادري ان كنتي بنت اولد اسمحي لي
لكن الله يجزيك على الكلام الجميل جلعتيني ابتسم وانا لااستطيع جزاكي جزاك الله الخير الأخ عازف الأوتار جزاك الله خير والله يسر امرك الأخت الحبيبه عاشقه الرياض ربي يرزقك عاجل غير آجل الاخت الحبيبه حاملة الهم الله يحفظك انتي و زوجك من الشر كلمة شكرا جد جد قليله في حقك اللي مصبرني انتم فقط وامثالك بارك الله فيكي ويجعلني اشعر هناك من يريد الخير لي ويفهمني اختي نعم انا مررت كثيرا من هذه التوعيات اعوذ بالله منهم الله لا يراويك اذا الله كتب لي سافعل ما اقترحتيه ونصيحه من اخت محبه لك تعاملي مع الغير متزوجات لكن ليس الىدرجه الثقه ادخالهن في غرف النوم او التحدث بالتفاصيل ، الحذر واجب يعني خير الأمور الوسط ودائما حصني نفسك الله يبعد الشر عنك وعن زوجك ويرزقك كل خير وسعاده يارب في الدارين |
اختي انا اعتقد انه حلك عند خطابه الخطابات متعاونات ويساعدون وكثير قصص نسمعها زواج عن طريق خطابه شورايك تبحثين عن خطابه جاده وممتازه لانه المشكله الشباب يدورون بنات والبنات يدورون الستر
لكن مافي نقطه وصل بينهم الخطابه تقوم بهذا الدور والمشكله بعد البنات وايد يرفضون بسبب وبدون سبب اسباب تافهه عسب جي الشباب يملون ومايبحثون عن الزواج بس ابحثي عن خطابه بتساعدك كثير بالتوفيق ان شاءلله |
اخي الكريم ، بحثت عن خطابه لقيت مكتب تزويج ومره اتصلت فيهم لم اشعر براحه والأغلب يبغون الارتباط ليس من اجل الأستقرار عندهم لا ادري ان وصلت لك الفكره
انا لو زين اعرف خطابه ثقه ، سالت كثير ما حد فادني ولا حتى الأقارب |
الله يسعدك غاليتي..و يرزقك الزوج الصالح و كوني دائما متفائلة كما عهدناك دائما..و بارك الله فيك بما كتبت..
|
هوني عليك غلاتي نايت وصدقيني لاالمتزوجه مرتاحه ولا الآنسه مرتاحه كل منهم عنده من الهموم اللي يادوب يلحق يتجاوزها عشان تمشي الحياه ولو دققنا وانا أختك على كل صغيره وكبيره وتحسسنا ماراح نجني غير زياده في الهم وقله في الصحه وخساره راحه البال وهدوء النفس..لساتك صغيره والعمر قدامك والله يختار لك الصالح واسأل الله لك الزوج الصالح الذي يستحقك بجداره عاجلا غير اجل..أتمنى لك دوما كل ماهو أجمل بالوجود...دمتي في رعايه الله وحفظه
|
أسأل الله العلي العظيم أن يرزقك بالزوج الصالح ويقر عينك به
ويرزق جميع بنات المسلمين اسال الله ان يفرج همك وينفس كربك و يرزقني و اياك من حيث لا نحتسب غاليتي أكثري من الاستغفار في كل الاوقات و ثقي بالله فهو وحده الرزاق ذو القوة المتين شعور من لا يتقدم احد لخطبتها ليس اقل خطورة من تلك التي يتقدم لها الخطاب و ينسحبون دون سابق انذار و ذون اي عيب يذكر ففي الحالة الثانية يمكن لو كنتي مكانها تشكي حتى في نفسك و تشكي فيمن حولك يمكن سامعين عنك شي مو مليح ..او يمكن ما عجبتيهم ...او شكلك غير مقبول (اصعب شي على البنت انها تحس انها غير مرغوبةاو غير جميلة ) .......او يمكن ما كنتي بنفس مستواهم لان الدنيا مستويات ما شاء الله ما رايك فيمن تتم فيها الرؤية الشرعية و ينسحب الخاطب دون اي اعتبار ما رايك فيمن تتم فيها الكلمة وتوافق على الخاطب ...ومن ثم ينتهي الامر فجأة ودون اي مقدمات ما رايك فيمن ملت فكرة الزواج لانها اصبحت فرجة للي بيسوى واللي ما يسوى ليس لاي ذنب ارتكبته ..فقط لانها ارادت الستر و العفاف كلا الحالتين هي المر و العلقم الا ان حالتك اخف بكثير اسال الله ان يفرج همك عاجلا غير عاجل و يرزقك ويرضيك والله يحققلك مرادك يارب ويرزق جميع بنات المسلمين بالستر و العفاف و الزوج الصالح |
| الساعة الآن 10:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©