|
السلام عليكم ورحمه الله وبركاته
مساء الخيرات والمسرات للجميع بالنسبه لي شخصيا فانا خاطب من طالبة طب في السنه الاخيره من دراستها وزواجي ان شاء الله راح يكون بالعيد يعني باقي عليه بحول الله شهرين بالبدايه البنت كانت متخوفه من انها تدرس الطب واني راح ارفض هالمجال لكني مصر عليها انها تكمل دراستها وتاخذ اكبر واعلى الشهادات الحمد لله لامشكله لدي بالدوام فانا دوامي من الساعه 8 وينتهي في ال 4 مساءا وهي كذلك لاينقصنا المال لكي تعمل وتساعدني اريدها ان تحقق اكبر واعلى الشهادات التي لم استطع انا تحقيقها بسبب ظروف عملي وبحكم اني مسئول عن شئون البيت ومستلزماته ومصاريفه - لا اري اي مانع من الزواج بطبيبه والبنت باخلاقها وبتربية اهلها ومحافظتها عليها اذكر اول ماكان فيه اتصالات بيننا على الهاتف سئلتني هالسؤال انت راضي اني اشتغل طبيبه وفي مستشفى ؟ جاوبتها بالتالي - انتي تقدرين تحافظين على نفسك وعلى اخلاقك وعاداتك الي ربوك عليها اهلك قالت ايه قلت اجل انا ماعندي مشكله نهائياً واتمنى اني اشوف كل المستشفيات في بلادي الحبيبه السعوديه مليئة بطبيبات سعوديات - على اقل تقدير ترتاح عندما تذهب باهلك للمستشفى - بدل مايكشف عليها الرجال الأجانب عنها احترامي للجميع الإشراف / نظام المنتدى لا يجيز التعدي على الجنسيات أو البلدان . لذا نرجو الالتزام بذلك .. وشكراً |
اقتباس:
مبروك مقدما والله يتمم لك على خير الآن أستطيع أن أقول وراء كل زوجه ناجحه زوج ناجح يدفعها للنجاح... بوركت وكثر الله من أمثالك..أتمنى لك ولزوجتك دائما وأبدا كل ماهو أجمل بالوجود..في رعايه الله |
المعيار الشرعي ( فاظفر بذات الدين ) وما عداه فلا
لكن من يتزوج طبيبه يعرف انها قد تغيب عن البيت ساعات طويله للمناوبه في المستشفى فإن كان لا يحتمل ذلك ......... فعليه بزوجة متفرغه للبيت |
بالنسبة لي منعت اختي من دخول اي تخصص بالجامعة له علاقة بالطب .. ودخلت تخصص آخر ....
تحيتي ومودتي . |
تحفظي على العمل في التخصصات الطبية ليس له علاقة في الاخلاق البتة ..’..
فالصالحة صالحة حتى لو كان الشيطان زميلها في العمل ... والفاسدة فاسدة ولو كانت جالسه في بيتها لا تعمل ... ولكني انسان اغار فلا اتخيل زوجتي او اختي زميلها رجل وغيرتي ليس لها علاقة بالشك بتاتا ً ولكنها الغيرة المحمودة على المحارم .... تحيتي ومودتي البدوي . |
اقتباس:
|
طالبة الطب والعاملات بالمجال الصحي ما يحبوا يرتبطوا بأي احد .. خصوصا اصحاب التفكير الرجعي ..
فالافضل تتركوهن للي يستاهلهن :) بعدين مين قال الطلب عليهم محدود ؟ الحمدلله انا متزوجه وانخطبت كثير قبل زواجي :) وزميلاتي كلهم متزوجات او مخطوبات ... واللي رفضوا بعض العرسان من قبل بسبب انهم كلهم دون المستوى بالعكس كثير تمنوا وحاولوا يرتبطوا بطبيبات واخصائيات بس ما قدروا بس خلينا نكون صريحين اذا دوامها ما يناسبك وبتجلس تنق وتنكد عليها فالافضل تخليها تاخذ اللي دوامه يناسبها .. يعني طبيب او عامل بالمجال الصحي كمان وبرضو للي يكون شكاك كثير وتفكيره مريض ..واللي مبتلى بالغيرة من نجاحها وعنده عقدة مين الافضل .... الافضل تبتعدوا وتكفوا البنات شركم :) بس حابة اقول ترااا ما وقفت عليكم الحمدلله انو الرزق بيد ربي مو بيد الناس :) الله يرزق كل بنوته باللي تتمناه :) |
بدوي ولد بدوي
حياك الله اخوي انا بعد بدوي ولد بدوي ولد بدوي - ويمكن ماتصدقني اذا قلت لك ان بعض ربعي للحين باقين بالبر وعايشين في خيام لحبهم للبداوه كلمة زميل في العمل ماهو كل التخصصات الطبيه راح يكون فيها اختلاط - فيه تخصصات كثيرررررررر حكر على الطبيبات والاطباء مالهم دور فيها - او بمعني اصح الطبيبات انجح فيها من الاطباء بحكم انهم نساء واقرب للمريضات بنت اختي حاربت معاها كنا ضد ابوها واخوانها - كان حلمها تصير طبيبه لكن رفضهم وعقليتهم المحدوده رفضوا هالكلام والى يومك هذا وانا ماقول لها الا يادكتوره وهي تقول خالي تكفى لاتذكرني - الحين مخلصه جامعه وتشتغل مدرسه بس راح اقول لها دكتوره الى اخر لحظه في عمري - تدري ليه 0000 لانه كان حلم بالنسبه لها - والحلم صعب صعب او بالاحرى مستحيل الواحد ينساه او يتنازل عنه مهما طالت المده او قصرت الطبيبات السعوديات قمة في الادب والاخلاق والاحتشام الا من رحم ربي - ماقولك مافيه الا فيه لكن وحده محتشمه تنسيك كل الي شفته وبيني وبينك الي مو محتشمه الناس راح تستحقرها وتنظر لها نظرة حقاره - واكيد بتلقى من هو حقير مثلها ويتبعها احس اني طولت بالكلام وقلت الي ماله داعي - لكن اعذرونا احترامي للجميع |
السلام عليكم و رحمة الله و بركاته
الرفض للاختلاط و ليس للمهنة فليمنع الاختلاط سواء بمهنة الطب او غيرها وبعدها ابحث عن نظرة الناس وداعة الله |
والله اتمنى لو كنت طبيبة.. بس ربي ما كتب لي,..
بالنسبة لي لو بقيسها على اخوي.. لو نبي نخطب له.. اذا طبيبة.. يكون دوامها جزئ.. لانه الدوام الطويل معتب له ولها.. والنهاية على شغل ا خوي... لو اخوي دوامين خل زوجته دوامين ما مشكلة.. لانه احنا نساء ونحتاج لنساء.. شبعنا من الجرائم اللي نسمعها من الدكاترة خصوصا الاطباء تبع النساء والولادة. في اطباء نعم متحرمين.. لكن في الاطباء بالمقابل يتعرضون لمريضاتهم بالتحرش.. وتخاف الواحدة تتكلم تخاف من ابوها واخوها.. وكثير قصص بنات مرت علي.. وتعقيب على كلام اختنا الدكتورة السعودية.. اول شئ اقولها الله يرفع راسك وقدرك دنيا واخره.. وانتي فتاة مشرفة للاسلام ولبلد الاسلام.. وفعلا كثير سمعت خصوصا بالمسشفيات الحكومية عن دكتورات سعوديات قمة بالحجاب والنقاب.. وفيه منهم من كانت ترعى اهلها.. وشاهادت بنفسي دكتورات سعودية.. من مناطق مافيها نقاب.. لكن بكامل الستر.. وبكامل ادبها واخلاقها.. والله يوفقك اختي ونفرح فيك قريب.. |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©