|
لولو الهادي
أشكرك أختي على اقتراحك الرائع miraj2005 الله يعطيك العافية أختي وكلامك فيه أفكار حلوة أستفيد منها إن شاء الله الفهدي25 يا هلا بك أخوي مرة ثانية يخوك ما في شي صعب إن شاء الله الصعوبة تكمن في إن احنا تعودنا على الخدامة وما نقدر نستغني عنها أو إن احنا مو متعودين ننظم أنفسنا ونخطط لأعمالنا أو من الآخر إن بعضنا الرجال ما يحب شغل البيت ولو تقرأ كلام الأخت (لمني بشوق) وهي موظفة لقلت إن الاستغناء عن الخدامة ممكن بس لازم يكون في تعاون بين الزوجين هذا كلامها (اخوي ما في شيء صعب خاصة اذا كانوا الزوج والزوجة متعاونين انا اقولك عن تجربة....انا متزوجة من 9 سنوات تقريبا من غير خدامة وعندي ولدين توأم يسيرون الروضة...وموظفة وزوجي بعد موظف بنظام الورديات...والحمد لله من تزوجت وانا رافضة دخول الخادمة في بيتي...والحمد لله نتعاون انا وزوجي غي شغل البيت والتنظيف والطبخ والبيت اصلا ما يحتاج شغل وايد ...وبتوفيق من الله والتنظيم كل الشغل يكون على اكمل وجه.... فلازم اخوي تتعاون مع زوجتك وتتفق معاها وتنظمون وتقسمونه الشغل والمسئوليات بينكم...وعن تجربتي المشاركة بين الزوجين والتعاون يزيدون المحبة والمودة وبتقضون اوقات ولحظااات واااااااايد حلوه الله يوفقك ويسعدك اختك --- لمني بشوق) يا رب يا كريم أغننا عن الخادمات وألّف بيننا يا أرحم الراحمين |
اذا ماعندك اولاد مو مشكله بالعكس مافضل ان الوحده تجيبها عندها وهي توها متزوجه ...تروح متعة الحريه بين الزوجين
|
نقل إلى مكانه المناسب
|
اذا كان البيت كبير والاطفال اكثر من 3 لاااااااااااازم شغاله اذا كان الزوج مقتدرطبعا
|
التنظيم يغني عن الخادمه والتعاون ايضا
|
الله يهديك يارجل طيب ناوي تخرب على الرجال وهو لسى ماتزوج
اذا تبي تعيش بدون شغاله عش انت وزوجتك عيشة الغرب بدون زيارات او عزايم او مجاملات للاهل والاقارب وتعاون انت وياهاعلى التنظيف والطبخ والغسيل وغيره من متطلبات المنزل وكل واحد منكم يغسل صحنه ويكوي ملابسه ويتكفل بجميع احتياجاته وذا رزقكم الله بأولاد غيرو نظام دوامككم بحيث واحد يداوم الصباح والاخر بعد الظهر عشان يرعى الطفل وبكذا صدقني ماراح تحتاجون شغاله <عرفت ليش الشغاله مهمه في البيت الخليجي والسعودي> |
| الساعة الآن 12:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©