|
كان الله بعونك اختي . . انسان مايصلي!!! يعني وش تعدلي فيه وش تخلي!!! واضح انه انسان مغرور بنفسه كثير . . ولا يرضى يعترف بأخطائه . . هذا ان كان يشوفها انتي ان شاءالله انسانه تخافي من ربك . . فكري قبل كل شي تأثري فيه من ناحية الصلاة وربي بيسهلها عليك في باقي الأمور . . اذا هو مايصلي ليش عايشه معاه؟ حتى لو كانت احلى عيشة ومايصلي ماينفع . . كيف لاصلاة ولا اخلاق!!! غير كذا اللي صار بينكم شي بسيط ومايحتاج السالفة تكبر واللي فهمته ان اهله بيزوجوه بسبب عدم استقبالك لهم . . معقولة هذا السبب بس . . النية مبيته اكيد بس مجرد انتظار الوقت المناسب . . زوجك الله يهديه . . انسان عديم الإحساس . . وكل ماحاولتي تتقربي منه يبتعد اكثر ويشوف نفسه اكثر . . نصيحه خليه في حاله . . وتحملي . . اصبري . . اذا هو يحبك بيرجع لك اكيد . . الله يسهل امورك . . نصيحة اخيرة . . مهما كان ومهما حصل الوظيفة لاتتركيها . . لاتتركيها . . والإيام بتبين لك ليش قلت لك |
اخواني واخواتي انا لم احلم ولم اتوقع اني ساتزوج انسان لا يصلي وبهذه الصفات ولقد سالنا عنه وقالوا صلاة وسمعه انا متاكدة انها وصلت عندكم سبحان الله ابوة يسموه حمامه المسجد ترى هو خارج البيت الانسان المثالي الي يحل مشاكل الناس وياخسارة مشاكله تاركها حتى ربه اليوم جمعه ماصلى صار شعوري عاجي كنت اتاثر واطلب منه الذهاب للصلاة هل تصدقون انه يخرج قدامي ويسوي انه رايح المسجد وانا اتابعه من الشباك لان المسجد قدامنا باضبط اشوفه يركب السيارة ويكلم بالجوال ؟؟؟؟؟تعبت والله دايم ادعيله انا عندي عيال منه مع العلم ابوي انسان تعبان وظروفه على قدة مايقدر يتحمل عيال الناس
ياناس كنت اسمع هذه القصص ماتوقعت انها عندي الشي الجديد اليوم تكلمت مع ابوة عشان اتسامح معاه وقلت له داخله على الله ثم عليك انك تسامحني ماخلاني حتى اكمل وقال حتى لو تكلمتي ماايغير في الوضع شيء وخرج ولا حتى التفت لي ماخلوا فرج بسيط عشان التسامح ..هذه طريقتهم يخلوكي تحسين انك الغلطانه في الاخير واللخ قال كلام حسيت اني انسانه مااسوى وصدقت اني الغلطانه ....انا اعيش مع ناس لازم يكون معاهم الواحد قوي يفرض نفسة ولا يعتمد عليهم بس وين الحيله اسال كل من يقرا قصتي ان يدعيلي عسى دعوة في الغيب تصيب وعسى ربي ينظر الي بعيني رحمته بدا الياس يتغلل وحلقات الهم تقتلني الذي يذيب قلبي اولادي واذا رضيت ان اذهب الى اين وابي رافضهم واذا بقيت عاشو في جو منفصل ومتوتر ؟؟ادفع حياتي ومالي لولدي ولا ارى فيه انكسارة او الم |
الله يهديه
انسان ما يحب اهله هل تتوقعي انو يحب حد ؟ زوجك امسان مريض نفسي الله يعينك عليه ما في طريقة غير انك تسايريه لانو التفاهم شكلو مستحيل بس ممكن تعرفي شو نقطة الضعف اللي عندو وتستغليها عشان تقدري تغيري للاحسن شجعيه على الصلاة والعبادات يمكن ربنا يهديه واصبري هادا كلو في ميزان حسناتك وحاولي اتفهمي اهل زوجك الموضوع |
بصراحه اختي
اسلوبك غلط ليش تتسامحين منهم وانتي ماغلطتي عزي نفسك تعزك الناس انا حاسه بيك صعب على الحرمه ان شريكها يهجرها بالكلام يعني ممكن تتحمل هجره بالفراش بس بالكلام صعبه وخصوصا انك حاسه انه يخونك انا من رائي انك تكتبين له رساله توضحين له كل اللي سواه وغلط في حقك وانك صابره ولاتجيبين مجال للاولاد ابدا علشان مايصير يضغط عليك بهم وانه طفح الكيل وانك انتي اشجع منه وتبين تضعين النقاط فوق الحروف ، واكتبي اني حسيت انك ماتبيني بس ماعندك الشجاعه تقول لي ذلك انا بريحك مني واطلب منك نفترق والله يستر عليك وشوفي رده لك واذا تقدرين تلمين اغراضك وتحطينها بشنط قدامه قبل ماتعطينه الرساله علشان يعرف انك جاده والله يوفقك ويشرح صدرك وعليكي اختي بالدعاء اما اهله اتركيك منهم لو هم عادلين كان ماحملوك اخطاء ولدهم هم اعرف به منك ولاتكررين اعتذارك اذا انتي عارفه انك ماسويتي غلط واستشيري احد من اهلك اللي تلاقينه حكيم ومتفهم |
المشكله انه عادي اذا رحت عند اهلي ماهمه المهم الاولاد عندي بس مين يتحملهم ؟؟؟مافي احد يتحمل اولاد غيرة
ابغى اعرف طريقه اخليه يتناقش معاي نصل الى نقطه مهما كانت احس اني ماشيه على بر اليوم قايل انه مسافر ومالي حق اني اساله وين ؟؟؟ولازم اتجهز عشان اروح لاهلي خوفي اني يخليني عندهم ولا يسال رمى المشاكل الي نحنا فيها وراح يتمشى مدري مع مين ؟؟؟طيب واذا رحت وتركني ترى هم ناس مايناخذمنهم حق ولا باطل حتى لو وصلت لمحاكم ؟؟؟ اليوم جمعة لا تنسوني بدعوة صادقه |
اسأل الله العظيم رب العرش العظيم ان يفرج همك
اقتباس:
ونصيحتي لك ايها الغالية أنك تصلحي مابين زوجك ومابين الله عزوجل وبعدين بتصلح الأمور معك قال عزوجل (من عمل صالحا من ذكر أوأنثى وهو مؤمن فلنحيينه حياة طيبة ) في محاضرة بعنوان دموع امأذن للشيخ محمد العريفي يتكلم بأسلوب راقي ورائع عن الصلاة حاولي حفظك الله أن يسمعها بأيي طريقة بدون مايشعر انك وضعتيها من أجله أو شوفي الشيخ الذي يحبه زوجك متل محمد حسان او غيره من المشايخ وابحثي عن محضرة له عن الصلاة او مقطع عن الصلاة لأحد المشايح تضعيه في جواله واذا بتكتبي لي اسم الشيخ يليي بيحبه انا مستعد ارسل لك مقطع عن الصلاة له ولاتنسي الأن اهم شيئ الصلاة قبل كل شيء وبعدين شوفي كيف الله عزوجل يفتح على قلبه وبيصير يحبك ويخاف الله فيك |
اذا احيد يعرف مستشار اسري او شيخ ارجعله في مشكلتي اتمنى انه يوصلي هو الله العالم كم كبر المشكله الي انا فيها
ترى ماهي اول مرة هذا المشاكل قبلها طلاق وقد تدخلوا ناس يعني وضعي اتوقع ايستمر مدري لمتى ؟؟؟؟؟؟؟ افكر استنى اولد واخلي الاولاد عنده واروح لاهلي يمكن يحس في ذاك الوقت او يخلق الله مالا تعلمون |
الله يتوب عليه
الله يفرج همك ويشرح صدرك |
الله يفرجه لك من عنده وينزل السكينه على قلبك ليش الاعتذار من ابوه وانتي ما سويتي شي كل البلاء بولدهم انا انصحك تروحين لم اهله وتفهمينهم موقفك زين خاصه انهم عارفين حقيقت ولدهم ولا تنسين ان كل هالقسوه جايبها من قلبه اسمحي لي الاسود من قلت الدين والصلاه وماسمعتي المثل الي يقول الي ما يخاف من الله خف منه
|
| الساعة الآن 07:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©