|
قصة شيقة اوى يامصرية
يلالالالالالالالالالالالالالا انا مستنية الباقى عوزة اعرف بقيت التفاصيل |
حبيبتي مصرية
كل سنة وانت طيبة و1000 مبروك والله يتمملك على خير صراحة قصتك لفتت نظري الى انك ما شاء الله تبارك الله عندك قوة ذاكرة حديدية ثانيا كيف انك تضيعي رقم اغلى صديقة عندك ثالثا بعد هذا الحب والبكاء تاجلي معادك معاها!!! يلا حبيبت اضحك معاكي |
اه زكرتيني انا كمان ضيعت رقم صحبيتي من تاني ابتدائي الين التوجيهي(الثانويه العامه)واحنا مع بعض يالله دايمااتذكرها طبعا انا مكان مدرستي بعيد عن منزلي الحالي لكن امر عليه لمااروح الاسواق او المستشفى تقريبا كل مشاويريواحب دايما وانا وبالسياره اطلع على المدرسه واتذكر اه كانت ايام حلوه ماعنا مسؤليه ولاهموم ولا شي الحمد لله
|
أخواتى أعتذر للجميع كنت أعتقد أن الموضوع أغلق لأنى لم أجده فى عالم المفتوح أعذرونى عن تأخير الرد بجد أسفه جداااااااااا وحدث أشياء كتيره ياأخوانى أنا فعلا أعتذرتلها لأنى كنت مسافره اليوم اللى اتفقت معاها عليه وكنت متخيله هرجع مدينتى قبل الموعد المحدد معاها لكن للأسف اتأخرت مع أختى وخطيبى جداااااا للمساء كنت بشترى فستان خطوبتى وانا اصلا مكنتش معارفاها حاجه خالص على أساس لما أقابلها هتكون مفاجئه ليها بس للأسف أنا بصراحه انشغلت جدا وهى ايضا كان عندها امتحانات هى فى كلية طب وبيمتحنوا كتتتتتتير أوى ربنا يوفقها المهم كلمتها وعزمتها على فرحى للأسف فى التليفون لانى ربنا عالم الحوسه اللى كنت فيها وكنت فى ضغط رهيب وجت القاعه زى الاغراب للأسف سلمت عليا وهى كلها خجل وانا ايضا ومشيت مع والدها على طووووووول وجيه العيد بعد فرحى ومن وقتها ماكلمتهاش والله انا زعلانه من نفسى وأكيد هى كمان زعلانه من نفسها كل واحد فينا أنشغل هى بدراستها وأنا فى خطيبى وجهازى بس كويس أن وجدت الموضوع لأنكم هتشجعونى أكلمها على العصر كده ونتفق على معاد نتغدى سواء ونقعد نرغى زى زمان بجد محتاجه تشجعووووووووووووووونى لأنى مش عارفه مالى كده كسلانه أقابلها :( |
اقتباس:
أنا فعلا معروفه ان ذاكرتى قويه افتكر طفولتى من وانا عمرى سنتين والله العظيم :22: وبفتكر كل شيئ بالتاريخ وبالثانيه وبالدقيقه حتى لو فات 20سنه رقم ضاع مع الزمن لأن من الطبيعى بتجدى شيئ يشغلك والبعيد عن العين بعيد عن القلب مهما كانت المعزه والحب طبيعى أصدقاء جدد وثانويه عامه ومذاكره طبيعى انشغل عنها مع اصدقائى الجداد إلى أن ضاع الرقم والله ياأختى بعد اشتياقى الرهيب اللى كان واضح من كلماتى حدث أن ظروفى جعلتنى أهدئ ثم اهدئ ثم أصل إلى أن الفرق سوف يعوووووود مهما تواعدنا للصداقه مجددا والسبب أن زوجى العزيز لا يقبل أن زوجته تنام برا البيت وانا هتزوج وأعيش معاه فى محافظه غير اللى انا فيها وماعتقدش اليوم اللى هنزله هنا عند أهلى سوف ازور اصدقائى لأن الوقت هيكون قليل جداااا وغير كافى فوجدت نفسى أعيش لحظة وداع مع كل أصدقائى والله ياأختى أنا واثقه بعد الزواج أن هبعد عنهم جميعااااااا للأسف بسبب ظروف السفر والحياه خارج مدينتك غربه داخل بلدك :( |
انتي يا بنت انتي:29:
ازاي هتكوني غريبه وانا معاكي هنا متخافيش كل ما تشتاقي لصاحباتك هاخدك من ايدك ونسافر انا وانتي على الشرقيه يا بلدياتي انتي وبعدين اوعي تقولي على القاهره غربه ده كفايه ابو الهول هيحسسك بالامان كله:) طبعا واختك ربيع الحياه يالله بلاش كسل احنا كده نكون هنموت على الحاجه واول ما تكون في ايدينا ننام كفايه نوم يا بنت اصحي بقى ويا ريت تقوليلي انك من الزقازيق لان كده هيكون تمام:22: قوي قوي يالله قومي البسي وروحي لصحبتك على الاقل اقضي معاها الوقت قبل زواجك يا جميل ربنا يجمعكو على خير ومتخافيش والله احنا هنا في القاهره انا واسرتي لكن مبسوطين والحمد لله ومفيش مشكله وبنروح الزقازيق كل فتره يالله اتجوزي وتعالي وانا اسفرك كل اسبوع لصحابك |
يااااااااااااااااااااااااااااااااه والله قصتك حلوة ومواثره
الحمدلله انه ربنا جمعكم تاني علي خير خلاص انتي بعد كده امسكي فيها ومتخلهاش تضيع من بين ايديكي وخليكي دايما معاها علي اتصل وقبليها وان شاء الله تقضي باقي حياتي وهي جنبك ...يلا الان قومي بسرعه رني عليها وتغدي انتي وهي بكفي كسل ونوم يلا قومي .... تقبلي تحياتي.. |
اقتباس:
معرفش والله مالى ياربيع الحياه بجد حاسه أن فيا شيئ غريب بيجيلى نوبات نوووووووم ليست طبيعيه بالمره ممكن انام أكتر من 12 ساعه صحيح أنا عندى انيميا بس مش لدرجة أن أنام 12 ساعه والله خطيبى بيقولى على رمضان شكلى هاجى من الشغل أصحيكى على الفطار قولتلو طيب ماتنساش تجيب الفطار فى أيدك :29: قمة البرود:26: والله خايفه من الجواز جدا ومخضوضه وكل مافتكر أن خلاص هتجوز وكل شيئ فى حياتى هيتغير بفضل أعيط :21: خلاص ياربى أستغفر الله العظيم الجواز مسئوليه حاسه أن انا مش قدها :25: لذلك بهرررررررررررررب بالنوم حاسه أنهم هايجى يوم يصحونى يقولولى بكره دخلتك :18: بجد يا ربيع الحياه ماتستغربيش كلامى والله أشعر بقلق وخوف بشكل غريب مع أن خطيبى طيب جدااااا بس المشكله أن الامور جت جرررررررررررررررى بسرعه اوى لقيت نفسى مراته وهو راجل ليس عيل طايش يعنى مخه أكبر منى طبعا وشخص ليه مشاريع خاصه وكأنه بابا :28: مخه كبير وحياته كلها مسئوليات .. وانا هتحمل معاه كل ده تخيلى شيئ صعب اوى :28: عندى حق أهرب من الناس :24: وأعيط صح :21: غير أنه مع أهله أب وام ليهم حنين جدا على أخواته ومسئول عنهم وعلى كل شيئ عندهم هو يتحمله وطبعا هو البابا وأنا بقيت الماما :18: وكل شويه يفضل يوصينى وأخواتى نور عينى والكلام ده مع أنى والله بحبهم وبعاملهم كويس وهم بيحبونى بس هو لازم يوصينى عليهم رغم ان احنا هنقعد فى القاهره واهله هنا فى الزقازيق يعنى مش هنشوفهم غير كل 15 يوم ننزل يوم واحد ونرجع :29: بالنسبه لأصدقائى جالى برووووووووود أتجاه كل أصحابى مابردش على مكالمات حد من يوم فرحى مزاجى نت بس وهو لما بيجى هنا بظبط نفسى واقعد معاه الكام ساعه ويمشى وانام :14: ولو أتأخر شويه بقولوا مش هتمشى بقى :( زمان أهلك وحشوك بقالك أسبوع ياراجل غايب عنهم :30: |
ايه يا بنتي ليه بس انتي زعلانه والله بالعكس اهم حاجه انك بتحبي زوجك ومتفقين والحمد لله مع بعض صدقيني القاهره والله جميله وهتكوني مبسوطه ان شاء الله امال الناس اللي عايشين بره مصر يعملوا ايه يعني المغتربين وبتكون هي وزوجها وبس ومبيشوفوش اهلهم غير مره في السنه
نصيحتي ليكي والله كل ده شيطان رجيم ابعديه عنك واشغلي نفسك جدا والله صدقيني هتلحقي ان شاء الله وبعدين ده زوجك وانتي الحمد لله بتحبيه خليه يكون صحبك ولا تشعري نفسك انه اكبر منك والكلام ده والله دي وساوس شيطان علشان تبعدي عنه وبعدين النوم الكتير غلط انا لما انام كتير بيجيلي اكتئاب علشان خطري حاولي تفرحي انا يوم كتب كتابي على قد ما كنت مستنياه على قد ما حولت فرحتي لخوف لان دي حياتك الجديده لازم تكوني خايفه لكن اوعي تضيعي فرحتك وانا اسمع ان الانيميا بتنيم حبيبتي كلي فاكهه كتير وخليكي مفرفشه انا عارفه اصل الزقازيق في الشتا بتكون فاضيه وكئيبه نصيحتي كلمي اصحابك ضروري اللي ترتاحي معاهم هيريحوكي باذن الله ايه يا جميل فين دمك الخفيف وعقلك الكبير انا عايزه اقولك ان عقلك كبير ماشاء الله يعني انتي مش عيله كبري مخك يا جميل وده كله من فعل الشيطان ومتضيعيش اللحظه اللي اي بنت يتحلم بيها بكره ان شاء الله هيكون عندك عيال ومش هتحسي انك لوحدك انتي عارفه امي لما سافرت مع ابويا ابوظبي زمان كنا احنا صغيرين ولما رجعنا مصر واحنا كبار كانت بتقول انها كانت مستمتعه جدا في ابوظبي رغم انها كانت بعيده عن بلدها لكن حبها لبابا ماشاء الله خلاها تحس ان هو اهلها وكل عيلتها وكانت عيشه سعيده رغم انها مشتغلتش كانت بس ست بيت لكن كانت فعلا سعيده ,انتي بقى ساعه وتكوني باذن الله مع اهلك ومممكن في الاجازات تزوريهم وتقعدي هناك وممكن هما يزوروكي ويقعدو معاكي ربنا معاكي يا حبيبتي استعيذي بالله من الشيطان وقومي يالله مستنياكي تقولي انا نزلت واشتريت حاجات وبالمناسبه يا جميل زوجي قالي على معرض القوات المسلحه انه في العباسيه في القاهره وقالي انه معروف هناك الله يتمملك الزواج على خير يا حبيبتي |
اقتباس:
غربة داخل بلدك يا يا مصرية انا مش عاوزة اجبلك اكتئاب بس سنة اولة زواج بالنسبة ليه كانت صعبة جدا...والى الان بس اخف شوي تخيلي نفسك لما تكوني بتنزلي براحتك بتجيبي اللي انت عايزاه بتخرجي مع اصحابك وفجأة تحسي انك مش قادرة تعملي حاجة انا اللي مضايقني اعتمادي على زوجي ربنا يخليهولي اعتماد كلي والله هو مش بيقصر وبيحاول ريعوضني بس اغلب الوقت هو في شغله يعني هو اللي بيوديني الشغل لو عايزة اشتري ابسط الامور لازم هو اللي ينزلني هو اللي بيجيب الخضار يعني لو مش فاضي مفيش اكل:d مثلا لو نفسي اعمله مفاجأة واروح للكوافي طبعا مش بعرف انا اصلا مش عارفة اذا كان في كوافير في المنطقة ولا لأ بس الحمد لله حاسة اني تأقلمت على كده شوية "مش قوي يعني"وابني إياد الله يحفظه ويخليه شغلني كتير الله يرزقك الذرية الصالحة ويسعدك |
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©