انا اذاعجبه يقول حلو بس بعد انا مااساله طبعا اوهو يقول من نفسه بس بعد مايخلص
بس اذا ما عجبته طبعا ياكل شوي لانه جايع بعدين يبدا بالتجريح

لا لا يصل لحد الزعل لكن يتضايق وغالبا لازم يعلق مثلا يقول الملح كاثر هالأيام والا الظاهر يبيعون الملح ببلاش هاليومين

لكن بسرعه اقوم واصلح له شي سريع لانه اذا جاع مايعرف اللي قدامه

الحمد لله انا طباخه ماهره أمي ( الله يرحمها ) ما قصرت معاي...وزوجي عمره ما جرحني او احرجني
بالعكس يتخبل على اكلي ويحب التنويع...
واحيانا اذا تعبت او مرضت او انشغلت زوجي ما يقصر يدخل المطبخ ويسوي الاشياء البسيطة جدا اللي تعلمها
وغالبا ما يزيد ملح او شكر او يحرق الطبخه لكني ما ابين له ولا اقوله شي بالعكس آكل الشي البسيط واقول له
انته فنان ويعطيك العافيه...بس لما هو يذوق الاكله اللي طبخها يكتشف الاخطاء ويضحك على نفسه

وربي يحفظكم ويسعدكم

اختكم--- لمني بشوق

قهر :29:

كتبت رد ورااااح..

والله ان هالموضوع متعبني وماعتقد بشوف حل الا الصبر واتأقلم مع الوضع

طبخي بشهادة الكل لا يعلى عليه و خصوصا بشهادة ام زوجي (ساكنه معاهم في نفس البيت وانزل لها من الاطباق اللي اعملها) واخواته وللعلم في وحده من اخواته طباااخه بمعنى الكلمة وبشهادتها ان طبخي بيرفكت :22:

بس زوجي مافي شي يعجبه :29: دايما يكسر مجاديفي يحسسني ان طبخي تمشيت حال يعني ياكل بس ليسد جوعه.. ويقولها لي صريحه طبعا ان طبخي مش ولا بد..

مع الايام اكتشفت العكس.. اكتشفت ان اذا اكل وهو ساكت معناته ان الطبخه اوكي بس اذا علق يعني فعلا ماعجبته..

طبعا هو مستحيل ياكل من عند اي احد الا اشخاص معينه يعني لو احد اصحابه يعزمه عنده في البيت على عشاء او غداء مستحيييييل يروح لأنه مابياكل من عندهم
وعرفت مره انه يمدح طبخي من واري عند خواته :eek:

طيب ليش مايمدح طبخي قدامي ماابيه يمدح بس على الاقل اذا عجبته الطبخه يقولي يعطيك العافيه.. حتى ذي مستكثرنها علي.. حتى هالجمله ماابيها بس لا يقولي ان طبخي تمشيت حال فعلا قهررر :29:

هدرت كثير صح :d:d