|
تسكير السماعه بوجهك لازم مايمر مرور الكرام انت رجل ولك احترامك
بعدين انتو خلطتو الاشهر العربيه والانجليزيه يوليو وشعبان و4 متى العرس بالضبط!! |
ياهلا وغلا باخوي الكبير مهزوم
بالاول مساك الله بالخير والصحة والعافية شوف يالحبيب انتم الثلاثة غلطانين اول غلط كان من الوالد لما يروح ومن راسة يستأجر قاعة الزواج مع احترامي الشديد لكل اب وام فهذا الموضوع بالذات من حق الزوج والزوجة فقط لكن السيد الوالد صلح خطاءة والغى الحجز ثاني غلط من زوجتك ,, للاسف المفروض ما تتقفل السماعة بوجهك ,,, ويجب عليك ما تخلى الموضوع يعدي لكن كن حذر خلى عتابك وزعلك ممزوج بالحكمة والعقلانية بعيد عن التعصب والتصرفات المتهورة ياخوي البنات لما يستفزون ازواجهم في بدايات الزواج لجل تشوف ردة فعل الرجل ويعجبهم الرجال لما يكون (( حمش )) وقوي شخصية عليها لكن بتعقل مو بتصرفات متهورة وهالامور تغير النمط الممل اللي تتخلله كلمات ابشري حاضر تحت امرك ... والعتب والهجران يجدد الحب بينكم ويكسر روابط الروتين والملل الزوجي ويزيد الشوق ويخليها بالمستقبل تفكر الف مرة قبل لاتقول او تسوي اي فعل ,,, ثالثا انت غلطان بتاجيلك للزواج ياخوي انا متابعكم من مشكلة المسج واعتقد كانت من ضمن شروط الصلح تأجيل الزواج والمسلمين على شروطهم واذكر في احد المرات اخوي الدكتور سطام نبهك على شغلة الزواج السريع بعد الطلاق وانا رائي من رائي زوجتك بالتاني في الزواج وزي ما وضحت بينكم شرط ولا تخل الشرط من شان ما تصغر في عينها ...................................... بقيت عندك مشكلة واحدة الان وهي عذرك بالمرض واحتياجك للزواج بالوقت الحالي شوف ياخوي مالك الا ترجع لاهلك وبلا الجلسة في الشرقية شنو تسوي الان هناك ,,,؟ ارجع لاهلك وشيل فكرة تعجيل العرس والخدمة ان شاء الله اخوانك ما يقصرون |
مالك اخوي الا الصبر والاحتساب على الزوجه وترى ما فيه احد في هالدنيا مرتاح 00
كلن عنده مشاكل حتى حلالين المشاكل العويصه رايحين في خرايطها 00 والله اخوي لو تحط حواجز من اليوم الى بكره و ترسم خطوط عرضه وصخيفه والمره عوجى ما راح تعدل 00 والدعوى مالها دخل في الاعاقه ابداً00 لا يجي في بالك المرأه على تركيبتها النفسيه والاجتماعيه 00 شكلها شخصيتها قويه لا مانع من انك توريها العين الحمرا اذا صكت في وجهك السماعه 00 بس اذا صكتها اصبر واحتسب يا خوي يا كثر الحريم اللي ناقصات العقل 00 وانت عاد تبيها عاقله او تاخذ الامور بعقلانيه 00 تراك اخوي اذا احتسبت جرى عليك اجرك وكنت مطمئن ان الله سوف يعوضك خير ولا شك 00 ولم تكن محتاجاً عند تقديم ما يجب عليك على عوض دنيوي منها بل من الله ترجو الثواب 00 وعندها ابشر بالخير فسوف يسخرها الله لك 00 والله الله في الطاعه والحرص عليها والبعد عن المعاصي واسأل من بيده صلاح القلوب ان يصلحها 00 تذكر اخوي 00 ماعصيت الله الا وجدت اثر ذلك في خلق دابتي وزوجتي 00 دعواتي لك بالتوفيق 00 |
أنا لو كنت مكانها ما أرضى بتغيير الاتفاق الي كان بيننا و بدون استشارتي، يعني انت غلطان
و لو كنت مكانها لا اقفل السماعة في وجه خطيبي مهما كان المشكل يعني هي غلطانة و الحل أنك تكلمها و تشرحلها وجهة نظرك و ظروفك بكل صراحة و بطريقة تخليها توافق و هي مقتنعة لا شفقة فيك انما حبا لك. حاولو تتفاهمو و تتناقشو حتى توصلو للحل ثم ابديلها استيائك على الموقف الي سواتو معاك اي اغلاق الساعة لكن ليس بعصبية بل بكل حب خليها تستحي تقولك لا بعد ما تغمرها بحبك و حنانك. |
اتقوا الله في حكيكم
ولا تخلو الرجال يعصب ع زوجته اكثرمن هيك كلماتكم وا لله قاسية الرحمة كثيرحلوة الله يحنن القلوب أم وليد |
اتمنى تطلعنا باخر المستجدات
لعل ماحصل خيرا يااااارب |
مشكورين للكل ومقدر تفهمكم لي ووقوفكم معي
ابد لم يحصل جديد لم تتصل ولم ترسل اي مسج من يومين وانا كذلك000 انا الان احاول السفر لجده بأي وسيله لاني تعبان وماني قادر اجلس هنا اكثر وسلامتكم |
اللهم سهل امر اخينا
اللهم اجعله سعيدا حيث كان وحيثما حل واجعل الخير في دروبه وحقق لك امانيه وبارك فيه وحنن زوجته اليه |
السلام عليكم
اليوم ارسلتلي ايميل فيه كلام كثييير واغلبه حلو ويدور حول توضيح وجهة نظرها وقالت انا اجلت الزواج مو لعدم رغبتي في الارتباط بك00ولكن لترتاح انت من كل احداث طلاقك وانا اسفه اني سكرت بوجهك الخط وهذا ليس تقليل من شأنك ولكن انا اذا عصبت اقول كلام قد اندم عليه بعد ذلك وهذا طبعي ولازم تعرفه علشان اذا شفتني بيوم عصبيه تتركني الين ما اهدى وتمنت ان كل اللي يحدث بيننا يتم بيننا سواء خير او شر واكدت على تمسكها بي وقالت انا ارسلتلك ايميل لاني يمكن فاشله اني اوضحلك كلامي مباشرة خصوصا اذا انت كنت زعلان عموما لن يتم الزواج الا بموافقتك ورضاك التام00ولكن انت كتوم ولا تبوح بما في خاطرك لي فأتمنى ان نناقش موضوع تحديد تاريخ زواجنا بكل موضوعيه وشفافيه بيني وبينك وتأكد من شي واحد في حال اقنعتني راح اوافق بأتمام الزواج بكره لو اردت ولكن اتمنى منك ان تسمعني للاخر وبالنهايه لن يصح الا الصحيح00 انتهى انا للان مارديت عليها ولا اعرف ارد ولا اتصل ولا ايش اعمل؟ |
اخي مهزوم .. اتصل عليها وقل لها جهزي حالك .. بمرك الحين عشان نتعشى سوى في المطعم و نتكلم في الموضوع .. بالتوفيق ان شاء الله .. |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©