|
[QUOTE=warda_soud;2032966]
اقتباس:
لفتني انك بدك تطبقيه بعد العيد . ليش؟ حاولي تطبقيه قبل العيد حتى نساهم بوجود اجواء جميلة لعيد الاضحى. حبيبتي فيه كمية طحين وهي كوب شاي طحين. وانا متشوقة لرؤية تطبيقك. |
اقتباس:
المحلب صراحة ما اعرف إذا إله اسم آخر. لكن هو موجود عند العطارين ويستخدم للجبن الابيض(جبن الماعز) عند كبسة وتخزينة ويعطي نكهة ورائحة لذيذة سواء للجبن او للمعمول. ويمكن الاستغناء عنه بالوصفة. هو فقط من المطيبات. ويمكن استخدام اليانسون المطحون بدل منه لاعطاء نكهة مميزة. أشكر إهتمامك. |
ما شاء الله شغلك حلو ومرتب وانا من زمان حابه اجرب المعمول وطريقتك شجعتني بس
عندي استفسارين الاول لما تركتي السميد 12 ساعه خليتي في الثلاجه ؟؟؟؟ وبعد ما اضفتي كاس الحليب الدافي المخمر بالخمره والسكر ما تركتي العجين يخمر ولا على طول اشتغلتي فيه تسلم ايدك |
اقتباس:
تعملي معمول معناته لازم اشوف تطبيقك. وأكيد راح يطلع حلو من ايديكي. حبيبتي لما تركته خليته بره مو بالثلاجة. وبتقدري تخليه اكتر من 12 ساعة مافي مشكلة. وبالنسبة للتخمير إشتغلت فيه على طول . بعدين حبيبتي انتبهي لكمية الخميرة الموضوعة يعني لاتكثري خميرة لانه ممكن عند الخبز ينتفخ وتروح رسمة القالب. يعني بيبطل شكله حلو. والف صحة سلف. |
ان شاء الله حبيبتي وانت اول الضيوف عندي بالعيد وتشوفين تطبيقي عن قرب هالايام اجهزادوات المعمول واصوره وان شاء الله انزله لكم يسلمو حبي:22:
|
اقتباس:
أتشرف بزيارتك يا غالية. إنتظريني. ومتشوقة أشوف وأتذوق شغلك وراح اكون سعيدة بنتائجك. بتصدقي عشت الدور. ياريت نكون بنعرف بعض. أشكر مرورك حبيبتي وفي غنتظار التطبيق. |
[quote=ساندي حبيب;2033058]
اقتباس:
شكرا حبيبتي للتوضيح.. لالالالالا انا رح اعمله عالعيد بس رح انزل التطبيق بعد الاجازة ليش؟؟؟ لانه انا ما عندي نت بالبيت ..:29::29:... وبكون معكوا طيلةوقت الدوام من السعاة 8 لسااعة 3.... وبس ارجع عالدوام من الاجازة رح انزل التطبيق ولك خالص شكري واحترامي:17: |
حبيبتي رح اغلبك معي
سؤال الكمية اللي تنعمل من كيلو واحد م السميد كم تعمل معمول كتير ولا ما بكفي لمناسبة العيد؟؟؟؟؟ هل تدهني الصينية بالزيت قبل وضع المعمول عليها وادخالها للفرن؟؟؟؟ ولك كل التحية |
اقتباس:
خلص حبيبتي متى ما حبيتي تنزلي الموضوع انا راح اكون في إنتظار التطبيق. الكمية حسب حجم القالب. يعني انا عندي الحجم صغير كتير يعني كل حبة لقمة وعمل تقريبا 150 حبة. وإذا كانت الحبة كبيرة ممكن يعمل الكيلو 80_90 حبة تقريبا. وما في داعي تدهني الصينية لانه السمنة الموجودة بالعجين بتشكل طبقة عازلة بين الحبة والصينية عند الخبز. وشاكرة إهتمامك بأدق التفاصيل. |
مشكورة غاليتي
لانك بهاي الوصفة ريحتيني من شراء المعمول الجاهز لانه مرات بخجلنا مع الضيوف لما يتفتت معهم هاي المرة العيدية علي.. جزاك الله خيرا ولك كل الاحترام والحب |
| الساعة الآن 06:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©