|
موضوع حلو
انا غيركم كلكم اهلي ماكانو يشترون لنا العاب كل شي حرام:d فكنا نلعب بالموجود:) اوراق التقويم نلعب بها ورقه ونجمع خشب صغار ونسوي به عرايس وماكان فيه تلفزيون طبعاحرام بعد:d ولمن كبرنا شوي بنهايه الابتدائي جابو لنا تلفزيون وياللللللللللللله كنا ننتظر العصر حتى نشوف فقره الاطفال مو مثل اطفال الحين قنوات الاطفال صارت اكثر من القنوت العاديه وبالمتوسط اشتر ابوي لنا سيكل اناواختي في واحد:d خخخ كنا نقسم الوقت بالملي بيننا وكنا نلعب بالحبل كثير وبس:d لحد يصيح :dعادي كنا مبسوطين مره الحين بيتي فيه غرفه كامله العاب لعيالي ومسبح ودباب وقنوات المجد وقنوات الاطفال العاديه وهم مايلعبون ولا يطالعون التلفزيون وانا قول لهم كنا نتمنا ولا نحصّل مثلكم انبسطو دامكم صغار:) |
السلام عليكم
نحتاج لهذي الذكريات عشان الروح تتجدد ولكن بعض الصور بعد ماشفتها جتني غصة ودي ترجع ايام زمان الله مااحلاها كلها بساطة وحلوووة ومقنعه ببساطتها ........ الصور التي شدتني شعار التلفزيون السعودي كنت انتظر لما يفتح الصباح وانا مترزز انتظر افلام الكرتون,, والنبيطة او النيبلة هذي من اهتمامات واصنعها بنفسي:d الكيرم كان له سوق في رمضان ...... اتاري صقر اذا ماخانتني الذاكرة هذي في الصيفية ...... التيل كنت حريف فيها ,,,,,,,,,,,,,:11: وغيرها الله يذكرك الشهادة اختي ام السوسة بصراحة موضوع حلو |
الغربه مره
ياهلا فيك بجد فرجت بعودتك ودرك وكمان مرتين ايش السعد والهناء هذا كله الله يسعد ايامك ويحفظ لك اولادك يارب والافلام الي قلتي عليها حتى انا شفتها حتى اولادي يحبو افتح ياسمسم وريمي هذا عاد قصته قصه كم خلنا نبكي عليه والشوكولاتات هذ ي قصص كم ادور على بعضها وما القيه ام نط الحب فياما لعبته وكمان كنت مجنونه في لعبات الرياضه وخصوصي بالمدرسه وارجع اطبق بالبيت بالنسبه للعبه الي سالتي عنها يمكن قصدك (( صبحكم الله بالخير ياالعمال العماليه )))) عاد هذي كانت جناااااااااااااااان الله يسعدك وشرفتيني يالغاليه واسعدتينا كمان بتفاصيل طفولتك |
طموحي غير
ياهلا والله وجعل ربي يخلي طموحك عالي وغير يارب هلا فيك بصراحه اسعدتيني جدااااااااااااااااااااااااااا وذكرتيني بشغلات الله عليها مويه وثلج كانت رووووووعه وكنت سريعه مو بسهوله امسك وكمان الحركه الي حطيتها الكل اتوقع جربها واااااااااااه عليك ياباب فرحان كم كنا نفرح فيه وعيد وسعيد جنونا وعبد الله البري والبحري فكرتيني فيها مرررررررررررررررره نسيتها حتى برنامج الجوهره وفيه كمان برنامج ((تلي ماتش)) وفيكي وافلام كرتون(( بايانك ان)) الله يسعد ياشيخه وربي ضحكتيني وذكرتيني باشياااااااااااااااااء زمان وبسكويت ابو ميزان لين هالحين امي تموت عليه وتشتريه وحتى الشكولاته المثلثه الله على طعمها وكمان ماريو كنت اموت في اللعب عليه الله يعطيك الف عافيه على مشاركتك الرائعه الي اعطتنا اجوااااااااااااااااااااااااااااء مررررررررررررررررررره حلللللللللللللللللللللللوه الف شكر لك اختي الغاليه |
قوالب
هلا والله وغلا تو نور المنتدى وين هالغيبه الحمد لله على سلامه ابو الشباب ومعافى ان شاء الله بس ضحكتيني يا البراءه واحنا كلنا عجايز جنبك هيا عااااااااااااااد لاتتدلعي علينا علشان اصغر مننا بس حلوع عروس وعريس حتى احنا كنا نلعبها بس لمى كانوا اخواتي الكبار يلعبوها ولمى كبروا وشافوا نفسهم علينا معاد لعبناها لعبنها مره مع بنات الجيران وكنا نلعب كمان مدرسه ههه اجتهاد شفتي كيف وكن نلعب (( تمشيه )) ناخذ كل الاغراض وفرشه ونفرش بالحوش ونلعب ونسوي نفسنا انا رحنا تمشينا ونركب سياره ابويه الثانيه والله لو كان يدري عننا وش سوينا فيهاههه بس ياحليلك لين هالحين تلعبي كراش كويس انا العب لمى يكونوا اولادي فيه وبس عندي اهتمامات اخرى ههه الف شكر على المرور ويعطيك الف عافيه على مشاركتك الرائعه فيافي نجد هلا والله في مراقبتنا الغاليه عسى بس راضيه عني هه واسطه والله فكرتيني بمجلس الامهات كانوا يرفعوا الضغط ياخذو بنات الابلات وبس بس ابشرك كنت اشارك بالحفلات واموت عليها الف شكر على المرور العطر |
اسبريسو
هلا والله بمخترعين الالعاب عاد يقولون الحاجه ام الاختراع بس برضوه لمى منا صغار كنا نحب نلعب بدون العاب كنا نستانس نحس نفسنا مخترعين افتكر مره تجمعنا احنا وبنات جرياننا وكنا بغى نلعب (( بدو)) ونسوي انا في الباديه ومالقينا اغراض رحنا اخذنا الدله الي كانت تحفه في البيت وفناجين القهوه وحفرنا في االحوش حفره كبيره وعبيناها مويه واخذنا اوراق الاشجار اليابسه وقطهتنها وفتفتناها مع مويه على اساس انها اكلات وكمان جمعنا بذور الريحان الي تجي في النص وسويناها وجبه ثانيه وطلع علينا ابوهم سوى فينا الي مايتسوى لا الحفره كانت جنب السياره الجديده الي شراها الله يسعدك ياشيخه ذكرتني باياااااااااااااااااااااااااااااام روعه الف شكر على المرور والرد الطيب الله يخليلك اولادك ويصلحهم لك يارب |
اعتذر عن التاخير ظروفي اجبرتني وخاصة وقت الصيانه ومابعدها لم استطع الدخول يلا الحمدالله على كل حال المهم نرجع لطفولتنا البراءه والجميله:d اياااام وناااسه ودلع وشقااااااااااوه وجنااااااااااااااان ونسوي بهذله وحركات لغيرنا ببراءه هههههه:d:d ياحليلهم مساكيييييييييين:26::d اتركم مع صور افلام كرتون *** عفوا : يمنع وضع رسوم ذوات الارواح **** سااعود لاحقا مع احلى عضوه ام السوسه :17::17: ونوافيكم بالخبر فيما بعد :d:26::d |
صدق العطا
وعليكم السلام ورحمه الله وبركاته واخيرررررررررررررررررا دخل رجل وكتب لنا على العاب زمان الظاهر الرجال يفكروه مختصر على البنات مع اني قايله في البدايه انه للجميع وحبينا ان الكل يتذكر ويحكينا بس ترى بنغير نظرتنا في الرجال معقول مايحبوا الماضي ويحنوا له ويتذكروا ايام الجنان والشقاوه عموما شرفتنا اخي الفاضل والف شكر على الدعوه الرائعه الله يجزاك الف خير بها ويفرح قلبك مثل مافرحتني فيها يارب بصراحه البرجونات (( التيل )) لاين هالحين احب احتفظ فيها احس اشكالها رووووووعه وكمان اخواني الصغار يحبوا يلعبوها بس ماعاد لها سوق مثل ايام اول والنبيله عاد هذي مرعبه بالنسبه للبنات لاتجي براس وحده الف شكر مره اخرى على المرور العطر |
ام السوسسسسسسسسسسسسسسسسسه
تهئ تهئ تهئ ذكرتيني بالذي مضى : ( والله ايام,, ايام السياكل والغميمه وانا على وقتي مافيه بنات كبري عندنا اغلب قرايبنا بمنطقه ثانيه فما كنت العب تساير وحريم كنت العب مع الاولاد بياعه :d نسوي زي المحلات وكلن يبيع والا عاد الاتاري هذي قصه ثانيه كنا نتهاوش عليها ومسكت سرا وحاله وحنا ثلاثه اصلا :D الله يخلي لنا ابوي كان معودنا يعطينا ريال لكل واحد نشري ايسكريم قرن شوكولاته ياقدمي :) ويوم كبرت شوي طحنا بالاونو والكيرم والبلاي سيتشن كنت العب ماريو ويجي السهر وفطور الصباح الحمد لله على الصحه والعافيه ياليت هذيك الايام تنعاد مشكوره يالغاليه على الموضوع الحلو |
همس القلوب
هلا فيك والله شفت الصور قبل تنحذف والله روعه فكرتيني بايام انا من اول انتظر ردك وكويس رجعتي وكتبتيلنا عن الماضي الحلو اللــــــــــــــــــــــــته على ذيك الايام بصراحه كانت فيها شقاوه وبرائه وجنان الله يسعد ايامك يارب بس ماقلتي لنا وش احلى الالعاب الي كنتي تحبي تلعبيها؟؟ يعني ماكنتي تخترعي العاب والا تفضلي لعبه على لعبه انتظر عودتك والف شكر على مداخلاتك الرائعه |
| الساعة الآن 02:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©