|
نصيحه
لا تتكلمين انتي شخصيا ... خلي الطرف الوسيط هو اللي يتكلم معاه ... لو شافه صدفه او يقصد انه يروح له في مكان متأكد انه متواجد فيه .. يعمل نفسه انه متفاجيء بشوفته صدفه ... ومع الحديث .. والكلام .. يرمي له كم كلمه يخليه يفهم .. ومنها يحاول يفتح الموضوع ويبين له انك موافقه للرجوع لكن انتي لا تنزلين نفسك وتتكلمين .. تراها بتكون حركه مش في صالحك |
اقتباس:
انا لين الان ماسويت شي اصلا وانتظر الوسيط عشان يرد علي والا اصلا خايفه اقوله لان هم ماخذين منه موقف |
اقتباس:
لا حول ولا قوة إلا بالله أصبح الصلح بين الأزواج نقص في الحقوق وتنزيل في القَدر والمكانة ( زوج وزوجة بينهم كرامة ؟! ) الله يعين ... الله المستعان على مايصفون . |
اقتباس:
لان فيه بعض الرجال يجون لاهل الزوجه ويقولون هي اللي تبيني وانا مابيها لان والله قد صارت لي بعد مارسل لي ورديت عليه قال والله انك تبيني ولو ماتبيني كان ماقلتي تعال تفاهم مع اهلي والا مافيه بين الازواج كرامه الا اذا فيها مذله خارجه عن العاده بس مافيها شي اذا كان بطريقه غير مباشره وانا حتى الوسيط مااقدر اقوله لان هو يحتري منه رد ولا رد علينا |
أختي الكريمة
أنا سبق لي أن طلقت أم ولدي وكانت تتمنى الرجوع وقد كنت لا أمانع بذلك كون والدها تعهد لي بأن الزوجة ستغير من سلوكها وعدم قيامها بحقوقي , وتحدثت طليقتي لأختي واعترفت بخطأها وبأنها تتمنى العودة وستغير من حالها , وبعد ذلك وضعت عدة شروط لكي أقبل بعودتها , وللأسف بدأت طليقتي بالإستماع للآراء الهدامة وأعتبرت أن قبولها لشروطي به نوع من هدر الكرامة , ولذلك أشترطت شرطاً صغيرا وليس له أي قيمة , من باب حفظ الكرامة كما تدعي ولماذا هو يشرط وأنا لا , ونسيت أو تناست بأنها هي المخطئة وبأنها تركت المنزل وطلبت الطلاق , وبعد أن خطبت وتم تحديد موعد الملكة أتصل والدها وأخبرني بأنها موافقة بشروطي وليس لديها أي شرط , فأبلغته بنبأ الزواج ودعوت الله بأن يوفق أبنته . يجب عليكِ استغلال الوقت فالرجل يفكر بطريقة تختلف عن تفكير المرأة وربما التأخير يضر بكِ , فأنصحكِ بأن تتصلي به وتطلبي منه الرجوع , وسيحفظ هذا التصرف لكِ وسيحترمكِ لأنه سيعتقد بأنكِ تحبينه وتشترينه من جديد , فإن حدث العكس فلن تواجهي أي خسارة لأنه سيصبح غير جدير بكِ وستطلبين الطلاق منه وأنتي كارهة له ومطلعة جيدا بأنه غير جدير بالإحتفاظ بكِ ... الله اسأل لكما التوفيق والعيش برغد وسعادة وبأن يجمع شملكما عاجلاً غير آجل . |
اقتباس:
كلام مقنع بس ان خايفه من عواقبه عشان كذا متردده كثير |
عزيزتي ( جوجو)..
الأهم من ذلك كله أن لا ترجعين له إلا وقد وضحت الأمور...من جهة تحديد أسباب الطلاق ووضوح المشكلة والعلاج والعهود من كلا الطرفين .. بالنسبة لطريقة رجوعك .. أنت بين أن تجعلي وسيط أو تكلميه مباشرة والأخيرة تعتمد على طريقته وأسلوبه ..لأن فيه نوع من الرجال إذا شعر برغبتك فيه أغلاك وشراك ونوع منهم ما تنفع معهم >>>لأنه إذا شعر بذلك أرخص فيك حتى لو رجع لك ..وبما أنه قال لك (((والله انك تبيني ولو ماتبيني كان ماقلتي تعال تفاهم مع اهلي )))طيب وش فيها لما تبينه لا أدري هل خانه الأسلوب أم أنه يرى ذلك شيئا ( قد مسكه عليك كونك تبينه )!!! وإنت أعرف بزوجك من أي نوع ... وبالنسبة للوسيط الي بينكم انتظري وبجيك رد بإذن الله لا تستعجلين واستخيري دائما وثقي أن لن يحصل لك إلا ما فيه خيرة ... ((من طريقة حديثك وردودك يتبين لي أن رغبتك في الرجوع تُسيطر عليها العاطفة بقوة أليس كذلك !!))... الله يلم شملكم ويصلح ما بينكم ويقر عينك بما يسرك ... آمين . |
اقتباس:
لانه اول رجال في حياتي وقريب مني بغض النظر عن ابوي واخواني |
أختي الكريمة على بركة الله دعي الأمور تسير بكل يسر وسهولة ولا نضع الشروط والعراقيل أمامها
وسيبارك الله من يخلص النية |
اقتباس:
انا ابي كيف يدري اني ابي ارجع له |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©