|
[
كم مرة فكرة في شي اسمه التوافق الفكري ؟؟ كم مرة قلت لنفسك أبيها بنت تقدر تتحمل المسؤولية ؟؟ اختي اعذريني اي توافق فكري اللي تتكلمي عنه اذا كان احنا في مجتمع محافظ وما عندنا الا في النادر ان بنت تكلم شاب ويتزوجها هذا اذا فكر وما قال لا هذي كلمتني اكيد بتكلم غيري وحتى لو طلب العريس انو يكلم البنت اللي خطبها ترى مو كل الناس ترضى والاغلبيه ما توافق فالاكيد انو الشاب يهتم بالمظهر لان البنت اصلن بالنسبه للرجل هيا عبايه وبس ما يشوف منها شي ولا يتكلم معاها بنص كلمه وكيف ممكن الام او الاخت تقدر تعرف من كم زياره عن التوافق الفكري او حتى عن الصوت الناعم او الواطي زي ما طلب الاخ اصلن هي وقتها يا دوب يطلع صوتها ولنتفرض ان بعد الخطبيه او الملكه اتعرف عليها وما طلع بينهم توافق فكري وقتها يكون غير الفلوس اللي اندفعت و غير ان البنت حيكتب عليها انها كانت مملكه وفسخت ماعرف يمكن ينقال عنها مطلقه !!! اختي سامحيني يمكن ماعرفت اعبر صح بس يارب اكون وصلت الفكرة صح انا اسفه |
اخي الفاضل اولا موضوع الطلاق ما تفكر فيه انت الآن زعلان ومقهور اخي ضع قانون لك في البيت اولاد ما رح نقول انو تروح معك تسكن رح نترك هذا للأخر انت توقول انك تنزل 15 يوم فقط في هال15 يوم اريد كذا وكذا وكذا مشاريعك كلها تتوقف انتي لي ثم انت لا يخلو الامر تتركها قليلا من وقت لآخر تشوف اهلها وتشاركها بعض الاجتماعيات هي تدلع عليك اخي الدين الاسلامي نزل على مراحل ومش بيوم واحد وهكذا لازم تكون حياتنا مثلا بالبدايه انها لا تطبخ قل :حبيبتي انا اريد ان اشم رائحة هالطبخه بالبيت واريدها من يدك فقط اخي والله اكثر الصبايا هيك هالايام اتذكر جاره لنا كانت ترمي الغسيل لانه عفن ولم تغسله والآن هي خطبت بنتها ومازال زوجها معها اسرار االبيت لازم تتوقف فورا ومره على مره رح تتوقف ما تخاف وبالقليل من الشد والرخي رح تتغير ومن ثم تطلبها لعندك مكان سكنك قرب العمل بالبدايه يومان ومن ثم ثلاث ايام وووهكذا الحياة الزوجيه بدها نفس طويل وصبر الله يهدي سركم ويقربكم من بعض |
اقتباس:
ولكن انا عن نفسي ماقلتة كالتااالي اذاا تقدر تنساها وتنسى حبهاااا معهااا تزووج عليهاااا واتركها ببيت اهلهااا ام اذا بااقي تحبهاااا فعش على ذكرهاا افضل من انك تتزوج بأخرى تظلمهااااا اناا قلت واعتررف اني قسووت قليلااا وهذة ليست من عاادتي ولكن لوو زنتهاا بالعقل %%% زووجة كل اسررار بيتهاا تتحكى فيها النااس زووجة كل ما تهااوشت مع زوجهاااا بروح عند اهلي زووجة تنتظر من زوجها ان يلح عليهااا بغسل ملابسة <<<عجباا بدل من تستحي زووجة لا تطبخ لزوجهااا الابشق الانفس هذاا على حسب كلااامة طبعاااا وليس من دماااغي اتمنى ان تكووني فهمتيني ياا اختي ولكي جزيل الشكررررر اخي الكرريم ساعة لندن صرااحة انة مشكلتك اشغلت بااالي انا صرااحة لا اريد ان اصدمك ولكن طبع القيل والقاااال صعب جداااااااا يتغيرررر وممكن ماتتغير ابدااااا وممكن هي متربية كذاااا لذلك لو حبيت تررجع زوجتك امنعهااا من شيء مقاابل شئ زي النفط مقابل الغذاااء :d يعني لووو عرفت انهاا تكلمت او سمعت حتى احرمها من اي شي تحبة هي وقولهاا لأنك لم تحفظي اسرار بيتك عااملها كطفلة اذاا كان فيك حيل طبعاا للمحايلة من جديد وان شاء الله تتغير اماا زواجك افضل والرأي لك ان تأجلة قليلاااا يعني ما لحقت البنت يرجعلهاااا عقلها وبعدين انت لسى ما صفيت ذهنك ورتبت اولوياااتك وشفت ايش رااح يترتب على طلااقك منهاااا يمكن انت نفسيااا لسى مو متهيأ لزوااج جديد ومتى ما صرت عااازم اعقلها وتوكل اخيرااا فكرر وفكر كثيرااا قبل ان تفعل اي خطووووة حتى لا تندم بعدهااااا الله يوفقك ويكتب لك الي فية الخير |
لكل اللي يقول له رجعها
اقولهم : هى رمت الشريحه وطلعت بالعربي لا تتصل عليا هى بايعه كل ما افكر واقول لازم يرجع لها بس اقول مافي صفه وحده تخليني اقول من جد لازم ترجعلها الا انه يحبها هى اعتقد ما تحبه يمكن تحب فلوسه اكثر وتحب انه مطاوع لها اكثر لكن انها تحبه كشخص ,,, واضح انه لا لان اللي يحب شخص يدور رضاه بابسط شي زي عسيل ملابسه اخوي لو انا مكانك بدخل اهلي بالموضوع وراح اشوف الوالد والوالده ايش يقولوا |
بسم الله الرحمن الرحيم ...
الحمد لله و الصلاة والسلام على رسول الله نبينا محمد عليه أفضل الصلاة و أتم التسليم ثم أما بعد : اختي الفاضله ...باريسا ..حفظك الله ورعاك .. هي كلمات جالت في خاطري عندما قرأت ردك وليس من عادتي مصادره آراء الاعضاء ولكن احب التداخل معهم وتوضيح نقاط في ردودهم .. لذا أمل تقبل قسوة ردي - وهذا حكم مسبق على ردي - ولكن هي صراحه السيف ..فأمل تقبلها بصدر رحب بارك الله فيك .. ً اقتباس:
أمل تقبل ردي .. بارك الله فيك وفي نصحك ... والسلام عليكم ... |
الله يعينك يا اخي وربي آلمتني قصتك وانا اول فتاه اتعض الله يعوضك خير منها
|
والله في كلام هنا يرفع الضغط ويجيب السكر, اقصد اللي يقولون لهالمسكين "انت ماعرفت تحتار" انتم يا اما انكم تكذبون على انفسكم وعلينا او انكم مو عايشين في منطقتنا المليانه عقد (اسف على الصراحه الزايده)
والله اني يوم قريت موضوعك جاني هم ماقدرت انام, شفت الكلمات اللي وصفت فيها نفسك؟ انا اصف نفسي فيها تمام وزود على كذا اني في حياتي ماقد كلمت بنت ما تحل لي وانا مو راعي هالحركات ونففففففسسسس الشي ايضا اهلي يبغوني اتزوج من قرايبنا وانا رافض.... وانا اعترف وبالفم المليان اني اطلب الجمال في زوجة المستقبل وهذا ماهو عيب بل من حقي واللي يقول انه الجمال مو مهم يا اما انه يكذب على نفسه او انه مو طبيعي, و على فكره هذا هو كللللل هم "اهلي" كل شوي يسؤلوني "شف هذي وش رايك فيها؟ هذي وشلون عيونها؟ هذي شعرها عجبك ولا لا؟....." واذا قلتلهم ياناس لاتنسون الاخلاق تراها مهمه انا ما ابي وحده جميله واخلاقها تعبانه يقولون وبكل برود "احنا ما نقدر نفصفص البنت, اذا تبغى الاخلاق خذ قرايبك احنا عارفينهم" او يقولون "المكتوب ما منه هروب" وانا ما ابغى اقولهم ليش ما ابي من قرايبنا لان في اسباب عندي يكمن هم مايعرفونها وممكن تصير فيه حساسيات. مثل ما قال اخوي البيوت اسرار بزيااااااااااده والواحد ممكن وبكل سهوله ينخدع. وانا مالي الا اني اقول توكلت على الله واطلب من امي انها تدعيلي دوم وارجوكم كل من يقرى كلامي هذا يدعيلي ان الله يوفقني بوحده اذا نضرت اليها سرتني واذا غبت عنها حفضتني. اما انت يا اخي فانا ما اقول الا الله يعينك, وحاول انك ماتعجل بالطلاق وشف احد من "الحكماء" من طرف اهلها وحاول انك تبينلها تبعات وعواقب اللي ممكن يحصل وكيف ان بلدنا مليااااان بكاملات الاوصاف العوانس فما بالك بوحده مطلقه؟ الله يوفقك ويسهل امرك "ان مع العسر يسرا ان مع العسر يسرا" |
عندي تعليقات بسيطة على الي ردوا على كلامي
بس حبيت اوضح أمور أولاً أنا ما أشجع على الطلاق ابداً أبداً ما عاذ الله لأن الطلاق تجربة مريرة جداً يبقى ألمها محفور داخل النفس إلى آخر العمر ثم أنه أبغض الحلال .. والشي الآخر أنني مدركة أن سبب مشكلة أخي ( ساعة لندن ) هي عدم نضج زوجته .. وهذا باين في تصرفاتها .. و أكبر دليل رميها للشريحة هذي تصرفات أطفال .. لأنها لو كانت مستوعبة أن هذا الرجل زوجها ماهو غريب أو عدو ما كان سوت كذا .. بس هي ماخذه الموضوع تحدي الله يهديها البنت هذي ضحية .. ايه نعم ضحية تربية غير صحيحة .. أهي لو حاصل لها أم تربيها وتفهمها ماكان عملت كذا .. بس ما حصل لها إلا أهل دلعها لين خربوها .. علموها أن أهم شي في الدنيا اهي والباقي مو مهم .. ما علموها ايش تضحية وايش تحمل مسؤلية وإن شاء الله .. الله يرسل لها من ينصحها ويعقلها حرام بيوت تهدم عشان اسباب تافهه و رجاءً الأهل الي مدلعين بناتهم ويشوفونهم صغار ولا يقدرون يتحملون مسؤولية يخلونهم عندهم .. ماله داعي هالتجارب المرة وانت يا أخوي ساعة لندن ولكل الأخوان والأخوات الي قالوا كيف نعرف البنت ونحتك فيها اقولهم صح الأخ وكل الشباب والبنات ضحية مجتمع معقد .. واحنا ندفع ثمن قانون انرسم لنا من قبل غيرنا .. الاسلام حلل الرؤية الشرعية .. تجي بعدها الملكة .. طيب اجلس تكلم معها معقولة كم شهر الانسان ما يعرف الي قدامه وكيف يفكر .. والله من طريقة الكلام الانسان يعرف ايش مستوى تفكير الي معه .. ولا انفي خلو موضوع الزواج من المفاجأت بس ما تكون بهذا العنف .. يعني معقولة وانت جالس معها فترة الخطوبة ما فهمتها ولا عرفتها !! والله حتى لونها سحارة كان عرفتها .. حتى لونها اذكى وحدة في الدنيا كان فهمتها وبعدين اهي شكلها كانت تتصرف معك على طبيعتها بس انت الي فكرتها ابتتغير والدليل انها بقت تعاملك مثل ماكنت اول .. مش مستوعبه ان الخطوبة انتهت وانت مش مستحمل انك تعطي وتضحي وتتحمل انت وحدك .. خلاص فاض الكيل إلا اللهم إلا إذا ما شفتها إلا ليلة الدخله .. هنا اقول معك حق والله يعينك الأخت miss. fofo تقولين يحسب عليها مطلقة .. ادري انها مو سهله بس هالحالة الي عايش فيها الأخ سهله ويقد يتحملها .. هل كل يوم هواش شي يطاق .. هل الانانية شي ممكن نتحمله هل عدم الاحترام شي نقدر نمشيه .. يا أختي في صحيح شي مر لكن في حاجة أمر منها والي يشوف الخطأ بعينه وبعدين يستمر عشان كلام الناس لا يلوم إلا نفسه ولا يقول نصيب وأن هذا الي الله كتبه لنا ( } مَّا أَصَابَكَ مِنْ حَسَنَةٍ فَمِنَ اللّهِ وَمَا أَصَابَكَ مِن سَيِّئَةٍ فَمِن نَّفْسِكَ ) يعني مدامك عرفتي انك مو متفقين واسمريتي تحملي نتيجة سكوتك وخوفك أخوي M A X و أخوي السيف المهند ... هذي ثاني مرة تتوجهي لي انتقاد للتعميم .. بس معليش ما كان قصدي التعميم كنت أقصد أن الكثير من الشباب كذا تفكيرهم وأكيد مو الكل بس من السرعه في الكتابة ما أنتبهت اكتب كلمة تدل عليها (وَمَا أَنسَانِيهُ إِلَّا الشَّيْطَانُ أَنْ أَذْكُرَهُ ) .. عموماً مشكورين على التنبيه |
اقتباس:
أهلاً فيك أخي اولاً أنا أرحب بكل رد ما عندي مشكلة في هذا الموضوع ابداً بلعكس هذي ممكن يساهم في توضيح فكرة غامضة وفي النهاية احنا هنا نستفيد من بعض ثانياً ردك وتعليقك ماكان قاسي .. بل العكس كان عادي جداً وأعتبره مجرد استفسار أو استيضاح - بالنسبة للتعميم وضحت في الأعلى انه ماكان قصدي وإن شاء الله أنتبه المرات القادمه - النقطة الثانية كلمة ( ما تحتكون بالبنات ) لا تاخذ الأمور بحساسية كذا .. طيب انا قلت هالكلمة بس ماكان قصدي ان روحو احتكو بالبنات وتعرفوا عليهم .. القصد أن الشخص الي ما نعرفه ونبغي نبدأ معه حياة ننظر إليه نظرة عقلية أول الأمر ونحدد صفاته النفسية والشخصية ونبدأ بقياسها والبحث عنها ومن خلال الكلام في فترة الملكة راح تنكشف عندنا بشكل متوسط على الأقل الانسان مو لهدرجة مغلف والي يبغي شي يقدر يوصله .. وأكيد مش قصدي مجمعات واسواق وجوالات .. ماني راعية هالكلام الله يهداك ولا يخطر لي على بال .. والشباب الي يتحرشون في هالاماكن ما يستحقون مجرد التفكير والبنات الي بس همهم الأسواق والعلاقات الخاطئة ما يستاهلون يكونون مربيات اجيال |
اقتباس:
اقتباس:
وما قلنا أن الجمال مو مهم .. ومن غير الطبيعي أن الانسان يتزوج شخص شكله مو عاجبه الجمال مهم عشان يكون في اعفاف للنفس .. بس كل الي قلناه أنكم يا الشباب لا تفصلون الجمال كأنكم تفصلون ثوب .. يعني لا تقعدون توصفون وصف زايد .. بس أهم صفة انصحك فيها أنك تقول ابي بنت ارتاح لها .. صدقني هالشي راح يغنيك عن التعب والمعناة اهتم بهذا الشي .. وبالنسبة للأهل ما يحتاج اقولك ازيد من الشاب .. إذا الشاب يقول ابيها حلوة مرة أهله يقولون نبيها حلوة عشر مرات .. اساساً الناس كيف تختار حق عيالها وشلون يقيمون البنت ... خلونا ساكتين بس لكن لا تتشائم أخلص النية وادعي ربك يسهل لك .. وأهم شي الراحة النفسية وإذا جلست تتكلم مع البنت راح تفهمها وتعرف طبعها .. البنات بشكل عام شفافات ويكشفون عن شخصيتهم بسرعه وإن شاء الله خير .. لا تتعقد ومش ضروري الأقارب أفضل .. لأن الأقارب أحياناً يصيرون عقارب بعض الناس يكونون حلوين وبس يتناسبون إلا تقوم العداوة ما أدري ليش !! أعتذر لصاحب الموضوع لكثرة ردودي |
| الساعة الآن 11:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©