|
اخي لاتستعجل وتتهور ... المفروووض تنهي اموورك مع زوجتك الاولى وتاخذ لك فترة نقااااهه
بعدين تفكر بالزوااااج .. ترى الزواج امره ابدااا مب هين وانا حسيت من كلامك ان ماعندك مانع ترجع زوجتك الاولى .. اذا طلبت ذلك وانا اقول لك لو عندك منها عيال تمههلللللللللل ولا تستعجل وبخصوص اللي خطبتهااا ... فهم اهلها ان انت انسان متزوج وتبي هذي تكون الثانيه يعني يتوقعون كل الاحتمالات اما ترجع زوجتك الاولى .. واما تطلقها وهذا امر يخصك حابين يزوجونك بنتهم توكل على الله واذا مب حابين تراجع عن الموضوووع حتى تنتهي من مشكلتك |
أنا بأكتب الي فهمته
الارتباط بالزوجة الأولى ما عاد يفرق مع الأخ ، و هي ماتبيه و طالبة الطلاق و هو ما وده يطلق الأخ ينتظر رفض المحكمة لطلب الأولى للطلاق ، و هو شبه متأكد منه ، لكي تضطر الزوجة الأولى بعدين لطلب الخلع و يستعيد خسايره .. والي بطبيعة الحال بتعينه على زواجه من الثانية ... يعني الأخ راغب في الثانية و بقاء الأولى على ذمته مسألة وقت . هذا الي فهمته و الله أعلم . |
يسلم راسك يا(مخي فاصل)
الأخ صاحب الموضوع كل شئ مفهوم..أنت متأكد إن الأولى ماراح ترجع لك لوبعد سنتين أوثلاث يعني أنت جالس تنكت يوم تقول إذا بترجع كان بها!!..أنت تدري إن الشيخ(القاضي) بيماطل في قضيتكم لأن قضايا الطلاق تطول وفي النهاية الزوجة تدفع المهر عشان الخلع..وأنت تبي فلوسك..وقلت بتزوج وأعيش حياتي إلين اليوم اللي آخذ فيه فلوسي..ولأن تفكيرك غلط وظلم فمستحي إنك تقوله لخطيبتك!!..وهي لوفيها عقل ماراح ترضى فيك وهذي عمايلك!! ياأخي أنت تقول كرامتي ماتسمح أروح أرجعها..وين كرامتك وأنت معلق وحده ماتبيك!! ياأخي سواء تزوجت أو لا..أنت بتنام وتعيش مبسوط وزوجتك اللي معلقة تدعي علييييييك!! تكفى ياأخوي إتق دعوة المظلوم ترى مابينها وبين الله حجاب... نصيحة مدامها ماتبيك طلقها وكمل زواجك الثاني وإنبسط وعش حياتك وإنسى الأولى وإذا هي فعلا ظالمتك ربي بياخذ حقك منها... |
اقتباس:
|
حبيت ارد على الناس الذين قالوا ان الفلوس هو السبب ارد عليكم اني لن اخذ ولا ريال منها و انا اصلا لا اريد طلاقها والشرع حلل للرجل ياخذ 4 زوجات فانا رجل اتزوج ولا اطلق من احببت يوما وكانت زوجتي بس حبيت اوضح الصوره وعندما ذكرت اريد حقي قصدت ان الحق يظهر لصالحي عندما يحكم القاضي برجوعها لبيتي وعدم طلاقها
|
اقتباس:
كلام جميل وفقه الله ورايي من رائيه |
انهي موضوع الاولى نهائي
يعني ازا رجعت قلهم والله رجعت والي بدكو ااياه اعملوه وهما حرين عاد وازا مارجعت بتكون انحلت بس ماتعلق حالك بمشاكل جديدة كون صريح معهم عشان ماتضحك عبنت الناس |
ياخي وش فيك !
ماعندك كرامة أنت ؟؟!!! ماتحبك يابن الحلال ماتبيك ! غصب يعني !!! بتقعد تعابط كأنك طفل صغير وبالنهاية أنت الخسران ! خسرت زوجة كانت تبيك وخسرت حياة مستقرة وقبل كذا خسرت طاعة ربك الي نهاك (ولاتذروها كالمعلقة) ! ناس غريبة ! عجزت أعرف كيف تفكر ! |
خلاص
الحمد لله قول لخطيبتك (الزوجة الثانية) إن شاء الله الصدق و هو أنك تنتظر المحاكمة ليظهر حقك و زوجتك الأولى سترجع لك بإذن الله و يصلح ما بينكم و أن الإسلام حلل 4 زوجات , إن رضت الحمدلله و إن ما رضت , دوّر وحدة ثانية! بس لاتستخدم الكذب عشان تخليها توافق لأنها حرة (بما أنها لسة في البر) على كيفها بتتزوج واحد عنده زوجة أولا الشرع حلل لك , بس ما غصبها تاخذ أحد مثل وضعك ضع نفسك كصفحة بيضاء أمامها يمكن تقبل,, و الله يعين زوجتك الأولى مع المحاكم أخي الكريم مافي حل ثاني لرجوعكما غير المحاكم!! تحياتي |
بإختــــــــــصار
اختر احدى الاثنتين ولامجال لجمعهما ليس لانه غير جائز لك بل يجوز لك الجمع بين اربع ... لكن حاله الثانيه لاتسمح بوجود الاولى وان كنت تريد الاولى ابحث عن فتاه اخرى زوجه لك اخرى بدل تلك الفتاه المذكوره وهذا هو الحـــــــــل... |
| الساعة الآن 04:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©