|
من جد كلام جداويه وافتخر أعطيتي زوجك أكبر من حجمه
كبرتي راسه شكلوا بينه وبين نفسه يقول حرام أنا فيها من كثرت أهتمامك وحرصك عليه أنا مو ضد أنو الوحده تهتم وتحب زوجها بس بصراحه بعض الرجال أو أرى الآن الاغلبيه مايقدر ومايثمن هالشي من زوجته حبيبتي كل شي يزيد عن حده ينقلب ضده000 الظاهر زوجك يحب ويسعى للمرأه بعيده المنال الصعبه الثقيله الغامضه 000 وكمانه الواضح عليه أنو شخصيه ملوله تسعى للتجديد لا أنتي ولا غيرك يملى عينه00 ولو أنو مع ملكة جمال الكون بيطير فيها كم يوم بعدين بيحس أنها مثل الهم على القلب وبيدور على غيرها000 عزيزتي تعاملك مع زوجك يحتاج الى حنكه وذكاء وقوة قلب وفن في الردود000 نصيحتي لك سوي بحث بقوقل عن ناعمه الهاشمي وأنماط الشخصيات وعن قصص وحكايات ناعمه الهاشمي وحتلاقي أجوبه عن أغلب أسألتك واستعيني قبل كل شي بالله والدعاء الله يوفقك ويهدي زوجك ودمتي بود |
طب لايكون متزوج عليك وأنتي ماتدرين ؟! .. (مجرد احتمال لاتوسوسين)
عندكم عيال ؟ .. العيال ممكن يلطفون الجو شوي .. |
اللي تقول عطيتيه وجة من الأول ودلعتيه حنا أصلا تونا في البداية ماكملنا سنة والمصيبة إنه تقريبا من ثاني يوم مل مني...ولاأحس إنه يشتاق لي إلا إذا سافر ورجع طبعا من أول ليلة ويروح الشوق
واللي تقول إقرئي عن ناعمة الهاشمي قريييييت ياأختي ماخليت شئ لكن زوجي واضح مايملا عينه شئ واللي تقول يمكن متزوج مستحيييل زوجي وأعرفة أصلا حتى لوتزوج بيمل منها قبل الشهر يخلص ويطلقها!! أطفال ماعندنا وأنا بصراحة خايفة مابي منه عيال والله مرة جالسة أسولف مع وحدة من صديقاتي ونتكلم قلت لها أنا دايم عندي إحساس إنه بأي لحظة بيرميني عند أهلي..قالت مصيبة إذا تنامين وتصحين ولافيه آمان ولاأنتي واثقة منه!! تصدقون لما أشوف منه شئ يزعل وأكتب له رسالة وسائط يعني أشرح له الغلط وحاجتي واللي أبيه مايمسح الرسايل يقول عشان أي شي يصير أوريها أبوك!!..رغم إن الرسالة كل اللي فيها كلام واقعي ولاأغلط عليه ولاشئ بس بعض الأمور بين الزوجين مولازم أحد يعرفها!!...وأناأكتب له رسالة لأنه عصبي مايسمح أني أناقشة وإذا قال تكلمي يقولها بصراخ ويحطني بأجواء رعب!!..المصيبة إني متعلمة وفاهمة للحياة الزوجية وأقرأ كثير ومتربية بأسرة مثقفة متدينة هادئه كل فرد يسعد الآخر نحل أمورنا ونقضي أمورنا بسرية دون علم الآخرين ..الحوار والنقاش الهادئ أساس الحياة المريحة لكن إبتليت بزوج لا يريد المسؤولية زوج كئيب لوتحضرون له لوحة جميلة بيجلس يبحث عن أي نقطة سوداء لاترى إلا تحت المجهر ليبدي رأية فيها... أنا حاسه إني عايشة مع رجل في بيت بدون شبابيك وأبواب أتستطيع زوجة أو زوج العيش في بيت مفتوح والكل يراهم؟؟!!! أرجوكم إنصحوني شورو علي؟...أنا في حيرة..والله العالم بحالي؟؟..أحيانا أقول أتطلق وأرتاح لكن المشكلة إني أحبة ماأقدر حدي أسبوع وأنجن إذا ماشفته..رغم إني عند أهلي أنبسط وأرتاح عندهم أكثر من الراحة عند زوجي لكن ماأدري محتااارة؟؟ |
الله يعينك ويفرج لك
سؤال إنتي معطيته اكثر من حجمه ومتغاظيه عنه كثير ليش ماتحسسينه إنك كاشفته وعارفه البلاوي اللي يسويها وأتمنى إنك تحتفظي بأدلة ملموسه مثل ماهو يحفظ رسايلك ما يصلح له إلا مثل اسلوبه حس إنك ظعيفه ةتتاثرين بنقده وتدورين رضاه وانبسط على هذا الشيء وقام يزيد ويستمته لا بد يحس غنك واثقة من نفسك وقوية وعارفة عيوبه واخطاؤه يمكن يختشي ويخف |
اختي ...
اسال الله في هذه الجمعه ...ان يسخر لك زوجك.. حبيبتي ... اولا لازم زوجك يتعلق بربه ... وهذا بالدعاء ... وبقربك انتي من الله ... ثانيا ... كيف حالك معه في الفراش ... هل يجافيك كثير ؟ قد تكون نقطه مهمه تلك اذا كان مقصر معك من ناحيه الفراش ... او كان ينقل كل كبيره وصغيره لاهله ... اتهميه بقلت رجولته ... وان طبع الرياجيل الصمت وكتمان السر ... وبالنسبه للعطوورا ... عطي عطوراتك لاهلك ... وخليه ينزل معك ويشتري لك ... شيء اخر لا ترسلين له اي رساله فيها سب ... او انتي امسحيها على طوووووولاول ما تقابلينه .. وبعدين لك الحق تعرفي ارقامه السريه... لكن لا تبحثين وراه من الاخر اثقلي عليه ... وامسكيه بالفراش .. بس |
الله يكون في عونك.....
بصراحه أكبر غلط تماديك في الاهتمام به ..والله لو تطنشينه ماتكلمييينه الا لحاجه مثل مايسوي ولا تطالعين في عيونه ولا تجلسين في المكان اللي هو فيه تروحين تشغلين نفسك بأي شي ..كتاب ..تلفاز ..أي شي..وكل هذا بدون تكتيم خلي عااااااااااااااااااااااادي واذا سألك قولي مافيه شي بكل هدوء..وحتى في النوم خليك عاديه لا تموتين فيه ....دوسي على قلبك شوي عشان كرامتك ... جربي فتره وشوفي.. واذا مانفع وسويتيها تقريبا شهر وزود....ناقشيه بهدوء عن حياتكم ووضحي له انك ماتقدرين تتحملين كذا وممكن تروحين عند اهلك..حتى لو قال مع السلامه...دام انك ببداية حياتك لا تهينين نفسك عشان واحد مايقدر.....وراعي فساد..والله شي يقهر شلون من ثاني يوم كذا وانتي ساكته....يمكن تلقين اللي يقدر الحياة الزوجيه صدق ..هذا ماخذك لعبه وخدامه والا اييييييييييييييييييش؟؟؟ واكثري من الاستغفار.. |
اقتباس:
كلااااااااااام الأخت صح عليك بالإستغفاااااااااااااااااااااار وقيام الليل وبالفعل والله راااااح تشوفي الفرق ثقة بربك ويقين به سبحانه وتعالى وأنامجربة هذا الشيء ... |
أختي الكريمة اسمحيلي واضح من كلامك انه شخصيتك ضعيفة ......
عزيزتي زوجك ماينفع معاه الا قوة الشخصية زوجك شافك فاقدة الثقة في نفسك فعشان كذا قاعد يضرب على هذا الوتر حبيبتي لما يقلك مثلا المناكير موحلوة عليك قولي اه بس انا عاجبتني وقيسي على على كذا على حكاية الرسايل اللي محتفظ فيها عشان يوريها ابوك قولي ايوة كويس عشان تكون اثبات عليك عزيزتي اثقلي عليه ودوسي على قلبك شوية انشغلي عنه لاتسيري كتاب مفتوح قدامه نوعية زوجك يحب الغموض والثقة والشخصية القوية واخيرا عزيزتي لاتسكتي على منكر اغضبي لله عزو جل وانصحيه بالكلمة الطيبة والموعظة الحسنة ودايما ادعي( ربنا هب لنا من ازواجنا وذرياتنا قرة اعين واجعلنا للمتقين اماما) |
وعليكم السلام ورحمة الله وبركاته
اختي الفاضله فوضي امرك لله وهو الكفيل انه يغير حال زوجك وادعي له ان الله يصلح حاله ويحببه فيك ويقرب منك الله معك والله يكون في عونك |
.
. اللي فهمته من كلامك أن زوجك مافيه ميزة تخليك تتعلقين فيه وتتغاضين عن أخطائه بهذا الشكل حبيبتي ... حطي حد للي قاعد يصير وقوي شخصيتك ولاتسكتين وتتنازلين عن حقوقك الله يكون بعينك وينصرك على من ظلمك ، اكثري من الاستغفار وقول (حسبي الله ونعم الوكيل) موفقة حبيبتي |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©