|
الموضوع بسيط و حله ابسط ,, اهم شي تكون هادي و تتعامل بدلماسية ,,
قول لها اوكيه رغم ان العرف عندنا ان الخاطب ما يصرف على خطيبته وقت الملكة لكنك غالية و ما اقدر ارد لك طلب بعطيك مصروف 500 بس فاتورة الجوال عليك ,, بكذا بتكون دفعت لها فعلياً 150 (فرق الفاتورة) بدل 500 |
اقتباس:
انا مع هذا الراي عنا حسب الطلب احيانا والد العروس يفرض على العريس مصروف شهري والحكمه وغيروووو الله يوفقك هي حابه تعودك من الآن ان لها مصروف شهري |
أول شئ أخوي أحيي فيك رزانتك ورجاحة عقلك.. وحلو أسلوب التفاهم وإمتصاص نرفزتها بإنك تأجل الرد بحجة التفكير.. :22: شوف بصراااااحة أخوي أنا شايف الموضوع أكبر من فاتورة جوال ومصروف شهري.. البنت أخوي يا إنها صغيرة ولسى مو فاهمة كيف تتعامل مع زوج المستقبل أو فيه أحد يفر براسها.. وفي كل الأحوال هذه مشكلة كبيرة.. وباين كمان إنها مدلعة شوية معليش على الكلمة أخوي.. الفترة هذه إذا إنت شاريها راح تتعب معاها كثير أخوي لازم تضع لها حدود في التعامل وتعلمها كيف المفروض تكون.. بالنسبة لي فاتورة الجوال 300 وشوي أشوفها كثير يعني بالله بالعقل كذا ايش الإتصالات اللي عندها وهي في بداية عمرها.. ومصروف شهري ملزم بيه كمان صراحة مرة صعبة.. شوف لو إنك ما تسدد الفاتورة كان قلت حلوة منك تعطيها شئ رمزي شهرياً يعني بالكثير قول 200 إذا وضعك يسمح كمان.. وإذا مو مقتنعة أخوي قول لها طيب يعني إنتي اللحين بطلباتك هذه تعتبري نفسك زوجتي ولك واجبات وعليك حقوق لأنه إنتي بتقولي المفروض أجيب لك مصروف شهري يعني هذا واجبي حتقول لك أكيييييد ..قول لها طيب أوكيه كمان إنتي عليك حقوق خلاص ملابسي بجيبها لك تغسليها وتكويها وراح أجي وأخذ حقي الشرعي والزواج مو لازم زواج كبير ومش عارف إيه يعني بحكم إننا خلاص متزوجين يعني.. طبعاً راح تندهش إنت هنا على طول لا تنتظر منها رد وقول لها شفتي يا فلانة الأمور مو بالطريقة اللي إنتي شايفاها أنا اللحين وراي مسؤليات وأشياء كثير لازم أوفرها والمفروض إنتي تكوني عون معاي وتساعديني علشان نتزوح بسرعة ونجتمع في عش الزوجية وكذا.. وبالنسبة للمشكلة خييرها أحسن بإنك تسدد الفاتورة أو تعطيها 300 ريال شهرياً.. تمنياتي لك بحياة سعيدة |
اعتقد انه من المفروض لاتصرف عليها حتى تصبح زوجتك رسمية
وشكلك مرخي حبتين وصحيح الهدايا حلوة بس مو تشترط في نوع الهدية وتتجرء سخركما لبعض |
بصراحة واضح عليك انك مومقصر ابدا وكمان تسدد له الفاتورة ؟؟
احس ان خطيبتك فى احد وازها يعنى معبيلها راسها او انها تقلد صديقاتها او قريبااتها صدقنى الحل بسيط جدا وزى ماهى كلمتك بصراحة انت بعد كلمها بصراحة وقول لها ما عندى وايام وتنتسى المشكلة المشكلة ان بعض البنات لازم تحس ان الرجل هو فقط عشان يصرف عليها ! |
السلام عليكم ورحمة الله وبركاته قبل ارد على الاخ صاحب الموضوع احب ان اعلق على كلام بعض الاخوات وردودهم ومن هم الاخت حرم المعلم اللي تقول بردها انا بصراحه استغرب من جراتها الزايده والخ الله يهديك اختي حرم المعلم اول شي هذي زوجته ومفروض ماتتكلمي عنها بهذي الطريقه امام زوجها حطي نفسك بموقفها هل ترضين وحده تسبك امام زوجك اعتقد والاكيد لا فرجاء من كل العضوات اللي بتضيف رد للاخوان تحط نفسها بالموقف قبل ان تجرح بالكلام فاتقن الله حتى بردودكن واسفه اذا قسيت بكلامي بالنسبه لردي على موضوع الاخ اول شي اخوي هذي زوجتك ومافيها شي لوطلبتك جوال ومصروف اولا هي حابه تتدلع عليك حابه تحس انو في شخص يلبي رغباتها وطلباتها هي اكيد والمصروف بنظري شي ضروري والمهر حتى لوانك معطيها مبلغ كبير مااعتقد بيكفي في هالزمن لانو كل شي غالي فراجع نفسك اخوي وهذي اولا واخيرا زوجتك وفي ذمتك ومجرد ان كتب العقد فهي في ذمتك وكل شي يخصها انت مسئول عنه سواء الاكل والشرب وغيره وحتى لوكانت في بيت ابوها هي الحين تنحرج تطلب من ابوها لانها بذمتك وانت مسول عنها فلاتكسر بخاطرها عشان اشياء بسيطه وتستطيع ان تدبر هذي الامور اجلس مع نفسك وحط ميزانيه لمصروفها بحيث انك ماتقصرمعها ولا تضغط على نفسك فوق الطاقه انا من رايي تفاجئها وتشتري لها الجهاز اللي تبيه وتكلمها وتقول بالنسبه للمصروف لاتشيلي هم انا تحت امرك انتي زوجتي ومافي شي يغلى عليك والله يوفقكم ويسهل عليكم
|
نحن عاداتنا الزوج ينزل راتب لزوجته وقت الملكه
بس زوجي ما كان يدفع فاتورة تيلفوني كنت ادفعها من مصروفي اللي يعطيني اياه لكن لو اموت ما اطلب منه شي...ما دام في بيت ابوي |
شوف خيو ...
زوجتك جاهله بطلبها لانها ما تسوى 4 شهور بس بتعطيها فيها 2000 .. لو انها مكاره كان قالت لك ابي الشيء الفلاني بس ميزانيتي ما تسمح ... ويكون مبلغه فوق 2000 عطها على هواها ... لان المرأه تحب الرجل الكريم ... هذا غير انها بتعتبره ..من ضمن حبك لها ... يعني لو عطيتها تحبها ... ولو ما عطيتها ما تحبها .. خيو .. الواضح انها شايله هم انها لو تزوجتك بكره انك بتعطيها مصروف ولا لا ... عشان كذا هي حابه تعلمك انه شيء مفروض عليك ... وتتعود عليه ... باختصار .. انت قول لها .. انك فاهمها وفاهم تفكيرها ... وانك عارف انها خايفه بكره ما تعطيها مصروف ... لكن عشمها بانك راح تعطيها لو صارت في بيتك.. وقول لها هذا ما يدل على الحب او غيره ... واخيرا وضح لها ضروفك ... وانك انت بحاجت الفلوس ازود منها والحياه تعاون ... اذا اقتنعت ولا عطها ... وبالعاده البنات يجون بالكلام الحلو ... ونصيحه لك قلل المكالمات لان ما وراها الا الطلبات ... ولا تخلي مثل هالمشاكل تكون حاجز بينكم |
اقتباس:
مشكوره أختي والله ماني مقصر معها حتى ما اخليها تكلمني اذا اتصلت , اعطيها بيزي وارجع ادق عليها علشان ما اصرف عليها بارك الله فيك |
اقتباس:
الله يخليك أختي , لكن المشكله ان الواحد ينصدم في أمور مو حاسب حسابها بارك الله فيك |
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©