|
ادعو الله ان يصلح شأنك وزوجتك
مهما حدث سيظل كل ذلك مجرد مشاكل زوجية بسيطة قابلة للحل بالحوار والفكر |
اللي يحب مستحيل يكره ياخي احتسب صبرك وافعالك الطيبه معها عند ربك ولا تنتظر من العبد شي ترى مافي شي يضيع عند ربك لك حق انك تتزوج اذا رغبت في الاكثار من النسل وهذا حقك الشرعي لكن لا تتركها اذا كان مو عشانها عشان عبودي وش ذنبه يعيش جو متكهرب او يفقد الجو العائلي المستقر فاانت تعلم معنى تفكك الاسر اضغط على نفسك عشانه وقاوم غيضك منها عاملها طبيعي بدون ماتجرح مشاعرها واللي في راسك بالنسبه للزواج سوه بعد الاستخارة في الزوجه الصالحه فاختر من لاتندم على اختيارها ابدا وتحرى الدقه فلا يكن همك الانجاب فحسب لانك كما يبدو رجل رومانسي تقدر الحب وادعو الله لزوجتك ان يصلح بالها ويسخرها لك لعل الله يستجيب دعوتك ولعل ابتعادك عنها اذا تزوجت يعيد محبتها لقلبك اسأل الله ان يفك ضيقتك ويزيل همك تذكر محاسنها وايامكم الحلوه واعتبر مايحصل منها عارضا نفسيا وساعدها باسلوبك وانت راعي الاوله في الطيب وبذل الخير وسو خير وارمه بحر
|
الله يسخركم لبعض
بس عندي كم نقطة بقولك عنها طبيعي من زوجتك انها ماتهتم بمظهرها او بنفسها اذا نفسيتها تعبانة من انها مااستطاعت اسعادك بانجاب الذرية ثانيا بمحاولتك الزواج عليها عمرة الزواج ماكان تاديب لزوجة لان بنات الناس ماهم لعبة بيدينكم خافو ربكم وصدقني بهالحركة انت تضيع من يدك زوجتك وعيالك بعد انا مااقصدك بس اقصد كلمة انذكرت بالردود النقطة الثانية حياتكم مملة نفس الروتين والنظام ابعد عنها فترة او هي تبعد عنك فترة صدقني بتشتاقون لبعض لكن سالفة انكم مقابلين بعض 24 ساعة ترى تكة وربي النقطة الثالثة الهدايا تقرب القلوب تهادو تحابو سوو لها مفاجاة بمناسبة حلوة امبينكم النقطة الاخيرة لاتحسسها بالنقص وانها خلاص مالها امل بالانجاب انت عطها الامل والامل بالله كبير توكل على الله اوقف معها مو انت بس اللي تعاني صدقني هي تعاني اكثر منك الف مرة حس شوي فيها |
انت وبعدين معاااك
اتقي الله في زوجتك حرااام عليك اكرهك اكرهك طيب خلاص عرفنا على الاقل احترم العشره اللي بينكم لا والمصيبه رااافض كل الحلول اجل وش تبي:( يمكن تبادلك نفس الشعور وش درااك؟ |
اقتباس:
يمكن ليش لا<<<< فاطس ضحك لا تعليق اتوقع الرد عنيف ههههه:d |
اخي الغالب
تمالك نفسك ولا تدع للشيطان مدخل انت تحب زوجتك بل تعشقها لكن من كثر ما تقول اكرهها اكرهها تشبع عقلك وقلبك بالفكره من هنا تبدا المشكله طلما انك تكرهها او بالاصح تردد بكلمة اكرهها ماراح تنحل المشكله و بتعيش في هم حتي لو تزوجت ثانيه وثالثه ورابعه و ولدك بيكون عايش في جو مروع ارحمها وارحم نفسك . . . الحل بيدك ......................... |
[SIZE="4"][FONT="Fixedsys"]ياهلا اخوي ابو عبدالله انا اول مره اشارك وشاركت بس لان موضوعك شدني وماقدرت غير ارد عليك
من وجهة نظري انت تحتاج طبيب نفسي 00واتوقع انك سبب مشكلتك وتازم نفسية زوجتك اتوقع انو الافضل انك تطلق زوجتك وتخليها تشوف نصيبها مادامك تكرها 00هي صغيرة واتوقع جذابه لانها (قدرت تحافظ عليك لمدة 17 سنه)00 على الاقل تلحق عمرها وتجيب لها طفل ثاني 00 وتشوف نفسها مع زوج يقدرها ويحترمها ويعطيها حب وحنان0[/SIZE][/FONT] |
اقتباس:
والله ماظني أنك قريت الموضوع من أصله .. عودي للموضوع وأقرأيه جيداً |
اقتباس:
هههههههه لا والله لاعنيف ولاهم يحزنون حط القير على الخامس وتعال من عند ها الرد طاير بسرعة 180خلك يادوب بس تلمحه فهو لايستحق التأمل والسير عنده ببطيء |
اعلم ان الذريه بيد الله وليست بيد الاطباء ...انما هم اسباب ليس الا لاني اراء انك مان عليها بصبرك |
| الساعة الآن 01:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©