|
ماشاءالله ،تبارك الله شخصيتك جميلة وأسلوبك في التعايش مع أحداث الحياة رائع دعائي أن يحفظك ربي لأبنائك ويحفظهم ويرزقك برهم وصلاحهم ويريك منهم ماتحبين |
الله يسعدكم جميعا ويفرج هم من له هم اسعدتني ردودكم
ولما ادخل هذ المتندى احس بفرحة غير طبيعية احس عندي بيت ثاني وعيال واهل يسمعوني واسمعهم كل عام وانتم بخير |
ماشاءالله ،تبارك الله
الله يحفظ لك عيالك ويهديهم ويصلحهم ويجعلهم بارين بكي ويحفظك لهم اختي ارمله انا محتاجه لمثلك لاني مثل ظروفك بس اولادي لسا في مراح المراهقه لهاذا حبيت اسألك كم سوؤال الاولاد الذكور كيف استطعتي ان تجعلينهم يختلطو بالرجال ومن كان قدوتهم لاني اعاني من ولدي عمره14 سنه احسه مايحب يجلس مع الرجال وكمان انطوائي فكيف اعزز ثقته بنفسه وياليت تذكرين لنا بعض المواقف الصعبه وكيف تجاوزتيه لاني نفسي استنفيد من تجربتك احسني تايهه |
تبارك الرحمن..
الله يثبتك ويقويك يارب.. ويخليك لأبنائك.. مأجورة.. |
الله يثبتك ويخليلك عيالك
|
ما شاء الله تبارك الله
بس لى سؤال مهم جدا بالنسبه لى واحب اخد رأيك فيه من خلال تجربتك كيف اساعد ارمله تعول اطفالها وليس لها دخل ولا مال والمشكله انها عفيفة النفس بشكل رهيب ومتأكده انها تحتاج الى مساعده وترفضها رفض تام تام ؟ ما رأيك ايه الحل مع ان ايجاد وظيفه لها شئ صعب جدا |
اقتباس:
احس وضع النصايح والخطط صعبة السن هذا مايحتاج يختلط كثير لاكنه يحتاج ثقتك فيه حاولي تعتمدين عليه علميه يكون مسئول عن البيت وعن اخوانه افتحي له حساب وحطي له مصروف للبيت عودي يقوم معك بالمراجعات الحكومية اذا وجدت اي طلب تحتاجينه كلفيه فيه حتى لوفيه سواق اوقريب ممكن يسويها حسسيه دائم انك محتاجة مساعدته اعطي كل واحد اهمية واهتمام من الجميع شاوريهم حتى ولوكانواصغار لاتميزين بين البنات والاولاد عشان لمايكبرون مايكونون متسلطين اذابغيتيه يسوون حاجة اصري عليها ولاتتركي لهم فرصة يتهربون كوني شديدة وكوني لينة عند الهموم والمشاكل اشغليهم دائم ولاتقولين لو كان ابوكم موجود كان صار كذا وكذا انتي الخير والبركة ارجع لاسئلتك اولادي بطبعهم اجتماعيين من قبل وفات ابوهم الله يرحمه ومع ذلك اصابتهم فترة عزله لاني كنت امنعهم يطلعون اخاف يختلطون بشباب00000 اكثرالصعوبات كانت تخلي من حولنا عنا خاصة الاقارب بسبب الوضع المادي الصعب الي كنا فيه وشنوا عليناحرب والحمد لله تجاوزنها بالصبر و نية التحدي وتضل الحياة فيها الكثير اذا كان الاب والام مجتمعين ومتفقين والناس الطيبين والاقارب المجاملين حولهم ويلقون صعوبة فكيف احنا ضعوف لاتخلين الهم والخوف تسيطر عليك خلي الامل بين عينيك والله يكتب لك الجر ويكفينا ياختي انا نتسابق مع المصطفى عليه افضل الصلاة والسلام على باب الجنة |
ماشاء الله كلامك يبعث الأمل ..
الله يثبتك ويجمعني معك في ظله يوم لا ظل إلا ظله .. |
اقتباس:
ساعدي اختك الارملة بتعليمهاحقوقها وواجباتها وهذانصيبها من حقهاعلى من حولها المساعدة والعطف عليها وعلى عيالها ومن واجباتها قبول هذه المساعدة لانهاحق مشرع قسمه الله لهم في مال المسلمين وفرض الله الزكاة واوجب الصدقة لمثل حالتها ولايجوز ان تحرم عيالها اي مساعدة من فاعل خير ولاتحرم المسلم من فعل الخير واذاكانت محتاجة تروح الضمان والجمعيات الخيرية هذه الاشياء ليس فيها شيء اسمه عفة نفس الله رازقهم وهي تحرمهم هذا سمه غرور وبالنسبة لمساعدتك المادية اذاكانت بسيطة اعطيها في شكل هدية واذا كانت كبيرة فساعديها في عمل مشروع تتسبب منه على انه شراكة انتي براس المال وهي بمجهودها والله يقويك على فعل الخير ويتقبل منك واذاتحتاجين مساعدة اناحضرة |
اختي الرمله بارك الله فيك وجزاكي المولى خير الجزاء علي سرعة ردك وجعلني الله واياكي وكل كافل يتيم مع الرسول صلي الله عليه وسلم
|
| الساعة الآن 09:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©