|
اقتباس:
كلام في الصميم انا معك بهلرد. |
|
اقتباس:
اخي العزيز انا قلت راي شخصي .....وانا رايي ان غسل الصحون للحريم ماهو للرجال ولاعلاقه له بمساعدة الاهل.......تقبل رايي والله يوفقك ويصلح اهلك |
الله يهديك اخي لاتكبرها تكبر هذي عين والانفس وان شاء الله بتروح خلها تداوم عند المشايخ وتحرص على الادويه حقتهم
وخذ ملح وكاس مقري فيه ماء زمزم وزده ماء كثير ورشه على زوايا البيت وخل المسجل دايم يشتغل على اذاعه القران الكريم او صورة البقرة وان شاء الله بتروح وخلها قيل ماتنام تقرا سبع مرات ايه الفاتحه وتنفث في يدها وتمسح كل جسمها قبل كل نومه هذا مهم انا مرت اخوي جتها نفس الحاله بس داومت عند الشيخ وصبر اخوي عليها وماشاء الله هذي عندها اربعه ومبسوطه |
السلام عليكم ورحمة الله وبركاته
شهر مبارك عليكم واسأل الله سبحانه ان يعتق رقاب عبادة من نيرانه اخوي متزوج ولكن اقراء كلامي زين انت دوامك في وقت متعب جدآ ابغاك تطبق التالي اول شئ حاول انك تودي حرمتك قبل الدوام الى اهلها واذا خلص الدوام تمرها وتاخذها ثاني شئ الزوجة خلقها لله سبحانه وتعالى من ضلع ومكان سعادتها الصدر يعني ابغاك تضمها كل يوم اكثر عدد من الضمات وتمسح على شعرها وتحرك اصابعك على جلد راسها بحنان واضح ثالث شئ ابغاك تعطيها نظرات فيها ابتسامه خفيفه .. بس انتبه النظرة لازم تكون طويله وحاول انك ماترمش حتى ولو كلمتك وقالت وش فيك خلك مستمر يعني مثلآ على العشاء او الغداء مو في مطعم لا في البيت طبعآ اذا انتهت النظرة قل لها كلمة جميله مثلآ قل ... لا ابد مافي شئ بس جالس اشحن روحي وعيوني وقلبي بجمال عينك ... ثم مد يمينك الى الغداء واضرب في النعمه ههههههههههههه جرب الطريقه هذي بس اسبوع ورد علي هنا حرمتك مشكلتها مجرد توقع ولكن ان شاء الله انه اكيد نقص حنان هائل جدآ اذا وصل الى حد البكاء الله يوفقكم ان شاء الله |
اللهـ يعطيكمـ العافيهـ ... !!!
في البداية اسمحولي أن اقول لكم الشهر علينا وعليكمـ مباركـ وكل عـامـ وأنتمـ بخيــر .. أسـأل الله لنا ولكم القبول والمغفرة والعتق من نيرانهـ ... أريد أن أشكر كل عضو شــاركـ معي في هذا الموضووع واسمحولي :d قعدت نص ساعهـ أدور موضوعي ويالله لقيته عقب ما رحت لـ لوحـة التحكـمـ <<=- :22: اسمحولي ابدأ مباشره في الحقيقه شفتـ ردود كثيرهـ ومختلفهـ واكيد كل واحد يعبر عن رأيه وبالعكس هذا شئ إيجابي والله يجزاكم الخير .. الواحد يتسفيد من أخوانهـ .. وأنا قلت من قبل ابي اسأل المجربين تطرق بعض الاخوان في كلامهم أنك عشانك ساعدت زوجتكـ كذا حسستها بأنك شخص ضعيفـ الشخصية هل باللهِ عليكم أذا ساعد الواحد أهله سواء أمه او أختهـ او زوجته يقال عنه ضعيف الشخصيه او علي كلامكم بأنك المفروض ما تساعدها بصراحه كلام اعط تحته عشرين استفهام ؟؟ بصراحه في عضوين ودي اشاركهم واسمحولي بكلمه أبي أرد عليهم :d في البداية أختي فيافي نجد المسأله مو علي ان كل طلباتها مجابــهـ بالعكس بعض الاحيان إذا كنت قادر علي الشئ ايه ان شاء الله وقبل كل شئ أعرفـ ليش و هل هو مهمـ أو لا ؟؟ ولا أظن بصراحه تقلبها و صياحها بدون سابق إنذار اني ما أجبت طلبها أو قلت لها ما أبي اغسل الصحون ؟؟؟؟؟ العضو الثاني الله يجزاهـ خير Mort Vivant بصراحه كلامكـ في من الحقيقهـ الله يعافيكـ خلني اقولكم انا هالايام صارحتها بكل الي في خاطري لكني تفأجات بنفس الرد الي من قبل قلت لها بصريح العبارهـ يمكن الفتره الي طافت الـ 8 شهور كنتي مشغوله بالدراسه وكان عليك ضغط الدراسه والبيت وانا والاختبارات و بصراحه اكتشفت فيها حاجه انها ( تكتم : يعني ما تفضفض ) لدرجه انه في نص الكلام قالت لي خلاص خلاص <<<<=-- ويووووووووهـ من كلمه خلاص أجبرت نفسي وقلت لها اذا في خاطركـ شئ قولي لا تحاولين تكبتين علي نفسكـ أنا مثلك ما اقدر افضفض لو بطلعه الروح وبعدها طلعت من الغرفه ولا عاد كلمتها ساعتين صليت التراويح وجيت بعدها وسكت وبعد ساعه قالت لي خلنا نطلع نتعشى برى قلت يالله اقل شئ نغير جو تجي بعض الاحيان تبتسم في وجهي وكأن الأمر عادي لكني ما أدري وش التقلب يعني لدرجهـ انه أمس بعد التراويح تقولي يوم الاربعاء بنروح نفطر عند أهلي وأبجلس عندهم ألين الجمعه ويمكن الاسبوع الي بعدهـ اروح لأهلي عشان أختي بتجي الكبيرهـ وبنجتمع ويومـ العيد ( هو موجود عندنا إجتماع عائلي في وقت الغداء : تقول ابجي الصباح ابسلم علي أهلك بس والعزيمه ما أبي اروح لها ) وترجع تقولي أنت تروح لأهلك كل يوم عشانهم قريبين من عندكـ وأنت حاسدني علي الجلسة يومين وانا أصلا ما تكلمت ولا قلت شئ وارجع واقولها يابنت الناس لو أهلك جنبنا كان وصلتك عندهم كل يوم وهذا منوال يعني من فتره لفتره وشئ عادي عندي صار مسجل اقولها يا ناااس في تقديم اشوفها تقولي وتخطط من الان اكتشفت ان الضغط موجود عليها إلي الان يا ناس عطوني حل وش فيها عين جتب زيت مقري فيه وقلت ابيكـ تدهنينيني فيه تقولي ما ابي ااحبه ما ابي يعني بصريح العبارهـ ما أبي اوسخ يدي اخوهـا قبل كل يوم يقولي ان خواتي اقنعوها تقرأ علي نفسها ولا روحو اقرو عند شيخ وكانت مقتنعه معاهمـ انا يمكن الخص كلامي و اتوقع هالخلاصة ما تكفي يمكن البنت مضغوطه بصراحه اذا تأخرت تدق علي وينكـ <- معناتها خايفهـ وتبي احد جنبها استغفر الله .. ناوي اقولها خلال هالاايام يابنت الناس خذى شنطتك ومتى ما بغيت ارجعك ارجعك علي الاقل خلي هالي في راسك يطيح الشئ الثاني صرت انقهر من فتره اذا قالت لي تراني ابروح عند أهلي .. باين كأنها علي كيفها يعني مثل سالفه هالتخطيط البعيد المدى ماشاء الله يعني تجي وتقولي وش فيها انت بتروح عند أهلك وانا عند أهلي أمي ما عندها أحد من البنات وهي لحالها وما ادري ايش ( هالكلام يقهرني .. لكن مثل ما سمعت من شيخ يقولي يا بن الحلال في بداية حياتكم عادي خلها تروح توكم ما بعد تعودتو ويمكن تطول لسنتين .. وكلامه بصراحه صحيح .. يقول خذها مني سنتين اذا قالت بتروح لأهلها خلها تروح بس بالمعقول يعني اسبوع ايه واسبوع لا طلعت البنت من أهلها غير طلعت الولد من بيت أهله غير كذا ما بعد جاكم عيال اذا جوكم عيال بكرهـ هي بتصير تتردد وتقول لا خلاص وما ادري ايش يعني بصريح العبارهـ بتستحي عند أهلها من غثا البزارين ) بصراحه الشيطان يجيني يقولي ورى ما تهاوشها ارفع صوتكـ عقلّها .. ولا عليك . لكن إن فكرت في أهلها وهم ما قصرو معي اتردد اقول في نفسي عاادي عادي بما أنها تجلس عندي ايام الاسبوع وش فيها اذا راحت اخر الـ Week End آآآهـ يا ناس تعبت قولي وش الحل ... طمنوني ... ريحوني .. الله يريح بالكم نقطهـ أخيرهـ .. زوجتي فيهــا عناد يعني أبي أروح لأهلي ما يخالف بس بالمعقول لكن تقولي في رمضان ابروح كثير لأهلي يعني ... تراهـ أول رمضان لنا وعساهـ ياربـ ما يكون الأخير لكن أنا اشوفها في نفسي ما بعد تعودت علي الجو أصير افطر انا وزوجتي بصراحه حتى في هالساعه حنيت أني افطر عند أهلي آآسفـ علي الإطالهـ لكن بعض الاحيان الكتابه تريح الانسان ... واسمحولي تعبتكم معـــاااي متزوج و لكنـ |
لآحول ولآ قوة آلآ بآلله ..
مآتزوجت ولآ آعرف عن هل حآلة اللي تمر فيهآ =( بس شكلهآ مو طبيعيه يعني آكيد فيهآ شيء , آشيآء جت ببآلي بس آخآلإ آقولهآ وتوسوس آنت .. آللي آٌقدر آقوله لك // آلله يطمن سركم يآرب ويحنن قلوبكم على بعضها .. |
بصراحة رأيي الشخصي احس كل الي بزوجتك دلع ليه تزوجت اذا تبي كل يوم والثاني وهي عند اهلهابعدين انت باين عليك انسان طيب وتخاف الله وتصلي وش تبي زوجتك اكثر من كذا سبحان الله اغلب بنات هالايام كذا الوحده ملهوفه تبي تتزوج واذا تزوجت الي يحبها ويرعاها تقعد تدور للنكد
اخوي جرب تقرأ عليها بنفسك اذا فيه اعراض يمكن يكون عين او حسد صابها عليك الله اعلم بس اذا ماتأثرت صدقني كل اللي فيها دلع بنات لو كل البنات بتفكيرها كان نصف الزيجات نهايتها طلاق طيب لو ربي ابتلاها بشخص راعي علاقات او جاف معها اوبخيييل او او او خلاص تستسلم وتقول بروح لهلي مو مرتاحة معك وين الصبر والاحتساب معليش انفعلت كثير اعذرني اذا كلامي ضايقك بس هذا رأيي الشخصي |
اخي انا ساتكلم عن نفسي
انا في بداية زواجي كل وسائل الترفيه وفرها لي زوجي وللعلم انني احبه وبشده وهو كذلك ولكنني كنت بعد فتره احس بالملل والطفش والضيييييييق وكنت ابوح له بانني غير مرتاحه واخر الليل ابكي <<< وزوجي ينظر الي بحيره مكتوف الايدي لانه بذل مابوسعه لاسعادي وفالنهايه ابوح له بعدم ارتياحي << صراحه شي محزن من ماذا لااعلم شعوور من الله ... لدرجة شككت في نفسي ان اصابني اكتئاب ولكنني ولله الحمد بعد المداومه عالاستغفااااار وبعد الحمل والولاده انشغلت والضنى غير من حالي كثيرا واحسست بان تفكيري اصبح ناضجا اكثر .. وزوجي لاحظ ذلك وعلى فكره داومت على اقسام المشاكل الزوجيه واكتشفت ان مشكلتي تااااااااافهه والناس تعيش مصائب اكبر ف حمدت ربي ... وقررت من تغيير ذاتي ولكنني احس ان زوجتك لديها شئ يحزنهااا ولاتستطيع البوح به لاحد الله يهديها ويوفقكم احببت ان اسرد لك ماحدث لي حتى امدك بالصبر لتحمل زوجتك ... ولكن ياااخي اذا استمر الوضع على ماهو فيه ... اعرض نفسك وزوجتك لاحد المشايخ للتاكد من عدم وجود السحر واللله الحافظ |
اناباقول رائي يمكن يخالف الجميع
اذاتقدر تستغني عنها فترة اتفق مع اهلها واختلق اي مشكلة وهي على طول بتقول ودني بيت اهلي قلهامع السلامة اصلا انامليت منك الواحد يتزوج عشان يرتاح ومن ذا الكلام واناباشوف وحدة تريحني وفي هذي الفترة خل اهلها يودونها لشيخ واسال عنها بدون ماتدري وصدقني البنت اذا لقت الرجال طيب تتدلل مرة وحدة تقول مليت من زوجي ماعمره قال لي لا وحبيت اتعجزه قلت له الساعة ثنتين خلنانطلع وكان عنده دوام قال حاضر تقو ل والله اني جلست ابكي واقله ودني عند اهلي ماعليش يمكن مايعجبك رائيي ولكنه من خبرة طويلة واسال الله يهون عليكم مصاعب الحياة فانتم في البداية وحاول ان تحل مشاكلك بمايناسب المستقبل ولاتفكر في اليوم فقط |
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©