|
اقتباس:
أخي تركي بارك الله اولا اريدك ان تكون معي اولا باول على هالمتصفح فقد ارتحت لك لاحرمك ربي الاجر ثانيا الكل يخطئني انني تكلمت معها عن الطلاق وانني حتى الطفل سأخذه منها وأنها ستبقى مطلقه ولااحد راح يفكر فيها ووووو ....... الخ وانني اخذ اربع بدل وحده والدنيا مليانه وماني ميت عليكي والكل يتمناني ومااطلق الا بعد مااتزوج الثانية و........ كل هذا قلته من اجل التخويف والتنبيه للمصيررررر وش رايك انت والباقين هناااا مثل أميرات وماريا13 وباريساوالباقين لايهنون |
اقتباس:
اخوي مافهمت وش شروطها بعدين ياريت الجميع يريحني وش تتوقعون/ هي واهلها يبون الطلاق ام ان هذا ضغط وتأديب لي كما يعتقدونه بأنني مخطيء وظالم لانها ترفض الرجوع بحجة إهانتها وكلامي لها عن الطلاق واهلها يقولون ماتبي ترجع روحوا لعمنا الكبير وقد أوصلوا خبر الخلاف لأحد العقلاء المقربين مني !!!! تتوقعون تزين الأمور ولا لا وهل تحسون ان عندهم نية يخلون البنت لين تولد ماراح تزهق 6أشهر عند أهلها حسبي الله ونعم الوكيل ادعولي يااحبتي عند الفطور |
اقتباس:
واضح ان زوجتك اهلها هم من يديرونها و يخططون لها .. على العموم اهلها يبغون يضخمون عندك الاحساس بالذنب و بتأنيب الضمير لانهم عارفين نقظة ضعفك انك طيب و تحب زوجتك و انك هددت ابتنهم الطلاق .. فالحل الوحيد مع هؤلاء الناس هو الصمت ثم الصمت ثم الصمت عشان يحتارون و يخافون من صمتك و لا تقابل احد لا كبير و لا صغير .. هذه حياتك وانت اللي تتحكم فيها مو هم اللي يحددون مع مين تتكلم و مع مين تخطط حياتك .. ليش هو لعب عياااال .. واذا خايفين على بنتهم من الطلاق وان ما احد يخاذها فمن الافضل انهم يسنعونها و لا يخربون بيتها بتدخلاتهم الغبيه فأهلها هم اللي سوف يسعون الي خراب بيت بنتهم بتصرفاتهم .. هم بطريقتهم يكبّرون راس زوجتك عليك .. حسسهم ان بنتهم رخصيه عندك اذا بتظل على طريقتها و عنادها .. اهم شي الزم الصمت حتى تولد زوجتك .. لا تتصل و لا تسأل و لا ترسل مصروف .. بالنسبه لاهلك اوقف لهم و قول لهم لا احد يتدخل في حياتي .. واللي راح يتدخل لا يلوم الا نفسه اتركوني في حالي .. واذا احتاج الي المشوره سوف اطلبها منكم و دام اني ما طلبت مشورة احد فالكل يلزم حدوده و لا احد يجيب لي سيرة زوجتي .. وانا الان مرتاح مين قال لكم اني متضايق و زعلان .. مو انا اللي تذلني حرمه .. يعني اوقف الجميع عند حده ... لا تعطي احد مجال يفاتحك في الموضوع .. يا اخي انت محتاج تكون حازم اكثر مع اللي حواليك و اللي يتدخلون في حياتك . قوي قلبك اخوي .. الزمن كفيل بحل مشكلتك اهم شي الصمت و الصبر و الغموض .. |
اذا توك مقاطعها ارسل لها رساله تبين فيها انك غسلت ايدينك وانك بتودعها باسلوب حلو يخليها تندم
يعني تقول انك كنت تحبها وانها كانت فتاة احلامك بس لما طلعت بدون شورك وتخلت عنك وكذا بدأ حبها يقل من قلبك وانك كنت ماتصدق كلام الناس فيها وتدافع عنها ...وقول دامك تبين الفراق انا بعطيك اياه اهم شي راحتك المهم ترتب كلامك وبالنهاية تكتب وداعة الله صدقني وقاطعها اكثر من شهر او عالاقل شهر مايمر كم يوم او اسبوع الا وهي حارقه جوالك ومزعجتك |
ياخي لاترسل ولاشي
انا اعرف عينة الناس هذي اسمع كلام الاخت اميرات وطبقه بالحرف الواحد |
اقتباس:
والله مااظنيت بتحرق جوالي بل يمكن تزداد عناااد واهلها يعبونها زياااده الله انتقم منهم ياارب |
اقتباس:
هلا بااخوي طارق تعرف عينة الناس هاذي ارجوك لاتبخل علي بالكلام عنهم وعن كيفية التعامل معهم بكل تفصيل |
اقتباس:
أختي أميرات أنتي من الاسباب التي جعلتني اسجل بالمنتدى لاني قرات ردودك في قسم المشاكل المحلوله لهذا كوني معي لواثقلت عليكي حتى نصل لبر الامان بإذن الله سأدعوا لكي في ظهر الغيب تقولين الزمن كفيل بحل مشكلتي اعطتني هذه ذرة امل بس بعدين كيف تكون حياتي معها يعني راح ترجع متادبه ولا انا احتاج اربيهااا زين أختي بإختصار هل توقعين أن الأمر سيصل للطلاق ؟؟أما تفكر أنها لازالت عروس ولم ترى شيئاً؟ أما تفكر بالطفل الذي يتحرك في أحشائها ولولاه لكان الامر علي اهووون بكثيرر ؟ مارائيك بشخصي وباأهلها وبزوجتي الناشزه العنيده سيئة الادب عديمة الطاعه المدلله من اهلها حسبي الله ونعم الوكيل عليهم اللم انتقم منهم في رمضان |
كلي لك يا الغالي
واتمنى من الله عزوجل ان يردكم لبعض رداً جميلا ان كان لكم فيه خيراً يارب. عزيزي : لا تعطي الموضوع اكبر من حجمه ، كلنا والله نقدر مشكلتك، ولكن برضوا لا تخلي ضغط الموضوع يأثر عليك ويخليك ما تركز با اللي تسويه واللي تفكر فيه. اولاً: انت ليش ما تمسك احد من اخوانها او ابوها ، او حتى تجلس مع امها، وتجلس مع امها جلسة ولد مع عمته، يعني تجيهم با الطيب، وبا الاحترام والادب، والافضل لو تجلس مع احد من اخوانها، يعني وتشوف وش في خاطرهم ، هم وش يبون با الضبط، وش يبون من تكبير الموضوع، و وش هدفهم من هذا كله، يعني تعرف الي بخاطرهم، لأني انا متأكد ان اللي صاير مو منها لحالها الا من اهلها بعد. المهم، ان لقيت خير وبركه ، وان مالقيت شوف كبيرهم الي يعتبرونه كبير، واهم شي ها الكبير يكون له كلمة عليهم يعني لو تتاخذ انت وياه قرار يمشي عليهم وعلى غيرهم ، او حتى على الاقل يطيعونه، موب يصدونك ويردونك على الخرطي. اقصد من هذا كله خليك هادي،حتى اذا قابلت احد منهم قابله با الطيب وبا الابتسامه والكلمه الحلوه. وحط في بالك يا الغالي ان كل الامور با الكلمة الطيبه والابتسامه تنحل. هذي نصيحتي لك مبدئياً، واتمنى من الله عزوجل ان نكون افدناك. اذا عندك راي ثاني ياليت تعطينا خبر. الله يوفقنا ويوفقكم. |
اقتباس:
شاكره لك اخي حسن ثقتك بي .. واتمنى ان تنحل مشكلتك في اسرع وقت و ترجعون لبعض .. اذا كانت زوجتك تحبك و تريد العوده لك فلن تتعب معها كثير لانها راح تطيعك و ما راح تسمع كلام اهلها لكنها راح تداري عليهم حتى لا تخسرهم .. اما اذا رجعت لك زوجتك و هي بنفس تفكيرها فراح تحتاج انك تأدبها و تربيها و تربي اهلها كمان .. انت قلت ..(لكن والله بعد ارب عاو خمس ساعات ما استطاعت ان تجلس في البيت وذهبت لأهلها وهي عندهم حتى الأن وقد أصبحت حامل في الخامس ,, وبعد ترضية أهلي لها وترضيتي أنا لها بالرسائل والمال مع أنني لم أخطيء بل أحسنت لهم كثيراً ,, هي الآن تقول ما أريد الرجوع له وهو قال أنه يطلقني فكيف أعيش معه والمشكلة أن أهلها في صفها لايردون حتى على اتصالاتنا ويقولون اذهبوا لكبير العائلة مع أن الأمر لايستحق لكن فقط يردون أن يثبتوا لي أن لها رجال ويريدون يحاكمونني في مجلسهم على سالفة الطلاق ) انت و اهلك عملتوا اللي عليكم .. وش يبون منك اكثر .. تركع لهم عشان ترضي غرورهم ؟؟ الي متى هذا الذل .. اذا كانوا خايفين على بنتهم فانهم هم من سوف يطلبوا ان يقابلوك عشان يتفاهمون معك .. اصبر شوي لا تتعجل في مقابلتهم حتى ما يملوا شروطهم عليك .. شوف اخوي اذا كنت تبي تعرف وضعك من الناحيه الشرعيه و القانونيه راح ادلك على منتدى متخصص في امور و قضايا الطلاق (منتدى مبادرة الطلاق السعودي) الاخت هيفاء خالد خبيره في مثل هذه القضايا القانونيه .. راح تقدم لك استشاره مجانيه و تعلمك كيف تتصرف في مثل هذه المواقف خطوه بخطوه .. ادخل على هذا المنتدى ولن تندم .. |
| الساعة الآن 02:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©