|
مادام ردو على امك وانا خالتك
معناتها انه البنت حاسه بفعلتها و الي فيها حلاوه الروح قاعده تتخبط وتجيب يمين شمال في طريقه ثانيه تنظر فيها للموضوع يحفظ ماء وجهك زوجتك هذه مو حرمتك و الي يمسها يمسك و الي يصيبها يصيبك اذا اكرمتها وعملت لها قيمه ما راح تروح لبعيد (( زوجتك و ام عيالك)) تلاقيها خايفه خوف في لحظه وسوسه الشيطان و اهلها قوها و اخذتها العزه بالاثم قلت لك لا هي سعيده ولا مرتاحه ولا هم يحزنون ما صدقتني بقي شعره معاويه وخليك باخلاق الفرسان جيبها و اكرمها و دللها و خلي لها قيمه امام اهلها و امام نفسها و خليها هي وياهم يمشون يكلمون نفسهم و قول لهم انا باعمل هذا الشئ لانها ام اولادي و لانها حرمتي و انا المسؤل عنها راح امشيها هلمره و لاجل عين تكرم مرج عيون وا سالهم ينادوها لك كلمها وجه لوجه حط ايدك على راسها وطالعها بنظره مسامح و كلها حنان و ردها بيتك معززه مكرمه و قول لها اول ام تدخل بيتها اسمعي يا بنت الناس و اعطيها كلمتين ناشفتين و اختمها اذا اتكررت ما تلومين الا نفسك و ان كنت حليم و كريم فلانها اول مره و لا يلدغ المسلم من جحر مرتين تقعدين في بيتك معززه ومكرمه و لازم تعرفين اني من وعدتك اني ما اعيدها ما راح اعيدها و انا عند وعدي بيت اهلك ما تروحين له من الان الا و حدد ها (( فتره الى ان تتعلم و تتعدل)) حتى يتربون و العيد عايدو عليهم و اطلعو لا تطولو عندهم ولا تبات يحسبون لك مليون حساب بس اذا كنت ناوي تعلق و تحرق اعصاب( اعصابك و اعصابهم ) الشيطان يدخل ويخليهم يطلبون رضوه و افلام الها اول ما الها اخر ما حلوه بحقك تعمل مثلهم و تنزل لهلمستوى (( تعاند وتنتقم )) |
اقتباس:
من يفهم طبيعة شخصية زوجته يعرف ان علاجها في احد هذه الادويه التي ذكرها اخي علو النفس .. متابعه معك اخي فارس .. استخر في هذه الليالي المباركه و اطلب من الله ان يفتح لك بصيرتك و يهديك الي الطريق الصحيح .. اتمنى انك و زوجتك تستفيدوا من هذا الموقف و تصححوا من سلوكياتكم الخاطئه .. |
http://www.66n.com/pics/hosted/rceo8...wsdlwui05g.gif
أخي فارس في بعض المواقف نحتاج اللين والشده معاً وبصراحه جلست أفكر في مشكلتك وأجمع خيوطها وأعتقد أن الحل هو إنك تروح لهم ومعك هديه تعطيها زوجتك حتى تنظف القلوب وتشيل الغمام اللي عليها وتعتذر عن خطاك اللي سويته وتقول لهم إني معتذر لها ببيتي وصلحت غلطتي قبل تطلع من بيتي بيوم واليوم أعتذر قدامكم وأصلح غلطتي للمره الثانيه باقي أنتم تصلحون غلطتكم وترجعون بنتكم لبيتي اللي أخذها من بيتي يرجعها وخلك عند كلمتك ولو قالو لك حنا ماراح نرجعها قل أنا ما راح آخذها أنا ما أتحمل غلطة غيري <<< الغرض من هالفعل حتى يعرفون إن شغلهم غلط وما يتجرؤون يعيدونه مره ثانيه لابد إنهم يذوقون منك اللين ويشوفون منك الشده وعلمهم إن طلعتها من بيتك بدون اذنك خط أحمر لا يمكن لك أن تسامح عليه بعد اليوم تبون شي تعالوا لي بالبيت ونتناقش مو شغل سرقان تاخذونها من وراي وأنا نايم يمكن يحاولون يتشرطون عليك لكن أنت تشرط عليهم والشرط اللي ما يعجبك قل أنا ما أوافق عليه مو سم وأبشر أنت تقول إن اللي براسه لازم يصير وأنت بعد إن اللي براسك لازم يصير ولك كلمتك اجمع بين اللين والشده على حسب الموقف والله يوفقك ويجمعك مع زوجتك من جديد ويألف بين قلوبكم اللهم صل وسلم على نبينا محمد وبالنهايه هذي وجهة نظر خاصه بي وأتقبل أي رأي يعارضني |
لاحول ولا قوه الا بالله
والله لو انها معاهده السلام بين العرب واسرائيل ما اخذت كل هل الردود...!! اقول اخي قوم وفز من الكمبيوتر وخلك من الكلام الفاضي وروح عن ابو زوجتك تفاهم معه رجل لرجل.... ورحم الله امرء اكثر من الافعال وقلل من الكلام |
أخي الله يحفظك أنا رأيي إنك تروح توافق على المعاهدة والشروط يليي تمليها عليك الدول الكبرى (عمك ومرت عمك وزوجتك) وردد أنك موافق على المعاهدة بشرط تسمع كلامك ولاتخرج من بيتك إلا بإذنك وبعد ذلك بس ترجع على حدودك وأرضك تأخذ بثأرك وترد كرامتك وتعلن الحرب عليهم (طبعا حرب باردة ) وتوريهم العين الحمرا حتى يعودوا الى رشدهم وتنصاع زوجتك الى أوامرك ولاتخرج من بيتك إلا بإذنك واعمل كل طريقة تساعدك على البعد عن أهلها حتى لو تروح تشتغل ببلد أخر بعيد عن أهلها وإياك ان تستخدم النووي (نصائح علو النفس) لأنه سيحرق الأخضر واليابس وسيصبح بيتك مثل هاروشيما (بدون زوجة وعيال) وتصبح أنت مطلق بدون زوجة مثل صاحب النووي :d وفقك الله وأنت ياعلو النفس الله يصلحك والله أني أضحك وأنا أقرأ ردودك طول بالك يارجال شو صايرلك صحيح أن رأيك وردودك تصلح مع بعض النساء كزوجة الأخ فارس الهم بس التعميم غلط ياشيخ وأنا أظن فيك خير وأنك رجل تدلل المرأة وتعزها وتحبها ولكن بشروط وهي السمع والطاعة بالمنشط والمكره والعسر واليسر وأن لاتنازع الأمر أهله !!! الله يرزقك وحدة مطيعة وصبورة وتعيش معاها حياة الحب والعشق والرأفة والرحمة |
السلام عليكم أخي الفاضل المبارك دخلت أأكد على نقطة مهمة وهي
الاستخارة لا تنسى تستخير قبل كل خطوة تسويها لأن التوفيق من ربك أسأل الله أن يفرج عنكما في القريب العاجل آمين وأن يفرج عن كل مبتلى من المسلمين |
علو النفس ..
ندري ان قصدك شريف ..و بصراحه ردودك تحسنت كثير عن اول صار فيك حنيه على النساء .. وبعض التسامح بس اخونا زوجته صغيره .. وتوهم ماكملو اول سنه مالهم كم شهر بس.. طبيعي اول ضربه منه رح تخليها تنصدم ... تلقاها سامحته بس لما علمت ابوها قال لها : لو سكتي هالمره بيعيدها مرات ومراااااااااات ... تدري انا لما ضربني زوجي سامحته بس قلت لو سكتت راح يعيدها بس مازعلت عليه عند اهلي جلست بالبيت وراضاني بالكلام ... لكن للآن خايفه ان تنازلي له يخليه يتمادى بعدين .. زوجته توها صغيره ماتعرف شي بالحياه لازم تنلسع شوووي بس لازم زوجها يرجعها لانه لو تركها من البدايه وهو اللي كان ضاربها مستحيل يعطونه بنتهم لانه باايعهااااا وهم يحبون بنتهم والانثى بطبعها تحب المضحي عشانها ماتحب اللي يتركها يعني لو مرت عالاقل سنه على زواجهم قلنا معليش عادي حق التأديب ولو انها ثاني مره تزعل لاهلها كمان تستاهل بس هذي اولا صغيرة وثانيا اول مره تزعل بيت اهلها وثالثاً مامر مدة على زواجهم حتى يتتعلقون ببعض .. كل هذا بيأثر على صورته قدامهم ...بارك الله فيك ياعلووو .. انا اقترح يافارس انك تروح لهم مع ابوك وتعطيها جوال اول شي عشان لو مارجعت لك يكون بينكم اتصال شوووف اعتذر لهم وقول هذي ثاني مره اعتذر رغم انها رضت وسامحتني من قبل انا اوعدكم اني مامد يدي عليها وبحافظ عليها وبحطها بعيوني بس بشرط ... مابيها تطلع من بيتي دون شوووري واللي يطلعها هو اللي يرجعها ... واسرارنا ماتطلع برى .. وانا برجعها معززه مكرمه .. وبأسعدها واللي طلعها من بيتي هو اللي يرجعها ... غير كذا ماعندي واتفق مع ابوك انه يوقف معك بس بدون رفع صوووت .. وتفاهم مع زوجتك ... والله يوفقك صل استخاره وروح ... |
زبدة الحكي
تبي مرتك ، رح لهم ، واجلس معها ومع ابوها ، ولا تدخل لا امها ولا اخوها ولا اختها با الموضوع، عطهم الي عندك واخذ الي عندهم، وصلاح وفلاح. مالها داعي كثر الحكي والهذره الي على قل سنع. واذا على ابوك ، مسألة انك تاخذه مسأله تقدير لا اكثر ولا اقل ، ولكن انت اول شي رح لهم لحالك واخلص علينا. الله يوفقنا ويوفقك |
اقتباس:
سملت يداك والله اني ابحث عن مثل هذا الرد الشافي والوافي للمشكله والقالع لها من جذورها اخوي فارس انا أؤيد هالحل لعدة اسباب الأول انه حل سليم جدا وكان كافي لحل اكبر مشكله بحياتي بمشاركة والدها كان لها حق ولي حق حقها علي اعتذرت لها عنه ووعدتها ما اكرره مره اخرى وعهدها علي ان ابوها خلاها تراضيني على ما اخطات بحقي وكل شخص اخذ حقه طيعني وانا اخوك لا تتوقع ان بنتهم رخيصه عندهم انك تتركها وتثقل عليهم خلاص ثقلت عليهم بما فيه الكفاية وهم كانوا زعلانين وما يردون بما فيه الكفاية جا وقت المواجهه ويأخذ كل ذي حق حقه وتراهم ما طلبوا الوالد كنوع من تصغيرك لا سمح الله لكنهم عارفين ان ابوك شئ كبير بالنسبة لك والله لو عندي اخت واعرف ان زوجها ضربها وهو راضاها بس اليوم الثاني خنقتها العبرة وتهورت وطلعت من البيت لانها حاسه ان الوعد اللي وعدتها مو كافي يمكن مرارة التجربة وكانت متوقعه اي شخص يضربها الا انت ممكن تذكرت اللحظة وخنقتها العبرة وليش يضربني مهما سويت ما يضربني لو هي اختك بتروح تقول لابوك يبه رح رجعها لبيت زوجها بدون ما يجي يتفاهم معنا لازم تروح وتتفاهم معهم وتضع النقاط على الحروف مثل ما ذكر احاسيس متناثرة |
عزيزي فارس الهم :
من خلال ما قرأت لمشاكلك تبين لي ما يلي : أنت تقول أنك ضربت زوجتك وبعدين تصالحتوا وصار يومكم التالي حلو .. بعدها زوجتك صارت في بيت اهلها وبدون علمك اتوقع والله اعلم ان الامر مو بيد زوجتك آكيد بيد أهلها وخاصة الأم والأب....طبعا تأكد أن أبو البنت خاتم في يد زوجته علشان كذا كآني آتخيل ان ام زوجتك تشحن رأس زوجها عليك وإنك لازم تجي تعتذر وهذي ياعزيزي بتكون عليك ... يعني يبون منك تعتذر علشان مرة ثانية ما تحاول تقول شي لزوجتك حتى لو أخطت في حقك أنا من رأيي إنك تطنش الموضوع إذا كنت تبغى تكون الفارس في حياتك مع زوجتك..مثل ما طلعت زوجتك من البيت بدون إذنك وايضا قبل خروجها كنتم متراضين..يكون الخطأ منها وإذا كنت تبغى تكون خاتم بيد زوجتك ..فروح لبيت اهلها واعتذر لهم وراضيها وخلها ترجع وهي كلها فخر وخيلاء بكسب المعركة أمامك آنا لو كنت مكانك راح آسوي اللي نصحتك فيه يعني الآن اتضح كل شي يا فارس...والله يوفقك ويسهل امرك |
| الساعة الآن 12:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©