|
قصص تدمع لها العين ومؤثره جدااااا اللهم احفظ ازواجنا واولادنا من كل شر ومروه يالله
يمنع وضع الروابط الخارجيه//الاداره |
ولد حائل
الله يسلمك وحياك الله ري ري مشكوووره عالقصه وانا حالياً اقرأها اذا خلصت قلت لك رأيي ... وحياك الله |
هلا اختي ملاك اسفه حبيبتي دخلت عرض وعرضت القصه بس هاذي مقتبس من حياه الزوجين
صديقين لايفترقان فما بالك الزوج والزوجه انا عندي قصه مماثله للوفاء بين الزوجين انا خالتي الله يرحمها ويغفر لها فجاءه جاها مرض وطاحت وحالتها صعبه جدا ماحد توقع مرضها كانت من احسن مايكون تاثر زوجهاا كثييير صار لاياكل ولا يشرب ايام قليله من المرض توفت 4 شوال الله يرحمها الزوج ماتحمل فراقها مع انه معاملته لها يقسي عليها تصوري اهي كبيره في السن بس يمد يده عليها صار دائما لحاله واذا جاء ضيوف له يخففون عليه مايحس فيهم من شده حزنه لفراقها حتى غرفتهم مايفارقها يوم 14 شوال في نفس الشهر كان يصلي صلاه الفجر وجنبه حفيده سجد السجده الاخيره ماقام منها توفى رحمه الله عليه بينه وبين زوجته عشره ايام ماتحمل بعدها عنه هاذي الوفاء بين الزوجين يالله ياكريم احفظ ازواجنا |
يالله يا ري ري
والله قطعتي قلبي بجد ..؟؟؟!! معقوله لهالدرجه ؟؟!! تتوقعي ندمان لانه مد يده عليها؟؟ ياااااااارب بجد القصه تقطع القلب المشكله انك عايشتها .....الله يرحمهم يارب ربي هون عليه واخذه بعدها ويارب يسكنهم جناته ويغفر لهم ومشكوره عالقصص .. عسى ربي لايحرمك احبابك ولا احبابنا |
هلا حبيبتي تدرين صار طاريهم في كل بيت وولحين مع مرور5 سنوات على وفاتهم مازلنا نتذكرهم ولا بعد دفنوهم جنب بعض
اهو كاان يحبهاحييل بس ما يبي يبين لاحد تصدقين يوم رحنا للعمره مع 2من عياله وكان معانا امي وام امي اللي اهي اختها راحت تشرب ماي زمزم مع اختها ضيعت المكان ورحنا كلنا ندور عليها تصدقين انه بس شافها رفع العكاز بيضربها يمنا كلنا لاما مسكوه اعياله وابوي ولا كان ضربها ولا في الحرم بس احنا كلنا قلنا من خوفه عليها سواء كذا الله يرحمهم ويغفر لهم اكيييد اهو تندم على كل لحظه مد يده فيها عليهااا مشكوره حبيبتي على هالدعوه اللي ترد الروح لاني والله محتاجه لها الدعوه ربي يجزيك الجنه ويخليلك كل غاالي |
الله يرحم موتانا وموتى المسلمين امين
يمنع وضع لروابط الخارجيه //الاداره |
طبعا نقلت لكم قصه مررره اثرت فيني
الله يرحمه ياناااااااااااااااااااااس انبهو لعيااالكم للأطفااااال الصغاااار واليكم القصه منقوووووووووووله السلام عليكم ورحمة الله وبركاته هذي قصة وفاة اخوي الصغير الله يشفع به وارجو منكم الدعاء لامي بالصبر والثبات وانتبهو لبزارينكم ترى والله فينا اهمال ومانندم الا بعد حصول الكارثة0 اخوي عمره سنتين (زيدو)هذا اسم الدلع مااحد يناديه الا بهالاسم ولد بعد ثلاثة بنات وفرحتنا فيه ماتوصف لانا مشتاقين للاولاد و امي الله يحفضها جابت اولاد وماشاء الله كبرو بعدين جابت البنات وبعدين جابت اخوي الله يشفع به وكان القعده لان امي تجيب بعمليه قيصريه وقالو لها الدكاتره خلاص رحمك مايتحمل العمليات قالت امي خلاص سوو لي ربط للرحم وقالو لها اذا سوينا ربط ترى ماراح نفكه قالت امي خلاص بعد( زيدو) ماابغى احد المهم يوم امي جابته كنت انا توي متزوجه يعني لي شهرين وامي منومه بالمستشفى واخوي طلعوه وانا اخذته عندي لين امي تتطلع من المستشفى وحبيته بقوة وصار غالي عندي وعند العايله كلها لانه القعده المهم طلعت امي واخذت اخوي وكبر وصار يلعب ويضحك ومن يد ليد وبدأ يمشي ويطلع بالحوش مع خواتي وصار ناعم لعبه وحركاته مثل البنات لانه عايش مع البنات الثلاثه وانا كنت ادرس بالكليه وساكنه فوق اهلي وكنت كل يوم ارجع فيه من الكليه لازم امر امي واسلم على زيدو وابوسه والعبه شويه ثم اطلع لشقتي وانام ولما صار عمره سنتين خلاص تعلقنا فيه يجذب بحركاته ولعبه وسواليفه 0وصار هو نور البيت وحلاوته لدرجة احيانا نصحيه من النوم عشان يلعب معنا 0وعطيته مره جوالي وكان غالي بس مايغلى عليه وكبه بالمويه وانا ادق عليه وادور بالبيت وكان مغلق ولقيته وعرفت انه هو الي حاطه بالمويه واقعد اهوشه باللعب يعني هواش وضحك واقول اذا توضفت تعوضني وهو يناضر ويضحك0 بس مادريت ان الدنيا دوارة وغدارة وامي كانت تتعب شوي معاه لانه مايمر اسبوع الا وفيه شي يتعب مرة ترجيع ومرة زكام ومرة 0000الخ المهم في يوم من الايام راحت امي تزور اختي كانت قريبه من عندنا وكان معها ولد اكبر من اخوي بعدة اشهر وجايب له ابوه (زوج اختي)ديك يلعب معاه0ويوم شافه اخوي ويتعلق فيه ويبكي يبغى الديك وامي قالت لاختي اباخذ الديك معاي للبيت ووافقت اختي لان ولدها موذيك الاهتمام بالديك وكان اخوي مبسوط ويلعب بالحوش عند الديك ويطل عليه وحنا قررنا نجيب دجاجه يوم شفنا اخوي مبسوط وبعد يومين من جيت الديك الا ويجي ذاك اليوم الي ماراح انساه بحياتي 0طلعت من الكليه كالعادة ومريت على امي وبوست زيدو وكان وقت الظهر قالت امي لاتروحين ترى الغدا جاهز كولي وبعدين نامي قلت خلاص وتجيب امي الغدا واجلس انا واخوي نتغدا وهو يسولف علي وتوه بادي يفصح اسمي ويناديني زين0 طلعت انا فوق وهو كان وراي انا قلت روح لماما انا ابنام وكان يناظر في وهو مكسور خاطره وكانت اخر نظرة وتمنيت اني اخذته ونومته معاي كان ماحصل الي حصل بس كل شي مقدر ومكتوب 0 ونمت انا يمكن ساعتين او ثلاث المهم كان وقت العصر وكانت شباك غرفتي يطل على الحوش وصحيت على صراخ خواتي قلت يمكن يلعبون بس الصراخ طول ونزلت ركض عند امي الا امي تدور بالحوش ونصارخ وتتكلم بس مافهمت شي وامسك اختي الكبيرة كانت بثاني وتفهم قالت( زيدو ) طاااااح عليه الباب 0كان عندنا باب منزل بالحوش ومسنود على الجدار وكان ثقيل وزنه اكثر من طن لدرجة انك ماتقدرين تحركينه ومايشيلونه الا ثلاثة او اربعة رياجيل قالت اختي انه يلعب مع الديك وتعلق بالباب وطاح عليه انا قلت وينه قالت اخواني الكبار شالوه للمستشفى وبعد شوي واسمع امي تصارخ واركض عندها قالت شوفي الا بركة دم يوم شفتها قلت يارب تعوضنا واقعد اهدي بامي شوي وتعلمني بسالفه اخواني انهم تاخرو ماودوه للمستشفى على طول اخواني الكبار اثنين كل واحد معه سيارة الصغير اخذ مفتاح الكبير وراح على سيارته هو وقعدت سيارة اخوي بدون مفتاح0المهم طلع اخوي لجيرانا واخذ سيارتهم وجاء اخوي الثاني وطلعت معاه للمستشفى كان بالعنايهورفضو يدخلوني قالو حالته مستقرة ورجعنا للبيت وكان ذاك اليوم اسود في حياتي وكل ماشفت بركة الدم اقعد ابكي وادعي الله يعوضنا خير ويوم جت الساعه 12 بالليل دق رقم غريب على زوجي بس مادرينا عنه ويوم جاء الفجر ويدقون على زوجي واخواني الكبار وقالو اخوكم عطاكم عمره كان فيه نزيف حاد في راسه وجسمه وماقدر يتحمل انا حمدت الله على مااعطى ومااخذ امي انهارت وحالتنا محزنه 0 فقدنا الغالي والقعده وجلست على سجادتي ادعي الله يعوضنا خير ويشفع به وبعده بوفاته بشهر حملت وجبت بنوته مثل القمر وفيها شبه منه سبحان الله وامي تموت فيها لاني يوم كنت حامل بس يدي بالجوال وكان مليان من صور زيدو وبس اناضره وادعي الله اني اجيب مثله والحمد لله هذي الاحداث لها سنه من وفاته وحبيت اني اكتبها لكم لكي تنتبهو للصغارين والله انهم امانه مسؤلين عنها والحمدلله امي تحسنت كثير وصارت اختي الصغيرة هي المدلله والقعده وولد اختي بعد كان فاقده لانهم كانو دائما مع بعض ويوم الحادثه كان عندنا والان اذا سألناه يقول زيدو راح للجنه لاتنسونا من دعائكم والسلام عليكم اختكم ثلجة ذائبة __________________ |
بكيت وبكيت وبكيت .....
|
آه بس يانورين .. بكيتيني يا بعد قلبي .. انا اخاف عالصغار لدرجة الجنون
عندي ولد عمره سنتين وشوي واخاف عليه شيطان يطلع الشارع كثييير وكم مره كان بتصدمه السياره وذكي وكلن يحبه المهم هذي قصة توها كاتبتها صاحبتها عن زوجها .. الله يرححمه اخر زيارة لي في هذا المنتدى كانت شهر 12 لما عرفت اني حامل.. كانت الدنيا مو قاعده اتشيلني من الفرح .. ببدا لكم قصتي .. عمري 22 و زوجي 29 في يوم الاثنين رجعنا انا و زوجي من احدى المجمعات واحنا فرحانين لانه ما بقى شي على ولادتي الي كانت مقررة يوم السبت ،، احنا نطالع التلفزيون قلت له مو قاعده احس بتحرك البيبي عدل.. خاف زوجي علي وقال لي ماعليه حبيبتي خلنا انام الحين .. في يوم الثلثاء صحاني من النوم وقال لي حبيبتي اتصلي للدكتور وقولي له انك امس ما كنتي تحسين بتحرك البيبي عدل قلت له عمري انا تعبانه ابي انام خلها بعدين انت روح الدوام الحين ،، اصر علي فأتصلت للدكتور وقال لي ماعليه انتي اكلي فطور واتصلي لي وقولي لي شنو يصير هذا عادي .. قلت لزوجي وقال لي قومي خلنا نطلع نتفطر في اي كوفي شوب" وكانه عارف انه هذا اخر يوم يطلع معاي فيه " .. تفطرنا واحنا فرحانين ونخطط لمستقبل بنتنا وفرحة انه الموعد صار قريب.....أأأأأأأه اتصل لي الدكتور وسالني وقلت له كل شي تمام .. بس زوجي ما رضى قال لي خلنا نروح له ونطمنن على بنتنا,, قلت له حبيبي ما يحتاج اليوم الثلثاء وانا عندي موعد معاه بكره الاربعاء "على اساس انه اخر موعد قبل الولاده الي كانت مقررة يوم السبت"،،بس مارضى وقال لي علشان خاطري انا خنلنا نروح بدل بكرة اليوم ابي اطمن اكثر على صحة البيبي.. ورحت معاه..والفرحة ماشالته لما سمع دقات قلبها وكان اول مرة يسمعها مو كانها للمرة الف يمكن ... اجه صوبي ومسك يدي بقوه وقال انا فرحان اخيرا بشوفها وبشيلها ما بقى شي ..احبك بابا..بابا ريم تسمعيني ..انا ابوك ..انا احبك واييد...... رجعنا البيت الساعة 1 الظهر وقال لي انا ما راح اتاخر عليك بخلص بسرعة وبجي لك اقعد معاك واليوم اخر يوم انا اداوم فيه راح اخذ اجازة واقعد معاك لي بعد الولاده ..يالله حبيبتي انا بمشي"آآه وياليتني ماخليته يمشي ياليت رحت معاه او قلت له انا ابيك معاي الحين " دخلت بيت ابوه وانا اضحك واقول لاخواته شكله بسويها فيكم وبولد ،شكلها بنتي شيطانه وتبي تطلع للدنيا بسرعة.. دخلت غرفة زوجي في بيت ابوه واتصلت له وكان اهوه في الشغل كنت اطمن عليه انه وصل وشنو بسوي .. كانت الساعة 2 ونص ،فقال لي حبيبتي انتي نامي الحين لانك تعبانه وانا ساعة وراح اجي البيت ما راح اتاخر عليك ولا على بنتي..احبك ...باي في الساعة 4 حسيت وكانه احد اخذ سكينه و غرسها في ظهري بدون اي شفقة.. اخذت تلفوني واتصلت فيه ابي اقوله وينك انت قلت لي بترد وانا قاعده انطرك ,,وحشتني ,, بس ماجاوبني ..واتصلت مره ثانيه وثالثة..بس ماجاوب...لعنت ابليس وراح الالم ونمت مره ثانية لكن كانه شي يقول لي لالالالا قومي فاتصلت مرة ثانية وثالثة س مافي جواب...بعدحوالي الساعة اتصلت لاحد الموظفين الي معاه وسالته عن زوجي فقال لي راح اشوفه واخبرك... بعد لحظات الا باب الغرفة كان راح ينكسر ..فتحت الباب وانا خايقة ..قالت اخت زوجي جدي مات"والد امها لانه كان في العناية المركزة قبل ايام" نقول امي خرجت من البيت تصارخ ... طلعت من البيت مع السايق"الله ستر انه مو انا الي كنت اسوق" كنت ابغي اروح المستشفى لجد زوجي واكون معاهم في هذه المصيبة ،،،،بس زوجي وين ليش ما يجاوبني صار له اكثر من ساعة.... قلت للسايق ما ابغي اروح المستشفى خلاص ارجع ،ابغي اروح لزوجي لانه ما يرد على مكالماتي ولا الموظف الي معاه جاوبي بعد انا خايفة يقولون له جد توفى يخاف او يطلع من الشغل ويمشي سرعة ، ابغي اكون معاه علشان اهديه.... ووصلت شغله ونزلت من السيارة ، بس حسيت انه الدنيا صارت سوده للحظة،،شفت الموظفين الي معاه يركبون سياراتهم بسرعة ولما شافوني نزلوا لي وقالوا لي لا تخافين اركبي السيارة زوجك مافيه شي بس تعب شويه واخذوه المستشفى...حسيت انه السماء انطبقت على الارض وانا بينها.. دخلت السيارة مع السايق وانا ابكي بس اقنع نفسي واقول لا ماعليه زوجي مافيه شي انا مكلمته قبل ساعتين وقال لي برجع لك بسرعه ، اكيد في احد قال له انه جدك مات فتأثر وتعب ... وصلت المستشفى وانا احس انه المستفى صارت في اخر الدنيا ،صارت بعيده ، ما اوصل لها بسرعة .. دخلت قاعة المستشفى وشفت ام زوجي في حاله مو طبيعيه "مسكينه " دخلت عند الرجال اسالهم عن صحة زوجي فقالوا لي قاعدين يعالجونه والحين بصير زين ... ساعة من المحاولات ....لحظات وسمعت صراخ اخت زوجي "اخوي مااااااااااااااااااااااااااااا اااااااااااااات" نعم مات.. سكته قلبية... كانت الساعة تشير الي حوالي 6 ونص ...وقفت الدنيا واسودة عندي وصار الزمن ما يمشي " كنا متوقعين الجد المريض هو الي مات مو الشاب الي ما كمل 29 سنه" بعد 3 ساعت فقط طلت ابنتي على الدنيا وهي تصرخ وين والدي الي كان يكلمني وانا في بطنك وين ذاك الي كان راح يهز المهد...تصرخ واهي تقول بوجع .. مات ورحل.. من دون ضمة بالصدر آآآآآآآآآآآآه وشلون يضمك من توسد باللحد؟ لا لا تقولي سافر بيوم الولادة وما قدر يحضني ويقبلني أو يرسل سلامه وما سمعته يناغي روحي الوالهه بهمسة كلامي وما مسح راسي ولا قبل جبيني وما سمعت بإذني منه.. لا أذان.. ولا إقامة.. آآآآآآآآآآآآه يادنيا وكاني احكي لكم قصة مسلسل غير واقعي |
الملاك يونـــــا:انتبهي على ولدك تراااني احب البزااارين
ذااااك اليوم الله ستر صااارلي موقف مع ولدي بشااارع كل ماااتذكر ابكي القصه هذي حزنتني بس مابكيت مدري وش فيني:) |
| الساعة الآن 05:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©