|
والله انك طيبة لدرجة الدرجة 0000
هل تصدقين أن ذئبا ماكرا سوف يتزوجك ، وكيف يزعم انه متدين وهو يغازل أمراة أجنبية أنت لست الوحيدة كما يكذب عليك بل معاه عشرات أرقام البنات السذج يلعب في عقولهن ويوهمهن بالزواج وهو الوتر الحساس الذي يثير ويجذب كل فتاة هو الوعد بالزواج المزعوم أختي في شريط كيف ينظرون اليك وكتاب كيف ينظرون اليك كلا الكتاب والشريط للشيخ خالد الصقعبي -فمثلا يقولون عن فرائسهم -البنات- ويسجلونهن في جوالاتهم بأسماء : 1- حثالة رقم خمسة فأحدهم كتب اسم صديقته بالحثالة 2- الداجة 3-الزبالة الخ فاءمكانك الاستماع للشريط او قراءة الكتاب وهو متوفر لدى التسجيلات الاسلامية وتديدا تسجيلات التقوى بالرياض0000000000000000000000000000 نصيحتي لك : مواصلة دراستك الجامعة فأنت صغيرة سن ومستقبلك زاهر -مزقي جوالك وكل شيء يربط بذلك الذئب المفترس كذلك النت غيري كل شيء يربطك به -أكثري من الدعاء والاستغفار وربك غفور رحيم -إذا جاءك الآن شاب مستقيم في دينه وخلقة فتزوجيه فورا فسوف ينسييك ذلك الداج الصايع |
السلام عليكم
اختي اول شي بحكيلك اياه فتحي عنيكي و شوفي حواليكي الشباب المتدينين تصرفاتهم كيف تكون؟ عندك بالجامعه عمرك شفتي شاب متدين بحكي مع بنت اجنبية عنه؟ الشيطان شاطر وبضحك على البنات وما تكوني وحده من هدول الجاهلات ما شاء الله عليك فاهمه انه الي بتعملي غلط بس بتحاولي تقنعي نفسك انه انت مو قادره تبعدي عنه بس يا حبيبتي عاجلا او اجلا راح تتركيه فاتركيه وانتي بموقف قوه وما بتعرفي يمكن لما يشوفك هيك يتقدم ويخطبك او استني لحد ما هو يتركك وساعتها ما راح ينفع الندم وبالاخر بحكيلك اتركيه لله وربنا اكيد راح يعوضك لانه ربنا كريم وما بنسى عباده اخلصي بالدعاء اختي وارأفي باهلك |
أختي الكريمـة ارجـو ان نـسمـع ماذا قـررت وما الذي تنـويـن فــعـله لأنه بصـراحـة ، واضـح مـنـك انك قـد تم تخـديـر عـقـلك،،، ووهـبـت عاطفتك ومشاعرك لمـبـتـزووقـعـت ضحيـة إبـتـزاز وغـسيل دمـاغ .... وتـعـلقـت بـه.... وتـوهمت في نفسك صـعـوبـة تـركـهـا، وأن هـذا سيكون مؤلم لك...!! لـو سألت نفسك هـل هـذا المبتـز الذي تعتقدين انه يصـلي يـرضـى ان اخـتـه تـكـلم شباب اغـراب وأجانب عنها....!! وهـل يـرضـاها لـنـفـسـه...!!! بقـولك شيء،،،، استطرادا لكلاماً اخوي الكسائي لما ذكر اصدار الشيخ الصقـعـبـي كنت قبل سنتين اشتغل بشركـة كموظف إداري وكان معي بنفس المكتب شباب، وكنت اسمع في بعض احاديثهم عن علاقاتهم مـع بنـات ،،، إلى ان تجـرأت وسألت واحد منهم ، طبعا بعد ما وثقت العـلاقـة بـيـنـهم ووارتـاحـوا لـي من نواحي عدة،،،،،، فقلت له ان وش رأيـك بالبنات اللي تكلمهم ؟؟؟ وتقابل بعضهم ؟؟؟ فـقـال بكل برود : تراهم غبيات، وسهل نضحـك عليهم،،،، وأكثرهن تـرى يصدقن أنفسهن انهن حـلوات، لكن ترى انا والله احـلى منها ......!!!!! وتـرى سهل نسحب عليهن ونـخـليها تذوب من القـهـر.... وتراهن خفيفات عـقـل،،،، وأي كلمة تجـيـبـهم وتوديهم.....!!!! هـذا جـزء من كـلامـه وغيـره كـثيـر، ومـثـل حـالـه............ فاصحـي من بنج التخديـر اللي مسويـه لك هـذا المبتـز وارجـع لنفسك وربـك،، واكـرمي نفسك الكريمـة ، واكرمي أهـلك الذين خافـوا وأحبوك منذ ان كنت طفلة وتفضلي اختي الكريمــة هـذا الـرابــط http://www.islamway.com/index.php?iw...esson_id=62264 والله يعينك على نفسك وعلى كيد الشيطان عزوبي:21: بس:d رجل:30: |
الله يصلحتس ويستر عليس ..
اكثري من دعاء اللهم اغنني بحلالك عن حرامك والله مراح ينساك ..دعواتي لك يالغاليه الردود ماقصرت ويابنت ماعقب الكلام الي قالو لس شي .. الله يستر عليس ..وعلى المسلمات والمسلمين ويعوضتس خير (من ترك شيئا لله عوضه الله خيرا منه) |
أختي اسيره
انا مريت بتجربة حب زي ما انتي تمرين فيها يالغلا وللحين اعاني منهاا وقبل كم يوم نزلت موضووعي هناا وبأمكانك تشوفينه بقسم المتزوجين عشرة عمر مو يوم وليله حب 5 سنوات وبالأخير تزوج ولا جاب لي خبر اقسم بالله اني احبه حب جنون بس وش الفايده ماجاب لي خبر ذئب بشري كل همه يصيد فريسته واذا ماقدر عليها رماها وراح لغيرهاا اسمعي نصيحة اخت يالغلا والله ثم والله ثم والله الشباب مايعرفون شي اسمه حب ترى كله مجرد تسليه وتضييع وقت عندهم ذئاب بشريه كل مبتغاهم يضيعونك ويسلبون منك شرفك مافي حب قبل الزواج احفظي حبك لزوجك حب الحلال مو حب الحرام تكفين ياقلبي فوقي لاتضيعين عمرك تراه مايستاهل يعيشك باقي حياتك بعذاب فوقي فوقي ترى لافات الفووت ماينفع الصوت انتي تعرفي انه بيتزوج خلاص اتركيه شوفي مستقبلك لاتتبعي وهم وابليس يلعب عليك ويزين لك الماضي وذكرياته كملي دراستك لاتخلينه يوقف بطريقك ارفعي راس امك وابوك لاتنزلينهم بالقاع مجرد خسيس يسلب من ابوك كرامته ويهينه ترى راح يجي يوم ويتزوج ويرميك صدقيني الشاب مايتزوج بنت عرفها قبل الزواج اتقي الله ياقلبي وخافيه وراعيه في والديك اللي يبكون عندك عليك بالاستغفار وصلاة الوتر والضحى والدعاء واتركي الاغاني وكل شي يرجع لك الماضي تراني مجربه ورب البيت قبل اسبوع مو هذا حالي كنت تحت فراشي واليوم الحمدلله بفضل ربي حالي تحسن وان شاءالله انتي بعد بتعدين المرحله هذي بس اعزمي ياغلاتي ترى اللي خلقك مابيضيعك بس اعزمي على انك تتركينه واحتسبي الاجر ومن ترك شيء لله عوضه الله خيراً منهاا الله يصلحك ويهديك وينير بصيرتك ويثبتك على طاعته ويرزقك الزوج الصالح اللي يعوضك عن الدنياء كلهاا |
الى اسيرة بلا قيود انفكى من القيود التى وضعتى نفسك بها ..فكلام المهمومه فيه العبره فلا تكررى الحادثه مرارا ..حيث ان مثل هذه الحوادث تتكرا مع الاولى والثانيه والثالثه ...الخ ولا متعض من ما يذكر !!!اسال الله ان يعيدنا الى رشدنا اجميعن
|
من جد استغرب ان فيه بنات عايشين ومصدقين ان فيه حب " بالظلام " !!
حب ورا الاهل !! حب يجي من مكالمات وتعارف وو الخ !! ككييييييييف ترضين تنزل دموع اغلى اثنين عندك ؟ عشان حب وهمي , حب مؤقت , حب كااااااااااااذب وتجازفين بسمعتك .. وسمعه اهلك عشان واحد نصاب ويلعب عليك وعلى غيـرك بنفس الوقت .. !! كيف ترضينها على نفسك !! وبرضو ترسلين صورتك ومكالمات فديوو وو الخ .. تحت مسمى الحب والثقه الوهميه وصدقيني بيجي يوم وتندميييييين على ثقتك بشخص مايستاهل .. هدفه يستغلك وبس وبالنهايه يطلع بدون اي خسااره تذكر انت اللي بتدفعين الثمن غإإإإلي !! خلك اكثر عقلانيه .. فكري بعقلك واتركي عواطفك على جنب وصدقيني مجرد ماتستخدمي عقلك ماراح تحتاجي لمن ينصحك لانك راح تعرفي مصلحتك وين !! الله يهديييكِ .. |
اقتباس:
عادي وحده اعرفها مثلك ماعندها اخوات وامها من النوع العصبي تعرفين وش سوت ؟؟ تقربت من امها بشكل كبير قالت لأمها انتي اللي ماتخليني اتكلم معاك لأنك تعصبين على اتفه الاسباب امها فهمت هاذي النقطه وهالحين صارت تقول لأمها كلللل شي وتعصب امها بس تعود تذكر اللي قالت لها بنتها وتهدى حتى امها صارت تقول لها وشو اللي تاعبها اعتبرتها صديقه ... غاليتي هو تهرب منك بالزواج ليش ترضين على نفسك بالذل خلي عندك كرامه لنفسك خاصة انها مو في الحلال واخواني ماقصروا في النصيحه غيري صديقتك واشغلي نفسك في شي ينفعك مثلا ادخلي دورة كمبيوتر من العصر الى المغربأو تحفيظ قرآن او انتي تعرفين اشياء تحبينها طوري من حبك لها وابتعدي عن الخواطر والقصص والاغاني ترى هي اللي تهيج المشاعر ... واتمنى لك توبة نصوحه |
غيري شريحتك ونسيـــــه
وذا حاول انه يبتزك بالصوره عند الهيئه بإذن الله يوقفونه عند حده لاتثقين في الشباب ومافيه حب الا بعد الزواج والله يوفقك ويهديك |
أختي الذئاب البشرية نفسها طوووووويل وصبرها قوي
يعني ممكن يصبر سنوات عشان يتمكن من صيدته (فريسته كما يسمونها الذئاب البشرية وبعدين هو قال لك ما أقدر أتزوجك وهو يقصد بالتأكيد إنه لا يمكن أن يتزوج وحدة باعت أهلها وهو تقريبا ضامن إنه راح ينزعها شرفها سامحيني على قسوتي لكن صدقيني أنا من باب الخوف على بناتنا من الذئاب البشرية وعلى فكرة لا تظنين إنك الوحيدة اللي في اللسته الخاصة بفرائسه ويمكن هذا أحد أسباب صبره يعني يقضي على فرائسة وحدة تلو الأخرى والله أعلم من هي اللي جاري تنفيذ الإفتراس عليها(بمعنى آخر الدور جايك حسب نفكيره)... وعلى فكرة الصديقة اللي مثل صديقتك ما تستحق إنها تكون صديقة لك وقد تكون إحدى فرائسه أو فريسة لمثله إذا كانت بهذا التفكير ... حبيبتي لا تحطين راس أهلك في الطين أو يمكن تكونين سبب القضاء على أحد أهلك أمك أو أبوك كما حصل للكثير تخيلي لا سمح الله يصاب أبوك بمكروه تكونين انت السبب فيه.. وصدقيني لو عزمتي على التوبة من هذه العلاقة المشينة ستجدين الله قد أمدك بقوته المهم الإخلاص في التوبة.. أختي دافعي الوحيد الخوف عليك بما انك إحدى بناتنا المسلمات ... |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©