|
بصرااااااااااحه تحملتها كثير ووسعت صدرك عليها 0خصوصا في السياره والشخص اللي روعها وسالفة على حسابي بعد المفروض شافتك معصب ماتناقشك في شي تحاول تمتص غضبك موتزيد النار حطب 0الله يهديها باين من كلامك استفزازيه0ولا تعرف تتعامل مع الوضع اللي هي فيه0
|
السلام عليكم ورحمة الله وبركاته
حقيقة اشكر كل الاعضاء اللي مروا وردوا ودعوا لي جزاكم الله خير على آذان الفجر المستجدات لاشئ يذكر صحينا قبل صلاة الجمعة وجلست قلت لها مافيه فطور ولا الحامل ما تسوي فطور بعد ؟ قالت فيه بس مافيه خبز قلت دقيقتين اجيب الخبز جبت الخبز وافطرنا وعينا خير انتظرها تفتح الموضوع ما فتحته قلت لها اللي حصل امس ماعجبني اتمنى ما يتكرر قالت ايه والله حتى انا ما عجبني اتمنى ما يتكرر <<<< وش قصدها ههههههه يعني ما عجبها تصرفي صح خخخخخ المهم قلت حلو يعني متفقين رحت صليت ورجعت لقيت شغالة اهلها بغرفتي تكنسها <<<< اقولها لاتدخل الغرفه تقوم تكنس وتنظف التسريحة وتمسح الطاولات قلت لها يا فلانه عجزتي تمسحين الأربع طاولات ؟؟؟ انا ما قلت لك الخدامه ما تدخل غرفتي ومكانها المطبخ وغرفة الغسيل قالت الا بس قلت باقي البيت تنظفه وانت مو موجود وهذا انت رحت تصلي وخليتها تنظف وانت مو موجود قلت انتي تستهبلين صح ؟؟ انا ما قلت لك غرفة نومنا ما تقربها خلاص انا بمسح الطاولات بس طلعيها قالت طيب طلعتها وجعت الكريستالات والزينه والأبجورة وخلافه بسلة وطلعتها للمطبخ قلت خليها تنظفها وجبت فوطة وبليتها موية وقلت يالله امشي لازم تسوين تمارين شوي ما يصير خمول دائم ومسحناها وخلصنا وقلت لها تعبتي ؟؟؟ قالت لا وشكرا على سؤالك <<< تتريق يعني قلت شفتي شلون ما يحتاج شغالة لغرفتنا ؟؟ قالت انا ما ادري ليه فجأه نزلت عليك الطاعة ماتبيها تلمس شئ ولا تنظف قلت غرفة النوم مكان بالنسبة لي خاص لزوجين فقط فيه النوم بكل تفاصيله والحرية المطلقة مابي احد يتجرأ ويتعبث فيها قالت خلاص بيجون اهلي يوم الأثنين وبنرجعها لهم ونفتك من هالسالفة قلت احسن قالت ابي اروح لاهلي اذا رجعوا الأثنين وانام عندهم يومين تهدئ نفسياتنا شوي قلت يكون افضل قالت شكلك ما صدقت تبي الفكة سبحان الله اقولك ان شاء الله واللي يريحك واللي تبينه والأفضل لنا تقولين الفكة ؟؟؟ قالت خلاص بروح لهم اول ما يرجعون قلت طيب والله يا جماعة اليوم كله مع بعض الى بعد صلاة العشا ماحد فينا كلم الثاني حتى الغدا مالي نفس اتغدى سبحان الله ماله طعم كلت لقمتين وقمت ونزلت عند الوالده تغير جو وانا طلعت للشباب بالاستراحه ورجعت وجلست مع الوالد نسولف شوي ونضحك ورجعت البيت فتحت النت ورجعت من عند اهلي وقالت تعرف مع من تضحك ومع من تقلب نفسيتك وتكشر سكتت ما رديت وقالت هذا انت اذا نبي نتناقش تسكت وسكتت ههههههههههههه مارديت وقالت براحتك وانا بعد بعاملك بالمثل التفت عليها وقلت تبين تعامليني بالمثل قالت ايه بعاملك بالمثل بكل شئ قلت حلو هذا اللي كنت ابيك تقولينه بعظمة لسانك قلتيها تعامليني بالمثل وهذا كل اللي اتمناه واتفقنا على كذا وراحت تنام وانا عندي دوام الساعه 8 بس شكلي بروح مواصل واسكر المكتب واطقها نومه شرايكم بتعاملني بالمثل واتفقنا على كذا وش رايكم ؟ كتبت على عجالة علشان وقت الصلاة قبل تردون صلوا يا اهل الرياض |
ماشاء الله تبارك الرحمن ....... ياليت زوجي يرضى بروح ربع مشاويرك انا قربت انسى شكل سيارتنا ....
اخوي عاشق ... شكل زوجتك طيبه وحبوبه بس مضايقها الحمل وماثر عليها لكن في نفس الوقت ترى الدلع الزايد ماله داعي نهائي ماعليه ممكن تقدرها اذا عصبت شوي ممكن تفوت مرة مرتين لكن اذا تمادت صعبه والله ... خلها تروح لاهلها اذا رجعوا وملمها وهي عندهم قولها ترى الفترة اللي طافت زعلتني منك اشياء كثيرة وعددلها هذي الاشياء وقولها انا صيرت وطنشت لاني مقدر انك حامل ومقدر ان اهلك مسافرين لكن موكل مرة بعديها واتقي شر الحليم اذا غضب ....واتركها يومين ترتاح وان شاء الله بتبشرنا بكل خير ... |
ياجامعة انا ما قلت اعتذر لها وهي الغلطانه
انا اقول اطيب خاطرها بس فيه فرق بين تعتذر وتطيب خاطر تفاحة خضرا يعطيك العافية والله ما اتوقع ان كل هالتوتر من الحمل |
ليت تعدي زوجي ماشاء الله
اللي لو هو المخطيء يطلع روحه منها ياعاشق لو انك مشي الموضوع مثل ماقلت لك عن زوجي والله بيمشي لاحظ أنت اللي بديت اللي حصل أمس وماادري ايش خلاص قلته أمس هي بتسويه لأن صدقني كثر ترديد المشكلة يزيدها عمق خصوصا أنك قلت لها أمس اللي صار بخاطرك الله يسعدكم |
صراحة
ما تحتاج نصيحة لانك فاهم واعي وتملك حس الدعابة يمكن شي واحد اقدر اقوله لك : خليك واضح وصريح وخدمات زيادة لا تقدم عشان الخدمةالزيادة تسوي حساسية اذا لم تقابل بالشكر يعني سوي اللي عليك وبس !!عشان ماتتضايق والله الحرمة ما تستوعب اخطاها من المرة الاولى و ان احبت زوجها واستوعبت خطاءه جعلته من سكان الجنة وان كان في الارض اصبر..فالصبر لا ياتي الا بخير |
ماقول غير الله يكمللك بعقللك .. ويهدي مرتك
انا استغرب من اللي يقولون حامل وحامل وش يعني حامل حملنا وربينا ماسوينا اللي يسووونه هالحريم ... بالعكسسس نصبر ونخدم علشان هالحياه تمشي .... انا قررت ادلع الحمل الجاي لووووووووووول الله يهديكم ان شالله |
تمنيت أقرأ كلام يخص المشكلة حواركما للأسف رغم أنه لم يكن فيه شد قوي لكنكما لم تتكلما في أساس المشكلة الآن برأيي دورك أن تتكلم معها فيما أغضبك و بشكل جاد غير جارح من أول طلب لها و كيف ضاق بك الوقت إلى موضوع الغرفة و انه كما أنت تنفذ لها ما تحب فهي من باب أولى تطيعك لأنك زوجها و حقك أكبر يعني كلام جدي بدون جرح و توبيخ , لكن يؤخذ على محمل الجد هذا أولا ثانيا قولك لها اقتباس:
ان شاء الله واللي يريحك واللي تبينه والأفضل لنا انت قلت يكون أفضل.. أحسها واضحة ان ذهابك لأهلك أفضل ) : يعني لو قلت لها مثلا أنا أفكر عشان نفسيتي ابات بالبر مع أصحابي و قالت لك/بيكون أفضل وش بتفهمها.. عموما 88 هذا الكلام للتوضيح فقط و لا تتكلم في توضيح قصدك , لأن ما يستاهل بس حبيت أبين لك بعض الجمل اللي تُفهم خطأ ...... ثانيا والله مستغربة لحد الآن على موضوع الدلع ما أشوف هنا دلع زايد لدرجة التخريب, سؤالي فعلا و بشكل جاد و له دخل لموضوعك و موجه لأصحاب الخبرة ممن ردوا هنا هل الدلع الزايد يخرب (الزوج او الزوجة) أو هو مخصوص للزوجة ,,,حيث دلع زوجها لها يخربها مع الوقت طيب انا صار لي كم سنة متزوجة و زوجي مدلعني , خصوصا في المشاوير أي مكان أحب أروح له , ألقاه مرحب و فرحان و هو يلبي دلاله شي غريب و بالعكس صرت مع الأيام أنحرج لما ما أسوي غدا او أدلعه أو اجرحه لأنه ما يستاهل و خفت المشاكل بيننا بنسبة كبيـــــرة و السبب دلاله و احراجه لي حتى رمضان السابق لم بفطر اي يوم خارج المنزل عدا اليوم الأخير و السنة الماضية ما طلبنا اي طعام من بره افرح لما اطبخ له و اغسل و اقوم بخدمته , لأني أراه لا يرفض لي طلبا يفرحني تتوقعوا مع الأيام اخترب و اعصيه عفوا قد لا يكون هذا خروج عن الموضوع بقدر ما هو ,,, أنك تعرف زوجتك,,,هل يثمر فيها المعروف و الدلع ... إذا نعم ...خفف و إذا لا أنت محتاج بصراحة لقليل من المن عليها ذكرها بجمائلك و دلعك و كيف انك تضغط على نفسك لأجل سعادتها و لم تتوقع منها هذا التجاهل ,,, ربما تخجل الحياة تتطلب المصارحة , انتما في بداية حياتكما جرب المصارحة و إذا لم تنفع جرب طرق أخرى لمعالجة ,كتخفيف الدلع , او التطنيش أو غيره لكن إذا غلبت الروم |
^ ^ ^
مشكورة كنت بقول اللي قلتيه زوجته باين انها فاهمة وينفع معها المعروف المواقف كلها عادية وتصير بأحسن البيوت |
تقول لك بروح بيت أهلي عشان النفوس تهدى تقول لها يكون أفضل ؟؟ هي لما قالت لك هالكلمة كانت تعتقد بتقول لها لا ما أقدر على بعدك أو يهون عليك تتركيني ؟ تقوم تقول لها يكون أفضل ؟؟؟ سبحان الله أنتم الرجال عليكم ردود تموت قهر بعدين تقول لك تعرف مع من تضحك ومع من تقلب نفسيتك وتكشر ...يعني اضحك لي وسولف معاي وانهي الموضوع مو تسكت ولا ترد ... مسكينة والله رحمتها جالسة معاك العيد وما راحت مع أهلها وهذا واجبها أكيد .. بس مو معناه تزعلها وعلى أمور عاااااااااااادية في نقاط إيجابية ما شفت أحد ذكرها تجيب الفلوس لك وتعطيك يعني أنها ما عندها فرق بينك وبينها وما عندها أنانية تبي تحتفظ فيه لنفسها وبس لما تعبت عشانها غرقتك مسجات يعني مقدرة وواعية وفاهمة وشاكرة وش تبي أكثر أنها تقول لأهلها عن أموركم المادية هي أكيد غلطانة بس أنا كنت أسوي مثلها لما كانت أمي تقول جيبي فستان غالي وجيبي وجيبي لما أتعب من الأعذار أقول يا أمي ما نقدر وضعنا المادي ما يسمح، وأنت تقدر تقول لها بعدين أنه مهما صار ما تقول لأحد عن أموركم المادية أنا لو مكانك .... اعزمها نطلع برة وننسى الموضوع |
| الساعة الآن 03:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©