|
انا االلي فهمته انه شكلها مو عاجبك
وان جسمها مابلــــغ صح؟؟ انا عمري 22 وتزوجت 17 سنه و22 مو بزر .. المهم ... اذا تبي حلول قول اللي مو عاجبك وترى كل شي له حل حتى النضج ...ز واذا كانت ماتعرف بالرومنسيات والجنس من حقها وهذا يثبت برائتها وانها مالها علاقات سابقاُ يبي لها كم شهر 6 شهور وفوق حتى تتعلم لازم انت تعلمها .... ننتظر اجابتك ... لاننا مانعرف نحل المشكله وانت تكتب رؤوس اقلام فقط |
عادي اخوي مو بالضرورة ترتاحو لبعض من اولها
وتذكر ان لا تكره شيئا ممكن يكون الخير كله فيه مو بالضرورة ان تكون شريكة الحياة او شريك الحياة ان يطابقو احلامنا الوردية قبل الزواج فهي تريده الفارس على الحصان الابيض وهي يريدها ملكة الجمال الانثى الكاملة ولكن لا يوجد شيء كامل والكمال لله وحده اما عن تعودكم على بعض فهو ليس بالشيء السهل ان متزوجة من سنتان ونصف تقريبا وكنت على علاقة حب بزوجي 4 سنوات وخطبة سنتان وتقد ان تقول ان هذه الست سنوات قبل الزواج كنا طوال الوقت سوية اما على الهاتف او مع بعض وبعد الزواج تفاجات بطباع له وهو تفاجا بطباع لي واحتد المشاكل بيننا في بداية الزواج وصرت افكر وهو طبعا هل هذا معقول هل اختيارنا وبعد عشرة هذه السنين كان خطا كبير؟ ولكن قليلا قليلا اخذت طبعه واخذ طبعي والان والحمد لله متفاهمان وحياتنا هادئة ومستقرة ولا اعرف ان اعيش بدونه واتمنى ان يكون هو كذلك والحمد لله ما يبادلني به من مشاعر وحنية تشهد لي بذلك فلا تتعجل فاول سنة هي تعارف صدقني والسنة الثانية يبدا التعود ومع مرور الايام ستجد انكم وصلتم لمرحلة تاقلم وارتياح من الصعب ان تجدوها مع حتى اقرب الناس اليك فلا تستعجل وحاول ان تمضي معها وقت اكثر للتعودوا على بعض وتذكر ان البعد جفا لك ولها والافذل ان لاتفارقا بعض فلا تنام عند اهلك ولا هي عند اهلها تعودوا ان تعيشو حياتكم سوية كالاصدقاء في البداية عندما تتعرف على صديق جديد كيف تتقربون مع بعض وتجدوا الاشياء المشتركة بينكم فمن اهم الاشياء بالزواج هو الصداقة فالحب لا يكفي فان تعرف ان تروي لها همومك وان تجد انك تقضي الوقت الممتع سوية وكثير من الامور المهم تعرف عليها حاول ان ترى محاسنها قبل ان تحكم عليها بسيئاتها وبالتوفيق |
الله يرزق اختك بزوج مثلك
ماشاء الله تبارك الله الله يهديك ويحفظك موضوعك مبهم ما تبي تصارحنا بالتفاصيل وش العيوب وش النقص وش مو عاجبك بس كذا ماعجبتني برجعها لاهلها واغيرها ببنت احسن منها موديل 2010 فيها مواصفات افضل من القديمه هذي اكيد ماراح ترتاح لك بنت الناس اذا انت مبين لها انك مو مرتاح لها شوف اخوي اقولك الحق معاك بحالة وحده اذا اهلها من النوع المتحجر ورفضوا انك تشوفها النظرة الشرعية قبل الزواج غير كذا اذا شفتها وقلت بكمل المشوار والزواج وجاي الحين تقول ماعجبتني تذكر ان لك خوات وقريبات والرسول صلى الله عليه وسلم يقول ( عفوا عن نساء الناس تعف نسائكم ) بتجيك دعوة من امها او منها يارب يشوف هاللي سواه فيني باخته او ببنته |
اقتباس:
كلام سليم اخي عاشق الجواهر .. |
تعوذ من ابليس واستخير
واذهب انت وياها مكه اخذو عمره بعدها شف وين قلبك يوديك بس لاتستعجل لاتستعجل اذا البنت طيبه وصالحه وتحبك وتهتم فيك باقي الاشياء تهوون الجمال والنظافه وغيره كله يتصلح ويتعدل مع الوقت |
امرك محير
كسرت خاطري زوجتك يعني موافقتك حتى وانت تكسر مجاديفها الله يعينها بس لازم تصبر يمكن مع العشرة ترتاحو سوا اهم من الحب والاعجاب ياما ناس تزوجوا وهم مقتنعين بس سبحان الله في عشرتهم سوا مارتاحوووو الله يختارلكم اللي فيه الخير |
اخوي وياعضاء هو مشكلته مو بشكلها
كلامي مضبوط اخوي انافهمت انه المشكلبه فيها كشخص وشخصيه وتصرفات بس محاوله اخوي حاول تخليهاعلى هواك ترى الانفصال مو بصالحك ولابصالحها صدقيني مستحيل تلاقي احد اخد زي ماكان نفسه بس الله اعلم بالي يناسبنا منا ممكن فيها ميزات مستحيل تكون في غيرها اخوي دور وابحث عن ايجابياتها وطورها زورها وخذلها ورد وهديه انت تقدر تحرك انوثتها باهتمامك فيها واخيرا اتمنى انه الله يوفقك ويكتبلك الخير |
اقتباس:
الله يعطيكم العافية اخواني وخواتي ماقصرتم حاب اقولكم انا انسان عاقل وناضج عمري 30 سنه ومعتمد على نفسي وانا الي زوجت روحي من تعب مو من راحة اقول مو مرتاح وهي نفس ذلك بس صدقوني من كلامكم فيه فوائد كثيرة بس من يتعلم بهذي الدروس |
ياخوي خليك صريح وش المشكلة بالضبط..؟
|
يااخي انت تكلم روؤس اقلام ايش اللي ماهو عاجبك فيها وبعدين فترة شهر قليله جدا بالحكم والله احسك ظالمها شكلك تبي وحده كبرك بالسن وناضجه نفسك
|
| الساعة الآن 07:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©