|
يا ناس و الله نفسي اتزوج و كل شي لكن خلاص ما ينفع انا قضيت فترة هناك و صارلي فيها ماضي يعني ما ينفع اتزوج و اجيب حرمتي معي احس ان حتى محيطي الي حواليا بيقولون ايش يبغى هذا جاي متزوج .. وين ايام اول و خاصتن هم اصحابي مافي احد فيهم متزوج و تقريبا حياتنا وحدة و كل شي فجأة انا ارجع متزوج يا ناس احس اني بطفش انا وياها وجهي في وجهها .. و بعدين انا تعودت على نمط حياة معين يعني مافرقت معي كثير لاني لحالي . و لو كنت متزوج بضطر اكون معها 24 ساعة... بالعربي مني متخيل اكون متزوج فجأة كذااااا و مطلوب مني اني احبها بصراحة احس قلبي حجررررررر ... يا ناس صعبة
|
والله يا خي إنت رجال طيب وأصلك طيب
والدليل إنك تفكر بالزواج حتى ترضي الله سبحانه وتبتعد عن الحرام والله سبحانه هداك إنك تكتب مشكلتك هنا حتى تلقى مرشد للحل وبإذن الله بتلقى الحل لكن حتى تستفيد من الحلول المطروحة حاول أولا مكمن الخلل اللي تحسه في نفسك إنت قادر على الزواج وحتكون سعيد إن شاء الله مع زوجتك لكن تفاءل وتأكد إن ما في أحد في هذه الدنيا ما عنده مشاكل حتى العزابية عندهم مشاكل سواء اجتماعية أو نفسية بس كثير منهم ما يعلمون بها أحد <<<< وأنا منهم الزواج يا خي استقرار وسكن للبال وهذا اللي قاله الله سبحانه وهو أعلم فينا (خلق لكم من أنفسكم أزواجا لتسكنوا إليها وجعل بينكم مودة ورحمة) الزواج مع طاعة الله سبحانه يصير جنتك في الدنيا وراحة للنفس ومثل ما قلت لازم مشاكل سواء عزوبي أو متزوج لأن هذه هي الدنيا لكن العزوبي مع العلاقات قبل الزواج صدقني ما راح يرتاح وإذا حس إنه مستانس فهذا مؤقت لأن الله غير راضي عن علاقاته (ولا متخذات أخدان) ابدأ من الحين وانطلق وأول شي تبدأ تغيره هم الأصحاااااااااب (مع احترامي لك ولهم هم أساس المشكلة) لأنك خايف يتكلمون عليك وإنت أصلا مو مضطر تعيش معاهم هذه حياتك تعيشها مثل ما تبي ما دام تبغى رضى ربك وتسعى له ما عليك منهم وإذا تحس إنهم بيسلكون فيك طريق غير صحيح خذ قرار حازم واتركهم وشف لك أصحاب طيبين وصالحين أما الأصحاب السيئين فراح يضرونك بشكل أكبر مما تتصور والشيء الأخير إنت مو مضطر تقعد مع زوجتك 24 ساعة ما دام عندك عمل أو دراسة ما دام إنت وياها (((متفاهمين))) وكل واحد يقدّر الثاني ويقدّر ظروفه بتتفاهمون على هذه الأمور وإنت قبل لا تتزوجها اتفق معاها على إنك مضطر تروح للعمل أو الدراسة أو أمور ضرورية لكن بشرط حتى ترتاح وترضي ربك وترتاح في زواجك وحياتك كلها (سواء كنت عزوبي أو متزوج) اترك علاقات قبل الزواج واحرص على رضى الله وبتحصل اللي يرضيك (من ترك شيئا لله عوضه الله خير منه) فاترك العلاقات هذه لله وبتحصل خير وأحسن وأفضل منها وإن شاء الله بتدعي لي :) <<<<<اسكت :) لكن خلك "صادق" مع ربك وبتشوف اللي يسعدك الدنيا يا خي ما تسوى عند الله جناح بعوض وكلها أيام ونتركها واللي عند الله أحسن من اللي فيها ببلايين المرات (ما تقدر تتخيل اللي في الجنة ايش ولو شفته مرة ما تقدر تتركه) لكن اللي عند الله يبيله طاعة و(((صبر))) وحتى السعادة في الدنيا يبيلها طاعة وصبر ولا تيأس وكل ما طحت اصدق مع الله وتوب توبة صادقة واعزم إنك ما ترجع وتذكر إن الحياة قصيرة وراح تنتهي والله يحب التوابين اترك أي شي يذكرك بالماضي أسأل الله لك السعادة في الدنيا والآخرة وأن يسعدك بطاعته |
لاتتزوج بس لا تنغمس في ما لايرضي الله
|
الا فلها واطحن الحب اللي في راسك باقي ما انطحن
والى منك خلصت لا تفكر تحصل بنت ناس شريفه عفيفه لم يراها رجل غريب ما بتحصل الا بنات مثل تفكيرك وعلى نفس خطاك مشو تشبعوا بالعلاقات المحرمة الى ماقالوا بس ترضى تتزوج وحده نايم معاها قبلك 10 رجال او وحدة كانت على علاقة مو واحد 5 سنوات كل اسبوعين او 3 يسير عليها دون ما احد يدري من اهلها ؟ بنت الناس زيك ما ترضى تتزوج واحد متنقل بين النساء اذا تقول ارضاها كمل على نفس خطواتك الان واذا انت رجال كلامي هزك وفتح عقلك فانت رجال بتتوب ليه اتوب الحين ؟ طيب بتوب بس بعد ما خلاص اقرر اتزوج اقولك هذي توبة الشياطين مو توبة المؤمنين راجع شروط التوبة علشان رب العزة والجلالة يقبلها منك اما تقول بكره بتوب او بعدة بتوب هذي اماني مو توبة وبكيفك انت تختار مصير زواجك ومصير ام اطفالك اذا تبغاها مومس وعاهرة استمر بعلاقاتك ولعبك واذا تبغاها عفيفة شريفه درة مصونه تعرف وش لازم تسوي <<< ما تطرقت للصلاة ولا الامور الثانيه بالدين لانك لو بتنصلح بهالشغله بتراجع حساباتك كامله والله يهديك انه على كل شئ قدير |
اقتباس:
أنا قد سمعت مقوله انا ننسى الماضي ونكون أهل اليوم ولانفكر بالمستقبل وتريح بالك من كلامك أنك خايف من ردة فعل أصدقاءك وأنا قلت لك أنت إنسان ناضج ومن قال لك أنك راح تكون في وجها 24 ساعه هي بتمل منك قبل ماتمل منها هههه خل لها مساحه مع نفسها وأنت روح مع أصدقاءك كم من ساعه وإرجع لها أحس أحس أحس كم مره قلت هاذي الكلمه أنت من النوع الللي يفكر بالمستقبل راسك بيوجعك هههه أنصحك أنك تصلي صلاة إستخاره واذا ماكنت تعرفها قول لي وأنا أكتبها لك *وما خاب من إستخار رب العباد والأمر راجع لك |
كيف وليش الزواج عفاف ومو عيب انك تبغى وحده جميله ان الله جميل يحب الجمال بلعكس ابحث عن اللي في بالك وبي موصفاتك عشان تعفك اكثر اما بنسبه لي اصحابك بلعكس اذا شوفوك تزوجت وعفيت نفسك ولقيت البنت اللي في بالك راح يغارو منك لأنك عفيت نفسك وبلعكس فلها انت وزوجتك اعتبرها صديقتك حبيبتك وفي نفس الوقت زوجتك يعني حلالك واذا انشالله طحت في وحده شاطره راح تخليك تبتعد عن اصحابك وتهتم في دراستك اكثر وراح تكون لك عون انشالله بأذن الله وربي يوفقك وتلقى الزوجه اللي في بالك ..
|
اقتباس:
الي ميطول العنب ... :) --------------------------------------- الله يهديك اخي الكريم وينور بصيرتك انت تعرف انك غلط وهاي مصيبه اكبر لا تضيع نفسك بنفسك ولا تتزوج وحده مومقتنع فيها ابددددد اختار الصفات التي تتمناها بزوجتك واقتنع بشكلها اوخلاقها حتى لا تكون لك حجه بعد الزواج بأنها لا تقنعك وما الى ذلك نتمنى اخبار مفرحه بعد عودتك |
أخواتي لماذا تنصوحونه الآن بالزواج كيف يتزوج قبل ان يتوب و يندم بعد أليس اختيار الزوج من باب (من ترضون خلقه و دينه) ايصح ان نقول للفتاة اللي أخطأت و لو بمكالمة ,,,ايصير تقولي لقريبك تزوجها بعدين تعتدل أو لما تتأكدي من توبتها بعد نفس الشيء الفتاة اللي ننصحه يتزوجها لجمالها فكيف بنا و هو لم يتوب و يظلمها معه بنزواته لابد يتوب و يكون خوفنا من الله أكبر من رغبتنا للزواج مافي شيء يدفع الإنسان للتوبة كثر خوفه من الله و بدافع نفسي منه هو أولا الفتاة المفروض تختار صاحب الخلق و الدين و الرجل كذلك يظى بذات الدين و الخلق لكن ذنب الإنغماس مع اللذات و البنات ,, شيء عظيم و صعب نأمل من زوجته تغيره و هو ما بدأ بنفسه تاب الله عليك لا إله إلا الله |
انا رايي تقوي ارادتك وتنشغل بشغلك وحياتك وتبعد عن المعاصي
وبالنسبه للاختيار لازم يكون في قبول بيضه سمره مش تفرق المهم تتقبلها وتحب تتجوزها بس يكون عندك اراده تظبط حياتك لان اللي انت فيه مرحله كل الشباب بتمر بيها وانت هتكون كويس اوي وملتزم مع الزواج لانك هتستقر وخصوصا لما تتجوز انسانه تحبها وتريدها وبالنسبه لطباعك درب نفسك علي التفكير بهدوء والتروي ودا مع الوقت والخبره هيتظبط ربنا يوفقك ويرزقك الزوجه الصالحه |
اخي العزيز انته فاتح باب الشيطان وهوه يلي بطلعلك كل هالاعذار والله انته مو حاب اتوب ومو حاب اتغير حياتك انا معك انها الغربة صعبة وخاصة ازا كانت معك زوجة بس والله ازا حطيت في المرتبة الاولى رضا رب العباد عليك لحتى اسخرلك بنت الحلال يلي تعينك على الغربة ويحسدوك اصدقائك عليها والكل احاول يعمل متلك (من ترك شيئ لوجه الله ابدله الله خيرا منه)انا مو حافظة النص بالضبط لكن بهيك المعنى يا اخي والله الحياة قصيرة اتزوج وحدة اتساعدك على رضا الله عليك وتعينك على هالحياة الصعبة المليئة بالشهوات والله ايوفقك ويبعتلك بنت الحلال
|
| الساعة الآن 03:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©