|
اقتباس:
ربي يسمع منك ويطمنك ويشفيك ياارب ويسعدك دنيا واخرة |
تسلمي لي يا عسل على تجاوبك الأكثر من رائع ويدل على اخلاقك وطيبتك
الله يوفقك دنيا واخره ويسهل لك جميع امورك واختباراتك ويحفظك من كل شر |
اقتباس:
الله يسلمك يالغلا ابشرك الاختبار جاء اسهل مايمكن اللهم لك الحمد والشكر :22: والله يجزاك خير على الدعوات الحلوة :22: .. ولاتنسين تطمنينا عنك بعد زيارة الطبيب فالكل هنا اخواتك واخوانك ولا ننسى الاخ حفيد الانصار بارك الله فيه هو من لفت الانتباه للصرع الله يجزاه خير واذا احتجتي مقالات بالعربي عن حالتك راح احاول ادور لك انا بحثت بالعربي مالقيت الا كلام بسيط وسطحي لكن ممكن ادور مرة ثانية على رواقة ولا تخافين ولا تشيلين هم موضوعك بسيط وسهل باذن الله |
والله ياليت .. وعادي انقليزي لأنه تخصصي في الدراسه .. بس لايكون طبي بحت عاد يطيح وجهي مره :) ( تتشرطين بعد..احمدي ربك لقيتي حل للموضوع بس)
حفيد الانصار فعلا اعذر تقصيري في شكر انتباهك للموضوع جزاك الله خير بس من زود اني مو مصدقه اني لقيت حل ومعنى للحاله هذي نسيت اتشكر لك .. يعطيك الف عافيه اخوي |
ماشاء الله تبارك الرحمن تخصصك انجليزي ربي يوفقك
هذا رابط للنوع اللي انا اشك انه التشخيص المبدئي لحالتك (وطبعا زي ماقلنا لك لازم فحوصات عشان تاكدين انه نوع من الصرع واهم هالفحوصات قياس كهرباء المخ وتخطيط المخ EEG ) http://www.epilepsy.com/epilepsy/seizure_complexpartial بالانجليزي طبعا لازم طبي بس ان شاءالله بتفهمينه لغته مو صعبه مرة واعذريني الموضووع ما اعتقد معلوماته مرة كاملة لكن هذا الموقع حسيت لغته مو مرة صعبة |
السلام عليكم
طبعا التشخيص الاكيد هو بتخطيط كهرباء الدماغ EEG كما بينت الاخت الدكتوره المتفائله .. الصرع أنواع كثيره وكل نوع له أعراضه وعلاجه بالنسبه لحالتك يا اختي .. أنا شكيت بهذا النوع Absence Seizures وبإمكانك قرأءة المزيد من الموقع التي ذكرته الاخت المتفائله .. وهذا النوع من الصرع موجود على هذا الرابط http://www.epilepsy.com/EPILEPSY/SEIZURE_ABSENCE مكتوب في الموقع أعلاه أن المرض ينتهي غالبا بسن 18 سنه .. وهذا صحيح لكن هناك حالات تمتد لنهاية العشرينات بالنسبه للاخت المتفائله ... فهذا الرابط سيكون مفيد جدا لها ولأي طبيب وطالب طب http://emedicine.medscape.com/article/1183858-overview |
والله يمكن النوع اللي ذكر الاخ حفيد الانصار اقرب كثيييير من النوع اللي انا شكيت فيه
هو المشكلة انه لازم احد يلاحظك وانتي تجيك النوبة لانه وصفك انتي لايكفي بالاضافة طبعا للفحص ونواع الصرع اللي تكون مدتها من ثواني لدقائق كثيرة في الرابط اللي حطه لي الاخ حفيد الانصار ماقريت كثير والله لاني جدا مشغولة لكن على السريع قريت انه النوع اللي شكيت فيه يلخبط مع النوع اللي شك فيه الاخ حفيد الانصار وخاصة اذا كانت الحالة مدتها طويلة مع حركات معينة النوع اللي ذكر اخوي حفيد الانصار (مدته لاتتعدى الثواني ) لكن فعلا قريب جدا من حالتك وشفت حالات لاطفال باليوتيوب تخيلت شكلك وانتي بثاني ابتدائي :15: لا من جد شوفي الحالات باليوتيوب حطي Absence Seizure باليوتيوب وشوفيهم خاصة الولد الصغير اللي عليه نظارات احنا ذكرنا لك الاحتمالات اللي ممكن تكون حالتك لكن مستحيل نقدر نجزم على تشخيص معين الا بعد الفحوصات الكاملة بالاضافة لوصف احد يكون موجود خلال الحالة دمتي بصحة وعافية |
يا الله
اقسم بالله شوي وابكي حسيت نفسي قاعده اشوف نفسي وقت الحاله بعد ماشغلت مقطع الولد ... وشفته يضرب راسه .. اوووووووووه انقطع قلبي عليه كنت كذا قبل لا استوعب اللي انا فيه .. فيه مقطع فيه حرمه كبيره دكتوره وشعرها قصير بني هذي فعلا كأنها تتكلم عني ... والبنت الاولى اللي جابوها احس اني مثلها بس الولد اللي بعدها الفلبيني لا بعيد عني لأن واضحه حالته وباينه بس البنت كأنها سرحت والدكتوره قالت انه يخطيء الناس في هذي الحاله ويفكرونها احلام يقظه ... وانا بعد كنت اقول يمكن احلام يقظه؟؟؟ وانها تحصل كذا مره خلال اليوم .. بس انا متأكده انها تجيني مره كل كم كذا شهر .. او في الشهر مرات قليله جدااااا الحمد لله سبحان الله ابن آدم غريب مرررررررررررررررررررررررررررررررررررررررررررره والله اخر ماكنت اتوقع انه فيه مرض وبهذا الشكل خلاص اتضحت لي الصوره ... الدعوه فيها مستشفى .. بس شقول لزوجي ؟ بروح اكشف على مخي؟ هههههههههههههههههههههههه صدق شر البليه ما يضحك حفيد الانصار المتفائله.. جزاكم الله كل خير و الله يوفقكم ويعلي مراتبكم يارب دنيا واخره صراحه هالمنتدى كل ما قلت انه رائع ... لسا اكتشف اشياء ومواضيع والاهم اعضاء اروع و اروع يعطيكم الف عافيه والله ما قصرتوا معاي ... |
مشكلتي اصدق
كلامك قطع قلبي والله وانا اشوف الحالات باليوتيوب وبعدين حطيته لك كنت عارفه ان الموقف صعب عليك وكانك تشوفين نفسك وقت الحالة لكن ياعزيزتي الحالة مو صعبة وشي بسيط ولمدة ثواني والحمدلله انتي تقولين ماتجيك كثير واللي قريته (بالرغم اني لسى ماقريت كل شي عنها بدقة لانشغالي ) لكن اللي قريته على السريع انه المفروض تختفي الحالة فباذن الله راح تختفي عندك قريب وكذلك اخوك وانا فكرة انه نعطيك مقالات ومقاطع للحالة كان هدفي الاول منها كيف تقنعين اللي ودك يقتنعون سواء اخوك او من اللي حولك انه الحالة اللي عندك حقيقية ومرضيه ربي يشفيك ويشفي اخوك يااارب |
تسلمي لي يا المتفائله والله مجهودك جبار معاي
خلاص انا بشوف وقت روقان اخوي وبخليه يتابع هو بعد الله يسعد قلبك يا شيخه ولا ينقطع قلبك ولا شي الحمد لله انا ولا شي جنب غيري ولو هو مو اخوي اللي جته وهو يسوق ماكان التفت للموضوع من اصله .. تسلمي لي حبيبتي تحياتي |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©