|
بلاش عباس دى ابو الشباب احسن.......
بصى يا بكر الاصل غلاب الحنفيه دى اللى انتى عاوزه تقفليها واللى الدنيا فى الزمن الاغبر ده بتقولك اقفليها وبتدفعك لده مش ده الصح ربنا ما قالش كده (( وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ (21) )) سورة الروم تسكنوا يعنى ترتاحوا وتهدوا وتتألفوا مش تعملوا خطط حرب ومكر زوجك لو جحدك العيب فيه مش فيكى زوجك لو انكرك الغلط فيه مش فيكى عاملى ربك واتعاملى معاه زى ما يحب يعاملك هو خليكى طبيعيه ......... ربنا بيجازى على ده انتى عارفه انا بضحك وقالبه الدنيا مسخره ليه؟ لانى عارفه انى عاملت ربنا وده اللى مخللى ربنا ساترنى انا ما قصرت فى حق الزوج الزوج اللى المفروض بتسجد له لو ينفع بعد ربنا ده كلام النبى ينفع الرسول يقول انه الزوجه لو ينفع تسجد لحد غير ربنا كنت امرتها بالسجود للزوج وهو مش قصده انها تتعامل زى ما انا اتعاملت بصفاء نيه العيب مش فى حتى لو الدنيا كلها قالت كده وكلام حلوايه صح ولعلمك ما وجعنيش بالعكس ده عرفنى انه صح عارفه ليه لانها فى ولا جمله قالت انى غلطت بشىء مشين اوشىء غلط فى حد ذاته بالعكس والله كل اللى قالته انى غلطت بأنى كنت صح زياده عن اللازم اسألى اى راجل طلعان عينه نفسك فى ست عامله ازاى هيقولك حنينه ومش منانه وتشيل وقت الوقوع وتسند وتستر وطلباتها مش كتير انا مش غلط ..........انا جيت فى زمان هو اللى غلط |
فاتوشي احنا ديننا متوازن جدا جدا جدا
في كل شئ في كل اموره و ده من وجهة نظري .... وانتي كنتي مزوداها حبتين اصل جوزك مكانش مجاهد في سبيل الله وبيرجعلك كل فترة .. مكانش محتاج منك كل كل ده يلا اللي حصل حصل انا مش هتكلم عن ده اكتر من كدا بس الجو اللي انتي عايشة فيه دلوقتي جو مالوش ملامح بصراحة يعني ايه بييجي زي الضيف يا حبيبتي ؟؟؟ بييجي ويبات في اي وقت وتقوليلي ضيف ؟؟ وكمان مش مخليكي تشوفي حياتك ... وتقولي ضيف؟؟ الجيران واهله مش عارفين وضعكو ايه وتقوليلي ضيف ؟؟ طيب انتي محتاجة منه ايه .. هو ماسك عليكي ذلة ؟؟ ياترى بنتك بتتعلم منك ايه؟؟ بنات جوزك بيتعلموا ايه ؟؟ انتي بتقولي القوة !!! هل القوة في التضحية الفضيعة دي ؟؟؟ هل القوة في ان تضحي بمنظرك حتى ادام الناس؟؟ هل القوة في عدم أخدك حقوقك ؟؟؟ ياترى لو بنتك حصلها نفس اللي حصلك .. واتصرفت زيك ...هتصقفيلها وتقولي برافو عليكي بنت مامتك ؟؟؟ ... بوصي في فلسفة وصلنالها عموما اسمها how to market your power? ازاي تسوّق لقوتك تخيلي ان كل كائن في الدنيا ماشي بنفس المبدا ده الاسد بصوته وظوافره وسنانه ... محدش بيقدر يقربله .. وقبل مايستعملهم الانسان بيكون مرعوب ادامه .. ده صيت الثعبان بسرعته وسمّه القطة يادوب بتنفخ وتهوش كل واحد وطريقته حتى على المستوى السياسي كل دولة بتسوق لقوتها ادام العالم ان كانت قوة اقتصادية الكل بيخاف قوة صناعية قوة حربية .. مجمعة كذا قوة في بعض قوة كلام وتهويش في الندوات والمؤتمرات مش أكتر وهكذا زي المغول سبب رئيسي في انها قدرت تغزوا كل ده وتوصل لينا زمان ان الناس كانت بتعرف انهم سفاكين وهمج ومش عارف ايه من قبل ماييجوا فيترعبوا ويسبوها تدخل بدون مقاومة !! وكمان العائلات ... فلان هتلاقي الناس بتخاف منه ومن عيلته وبتعمله حساب .. لأنه مش بيسيب حقه وراجل مابيسكتش عن اي صغيرة فلان صوته عالي نظام خدوهم بالصوت بيسوق لقوته بطريقته ... وعادة سلاحه بيكون ضعيف طبعا بس بيأثر على بعض الناس ده تسويق يعني الناس تبقى عارفة وليها مردود فعل طيب احكيلنا انتي ازاي مسوقه لقوتك في الحياة .. وياريت تقولي مواضع ؟؟ وخطتك ايه في كدا في حاجة كمان ... انتي بتقولي انك مش عاوزة طليقك ازاي وانتي تعتبري تحته لسة ... عارفة طليقك ده عاوز ايه ؟؟!! لو انتي مش عاوزاه بجد ... خططي لحياتك وهو مش عارف واتجوزي واختفي خالص قبلها محدش يعرفلك طريق وسيبي العيال ليه او لأي حد او حتى خوديهم معاكي لفترة ما وجمدي قلبك وبعدين اظهري تاني ... لازم اهله يعرفوا بكل حاجة صححي مكانتك عند الناس ومنظرك ... وسبقي زي ماهو بيسبق عند اخواتك .. ماتسبهوش يبعد الناس عنك ماتقوليليش رجاءا الست الكويسة اللي ليها أصل ماتقولش لحد .. ليه يا بنتي في عرف مين ؟؟؟ حكم مين ؟؟؟ خليكي مثل يُحتذى به في القوة التضحية للنهاية بتبقى عشان هدف نبيل اوي ... والناس بتفتكره ... انتي هنا فين هدفك .. ده مش عشان العيال ؟؟ ياريت توضحيلي حاجات كتير غابت عني لأني متلخبطة اوي |
يا ستي .. حلواية ما قلتش تستاهلي !! .. هي بس بتقلك انت تنازلتي في مواضيع ما ينفعش التنازل فيها .. وانا شايفة انك لحد دلوقت بتتجنبي تاخدي موقف من طليقك .
شوفي انا مطلقة من سنين وعارفة لما الواحدة توصل لمرحلة تبلد الاحساس يعني كله زي بعضه مش فارقة ، وهاد وضع طبيعي لما الانسان حياته اللي مضى سنين وهو يبنيها بكل صدق وعزم يكتشف انها كانت خدعة. المهم انك هلأ توقفي مسلسل التنازلات ولعلمك طليقك عارف شخصيتك ومسوي اموره انه لما يعوز انه يرجعك وتحمليه في كبره وعجزه هتنفذي. ما تفتكريش اني عندي سند ولا ضهر عشان كده مش حاسة بيكي .. لا الحال من بعضه .. بس انتي بتتنازلي بسرعة عن شغلك عن بيتك حتى عن نظرة اولادك وبتسمحي له يأثر فيهم. ابني حياتك من غير ما تشوفيه بالصورة .. وعن تجربة الرجل لما يشوف الست استغنت عنه وقادرة تصلب طولها لحالها برجع معجب وولهان !! بس للأسف بيكون الوقت فات لأنه اصلا سقط من عين المرأة وما عادتش تعتبره رجل يستاهل حتى نظرة منها. انا شايفة انك لسة في حالة صدمة ومش قادرة تميزي كيف رح تتصرفي .. اعطي نفسك الوقت الكافي ويا ريت بلاش موضوع انا عملت ايه وغلطت بأيه .. الموضوع وانت عارفة انه لا غلط ولا غيره .. في رجال كل ما ربنا كرمهم كل ما افتروا وحاولو ينسلخوا من جلدهم. عموما .. فضفضة اوكي .. لكن جلد للذات ولوم وتحطيم معنويات لأ .. اول خطوة ضرورية حاربي تأثيره عليكي انت ست ناضجة ومش محتاجة له في حياتك .. لما تروقي رح تكتشفي انك أقوى منه بمراحل. والمهم ما ترجعيش تحني يا طيوبة انت :) |
حلوايه شاده السلخ على ليه بس يا بنتى
قلت لك هو لما بينزل من السفر مره كل 4 شهور 3 ايام بييجى فى الشقه المنفصله اللى فى نفس البيت.......انا اه اللى بحضر الاكل وكل حاجه بس المكان منفصل بباب بيت كبير فيه شقتين اهله مايعرفوش انه اتجوز مش انه ماطلقنى تانى حاجه هم مش هاممهم اصلا لى سنين ماحدش يعرف عنى ولا اعرف عنهم شى انا ياست الناس انا مش محتاجه حاجه من حد ولا حد ماسك على ذله الحمد لله هقولك حوار مش عشان اقنعك لا بس عشان تتخيلى الصوره -لوسمحت ما تجيش البيت تانى الوضع مضايقنى ومش طبيعى انك تيجى شوف لك مكان تانى لما تنزل الاجازه -مش هنزل ومش عاوز العيال اصلا -براحتك يقوم ينزل من السفر عالبيت ويخبط بالله عليكى تخيلى الوضع دى صوره بسيطه - هى ماما طابخه النهاردهظممكن تقولوا لها بابا هيتغدى معانا تخيلى الوضع للمره التانيه بنتى وبنات جوزى ممكن مش بيتعلموا منى شىء لو بنتى فى نفس الوضع ابسط حاجه هكون عايشه هاخدها تعيش فى بيتى مش هيكون فيه مجال للى انتى بتقولى عليه ده امشى واهرب واتجوز والكلام ده كلام مش منطقى اولا انا مش الخطاب على بابى ليل نهار ومحتاره فمين فيهم ثم مين ده الفظيع الشهم الشجاع اللى هياخد مطلقه بعيالها ويسكنهم ببيت وكمان يواجه قرف طليقها فى مصر الدنيا غير حبيبتى تالت حاجه انا مش عشان استقل عن طليقى ارمى نفسى فى تهلكه تانيه....... وكونى اسيب عيالى لابوهم مستحيل ده حتى يبقى حرام على رابع حاجه تجربه الجواز بالنسبه لى تجربه اليمه ما احبش اكررها انا بضحى بأيه بقى ولا حاجه انا كنت بضحى لما كنت زوجه دلوقت بضحى بأيه؟انه منع الجواز عنى ؟ما اظنش انى ضحيت اوى كده ماكنتش ميته فى الهوا يعنى ومنعنى من فرصه حياتى الشغل سيبته حبيبتى لانه عمل لى فيه مشاكل بالهبل ماى ماى انا لاهحن ولا زفت ولا قابلاه كزوج،وانا مش معتمده عليه عندى فلوسى اللى بصرف منها هو البيت بس لانه بيته وانا ماعنديش مكان بس حياتى بعيد عنه وبفكر اعمل مشروع يكبر دخلى وفكره انى اخد بيت لوحدى الايجار اقل شىء حوالى 2000ريال بالشهر ولو تمليك ما يقلش عن 500 الف ريال حبيبتى فى منطقه متوسطه انا مش معتمده عليه وحياتى فعلا بعيد عنه،ممكن كلامك صح انه عارف ان انا اللى هشيل فى الكبر ربنا كريم ويهدينى لفكره او حل مختلف مشكورين |
خلاص يا ستي حقك عليا انا غلطانه..
ودي حياتك ومادام انتي مرتاحة وبالك مرتاح يبقى هو ده المهم والموضوع ده كله فضفضة انا كنت بس بناقش لا بجلد ولا بسلخ |
حلوايه انتى بتتقمصى بسرعه ليه انا بهزر معاكى
شاده السلخ دى تهريجه حبيبتى انتى لولا انك بتعزينى ما كنتيش اهتميتى وللا ايه انتى بتردى على لانك مهتمه وانا بناغشك لانك مهتمه بنكشك يا توته بطلى غلاسه وبراحتك يا ستى اسلخى واجلدى وشفى وحطى فى اكياس كمان ولا يهمك براحتك يا معلم |
الله يكون بعونك..ويخليلك اولاد ك..ويطول بعمرك..بصراحه تعجبني ردودك بالمنتدى..وفهمت للكلام المصري كثييييير منك بس متعب..بالتوفيق..
|
قلب القمر نورتى والله ودعوتك بتهون على
ربنا يرحمنا جميعا والله الكلام المصرى سهل خالص بس تلاقيكى مش متعوده تحياتى |
اقتباس:
بوصي يا فتوشي ماتتخيليش قد ايه لما شوفت اسمك و بتفضفضي جيت جري على موضوعك عشان لو بس في ايدي حاجة اقدر اعملها كنت عملتهالك او حتى اخفف عنك انتي انسانة كويسة وتستحقي كل خير انا بدايق لما بتهم بالغير منطقية !! لأني بفكر كتير قبل ماقول حاجة وبعتمد على تجارب انا شفتها مش اكتر .. ومش بحثك على غلط او حاجة حرام .. يمكن بس تكوني مش فاهماني ... ربنا يقويكي ويهديكي لسواء السبيل ... وربنا هيجازيكي كل خير عن طيبة قلبك واللي عملتيه قبل كدا مش حد تاني هو مدبر الكون قادر على كل شئ |
تصدقى بالله يا حلوايه انا كنت مغمومه انك ممكن تكونى زعلتى منى
والله يا بنتى انا بقولك من قلبى كلامك كله صح ولما بقول بس اعمل ايه مش سلبيه لا ده لانى تعبت من المعافره......تعبت اوى انتى عارفه انا تعبانه فى حياتى دى من امتى من وانا فى الاعداديه حبيبتى كنت بشتغل وقت الامتحانات عشان اصرف على روحى ....... انا للمره الالف مش ببرر\ طول عمرى شقيانه وعامه يا عيونى ربنا يجعله فى ميزان حسانتك........ياللا يا ستى حسنات على حساب فتوشى اهه حلوايه ........ اخر حاجه فى المستجدات سرطان وعلاج كيمائى ......بيموت يا حلوايه الست بتاعته اللى فى دبى رفعت طلاق لانه مريض وما بقاش قادر يقوم بواجباته الزوجيه واتحكم لها وخدت اللى وراه واللى قدامه راجع بيموت يا حلوايه اللهم لا شماته............ هو فى المستشفى واول جلسه كيماوى الليله........ بيعيط عنده 56 سنه وبيعيط ويقول لى انا هموت زى الكلب ماحدش هيدرى بى ما تسيبينيش لوحدى فى المستشفى انا خايف ...... هموت وهيبهدلونى سامحينى انا مش عاوز غير انك تسامحينى طلى على وما تخليهمش يبهدلونى انا بقيت عاجز ما تفضحينيش ولا تقوليش لحد على اللى جرى لى قولى انى عيان وبس اهله اخين ومسافرين وأمه عندها 90 سنه لاحول ولا قوه مش قلت لك انا اللى هشيل....... ربنا يديه الصحه عشان عياله ويشفيه |
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©