|
هذا مجتمعنا دائماً مبالغه في امور الزواج وبالتالي فشل الزواج في نهاية المطاف يسروا ولا تعسروا يا ناس اما انت اخي الكريم اذا اردت الزواج لوجه الله واكمال نصف دينك واخترت البيت المبارك الطيب فان الله ييسر لك حتى لو مريت بديون لكن مع الايام ربي يعينك وتسددها وهذي تجارب واقعيه انا احد من وقع في هذا الفخ الذهبي وتيسرت اموري بفضل الله ولكن لاتقحم نفسك في اقساط ابحث عن اصدقاء مقتدرين واقترض منهم وسددهم بنفس المبلغ الي اقترضته ولكن يجب ان تكون نيتك السداد شوف كيف ربي ييسرها لك هذا ما فعلته انا تزوجت وسددت وتوفقت في زواجي والحمدلله
|
اقتباس:
انا اختك ياخوي .. الله يسهل امورك يارب.. السعوديات وغير السعوديات .. اكرمكم عند الله اتقاكم.. وانما الامم الاخلاق مابقيت فان ذهبت اخلاقهم ذهبو .. والله المستعان على هذا الزمن .. |
صدقني في غلط ما في الموضوع
دائما أقرأ في المنتديات البنات يقولوا مهورنا بسيطة 20000 وبعضهم 15000 وأشوف حولي ناس يزوجون بهذه المهور وبحفلات معقولة لكن أتفا جاء في الشباب يشتكون من الغلاء ربما كان هذه الشكوى مقبولة قبل 10 إلى 15 سنة لكن الأن الناس أصبحت أكثر سلاسة وأقل تطلبا وهاهم الأعضاء يأيدون كلامي لذلك ربما كانت طريقتك في التعاطي مع الأخرين تشعرهم أنك لا تريد أن تدفع أوأنك بخيل يمكن أنك اول ما تخطب تقول لهم أبي الزواج في استراحه فيا خذون منك موقف ويحسون أنك مستخسر تدفع ويرفضون بينما لو تركت الأمور تسير على البركة لأختلف الوضع فطريقة العرض تأثر في القبول والرفض لماذا لا تلجأ للقصور الرخيصة أو المتوسطة فالبعض يفرق معاه المسمى قصر متواضع ومعقول ولا استراحه ليش ما فيه حلول وسط يعني يا استراحة يا قصر 50000 مع العشاء ؟؟ طيب عندي لك فكرة حلوة طرحها أحد الأعضاء أقام زواجه بهذه الطريقة والحقيقة أنها طريقة راقية وفي نفس الوقت غير مكلفة وهو العضو جمال الروح استأجر قاعة في أحد الفنادق الفخمةيقول أنه عزم 100مدعوة كل مدعوة كلفته100 ريال بالبوفيه العشاء يعني كلفته الشغله كلها 10000أما الرجال ذبح 6 ذبايح في استراحة جميلة الزواج كله كلفة15000 أعتقد أنه حل مناسب لمشكلتك أتمنى أن تأخذه بعين الإعتبار موفق |
اقتباس:
:(:(:( الله يسامحك هذا تعميم خطأ وإذا كان اللي حولك هكذا فهذا لا يعني أن الجميع هكذا ما أدري إذا أخواتك ينطبق عليهم الوصف اللي وصفت به السعوديات وإذا شايف الأعضاء ظلمو ا الجنسيات الأخرى فلا شك أنك ظلمت بنات بلدك وظلم ذوي القربى أشد مضاضة ***** على المرأ من وقع الحسام المهند |
وش فيكم ؟؟؟...إلا تحاولون تركبون الغلط على الأخ ....
والله ياأخي ماأدري وش أقولك ... لأن للأسف ... نادرا ماتجد أحد ... ييسر الزواج ويسهله على الشباب .. المفروض المجتمع يكون واعي أكثر .. ويحاوي يحتوي الشباب المكااافح أمثالك ...بدل مايقولون بخيييل وكلام فارغ مثل كذا .. أنصحك بالدعاء والبحث ..وبإذن الله أنه سييسر أمورك.. وعلى فكرة ترى امتلاكك لشقة ..في هذا الزمن شيء ممتاز وراااائع لأنه ماذبح العالم هذي الأيام إلا الأجارات... |
أخي من خلال عملي أعرف وأشوف يوميا مشاكل المتزوجين من أجنبيات
مشاكل أنت في غنى عنها إذا أخذت من بنت بلدك صدقني مو كل البنات الأجنبيات صالحات وفيه كثير فرق في العادات بين البلدان الكل يصرخ يريد حل طيب ليه من البداية تزوجتوا من أجنبيات تفرق عنكم في التربية والعادات دور على بيوت صالحة تريد العفاف وما همها الفلوس والشكليات والله عندنا الحمد لله بساطة في هذي الأمور وعدم مبالغة وأكيد في السعودية زينا لاننا أهل ونفس العادات وبنات طيبة فيهن الخير دور وتلقى وخلك من الأجبية تر هن أكبر همهن الرجل الخليجي لفلوسه. |
اقتباس:
|
اخوي انت عندك قناعه داخليه انو سعوديات ماديات!!!!
وانو ممكن تزوج من خارج المملكه بمهر اقل صح. روح تزوج من برى الله يسر لك امورك ...الاعضاء ماقصرو وخبروك بالعكس انو في عوائل تزوج بناتها بمهور قليله كلامك ذا الي تحكيه عن سعوديات وتعممو كلام انتهى...العوائل الان دور لبناتها الستر . واذا انت راتبك 3500 وتشوف انو مايكفيك المشكله فيك..لانك شايف راتبك قليل فحتوصل لشخص المقابل ايو الله راتبو قليل ذا كيف بيتزوج. لانو في غيرك رواتبهم 2500 وتزوجو :25: |
اقتباس:
وزواجاتهم في استراحـات....بس انت ما دورت زيـن.... واحـد منهم يوم الملكة يقول ما كان في حسابي إلا 500 ريـال بس وراتبه 3000 ريال....!!!! والأن راتبـه يقارب التسعـة آلاف ريال -ما شاء الله - بـعـد مضى سنتين من زواجـه.... وأخـر تزوج وراتـبـه 3000 ريال في وظيفة مؤقـتـة ، والآن في وظيفة حكومية وبراتب 8000 آلاف ريال والثاني تزوج وهـو العائل الوحيد لأمـه وساكـنين بشقة بإيجـار من يوم ولد... والأن عنده عمارة ملك....!!! وبعدين تقول عندك شقة معطيك والـدك....فأمـورك أحسن من غيـرك... دور البيوت الطيبة وتزوج منهم وتقلى البركة في نفسك ومالك ، بس انت احسن النيـة واسعـى....!!! وإن كان في بالك الزواج من الخارج... فـهـذا شيء راجـع لك ....لكن لا تقول إنه ما فيه فتيات يقبلن بتكاليف أقل....!!!! الله يـرزقـك بالزوجـة الصـالـحـة ويـرزقـك من واسـع فـضـله عزوبي:22: بس:d رجل:30: |
اقتباس:
والله موجود وموجود وموجود وانا اعرف بنات في مثل ذلك ... ان اردت اجنبيه فوفقك الله لكن ان تقول ان السعوديات ماديات لا والله ليس كلهم .. لاتعمم !! صحيح يوجد فئه مثل ذلك... لكن ليس كلهم ... اعرف والله الكثير ممن لايهمها الماده .. فأهم مالديها سعاده زوجها ... اقرب مثال اختي كان زواجها في استراحه بسيــــطه والمدعوون ليس بكثر .. وكان الزواج على ابي .. لانه زوجها كما هو حالك راتبه بسيط ولا يستطيع ان يقيم زواجا .. اعتذر من ابي .. وقبل ابي بعذره بأسلوب جميل .. بعدها فكر ابي بإقامه وليمه بسيطه بمناسبه الزواج لاسعاد اختي فتكلف بكل شي في الزواج ... والزوج لم يدفع اي شي ... هذا مثال والامثله كثيره ... انت فقط ابحث عن منهم سمعتهم طيبه ومن المتوسطين الحال .. وفقك الله واعانك .. |
| الساعة الآن 02:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©