|
الحمد لله الذي عافانا مما ابتلاه به .. وفضلنا على كثير ممن خلق تفضيلاً ..
الله يعينك على مصيبتك .. بس لاتهتز ثقتك بكل الناس !! مازال فيه خير بالمسلمين والدنيا لسا بخير .. لكن أنصحك تفهم ابنك وتخليه واعي بهالأمور وتقول له يعلمك عن أي احد يقرب منه أو يلمسه بطريقة مريبة طبعاً بمايناسب عقلية الطفل .. أعانكم الله ,, ! |
اخ متيم اهلا بك
واحسنت التصرف ولاتثق بمن هو ليس اهل لذلك ولاتشك بمن حولك واسأل الله ان يحفظ لك ابنك ويبعد عنه كل الشر. دمت متيم |
*** تطورات جديدة **** جاءني وطلب يكلمني .. دخلته المجلس .. وقلت له ... نعم ايش المطلوب ... قال لي: شوف مدام إنك مو راضي اتصدقني وأنا أقسم بالله إن ماكان عندي نية شينة ... ومع ذلك ... إذا إنت تحس إني غلطت في حقك ...فأنا جاي أعتذر وأبوس راسك بعد ... لم أرغب إنه يحب راسي ويقفل الموضوع بدون مايكون واضح معاي ... لأن الألم اللي سببه لي ألم فظيع فدفعته ومنعته ماخليته يبوس راسي ... وقلت له ... أنا راح أمشي على كلامك وراح أفترض حسن النية ... بس تقدر تقنعني إن اللي صار كان طبيعي؟ هل هذا إسلوب شخص سوي يصحي طفل من النوم .... وبعدين ليش فزيت ورحت عند الباب وبعدين رجعت وحطيت يدك على ولدي ... وأنا أشوف عيونك وهي تناظر بشهوة ... ويدك على مؤخرة الولد ....سبحان الله ..!! هل هذا اسلوب سوي .. وجاي تقولي أنا كنت أصحيه عشان يتعشى !!! ... رد علي وقال: شوف مافي فايدة أنا مهما قلت ماراح تصدقني .... وأنا أقسم لك بالله إن مافي شي من اللي في بالك ...قال: أنا ما أنكر إني وضعت يدي بس ماكانت نيتي شينة .... هذا اللي بيجنني !!! ومابين شد وجذب ... دخل علينا شخص ثالث وإنفض الحديث .... وهو الان يتصل عشان يكمل ... وعشان يعتذر ... وأنا ما أرد عليه مافي وضوح .... هو لو يصدق معاي ... أنا ممكن أسامحه بس يخوني في ولدي ويستعبط علي ويريدني أرجع وكأن ماصارشي ... هذا محال ... نفسي ماطاوعني |
والله موقف صعب جدا وانت قوي ماشاء الله تبارك الله
اتفق معاه علاقتكم تبقى سطحيه جدا منعا للإحراج قدام الناس فقط والا هو خله لنواياه الله كفيله |
اقتباس:
:( طيب وش النية ؟؟؟؟؟؟؟؟؟؟ هذا الانسان مراوغ والله انة يعترف اهون من انة يكذب عيونك وانت شفتة بصراحة موقفك جدا رائع والله يحمي لك اطفالك ويخليك لهم يارب يمكن اتخخيلت موقفك يحق لك انك ماترضى عنة :( |
بصراحه لو فعلا نيته شريفه كان ماجاء وبرر فعلته لانه المفروض يزعل منك لانك شكيت فيه وبينكم عشره والمؤمن دليله قلبه اللي يقوله قلبه يصدقه |
http://s47.radikal.ru/i117/0912/66/da9f10437ed1.gif
عليكم السلام ورحمة الله وبركاته الحمد لله على كل حال وأحييك على رد فعلك ولو انى كنت اتمنى من قلبى تصوره وتبلغ عنه الهيئة ليكون عبرة لأمثاله المجرمين حسبى الله ونعم الوكيل فيه وفى أمثاله يؤكد ألأطباء أن الجانى أو المعتدى على القصر عادة ما يَنحدر من أُسرة مفككة ومضطربة وقد يكون منحرفاً جنسياً . ويتعاطي الكحول والمخدرات التي لها دوراً كبيراً في الإعتداءات على القاصرين. هل صديقك ينطبق عليه هذه المواصفات وهل يبدو لك أن هذا الشخص يعانى من اضربات على اكثر من صعيد نفسى واخلاقى؟؟ الأهم أن تكون هناك ثقافة وتوعية لدى الأهل ويجب مشاركة الاطفال( في عمر معين يستطيع ان يفهم فيه كيف يحذر ) الثقة بين الأهل والطفل يجب أن يشعر الطفل بعدم الخوف أو التردد في اخبار أهله اي شي يحدث معه أو يجول بخاطره . من اهم اسباب التحرش الجنسي 1/ ضعف الوازع الديني 2/ قلة الوعي الاجتماعي والأسري 3/ رؤية القنوات الفضائية التي تعرض المشاهد الإباحية أنت بتقول شفت بعينك وما احد قالك وبتقول بيحلف وهو كذاب شفت بحياتك مجرم صادق قالو للحرامي احلف قال جاك الفرج أهم شىء لاتتركوا اطفالكم حتى مع الاقارب ولو كانوا من الدرجات الاولى الطفل غير مسؤول عن نفسه كل المسؤلية على الأم ثم ألأب والله اعلم |
اخي الكريم ليس لديك غير حل واحد
هو ان تعطيه المصحف الكريم و يحلف لك و هنا راح توضح لك نيته و الله يحفظلك ولدك |
لاحول ولاقوة إلا بالله قسم بالله قلبي يدق بقوة من الألم والضيق والصدمة ونفسي اعطيه كف
أجل كيف أعصابك أنت أبوه ...اللي شفت بعينك ؟؟...الله يعينك والله ماتنلام الله يعينك على مابلاك والله انها صدمة العمر والحمد لله انك ماقتلته ضرب من القهر بالفعل الحمد لله يمكن انت تتصدق أو علاقتك بالله قوية أو زوجتك إمرأة صالحة تدعي لعيالها وتستودعهم الله علشان كذا ربي حفظ ولدك والحمد لله انه كان نائم والا الله يستر من عواقب ماشاف وتتأثر نفسيته أما هذا اللي مايستاهل حتى أقول عنه صاحبك لاتصدقه أبدااااا ترى اللي مايخاف من الله مايهمه الحلف هو خايف بس انه ينفضح علشان كذا يلاحقك ويحلف بالله ابعد عنه واقطع علاقتكم كاملة انت وزوجتك وعيالك به والله يستر على عيال الناس منه ويارب اهديه أو اكفي الناس شره بعجز في جسمه وكل أمثاله والله يااخي لاتستغرب انا بنفسي شفت اليوم مقطع فيديو آلمني جداااااا مو مصدقة رجل شااااايب لدرجة جالس على كرسي في مسجد وجنبه ولد صغير يصلي وهو يداعب مؤخرة الولد وأخرتها يسوي نفسه يصلح له ملابسه والله شيء مقزز جداااااااااااا اللهم ياكريم ياعليم يارب العرش العظيم احفظ ذرياتنا وذريات المسلمين من شر كل ذي شر وصاحب سوء ونية خبيثة وأبعد عنهم شرار الناس وكف آذاهم عنهم ويسر لهم أهل الخير واحفظهم بحفظك اللهم انا نستودعك إياهم فاحفظهم فلا حافظ سواك والله اني اكتب الدعاء والدمعة في عيني من الألم |
حبيبتي سهى قالو :للكذاب احلف
قال :جاك الفرج حسبي الله ونعم الوكيل ابعد اولادك عنه واهلك وحاول تنتقل لمنطقه ثانيه زوجتك رح تلاحظ النغير المفاجئ ,ماذا ستقول لها اولادك اما امام عيونك او امام عيون زوجتك احترس احترس احترس اولادنا امانه في اعناقنا والمسؤوليه ليست فقط بتأمين الاكل والشرب والملبس لهم المسؤوليه اكبر من هيك بمليون مره ونصيحه مني لوجه الله تعالى بدل ما تكون زعلان ومقهور قوم افرح واشكر رب العالمين انو كشف لك خبث هذا الانسان قوم واحمد رب العالمين وابتسم ابدل الاحباط لسعاده وليكن ذلك نقطه فاصله للاحسن في حياتك رحمك الله ورحم ولدك بان كشف لك هذا الحقير وهذه نعمه كبيره جدا الحمد والشكر لله سبحانه وتعالى ادعو الله ان يحفظ لك اولادك وتشوفهم من احسن الناس |
| الساعة الآن 08:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©