|
شكشوكة يا حلوة :D
تحصل لي مواقف من زوجي عشان يستفزني ،، و انقهر .. تكون تقريبا نفس اللي بتحصل معاك أقصد ، إنه أشياء كنت أنقهر فيها منه ،، و تزاعلنا بسببها .. و غيرت تعاملي معاه من يومها ، و قلت خلاص بدأ يتغير ،، بس الاحظ إنه رجع مثل قبل .. إي الحل وقتها ؟ أفتكر نفسي قد إيش تعبت و حرقت في أعصابي زمان ، وو ما طلعت بنتيجة غير إني حرقت بأعصابي و دمي .. أقوم أقول بداخلي ( يا بنتي طنشييييييي ،، اعتبريه مجنون :D ) ^ أقصد إني أقول ، يالله خلي عقلك أكبر .. و تكون في راسي أفكار جنونية أبغى أعملها ،، بس أقول بداخلي ( ريلاكس ) ، ما في شئ يستاهل .. و الله في الأخير ،، يطلع الموضوع لصالحي .. لإنه يحاول يستفزني ،، فيتوقع إني أجرحه بكلمة .. لكن ( لإني بديت أفهمه ) ، فأقوم أحرجه بكلمة حلوة ما يكون متوقعها مني ( تخليه ينحرج و يتربط لسانه ) :D على عكس قبل .. كنت أزعل ، و أبكي ، و أخد و اعطي معاه ،، في الأخير ( ما ألقى أي نتيجة ) -------------------------------- الزبدة .. مو لازم تعتذري له ، مو لازم تعاتبيه ، قومي دحين ، تكشخي و تعطري ،، و إذا رجع ،، اعملي نفسك ( كأنك لسى زعلانة ) ،، حاولي تحتكي به ، بأي طريقة .. :) المهم ، خليه هو اللي يبدأ الصلح ;) لا تخليه يكمل بالكلام .. و لا تعاتبيه و لا تناقشيه .. ( يكفي إنك عارفة المشكلة منه ، مو منك فطنشي خلاص ) المهم ، قوليله أي كلمتين حلوين .. و امزحي معاه وو خلاص .. :) ترى يقولوا ( كثرة الدق ، تفك اللحام ) ;) |
هلا بسميتي .. واختي الكبرى ,,
لايكون زوجك مريض بالوسواس والشك ؟؟ مايندرى ؟؟ يمكن شيء غصب عنه ؟؟ وطبعاً علاجه بإذن الله في العيادات النفسية ,, ؟ |
اعانك الله ...
بس ياحبيبتي خليكي مثلي لما القى منه تصرررف سئ اغمض عيني واحاول استرجع الجانب الايجابي فيه.. واستغفر والحمدلله بسرعه ربي يمسح ع قلبي ... وبخصوص طريقة الاعتذار ... مثل زوجي بالضبط ... يمكن هذي طريقتهم عشان مايسمعون من بعدها عتااااب لانهم عارفين نفسهم الغلطانين |
اقتباس:
ومرات اذا رايقه اعطيه من الكلام الحلوو وينقلب الموضوع لضحك |
تسلمي أختي العيون :D
إنت اللي كذه :22::22: |
وه ياروح الطير:) والله ضحكني كلامك يسعد قلبك والله وصرتي دكتوره في الحياه الزوجيه ماشاء الله تبارك الرحمن :22:
وبالنسبه لك ياشكشوكه:) أنا عارفه أنك ذكيه وماتحتاجين:18: أستشارتنا بسم الله عليك يبان من ردودك ماشاء الله عليك خلاص صالحيه ياعسل أعطيتيه الي يستاهله وزياده أذا كان ماجاء أرسليله رساله حلوه على الجوال عشان يتحمس لرجعة البيت:14: واذا رجع اانتي أبخص مايحتاج أقول اوكيه:) ياشكشوكه المههم ماتتنامون الا وانتم سمن على عسل ننتظر البشاره:14: |
والله ماني عارفه وش اسوي فيكم
من جد اسرتوني بتعاطفكم وكلامكم الحلو ... الله يسعد لي اياكم كلكم حصلت مستجدات اقولها الحين والا رحتوا تنامون؟ |
كنت بقول لك رد مختلف عن بقية الأخوات
لكن بما أن حدثت مستجدات فالأفضل أسمعها أول وأنا حاسة انها بشاير حلووووووووووة بإذن الله بسرعة قولي أنا صاحية:18: |
مش شايفه الجمهور الي تحت
v v :17: |
ام جمانه علميني وش كنتي بتقولين استفيد منك لاحقا ..
اللي صار انه جا قبل ساعه وشوي تقريبا مسكين طل علي ( قسم بالله قلبي بينقطع عليه لأني ادري غصب عنه بس برضو عنده مخ ليه ما يتحكم بنفسه ؟) طل عطاني كم ريال عشان مصروف ولدي الصبح وانا في يدي كوب نسكافيه توه حااااااااااااااااار .. وفيني ابتسامه وفرحه انه جا .. بس ما ابغى ابين .. قمت خليت فمي لاصق بالكوب عشان لا يبين اني بأضحك .. وهو واقف على راسي يبي اي تفاعل مني .. وانا عمك اصمخ مصممه ما ابين له اني فرحانه انه جا .. وفمي قاعد ينحرق من حرارة القهوه ابيه يروح ----- حاااااااااالتي صعبه اخذتها بدون ما اطالع فيه قلت يعطيك العافيه وانا فمي في الكوب برضو ... و حاطه السماعات المشؤومه .. مع انها مفصوله بس كذا نحاسه شافني ماطليت بوجهه ف قام طرزان وجاب البسه ودخلها من تحت ثوبي وانا غافله ما ادري عنه قمت نطيت وصحت وهو ميت ضحك اخذ البسه مره ثانيه ورماها علي من جهة صدري وانا بموت رعب .. وبرضو ميت ضحك البسه تعذبت الله لا ياخذنا بذنبها صرت ما ادري ادافع عنها والا عني ولا ابغا اقرب منه وهو متقصد يقول تبغينها تحمينها مني ومنك ؟ عذبتها صح؟ تعالي خذيها وانا اضحك ما قدرت اكتم الضحكه قال تراها في ذمتك هالبسه تعالي خذيها قمت مسكتها بسرعه وشلتها من يده حرام قعد يضحك ويمزح ويقرا لي النكت من الجوال ولا كأن صار شي ... ولا جاااااااااااااااااااااااااااااااااب سيره للكلمه اللي قالها ولا شي طنشت الكلمه ولا جبت سيره جلس يتكلم في خططه المستقبليه .. يعني الا يدخلني في نقاشات واحط عيني بعينه فتكلمت معاه عادي جدا شوي شوي الا قام يسألني عن دراستي وهاه كيفك ولا تخلين شي يأثر عليك و انا معاك وووو----- قصده خليكي حتى انتي معاي --- آآآآآآآآآآآآآآآه منك يابو وليد شويه الا انسدح جنبي ع الكنبه مع انه مايطيق المكان اللي اذاكر فيه لأنه اضاءه صفرا وحط على ام بي سي تو مع انه يكره هالقناااااااااااااااااااااااااه موت بس يدري اني احب بعض افلامها شويه الا قام قال اخليك تذاكرين براحتك الحين توه رجع قال تصبحين على خير ولف وعطاني قبلة المساء على قولتهم قمت مسكت وجهه قلت لعلمك التحقيق جاري في الكلمه اللي قلتها ضحك ولف وجهه بسرعه واطلق ساقيه للريح ع الدرج وطلع فوق يعني الغلط راكبه ميه ميه ولا انا فاهمه غلط ولا شي بس يالله انكسر الجليد البشع اللي من امس وبكلامكم الله يسعدكم خليتوني اتقبل فعلا اني امتصه الله يسامحه الحين طلع ينام .. ماني مطوله وبألحقه |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©