|
حبيبتي انا ادبش مثلك..واتقضى
وانا تقضيت من رويال مولّ<<<<<الي بطريق الملك فهد وربي انصحك فيه لانه مراا رخيص وكل شي فيه جناااان ماراح تندمين.. اشتريت منه ملابس البيت++ برمودات++ وبناطيل اسكيني++وبلايز طلعات روووعه.. ورحت عزيزيه مول مره عليه تخفيضات بعد .. ترااا سلام اغلا يابنات انا رحت سلام ورحت رويال سلام اغلى كثير.. واشتريت فستان الزواج من مكه لانها روووعه فساتينهااا والمتنبي عندك اذا تبين .. واخذت من نعومي بجامه لا اول ليه طقم كامله 4 قطع.. واخذ كمان قميص معاه.. ب555فقط.. اخذي من نعومي الي برويال بجامت اول ليله وقميصين وباقي البجامات والقمصان من طيبه مرررر روعه ورخيصه كأنها ماركه.. ملابس الهرم بنت خالتي شرت منها مررره موو حلوه لانها تتقطع وتتمزق ما انحك فيها.. واخذي اطقم الاندر وير من البديعه مول المحل الي بجنب فنيسيا مررررررررررررره رخيص واصلي لايطوفك.. والجزم والشنط الفيصليه موووديلات تجنن واسعارها فيها خذيلك 3جزم الله يكرمك و5شنط وبالتوفي لي ولك يالغاليه |
انا مو من سكان الرياض فما بعرف المحلات بس انا صار لي سنه ونص متزوجه واكيد ما نسيت شو بتحتاج العروس
اذا الميزانيه عائق اهم شي تدفعي بصراحه عليه فلوس هو قميص نوم اول ليلة اما باقي الاواعي اشتريها من اي مكان حتى لو عليها تنزيلات .... مابعرف اذا عندكم عادة الاسبوع احنا عندنا بعد اسبوع بيجو اهل العروس يزوروها وفي ناس عندهم الصباحية اشتري طقم مرتب اما المكياج فحتى خبراء التجميل بحكو اهم شي تدفعي عليه هو الماسكارا والفونديشن اما الباقي اشتري مو ماركة رخيص يعني وكريمات الجسم مهمة وانا بصراحة بحب ناتشرل لوك او بدي شوب .... والعطور اشتري متل coco channel و lacoste وما تقلقي بعد فتره من الزيجه رح ترجعي تشتري ويمكن تحملي بسرعه ورح تضطري تغيري اما فستان العرس فاستاجريه ما تشتريه لانك مارح ترجعي تلبسيه ........زز يعني خساره تدفعي حقه بصراحه انا سكان الاردن واستاجرت فستاني ب 600 ريال بس .... تصدقي .... اما لازالة الشعر اشتري الة البراون يعني تكلف بس 450 ريال ومريحة جدا .....واشتري سشوار بسيط والاكسسوارات اشتريها بس برضه رخيصة مو ماركة لانو احنا كبشر بعد فتره رح نحتاج التغيير اشتري كم شنطه وكندرة مرتبين بس الوانهم حيادية يعني تقدري تلبسيهم مع اكثر من شي .... اهم من الاواعي الذهب ........... ياريت لو تقدري تيجي الاردن هون او سوريا وتشتري كل شي ..... والله يوفقك وبتمنى اكون قدرت اساعدك |
اول شي الف مليون مبروك
انا من الرياض وبقول لك من وين تقضيت فستان الزواج استاجرته من اسواق مكه لان ما عندنا زفه قميص النوم حق الليله الاولى من محل بردى في اسواق مكه في الطابق الثاني اخذته بـ400 ريال ومره ذوووق اما باقي البجايم والقمصان اخذتها من آخر فرصه واخذت من الهرم وعندك ستي ماكس تلقين عندهم بجايم حلوه الجزم وانتي بالكرامه اخذتها من الخزان مره رخيصه بقيمة 20 و25 ريال وكأنها ماركه اخذت الساعات من المرقب تقليد ماركات ومره رخيصه على فكره لا يفوتك المرقب تلقين عندهم شنط ذووووق مره ورخيصه وساعات واكسسوارات نصيحه لا تكثرين التنانير والفساتين وبناطيل صدقيني تتحسفين بعدين تخيلي والله بعضها ما لبستها الا يمكن مره وشهر وحملت يعني خساره على الفاضي وخذي لك عطور ومكياج ولا تكثرين بعد وخذي استشوار وربطات شعر انا اخذت عطوري من محل مي اذا تعرفينه خذي لك كم جلابيه وكثري من الملابس الداخليه صعبه لما تكونين بشهر العسل ومسافره تغسلينها خلي يكون معك كميه كافيه لانك بتغيرين في اليوم اقل شي 3 مرات وخذي آلة امجوي لازالة الشعر وخليها مخصصه للمنطقه الحساسه لاني ما انصح تستخدمين الامواس ويا حبذا قبل الزواج بيوم تشيلين المنطقة بحلاوة يكون افضل لانه بيجلس تقريباً شهر ما يطلع شعر وفيه محل في سوق الرياض الدولي بالبديعه محل عبايات اسمه ساره مره رخيص والقماش حلوو كثير انا لالاسف فصلت عبايتي عند محل المغاتير وعلى طول تقطعت قماشها مو مره هذا اللي في بالي الحين واذا تذكرت شي ان شاء الله برجع وبكتبه بس اهم شي حاولي تستمتعين وانتي تتقضين مو تكونين طفشانه وتاخذين اي شي الله يوفقك ان شاء الله وييسر امرك ويرزق كل محرومه بما تتمناه |
صح نسيت اقول لك في محل بردى اللي في اسواق مكه يبع لوشنات جسم مرررررررره جنان وسعرها 40 ريال
ولا تنسين تاخذين بخور لاني ما انصح تاخذين خمريه تدمر الشعر مره بخري شعرك افضل |
السلام عليكم ورحمة الله وبركاته ،،،،
ألف ألف مبارك عليك:23: |
السلام عليكم
رجعت بعد غياب خلاص كرهت السوق من كثر ماروح له ,,, عندنا عاده الاسبوع انا ودي ماشوف احد او اروح لاحد بس ايجامل الواحد يعنى احسها عاده غريبه المفروض ان العروس الشهر الاول ماحد يشوفها الا اهلها و اهل الزوج تقريبا خلصت بس باقي الفستان قررت اروح لمكه واحجز والتصوير وألغيته الفلوس ماكفت ويعطيكم العافيه وماقصرتوا معي ((( طبعا حالتي النفسيه الله اعلم فيها ,, اعذروني على صراحتي .... |
عادي كل عروس
تكره الروحه للسؤق وتظل فتره بعد الزواج ماتروح عادي ولكن لاتهملي بلاكل والنوم . |
ياحض زوجك فيك بس
احنا الفستان لازم يكوون 25000 ريال وطالع ولا ما فيه زواج الله يعين ويوفقك ياختي |
الف الف مبروك اختي اتعبني الحب اما بالنسبة لأخي عبدالعزيز : فستاااااان عروووووس 25000 مرة كثير.. |
الله يتمملك على خير ان شاء الله
|
| الساعة الآن 04:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©