|
اقتباس:
ول ول يااااااااااااطيووف وش هببتي هههههههههههههههه لعبـة الحريم ( قلب احمر ) ياختي هاللعبه ادمااااااااااان وعمرها ماتصير قديمه متجدده هههههههههههه بس احلى شي انكم تتهاوشون على المملوح .. :22: لحـظه لحـــــــظه ( الزفه ) :14: ياااااااااالله كنت امسك البنات الي اصغر مني واقعدهم قدام المرايه وظبط شعوورهم واحط لهم جلال الصلاه زي الطرحه .. ونجيب اي سلسال ونسـويه تاج هههههههههههههههه اجل عيونكم تتصافق اذا دخلوا اهلكم هههههههههه نفس الحاله كأننا مسـوين جريمه ! ذكرتيني بأـختي الصغيره .. قبل 7 شهور اختي كانت نفاس .. والصغيره طبقت المووضوع هي وبنات خالاتي الصغار .. ودخلت عليهم بالغرفه لقيت اختي منسدحه عالسرير .. وجنبها عروسـه كأنها النونو والثانيه مسـويه تبي تنفسها وجايبت لها اكل تأكلها يوم دخلت على طوووووووول نطـوا من السرير واستحووا هههههههههههه وعلى مواكلي اكيد نتحمس ههههههه نفس الحاله اخـوي اصغر واحد من االأربعه .. الي كنا مسوين عصابه معاه .. نفس حالتكم ياخذ المعاليق ويعكفها ويطيرها بالبيت ... واحيانا يجيب صحوون ويطيرهم اشـوى ماجاب العيد فينا ههههههههههه ايه كانت امي اذا غسلت الحوووش يجي اخوي هذا ويفسخ ملابسه ويتزحلق عالأرض بدون ملابس ههههههههههههههههه والله انه يدنن عاد كان دب وربي شكله يهبل بس كان يتزحلق بشكل بهلواني مره يمين مره يسار .. عاد الحين يوم نتذكر وهو الحين مملك يموت ضحك يقول شلون عيالي بكرا ! اشـوى انهم لقوووك وانتي مسـويه السنعه تجمعين نعولهم ههههههه لو اني منك تركتها ورلحقتهم .. :25: يالبى الطفووله .. وطفوولتك ياطيووف رووووووووووووووعه .. نوورتي والله وذكرتيني كثير بأحداث طفوولتي : |
مشكوره حبيبتي طعمه حلو البزر كثير:23:
واحنا عشنا القصص ما نالفها يا قلبي يعني شفنا اشياء كثيره:29: وكان عندنا شجرة توت كبيره امسوين مرجوحه نقطع توت ونلعب وعندنا شجر عنب كثير الوالد الله يرحمه كان يموت في الشجر والزراعه واذا قطعنا شي قبل ما يستوي يقلب الدنيا علينا الله يرحمه كنا نقطع الحصرم:23: يا سلام ونروح ورى البيت ونجيب ملح وناكل حصرم يهبل وكنا نجمع الخرز الصغير مره ونبلعه ما ادري ليش خخخخخخخخخ:d:17::d |
الله يسعدك يادانتيل ويوفقك مثل ما أدخلتي السعادة بقراءة الموضوع
الله يرحم أيام زمان كانت فيها سعة صدر عجيبة وبركة ولذة في الوقت اللي تقضيه فيها ..... راح أرجع خليني أجمع ذكرياتي لأنها ضايعه بسبب الأولاد الله يحفظهم ........ عقبال ماأشوفك تكتبي عن شقاوة أولادك...... |
موضوع يونس دانتيل:22: ..
مم كان عندي 8 خوات وولدين المهم كان اخوي كل يوم مشغل مسجله تقولون عندنا عرس حتى خواتي يلبسون فساتين عرس ويرقصون عايشين الدور وانا معهم انا وعروستي،، كان بيتنا قريب من المدرسه ونروح انا وخواتي الثنتين مشي كل يوم مره كنا بنروح وكل وحده معلقه شنطته وراء ظهره ونشوف ثلاث كلااااااب على عددنا اكثر شي اكرهه واخاف منه وكل واحد بلوون وركض لبيتنا في الليل كنت انام على صوتهم وه وه وكنت اغطي وجهي واكتم نفسي لاني متخليه لافتحت وجهي بينط علي واحد :11:،، من يوم مانجي تغدينا مامي تسويلنا زبيرات خلصنا من الاكل رحنا عند التلفزيون والمغامرات اللي قلتيهم هايدي وليدي وكابتن ماجد بس اللي مااطربلهن جورجي هي وفلونه :11: المهم يجي العصر وترسلنا امي الله يحفظه للجيران عشان نودي ولا نجيب اغراض عاد شارعنا زي المجعات السكنيه فيه حوالي 12 بيت ويالله كل فتره بيت طبعاً انا واختي ياحبيلنا مانطلع الا شارطتن لنا شرط ياجالكسي ياتويكس ياخمسة ريالات :15: ،، العصر لحد المغرب مع عيال شارعنا احيانا نتفرج عليهم يلعبوون كوره واحيانا نلعب بسهله عند بيتنا كانوا العمال مابين فتره والثانيه يزينون الشجر اللي عند البيوت ويجيبون رمل فندهر فيه احيانا نجمع حصى نلعب فيه صقلى واشطر وحده اللي توصل حصاته لاعلى شي :22:،، احيان نلعب كمبيوتر العائله سوبر ماريو انا واختي ومن فتره حنيت له ورحت اشري لي واحد الله يالدنيا من عقب ماكان بمبلغ ماادري كم صار الحين بعشرين ريال +++ ماتسوي دعايه :30: مره رحنا لبيت خالتي لقيت امي وخالتي لاهيين بالحكي ورحت طلعت جمب الشقق اللي عندهم والاه هندي وهنديه دخلوني شقتهم وجلست الحرمه تمشط في شعري وتلبسني ذيك البكل وجابوا لي عصير وحركاات واهلي هنااك مسوين علي انقلاب بس الحمد لله رجعوني عاد شلون مااذكر :27:،، لعبتي المفضله ام القصرى زيكم "تسمونها حريم " اسوي نفسي ربة بيت واعيش الدور انا واختي وبنت الجيران واخوه كل مره وحده تصير هي ربة البيت وام العيال والمواعين وبيض العيون والحوسه كانت ايام حيل حلووه :) ،، سلمت يمينك دانتيل وكل اللي شاركوا وسعتي صدورنا الله يوسع صدرك :) ++كأني طولت :25: موووفئه . |
الله يسعدك يا دانتيل على هالموضوع ..
يهبببببل ..ضحكتوني الله يسعدكم ... طفولتي مثل طفولتكم والعابي نفس العابكم ..حريم ,,زواج ..تشجيع كورة لعيال الحارة ,, مطاردة الدجاج :) اما اللعبة المفضلة عندي النفاس ..اتذكر كنا نروح مع امي اخر الاسبوع عند بيت جدي ..وبنات خالي الكبير يفرحون فينا مع انا صغاار عنهم .. ونلعب لعبة النفاس وانا النفاس والباقي يجون يزوروني اما المولود ناخذ ماعز صغير ونلفه بشرشف الصلاة وهو يا حليله يستسلم ويتمدد جنبي ..الحين اتذكر واقول كيف كانت عندي هالجرأة ,, ولي موقف كمان مع الكلاب ..مرة امي ارسلتني لبيت خالي بخبز ..ولما وصلت عندهم كان كلبهم مفلوت مو رابطينه ..ولحق وراي وانا اجري زي المجنونة ..والخبز في يدي ما عرفت ارميه .. لقيت بيت في الطريق بابه مفتوح دخلته وقفلت الباب حتى راح الكلب وبعدها رجعت البيت والخبز في يدي وأهل البيت ما جابوا خبري .. كمان من الالعاب المفضلة نركب في قلاب خالي ونتمسك ونطلب منه يرفع الحوض وتشوف من البطلة اللي ما تطيح عاد شوفي الرجول وهي تقاوم الزحلقة :d السيرلاك كنا مدمنينه امان غير عادي ..ابويه لما نجيب التقرير الشهري يدينا مكافأة 10 ريال وعلى طول على البقالة نشتري السيرلاك بـ9 والريال حلاوى مصاص غندور .. اما افلام الكرتون سالي وماركو يا كم بكينا عليهم وهايدي .. وقرية التوت ..وافلام كرتون اللي في الصباح الساعة 10 ..قمة الاستمتاع لما نجلس ننتظر العد التنازلي قبل ما يفتح التلفزيون والنشيد الوطني .. الله يسعدك دانتيل على هالموضوع والله من جد احس اطفال هالزمن ما يستمتعون زي استمتاعنا زمان .. |
ياسلااااام ونااااسة<<<<< هاربة من قسم الاستشارات
والله أحس اولادنا مساكين انحرموا من لعب الشارع مثلنا علشان كذا مايعرفوا يختلطوا بالناس ولايعرفوا يتصرفوا:( طبعاً ألعاب الطفولة قاسم مشترك بيننا زمان من لعب الحريم والإنشاءات الكرتونية والفراشية ولعبة الزواج أذكر مرة لعبتها مع بنات وأولاد الحارة الثانية مو حارتنا وخلوني العروسة وحطوا لي المكياج وزفوا معي ولد ولما رجعت البيت وشافتني أمي مااشوف إلا صراخها لأننا مانلعب في حارتنا هذه اللعبة <<<ناس محترمة:22: وأهرب من البيت على بيت جدتي الغالية لأنه قريب وماتوقعت أمي بتلحقني وماأدري إلا وهي وراي لبست عبايتها ولحقتني والعصاية في يدها:24: ومافكني منها إلا أخوالي ربي يحفظهم ومنها حرمت ألعب هذه اللعبة مرة ثانية تعالوا نسيتوا لعبة أكيد تعرفونها وهي اننا نجيب مرتبة سرير أو اسفنجة فراش وهات يازحلقة في الدرج وكأننا على الجليد:30: وطبعاً حبيبة الجماهير (هايدي) وماتهون(سالي) وكمان كنت أحب (بسمة وعبدو) و( قرنديزر) و (لولو الصغيرة) وللأن أقول لأولادي الله يرحم زماننا كانت أفلام الكرتون كلها تعلمنا التعاون والمحبة مو مثل الأن بسم الله الرحمن الرحيم أفلامكم كلها أشكال مرعبة وقتل وخزعبلات وأفكار منيلة بستين نيلة:( الف شكر لصاحبة الموضوع وللجميع على الذكريات الحلوة وذكرني الموضوع بموضوع للغالية أم السوسة الله يذكرها بالخير غابت عنّنا ربي يوفقها . اللي يتذكر هذه الحلويات بعرف انه من جيلي:22:>>>>بيقولوا مايعرفونها http://www.alhsa.com/forum/imgcache/247970.imgcache http://www.alhsa.com/forum/imgcache/247971.imgcache http://www.alhsa.com/forum/imgcache/247975.imgcache جبت لكم البقالة بكاملها http://www.mexat.com/vb/attachment.p...0&d=1203966565 |
اقتباس:
تذكرت فيه شكولاته(نسيت اسمها) تكون بعلبة مثل الإسطوانة الطويلة وعلبتها حمرا وهي على شكل كور وكنا مدمنين عليها،، وإذا خلصنا منها ،،، استخدمنها فيه لعبة الطائرات الورقية الي تجي في علبة صغير وعلى أشكال طائرات حربية وتجمعها وتركبها وترميها وفيه نوع على شكل طيور ،،،،،،،،،،،،، كنا نطلع السطح ونرميها من فوق وتشوف تنزل على حوش بيتنا ومرات على حوش الجيران ،،،،،،،،،،،،، ايه صح ...؟؟!! تذكرت مرة انتشرت لعبة عبارة عن طائرات هيلكوبتر وطائرات نفاثة ومعها خيط ونربطها بمروحة السقف..!!!!! وشوف كيف تطير .....:25: اخ بس على الزفة للأسف ما حصلت لي ،،،، حتى عزوبي وانا صغير ،،،،:( لي عودة قامده اوي ،،،،:d عزوبي:22: بس:d رجل:30: |
اقتباس:
هههههههههههه ماشاء الله بطوونكم وانتوا صغار ماخلت شي ! حتى الخرز ياابردانه ! بس ذكرتيني كنت آكل شي زي التفاح صغيررر مره نسرقه من شجرة الجيران << وش خليتوا وماسرقتوا !! يالله وش المواقف الي صارتلكم وتخووووف ! سالفة المراجيح ماصارت لي .. ابووي جابها جاهززه وكنا طاااااااااااااااايرين فرح فيها .. على انه كل شووي واحد فينا ماخذ علقه منها الي يطيح والي يصقع بحديد المرجيحه وهو يتحرك بس سلمنا ... :d من جد ايـام .. منووووووره بردانه .. اقتباس:
اللهم اميـــــــــــــــــــن .. صادقه والله سعة صدرر وحب والجيران سـووووا مافي ولا شي يبعدنا .. انتظرك نومي اولادك ولا وديهم للمدرسه وتعالي .. ان شاءالله احكيكم عن مغامرات اولادي بس ان شاءالله مايعذبوووني :d : |
اقتباس:
الله يسلم قلبك ... واهم مابسالفه توسيع الصدر والونااااااااااااسه :17: نووووووووورتي تؤبشي ألبي .. :22: |
اقتباس:
ويسعد قلبك على هالطفوووله .. :15: من جد مافيه استمتاااااااااع ابـد ! ترا حتى امي تقولي طفوولتكم شينه مو زي طفوولتنا .. سبحان الله كل جيل له طفووووله غيييييييييير قوالب .. منوووووووووره يالغاليه . . |
| الساعة الآن 04:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©