الله يحفظلك ولدك ويخلية لك
استودعية الله كل يوم واقري عليهالاذكار وتطمني ان شاء الله مارح يصيرلة شئ دامك محصنتة

الله يستر هالجيل صار يخوف

.. عزيزتي .. الحمد لله على كل حال , والحمد لله أنه تم تدارك الموضوع من اوله احسن من يتطور , وتصير امور ثانيه ..

.. والحمد لله انك الأب شاف بنفسه , كل شيء , علشان ما يقدر ينفي الموضوع , وما يصدقه , والولد يتمادى ..

.. بس لا تحاتين وتقلقين , الولد مصيره بيآخذ درس من الا صار له , والاب كذلك والام , ويبغى لهم فتره علشان تهدأ نفوسهم , ويرجعوا مثل أول .. بس الامر يحتاج وقت , وبعدها راح ترجعوا جيران مثل أول ..

.. وفعلا الا صار مو هين عليكم , بس ماعليش تحملوا , شوي , وكل الا صار انتو مالكم يد فيه , بالعكس , انتو سعيتوا انكم تنقذوا الولد , وتحلوا المشكلة ..

.. بس ولدك لازم يعرف بالا صار على صديقة , اولا علشان يعرف انه الا صار شيء كبير , وغلط , وما يفكر مجرد تفكير أنه يسويه , وعلشان يعرف مصير الا يعمل كذا , شنو يصير فيه , تخبريه أنه أبوة كان يسولف مع جاركم , وشاف ولده يمشي ومشوا وراه وصار الا صار .. بس من غير ما تعقدينه وتخوفيه ..

.. ربي يحفظ لك ولدك من كل سوء وشر .. ويجازيكم بالخير على الا سويتوه في ولد الجيران .. والحمد لله انه الموضوع انكشف للاب وانحل .. الحمد لله ..

.. نصيحه لك يا ام وليد .. أذا عندكم بالمسجد , حلقة تحفيظ قرآن سجلي ابنك فيها , علشان يكون قريب من ربه أكثر , وكمان يشجع صاحبه يسجل فيها علشان يكون قريب من ربه وما يفكر يغلط مره ثانيه ..

السلام عيكم ورحمة الله

الله يعطيكم العافيه جميعا بدون استثناء على كلامكم الطيب

بس لي تعليق على شغلتين

السيف المهند ... الموضوع لأنه حساس مره وغريب و محزن .. صار زوجي مايعرف يفكر .. ظن ان الجار كارهه على اللي صار.. ما الومه .. اللي شافه مو شويه .. لكن بالعاده حسن الظن عنده يغلب السوء .. الا في هالموقف تلخبط


مس بلو.. تحفيظ القران .. جنبي مسجد بعيد شوي .. وفيه حلقه .. بس المدرس للأسف غليظ .. وماعنده اسلوب .. هو نفسه المؤذن و الامام والخطيب .. مو مخلي احد يشارك معاه في الاجر ابد ... بل ان اهل الحي اشتكوه يغيرونه .. ومدري وين راح وجاب ورقه بمنع تغييره .. بالمختصر فضيع


عموما الولد وابوه داوموا يوم السبت

نص الهم راح لما عرفت انهم داوموا .. سألت ولدي عنه قال عادي مافيه شي وهذا هو اليوم برضو جا ينادي ولدي علشان يلعبون كوره وناويه اقربهم من بعض اكثر واكثر علشان لا يتعقدون كلهم ولا يبقى بخواطرهم شي..

.. سألت زوجي عن جارنا قال متماسك جدا .. وكل ماشافني يقط علي دعوه بالخير ... والكل يقول وش عندكم ؟ وهم يكتفون بالضحك فقط .. ماعلموا احد على السالفه..

بس اللي يحز في الخاطر ... جارنا قال لزوجي على شغله .. يقول انه اشتكى من اللي صار على واحد من اخوياه المقربين جدا جدا جدا .. وفي نفس الوقت هو جار برضو في نفس الحاره .. بس معرفتهم ببعض قديمه جدا من ايام الدراسه.. يقول قلت له ان الولد دخن من باب تقليد الكبار وانه خرعه ووو... الجار وش قال له ؟؟؟؟؟؟؟؟


قال ادري .. اصلا شفته بس ماعلمتك!!!!!!!!
قال له الجار : ليه طيب؟ حرام عليك عارف وساكت؟ كنت ناوي تسكت على طول؟
قال ايه .. انتم اهل تتخالصون........
الجار قال له ..استحلفك باللي خلقك ماتعلم احد .. ومشكوووووووووووووور وماتقصر .. والله ماهقيتها منك يا خويي
قام زعلان وخلاه ...

قال لزوجي مصدوم منه خويي وسنين بينا وعيش وملح ومايعلم ؟
قال له ابو وليد لا تلومه الموقف صراحه يخربط اقدعها راجل .. وعموما هذا هو الولد الحمد لله لحقناه قبل لا يصير اي شي ثاني ( من خلال الكلام عرف زوجي ان الولد فعلا ما راح لأبعد من الدخان الحمد لله .. وهالصفه السيئه اكتسبها من عيال المدرسه .. وماكان في باله الا تقلليد لا اكثر ولا اقل .. و الهندي ولله الحمد موقوف بإنتظار التسفير والتهجير الى غير رجعه ..)

الحمد لله هم وانزاح .......... الله يجزاكم كل خير على تفاعلكم ماتقصرون ..

الله يعطيكم العافيه

كلامكم جميل ونصايحك يا مس بلو رائعه جدا وفي الحسبان

عجبتني سالفة القميص مره ... رح اسويها في اقرب فرصه .. الله يجزاك الف خير