|
ماتوقع بتتعدل وانت تنفذ له كلامها لو غلط
واعتذارك الاهلك اكبر غلط الله يهديك بس تحمل وضعك اجل |
غلطان قد شعر راسك انت واهلك جميع
ليش ترد اهلك؟ ليه؟ عشان ايش يعني؟ وبعين انت شايف تقصيرها واهمالها واستغلالها .. وتسوي كل هذا لها؟ اجل لو هي كويسه وش كنت سويت؟ انت ساويت في التعامل معها سواء مقصره او كامله .كل شي مجاب ومن احسن مايكون .. اسمح لي شكلك انت الللي اوهمتها انها توب ... انت كأنك قاعد تكذب عليها لأن هالتصرفات لا يتم تقديمها الا لزوجه كامله ماشاء الله الحين هي مقتنعه انها مو مقصره والدليل دلالك لها شلون تبيها تستوعب وهذا كله ماشاء الله؟ انا لو زيها وزوجي يسوي سواياك بقول ليه اتعب ... طالما على تقصيري هو ميت فيني !!! طيب انت الحين قلت انك اتخذت كل السبل في تفهيمها وما فهمت.. وش ناوي عليه.. وبعدين صراحه اللي تبي شغاله ماتسوي كذا اللي تبي شغاله تطلب فيها وتشتغل وتبين لزوجها انها مو ملحقه اما تترك كل شي وتقول هاتها ... فليه ياحبيبتي المصاريف ..وانتي زي قلتك؟ من جد يعني النظافه شي غريزي في الانسان .. اما كذا !!!!!!!!!!!!!!!!!!!!! شلون هي ترضى او تتحمل؟ هددتها بالزواج؟ وبينت لها انك ماشي في خطواته؟ سمعها كم مكالمه كأنك بتروح تدور على بنت حلال ... مايمنع يجي يوم وتدخل تلقى البيت وصخ .. تطلع من ساعتك.. تقول اذا نظفتيه يا ام يا زوجه .. ناديني .. بيت بهالشكل ما اطبه مدري صراحه انا عصبت وشكلي بأغلط واخببك عليها بدل ما احببك فيها .. وانا ذنوبي تكفيني تحرك ياخي شد عليها مايصير كذا استغفر الله العظيم من كل ذنب عظيم |
ليه ماتخليها تقرا الردود عشان تعرف ان الله حق
قويه ويمكن تروح فيها بس من جد من جد من جد موضوع يطلع الواحد من طوره يعني ما ادري ليه الوحده اذا لقت زوج يخاف الله تقوم تتكبر ع النعمه والعكس؟ |
اعتذارك لاهلك انت تقول ماهو مشكلتي لا يا اخي الكريم مشكله اذا زوجتك تتحكم في كل شي انت الرجل وانت صاحب الكلمه ودلعك لزوجتك بهالطريقه راح يخربها اكثررر ما اشوفك سويت شي حازم معها كله كلام وش تحتري ماتطبق زوجتك لامباليه وماهمها شي ولا في حرمه عاقله تسوي كذا اذا هي مهمله نفسها وبيتهاا وانت ساكت وحاط بقلبك لا انت لازم تكون اكثر حزم معها تكلم بجديه اذا مانفع بالكلام العادي اطلب بصيغه الامر يعني قبل الدوام قلها لا اجي الا البيت نظيف واذا مانفذت اطلع من البيت قلها مليت من وساخت البيت وقرفه انا من حقي اجي لبيتي القاه يلمع وموب كل شي وسخ وكاني عزوبي؟؟ قلها الى متى اسالها سؤال صريح الى متى باعيش كذاا ؟؟ احرمها من الاشياء اللي تحبهاا يعني لاتنفذ لها اي طلب ودها لاهلهاا فتره واتركهاا يمكن تحس انك بتضيع منها وتصحى من اللي هي فيه اذا احد والدينها متفهم وممن تلقى منه تجاوب قله بصراحه ووضوح وان الصبر له حدود بس نصيحه اهلك هم ابدى ماعليك والمفروض تقوم الدنيا عليها عشان هالشي وتعزمهم في اقرب وقت وتقوم هي بواجبهم ان رضت كان بها وان مارضت المطاعم على افا من يشيل |
الإخوة والأخوات الفضلاء والاعزاء على قلبي جميعا ً
أشكركم من الاعماق . . يا إخوة ويا أخوات كلكم جميعا تعتبون علي أنه مافي حزم لا فيه حزم وفيه كلام وفيه وفيه بس الحرمة مب راضية تتغير أبدا ً أبداً . يعني لسانها زين ولما أزعل تجي تراضيني وتواعدنيبس ولا شيئ يتغير أبد أبد . وبعدين يا إخوة أنا قلت لأهلي لا تجون لأنه الموضوع بالنسبة لي الآن طفشت منها . انا بصراحة أبغى أنفصل أبغى أنتهي منها . أنتم وش مرئياتكم وش كلامكم . . لأن كل هذا الصبر يعلم الله مع ما أعانيه كله في سبيل ألا أهدم بيتي ولكن يقولون الشيبان ( الشق أكبر من الرقعة ) ماعاد فيها صبر ولازم أنتهي من هالمشكلة نهائيا ً لكن أخاف إنه في يوم أتزوج وأواجه نفس المشكلة وأعيش في دوامة بس من نوع آخر . لكم الحب والتقدير بانتظاركم . . |
[COLOR=DarkRed]أمك تريد تزورك ورديتها!!! إسمحلي أخوي إذا كان هذا إنت فعلى الدنيا السلام ولا خير في زوجة لا تعينك على بر والديك...هذي أمك إنت مكانتك جزمتها مو رجلها لأن الجنة تحت رجليها..أخي أدعوك إلى مشاهدة المقطع المؤثر التالي وهو مقطع قصير للشيخ خالد الجبير ممنوع وضع روواابط خااارجيه أخي أرجو أن تصحح خطأك الكبير |
اقتباس:
أختي أتمنى ألا تفهمي الموضوع خطأ زوجتي بالفعل كانت تعبانة ولكن ماكان من حقها أنها توقف بوجهي وأمي بحمد الله ماكنت يوم أعصي لها أمر لكن كل شيئ بظرفه وكنت أقدر أخلي أهلي يجون غصب على اللي ما يرضى ولكن أنا شرحت ظرفي في الرد اللي سبق ردك وقلت أنه أنا انتهيت من هالإنسانة وأعيش حالة نفسية صعبة فلهذا آثرت ألا يحضر أهلي ولو تابعتي الموضوع من أوله كان شفتي التقدير لك أختي الفاضلة |
ماهي ردة فعلها لو اخبرتها انك ستتزوج بأخرى تقدرك ,,خصوصا ان مضى على زواجكم 4 سنوات و المفروض هذه فترة كافية لفهم الشريك
و تقدير جهوده و معرفة ارضاءه!! عموما هل اخبرتها بنفورك منها ؟ |
أخوي المسداني
كثيرا ما تقول لي أعمل بي اللي تريد بس لا تجمعني مع وحده ثانيه لأنه هي مب متصورة أنه أحد يشاركها فيني . وبخصوص نفوري فهي تعلم ذلك جيدا ً كل الشكر . |
ناقشها
حاورها وازا مانفع اتخذ اسلوب القسوة والتطنيش والحزم يعني ماتطبخ اوكي اتغدا برة وادخل البيت شبعان من غير غدا خليها جعانة البيت وسخ؟اعملك غرفة اجلس فيها ونظفها بنفسك وخليها تسبح في الوساخة لحالها ان حكت معك كلام غير الكلام المهم طنشها وضلك ماشي يعني خليها تحس انك تغيرت عنجد وان مااهتمت اصبر واستمر حيجي يوم تنقهر وتراجع نفسها وان لهدرجة حالتها مستعصية هددها وقلها انا بفكر جديا بالزواج بالتانية وان ماسدقت مثل انك فعلا بتدور اعمل حالك بتكلم واحد وبتقول والله زوجتي قرفتني وانا قاعد بدور عالتانية في وحدة حواليك بنت حلال وزي هيك ازا عملت هاي الحلول مستحيل ماتتغير وان ماتغيرت معناته عنجد احساسها متجمد اتزوج التانية وقتها و حلال عليك ولاتنسى يااخي اهم مافي الموضوع انو زوجتك تعودت عالاخذ بدون العطاء وصارت انانية انت حسسها انو من اليوم وطالع مافي عطاء الا لو اخدت منها وبس مو قصة مقابل لا بس انو تبادل المشاعر والعطف وحسن العشرة والمعاملة لام يكون موجود عشان انت ترجع معها كويس وتحبها زي زمان |
| الساعة الآن 09:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©