|
جميل ان نضع النقط على الحروف قبل ان نبدأ بأي عمل والاجمل ان نعمل بما قلنا
اخي الكريم هل تأكدت ان هذا الكلام صدر من زوجتك ربما تقوويل علييها ثم ان تصريحك لها بالعصبية وعدم الاتصالات ربما يشعرها بالرهبة تجاهك لماذا لم تحادثها عندما بدأت المشكلة حتى تسمع رأيها لا اظن انها معارضة على اعانتك على الخير |
الأمر يختلف من بنت إلى أخرى
لكن كلامك بالنسبه لي طبيعي جدا , وعادي , ومريح بالعكس حلو الانسان يكون صريح من البدايه..وعجبني طلبك حق الوالد والوالده الله يخليهم... بصراحه انا خطيبي قالي نفس هذا الكلام ورحبت بكلامه كله بس انا خطيبي هادئ جدا جدا يعني انا اذا عصبت كأني اتكلم مع الهواء وانا ماعصبت الا مرة واحده بس بس العصبيه من وجهه نظري مو عيب .. الله يسعدك مع الي تستحقك وتسعدك وتسعدها... |
أعتذر أخي لم أقرأ إسم الموضوع
وبعد أن قرأت إسم الموضوع ( سؤالك موجه للنساء ) مسحت ردي |
ألف شكر لكم
و الله لا يحرمنا طلتك الرائعة وتعليقاتكم التي افادتني كثيرا |
فعلا نقاشك معها في هالأمور سابق لأوانه غيركذا واضح انك متسرع في اتخاذ قراراتك بدليل انك تقول ان سبب الطلاق موضوع تافه بينك وبين ابوها عموما الله يوفقك بالإنسانه اللي تتفهم شروطك وطلباتك
|
مدري ايش ممكن يكون السبب بس فعلا فيه اشياء مو وقته تتكلم فيها وغير كذا انت المفروض دامك تبي وحده تلبس عبايه راس خطبت وحده من اول تلبس كذا علشان مايكون شي جديد عليها وكون انه تصوم او لا حلو النصح بس هذا شي بينها وبين ربها ماهو من ضمن الشروط ومع احتلاامي اذا انت طلقت الان وبسبب تافه وش بتسوي بعدين يعني ماتمسكت فيها مهما كان كانت زوجتك وانت سويت ابغض الحلال عموما الله يوفقك ويرزقك خير منها ويرزقها خير منك
|
اخوي اول شي لاتقول عن نفسك عصبي محد يحب الانسان العصبي بطبيعة الحال صح ولا لا قولها انا انسان جاد واحب كل شي يمشي صح واتضايج اذا الأمور تمشي بشكل غير اللي انا احبه يعني لطف الألفاظ انت ماشاء الله عليك متفهم وشكلك طيب بس حاول تلطف كلامك وفي نقطة شدتني سالفة عباءة الراس اخي حاول تبحث عن بنت من الأساس تلبس عباءة راس مش وحده تلبس عباءة كتف ويالله تنصدم البنت وتنصدم انت برغباتكم المختلفة وتصيروا في حوسه مالها داعي نفس الشي بالنسبة للصيام انت تصوم الايام البيض بس هي امرأة وضعها غير عنك صحتها غير عنك الظروف اللي تمر بها غير عنك يا ابحث عن بنت اصلا تصوم الايام البيض ولا لا تطلب منها تصوم معك ، حببها بهذا الشي وغبها بعد الزواج افضل طاعة اهلك هذا واجب بصراحه ماله داعي تذكره وتشدد عليه انا بصراحه لو منها بخاف ان طبع اهلك صعب طلباتك كلها عادية لكن اسلوب طرحك هو اللي فيه مبالغة خفف من الفاظك وكلماتك وربي يوفقك ادعيلي انخطب قريب |
اممممم والله اذا تبي الصراحة يا اخوي اسلوبك يخوف :29: اووكي تبي تتكلم عن نفسك .. تكلم .. بس مو بصيغة أوامر و نواهي .. كل الاشياء اللي قلتها عن نفسك مو غلط .. و بالنسبة لي حتى العصبية مو عيب كبير .. لان بصراحة مواقف الحياة و الناس غصب يخلون الواحد يطلع من طوره .. و زوجتك اذا تحبك راح تتحملك و تعرف كيف تخليك تهدا .. حتى بدون ما تقول لها و مصيرها تعرف طبعك .. اللحين أو بعدين اما من أول ليلة .. سوي كذا و لا تسوين كذا .. أنا ما احسه اسلوب كويس .. و على فكرة .. انا مع الاتصالات اللي قبل الزواج .. يا اخي تعرفوا على بعض .. تقربوا من بعض الله يوفقك دنيا و آخره |
بسم الله أخى العزيز ما حدث بينك و بين والدها مما أدى الى الطلاق لم يكن لها ذنب فيه هى مجنى عليها لأنك ووالدها من اتخدتم هذا القرار أما الذين تدخلوا فى الأمر فهم أناس سوء جزاهم الله أخى نصيحتى لك أنت شاب تود الزواج عليك ببعض التنازلات البسيطة لا داعى لتصليب الرأس على رأيك و تعتقد أنه أصح هناك مقولة تقول لا تكن صلباً فتُكسر و لا ليناً فتُعسر . رزقك الله و اياها من فضله ... |
شاكر لكم نصحي بما كنت اجهله من بعض الامور واثلجتم صدري بدعواتكم لي
|
| الساعة الآن 11:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©