|
عذرا ..
مكانه الانسب الاشراف ؛ |
نصيحتي وبحكم عملي بمستشفى .. فالوضع بالفعل ما يطاق وبصفة عامة مخزي جدا .. خاصة للغيور
مستعد أؤلف كتاب عن بلاوي المستشفيات .. ولصديقي تجرية بعد سنة زواج وهو يحاول معها ترك وظيفتها رفضت , فطلقها عن تفاهم فعلى صديقك ألا يضيع الوقت طالما انه لا يستحمل اختلاطها بالرجال .. |
سمعت قصة واحد ملك على ممرضة وهو مو عارف قالوا له موظفة وبس وخابوا عنه انها ممرضة وبعد الملكة عرف أنها ممرضة النتيجة هي طلقها مباشرة لازم من الوضوح من الطرفين اما يوافق واما يرفض وكل واحد يشوف نصيبه |
اقتباس:
شكرا لك اخونا صقر الشرقيه على انصافك ما برد قلبي غير ردك ولا يهونون الباقيين لان اغلب الردود مناهضه للتمريض والممرضات لاني انا ادرس التمريض حاليا و حأصير ممرضه وافتخر اني ممرضه وياما في ايام التدريب لقيت دعوات من مرضى سواء كانوا رجال أو نساء وكلهم يقولوا لنا انتوا احسن بدال الاجانب اللي ما نعرف نتفاهم معاهم اغلب الردود حسستني اننا ناس غلط ومش محترمين ومعدومين اخلاقيا ليه تعميم النظرة السيئة على الجميع والاخ صاحب السؤال انصح صاحبك انه يتركها احسن لانه راح يوجع راسها من الشك والقلق |
اعوذ بالله ممرضة
لا لا يخوي انصحه يبتعد عنها ما بقى الى هي استغفر الله العلي العظيم يخوي وش فيها الممرضة بايره ولا بايره يخوي انا اشتغل في الصحه والله ثم والله ثم والله انه فيه بنات اشرف من الشرف يخوي وش النظرة السوداوية محتلط ما مختلط والله ثم والله انه فيه بنات قمة في الاخلاق والاحترام والاحتشام وانه فيه بنات ان تكلموا مع زميل يتكلموا بخصوص العمل وان تمادى الزميل اقسم بربي انه يردوه ويوقفونه عند حده اذا كان مختلط فوجودك هنا مختلط وهذا انت ترد على العضوات لا تقول الكلام مو بالصوت والصورة الكلام كتابة بس اقولك الكلام الكتابه اخطر من الصوت والصورة لأنك يومين بتقراء ويومين بترد على مواضيع العضوه ولا هي ترد عليك تكفون الي يتكلم عن الاختلاط لا يدخلون المنتديات ويتكلمون مع العضوات لا تنه عن خلق وتأتي مثله عار عليك إذا فعلت عظيم رجاء لا تتكلم على اخواتنا لا تتكلم عن بنات الناس رفعة الجلسة:29: |
اقتباس:
نعم قد يتزوج وحده غير موظفه ولها عشر زملاء في الأنترنت :25::25: الصراحة انا انصدمت من بعض الردود اخواني اذا شفتوا كم حاله مش مضبوطه فمو معناها كل البنات في المجال المختلط زي كذا خافوا الله واتقوه وبلاش قذف ونتوا ما تقصدوا لأن هذا يعتبر قذف لا حول ولا قوة الا بالله رفعة الجلسة من غير نفس :29: |
ممرضه وش فيها الممرضه
يمكن تكون اشرف وافضل من غيرها يعني العيب ماراح يكون في وظيفتها العيب في اخلاقها اذا كانت منحرفه راح تقدر تسوي اي شيء حتى لو ماهي ممرضه اما اذا هي محترمه وتخااف ربها فماراح ياثر عليها كونها ممرضه قول لصديقك اذا ماعنده ثقه في اخلاقها يتركها من الحين ويريحها ويريح نفسه |
اقول لكل واحد يتكلم عالممرضة وانا مو معاها او ضدها بس ضد القذف في الاعراض وكل واحد عامل نفسه شريف ويتكلم عاللي قدامه ونسى انه بشر
تخيل انك تعرضت لمرض قعدك بالبيت ما تشتغل ولا تتحرك حتى وعندك بنت او زوجة وظلت تتشحت من القريب والغريب ولكن لمتى ؟؟؟ يمكن تضطرها الظروف تتعلم دورة تمريض وتشتغل مممرضة . وفي واحد قال ان بلدهم ما فيها مراكز نسائية يعني بتشتغل في مكان مختلط فكيف بيكون وضعك ياللي تكلمت في اعراض غيرك وعالملا نسيت ان الدنيا دوارة ويمكن بعد 10 20 30 سنة يطلع من صلبك ممرضة والله العالم بتكون انت وقتها فوق الارض ولا تحت الارض وبدل ما تتفل عليها ولا تتكلم بعرضها بس تدور ظهرها وتمشي اجتهد في نصحها او ارسل اهلك ينصحوها لو ما تحب تكلم حريم وتطالع فيهم دنيا العجب |
اقتباس:
لا حول ولا قوة إلا بالله لو أهالي الالف طبية اللي بتقول عليهم فكروا بمثل تفكيرك وديتها غصب عنك لطبيب رجل ! إلا لو كان موتها لا سمح الله أهون عليك .... قليلاً من المنطق يا سيد ! لو لزم الأمر عملية أو ما شابه بتقول لا راح أدخل معاها ؟! ولا بتتركها تموت ؟! يا أخي ( لو خٌليت خٌربت ) ! لا تجعل مبدأك ( ألف لحية ولا لحيتي ) ولا تكابر وتغالط نفسك إلى أن يأتي الموقف الذي يجبرك على تغيير قناعتك رغماً عنك لا سمح الله قد تكون أنت أول المستفيدين من كون ابنتك أو اختك أو زوجتك طبيبة أو ممرضة عندما تقع من طولك فجأة لا قدر الله .... تفكر في كلامك وكلام مخالفيك سيدي الكريم ، لعل الله أن يغير مافي ذهنك ويكشف لك ما غفلت عنه . أعتذر على الإطالة وأعتذر لصاحب الموضوع . |
اقتباس:
ممكن يجد حل لاختلاطها .. انه يطلب منها ان تختار لها مجال اختلاطه بالرجال نادر مثل ان تكون ممرضه نساء وولاده او انها تكمل في التعليم الاكاديمي ... او او او لكن غريبه يتزوج وحده بظرف اسبوع ؟؟؟؟ انا قعدت شهرين افكر |
| الساعة الآن 05:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©