سامحك الله وانت ايضا اخطأت بحق المطلقة!!

وهل المطلقة حكراً على اشباه الرجال ؟؟؟؟؟؟؟؟؟؟؟؟!!!!!!!!!

احب اضيف ان اهلي ماهم فاهمين كل حاجه حصلت من هالانسان لاني كنت اعامله كزوج فاي شي بين الزوجين ما يطلع للاهل كنت اتوقع انه بيقدر هالشي واني بكون له الزوجه الصالحه .. الان اريد رد كرامتي دلوني كيف.
انا اخواني كلهم عددهم 3 ملمين بالموضوع .. بعد ما رجعلي فلوسي خلاص مابي منه اي شي عشان كذا اتفقت مع اخوي الكبير يكلمه ويخليه يجي طبعا وعد انه يجي يوم السبت او الاحد تخيلوا الى الان ما جا ولا اعتذر. امس طلبت من اخوي يكلمه ويطلب ورقه طلاقي حفاظا على كرامتي وكرامة اهلي بس اخوي قالي لا تستعجلين على رزقك . طبعا اخوي عارف كل شي وساكتله وهو اذا لقى فرصه (اقصد زوجي)على طول يتكلم فيني يقول( الطريق بيني وبين بنتكم مسدود وبنتكم متطلبه ) !!!! فهمت اخوي انه لازم احد يكلمه ويوقفه عن حده لان ابوي كبير ومريض وما ودي يدري بالموضوع وامي الين هالحين تذكرني اني اخذته غصب عنهم وان هذا جزاءي وقالتلي اني حذرتك منه اول .. انا مقهوره ودي اقهره لو بكلام او اي فعل

أفعالك تدل على طيب أصلك وتربيتك .. دعيه للعادل القوي الذي يمهل ولا يهمل .. وأتركي خلفك سيرة عطره .. وأحمدي الله على هذه النهاية

والله ثم والله انكم كنتم لي عون بعد الله وساندتوني نفسيا وسوف ادعوا لكل من رد علي بظهر الغيب.

في الحقيقه كنت حيرانه ماني فاهمه شي في هذه المشكله الحمد لله لقيت من يوعيني ويوقف جنبي وابشركم اني استجمعت قواي وأرسلتله مسج وقلت بالحرف الواحد (ارسلي ورقه طلاقي الله بيعوضني خيرا ان شاء الله) هذا الكلام امس الساعه 1 الظهر وكنت ماسكه جوال ابوي وشفت رقمه وانا ما ادري انه اتصل ( اتصاله سبحان الله كان قبل ما ارسل رسالتي اللي فيها اطلب الطلاق بساعه) وسألت ابوي اذا هو كلمه او لا فقال الا كلمني سالته اش عنده : قال ابوي بعدين اقولك<< انا توترت شوي وقلت لابوي تراني طلبت منه الطلاق برساله وما عليه حسوف وهذا انسان ما يصلحلي ولا عاد ابيه فقال ابوي تراه اتصل علي وقال اني طلقت ساله ابوي اش السبب قال بنتكم فيها برص !!!! ياناس مو لاقي عذر يعني حتى السبب اللي قاله مش فيني تبلاني حسبي الله نعم الوكيل ..


الحمد لله اللي فكني منه وبدون اي خسائر بعد ما كشفته على حقيقته والله بينتقملي منه انه عزيز ذو انتقام

الحمدلله انتهت الأزمة بسلام وهدوء ولعلها درسا لك لفهم الحياة اكثر

عوضك الله بخيرمنه وعليك بالدعاء والاستغفار ففيه الراحة والفرج والتوفيق

الله يعوضك بزوج افضل منه

والحمدلله على كل حال




هذه هي الدنيا يا اختي

طُــبعت على كدرٍ وأنت تريدها
صفوا من الأكذاء والأقذار

الله يأجرك بمصيبتك ويخلفك خيرا منها

هذا وجه سئ من الرجال لكن مو الكل كذا

انتبهي لاختيارك بالمره القادمه