واياك يالغلا

شوفي عزيزتي

مسكرة من كل جهة سفرتك لمدينته , فخلاص اذا كذا الموضوع انا اشوف الامور ابسط مما كنت متصورتها !

أول شي انبهك دراستك تمسكي فيها بايديك ورجولك بتفيدك في مستقبلك ...

والحين فكري يا اختي وش هي الطرق اللي تقدرين تجذبينه لك !

يعني انا بقولك شي

الحين انتِ ما دامك ما تقدرين تروحين لمدينته فما له داعي تشوشرين على زوجك بالحقوق لانه طول ما انتي بعيدة عنه مالك مبيت ولا لك مسكن وبصراحة ماله داعي مسكن في مدينتك وهو طول الوقت بعيد عنك , يعني مالك غير مصروووفك حاولي تاخذينه منه بدون ضغوطات بالكلمة الطيبة والاسلوب الحلو بعيد عن موضوع المقارنات بينك وبين ام العيال ...( باسلوب العشيقات )

هالفترة حاولي انك تربطينه فييييك بكل الوسائل اللي ممكن تتواصلين معه فيها ..
مثلا اذا هو من هوات النت ادخلي وكلميه وتغزلي فيه .....الخ , سولفي معه في الجوال وكانك حبيبته او عشيقته وانسي موضوع حقوقك شوي ويتاخذين فلوس منه على البارد المستريح لا وفوقها ارتياح وتفريغ شحنات عاطفية بالحلال ...

وفي الاجازات استغلي الفرص وسافري له وقضي معاه احلى الاوقات ...واذا جاك خليه يشعر باسعد لحظات حياته معاك وعوضيه دائما عن الشي اللي ناقصة..

بالمختصر اختي خفي علي الرجال شوي يالغلا لان لا انتِ ظروفك مساعدتك تروحين له ولا هو ظروفه مساعدته يجيبك , فالاولى انكم توثقون العلاقة مع بعض علشان تقدرون تواجهون مجتمعه في اقرب فرصة وما تخلصين جامعة الا وهو متعلق فيك ومتمسك فيك بايديه ورجوله ...

وانا برايي ساعديه في ان امره ما ينكشف عند زوجته في هالوقت الحالي لان اذا انكشف مووب من صالحك , فيعني الاشياء اللي تشوفينه تخلي مدامته تشك بلاها مثل رسائل الجوال ..

استغلي الفرص دائما لصالحك والشي اللي تعرفينه يكرهه اتركيه واللي تعرفينه يحبه وناقصه عوضيه عنه بكل مافيك من عاطفة ومشاعر ...

الناس ما عليك منهم قولي انا جالسة هنا الي ان اخلص دراستي وبعدها بنتقل ان شاء الله لبيت زوجي ...

صبرك عليه , زوجك باذن الله في منه امل بالذات انه ناقصة اهم من الحب والعلاقة الجسدية , ناقصة احترام وقوامة من شريكة الحياة وهو شي من كيان واصل خلقة الرجل ...

فالى هنا انا اشوف ما عندك مشكلة يا غلاتي

بس اعرفي تتعاملي مع مشاكلك

موفقة