|
وقت كان يعطيني ساعتان كل يوم واقل
كنت من اسعد البشر ولم تكن هناك زوجه سعيده مثلي وكنت اميرته وملكته وكل شيء في حياته ولكن وقت اصبح كل ال24 ساعه اصبح الزل والهوان ووووووووو ولو دقايق بسعاده وحب ونظره وهمسه بالدنيا وما فيها |
بس أكيد الرجل يحب يجلس مع زوجته أطول فترة ممكنة إذا كانت الزوجة رايقة وسوالفها زينه ومرحة أما إذا كانت نكدية وكل جلسة تقعد تتذمر وتقارن وتنتقد ... أظن إن دقيقة وحدة يجلسها معاها كأنها سنة
|
بالنسبه لي كزوج ....الحياه اولويات مرتبه والعمل اولها طبعا وثانيها اني اعطي واخصص جزء لبيتي عموما سواء كان السوالف مع زوجتي او اللعب مع اطفالي او حتي قضاء حوائج ومستلزمات الاسرة ككل....ولكن احيان تتغير النفسيات وتصبح مسالة اعطائك الوقت لهم صعبه...غير كذا اتوقع بل اجزم ان لكل مرأه حدسها وذكائها وطريقتها في كيفية محببة الزوج لسوالفها ولجلستها وتغنيه عن طلعات الاستتراحات ومقابل اخوياه طول الليل!!! >>>> بالنسببه للزوجات ماسألتو انفسكم ليش ازواجكم اذا طلعو من البيت مع اخوياهم تحسون انهم يفضفضون ويضحكون وينبسطون واذا رجعتو البيت التزمو الصمت وكتمو الضحكات وبدلوها بمنافخ وصراخ ؟؟؟
|
مرحبا
انا بلنسبه لي من يرجع من الدوام مايطلع ابد طول اليوم معاي يطلع بس اذا في شي ضروري او مشوار مهم او مناسبه ويحاول ان مايتأخر الحمدلله ربي لا يغير علينا |
تصدقو حسبت لقيتها اقل من نصف ساعة و يوم الاجازة ممكن ساعتين
|
أنا يروح الدوام الفجر ويجي بعد صلاة الظهر بعدها ماعاد يطلع إلا للمسجد يصلي ويرجع للبيت لا وبعد يستأذن من العمل الصباح ويجي نفطر في البيت ويجلس حتى قبل الظهر بساعه ويروح العمل ولمايخلص دوامه يروح للبيت من أول كان عنده شغل أعمال حره من بعد العصر حتى الساعه عشر باليل تركه طفش وترك الشغل الحر قال هاذا العمل أخذني منكم خلاص ماني بحاجته وبصراحه لوكان ماتركه من حاله كان أنا رايحه أطلب منه لأني طقيت ماعاد لقيته وهو كمان مستمع زين لسوالف ويحب الجلسات ومعتمد عليه في الأخبار سوى عائليه أو سياسيه أوكوارث عالميه أو محليه مقروءه أو مسموعه دائما ياخذها من عندي وكمان هو لوعنده علوم وسوالف يقولها لي ونناقشها مع بعض حتى لوكانت سالفة قطعة غيار لسياره نتناقش بسعرها وصنعها وطريقة تركيبها
وتكلفتها والحمدالله الله لايغير علينا مستلزمات البيت وقت مايروح يصلي يجيبها معاه وأحيانا نروح مع بعض نشتريها سوى وزوجي عنده زملاء وعندهم إستراحات وجلسات بس أنا زوجي الحمدالله والشكر لله مايعترف بزمالتهم إلا في نطاق العمل وبس خارج العمل أنا صديقته وزوجته والمستشاره حقته والحمدالله يارب لك الحمدوالشكر اللهم إنك بما أنعمت عليه إني إليك عبدا فقير ونصيحه للمتزوجات على قد ماتعطي بتاخذ إذا بغيتي زوجك يلزق جنبك إبعدي عن التذمر والتشكي والصراخ والسخريه والطلبات والأوامر والكلام في الناس وبالذات أهله ولاتلتهين عنه وهو جالس معك لا بعيالك ولاجوالك ولاهاتف البيت ولاجريده ولا تلفزيون وحتى إن وردك إتصال كنسليه أو خلي إبنك أو بنتك ترد أمي مشغوله وبعدين تكلمكم حتى زوجك يحس بإهتمامك فيه وإنك تركتي كل شئ من أجله هو وعلشان راحته الأشياء إللي قلتها كلها لاتسوينهافي وجوده سويها وقت طلوعه من البيت أو وقت ذهابه لدوامه وأخر شئ ثلاث كلمات تجنبيها في كل حياتك الزوجيه . الأولى أتركي الحن الثانيه أتركي الزن الثالثه أتركي المن والرابعه تسلمون ودمتم بخير وسعاده مع زوجاتكم وأزواجكم . |
اعتقد ان اكثر من ساعتين ماله داعي..
(تعرفون الحريم ما ينعطون وجه ومن زين السواليف قالت فلانه وسوت فلانه وكله حش) |
استغربت من بعض الإجابات
كما أرى وأشاهد من حولي واسمع من شكاوي النساء أن أغلب الرجال لا يجلسون مع زوجاتهم إلا نادراً خصوصاً أصحاب الاستراحات هذه التي أشغلت الأب عن أبنائه وأشغلت الزوج عن زوجته ويزيد من ذلك إن كان من أهل الرياضة ومتابعة المباريات فلا تسأل عن غيابه عن زوجته.. والساعات التي يقضيها مع زوجته منها ما هو واجب محتم , ومنها ما هو مستحب.. ومنها ما هو من قبيل الحاجة ومنها ما هو ضياع للوقت . أما الواجب فهو ما لا بد منه كالاستماع إلى مشاكلها وهمومها ومحاورتها في ذلك . أما المستحب فهو الدردشة معها وتبادل أطراف الأحاديث المباحة وإضفاء السرور عليهما واللعب المباح. أما ما هو من قبيل الحاجة فهو مثل الجلوس لتناول الطعام , وهذا ليس من فضل الرجل عليها. أما ما هو من ضياع الوقت فهو ترك المشاغل والمصالح وتضييع الوقت بلا فائدة ولا قراءة ولا اطلاع ولا تحصيل منفعة , فقط جلوس معها وسواليف زائدة عن قدر الحاجة , وحتى لا يفهمني أحد بغير مقصودي اقرأوا القسم المستحب. وبالمناسبة هناك اختلاف بين الرجل البيتوتي وبين الرجل غير البيتوتي فالبيتوتي مهما كان في البيت فالمرأة تريده أن يجلس معها وتكون الجلسة خاصة بها ومن أجلها. أما غير البيتوتي فإن كانت تحبه أو تشعر بتقصيره معها فهي تريده أن يكون في البيت فقط وفق الله الجميع |
على حسب لكن لا يهمني كثرها وقلها كثر ما يهمني راحتها وتعستها
|
اقتباس:
|
| الساعة الآن 06:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©