|
على حسب وصفك أختي لمجتمعكم
فأحس إنه طليقك ماخذ الموضوع بنظرة ثانية و مختلفة عنك و بسبب مجتمعكم و طبيعة عمله يعني مثل ( الغربيين ) و إنت صح تغاري عليه ، و نفس الوقت تبغي زوجك ( لك فقط ) .. أنا ما أعارضك في الشئ هذا ، لكن مجتمعكم مختلف قليلا ، يعني عندكم الإختلاط عادي و الرجال عموما يكرهوا الشئ هذا ، حتى لو إنه يحب زوجته .. حتى مرات يتقصد يعاندها ، حتى يثبت لنفسه بإنه مافيش حرمة تحكمه و تقيده عالعموم ، وجهة نظري من زمان يمكن ما بتعجبك .. إني ما أئيدك في موضوع الطلاق .. لإنه المرأة تحتاج إلى صدر رجل حنون ، تحبه و يحبها،، و سنة واحد ماهي كافية أبدااااااااااااااااااااااا لتغيير الرجل و التأثير عليه ، خاصة بإنه متعود على الأمر هذا من قبل الزواج .. فالموضوع بحاجة لصبر و حكمة و طولة بال .. |
أختي الكريمة:
خذي نفساً عميقاً واجلسي مع نفسك وحاولي التفكير بهدوء مع المنطقية والتعقل... ثم استخيري بشأن العودة كثيراً كثيراً وسيدلك الكريم الرحيم على الطريق الصحيح... ما رأيك الآن أن نرحل كلنا مع قصة أم سلمة وغيرتها...هيا اقرئي قالت أم سلمة: فلما مات أبو سلمة قلت: وأي المسلمين خير من أبى سلمة فهو أول من هاجر إلى رسول الله ، تقول أم سلمة: ثم إنى قلتها فأخلف الله لى بدلاً من أبى سلمة رسول الله صلى الله عليه وسلم . قالت: فأرسل إلي رسول الله حاطب بن أبى بلتعة يخطبني له أى للنبي فقلت: إن لى بنتاً من أبى سلمة وأنا امرأة غيور لا أطيق أن أعيش مع رسول الله فى بيت له فيه زوجات غيري فلماذا قال النبى ؟ قال : " أما ابنتها فندعوا الله أن يغنيها عنها، وأما الغيرة فندعوا الله أن يذهب عنها الغيرة " ]) ما أردت هنا إيصاله لك أن تدعي بأن يخفف الله من غيرتك وشكك..ولمعلوميتك أنت وغيرك من النساء أيضاً أن الرجال يختنقون من النساء اللاتي يعاملونهن هكذا بغيرة شديدة وشك شيطاني... حاولي الهدوء والتصبر والتعقل والاتزان شيئاً فشيئاً وثقي ثقة تامة أنك لو استمريتي على هذا النهج من الغيرة الخانقة والشك غير المبرر فإن حياتك لن تسير في طريق الأمان ولو تزوجتي مئات الرجال إذن أصلحي ذاتك الداخلية أولاً، وبرمجي عقلك للتغير ثانياً بالإقناع وكثرة التكرار... |
الساعه 1:52 بالليل ظل يتصل فيني..
يمكن 5 مرات ولا أرد عليه في المره الـ 6 رديت - نعم ؟ - هلا حبيبي - خير آآمر؟ عسى خلصت لعبتك؟؟ - اي خلصت .. آنا اصلاً انحرجت منج وانحرجت من ربعي لأن آنا قايل لهم خل نروح القهوة ف ماقدرت اقوم عنهم - انت سمعتني شلون كنت منهاره! أي أهم اللعبة ولا آنا - انتي... بس مايصير اقوم اخرب عليهم.. وانتي لاحق عليج حبيبتي انتي - اوكـي خلاص وألحين ماحتاجلك.. - سؤال لآخر مره اسألج إياه.... انتي شتبين؟ تبين ترجعين لي ولالا؟ - بين إي وبين الـ لا - شلون؟ لي متى راح اذل نفسي وكرامتي لج؟ - هذا تسميه ذل؟؟ - اي اسميه ذل.. وعلى فكره خوفج وشكج وغيرتج آنا مالي شغل فيها - عيل من اللي له شغل فيها؟ - ابوووج - ابوي؟ ابوي شسوى؟ فهمت قصدك... صح لما تزوج بوحده غير أمي أثر فيني بس أبوي لا تقارنه في اللي سويته... انت خنتني أبوي سوى شرع الله أبوي انت تعرف شلون ابوي عادل امبينا كلنا... - اي بس الاساس عندج ماكان اوكي فكانت عندج فرصة للشك من قبل لا آخذج - بس انت ماعطيتني فرصة اثق فيك...!!! - ألحين يعني ماتبين ترجعين؟ - ........ لا - أوكي بس لا تتصلين فيني تعذبين روحج وتعذبيني معاج خل كل واحد يشوف حياته - ......... - بس بطلب منج طلب.. - آآمر؟ - إذا انخطبتي خبريني.. - ليش؟ - بس.. - وإذا مابي بعدك أحد؟؟ - لا حبيبتي تزوجي تزوجي... أولاً منتي صغيره عمرج 21 سنة! وثانياً صرتي مطلقه - وثالثاً أحبك.. ورابعاً اموت فيك .. وخامساً ماقدر استغني عنك .. وسادساً وسابعاً ومليون - " قام يضحك " ويقول : طــــــل ... كلش اخاف اصدقج بس أنا لما حبيتج خطبتج ... انتي تحبيني شسويتيلي؟؟ قلتيلي ماتبيني.. - لأن مانقدر نعيش ويه بعض.. مابقدر اسعدك.. - اوكي خلاص بس لا تقولين انج تحبيني .. - لا أحبك أحببببببببك أحبببببببببببببببببببك - وآنا بعد احبج ....... بس لا تعذبيني ولا تعذبين روحج لا تتصلين فيني واحاول ان ماتصل فيج بس خبريني من تنخطبين... خل ابارك لج.. - تصبح على خير.. - وانتي من اهله .. انتبهي على نفسج ..... - وانت .. وافترقنا!!! |
اقتباس:
يتعامل مع الاشياء ببرود...! لا مبالاه..! كل مره اقول خلاص نسيت... يصير موقف يرجع يذكرني بكل شي ويحطني في موقف معاه.. وترجع لي مشاعري... والله العظيم تعبت... وحتى صحتي تراجعت للأسوأ.. حتى ضغطي صاير ما ينزل.. وأهلي يتسائلون.. من شنو كل هذا فيني؟ وفي نفس الوقت خايفين علييي .. لأن مع إني مو ماكله ولا شي من يومين بس ضغطي مرتفع .. وراسي بينفجرررررر!!! ادري فيكم ما تقصرون... الصدر الحنون لي وللكل... من بعد الله مالي غيركم اشكي له آآخ يربي! |
اقتباس:
يقهر فعلاً .... بس مثل مايقول المثل " اسمع كلامك اصدقك ، اشوف افعالك استعجب ! " كلامه غير وافعاله غير ... الله يهديه .. وان شاء الله يارب انسى ... آمين الله يسمع منج حبيبتي |
يا أمة الله
أقسم بالله أنك تحبينه حباً كبيراً وأنه قد أخذ بتلابيب قلبك يا أمة الله إن الرجال غالبهم وأنا منهم إذا كنا جلوساً مع أصدقائنا فلا نحب أن تأتينا اتصالات من زوجاتنا وإننا نكون بإحراج شديد لو اعتزلناهم قليلاً وقمنا بمحادثة زوجاتنا يا أمة الله المشكلة لديك الآن وفي داخلك والكرة بملعبك فارحمي نفسك وارحميه واستخيري الله افعلي ماكتبته لك أعلاه |
اقتباس:
نك نيمي هو Take Breath بس توقيعي كاتبه " ليتني غريبة " اقتباس:
آنا ماني حسوده وراضيه باللي ربي عطاني اياه.. بس احس نفسي مكسورة.. من اشوف حواليني صديقاتي.. مثل عمري متزوجات ومخطوبات ... ومرتاحين مع ازواجهم وأنا الوحيدة اللي حسيت بكل هذا الحزن والألم وتطلقت... وأنا الوحيدة بينهم اللي احب زوجي بهالجنون .. مع هذا آنا بس اللي تطلقت.. ما اتمنى لهم الطلاق مثل ماقلت بالعكس اتمنى لهم كل خير لأنهم صديقاتي.. بس ليش آنا!!!! والله مو اعتراض على ربي.. والله مو اعتراض بس اتسائل ... ليش آآنا!! من بداية حياتي الزوجية وياه وآنا ما مر علي اسبوع كامل فرحانه فيه!!! احاول ابتسم.. بس احس روحي اكذب على نفسي بهالابتسامة! مو من قلبي ابتسم.. اغصب على نفسي ابتسم... تعبت ... والله مافيني حيل.. خلاص...! مافيني حيل على ولا شي.. وماتركت الدعاء ولا الإستخارة.. وتسلمين أختي.. كلامكم كلكم يخفف جزء كبير من همومي اقتباس:
استغربت الأمر لأن بعد وحده من البنات في المنتدى سألتني نفس السؤال!! هل فيه وحده تحمل هذا الاسم تكتب قصص؟ :-) صرت اتمنى اتعرف عليها! |
اقتباس:
كنت محتاجتله مووت.. كنت في حاله مايعلم فيها إلا ربي..! لازلت استخير.. يارب ينور لي بصيرتي... ادعي لي.. محتاجه لدعائكم.. |
اقتباس:
بالعكس فيه ضوابط مع الاختلاط.. عيب نمزح مع أي واحد عيب نكلم أي واحد.. والله يا أختي حايره بأمري .. حايره مادري شسوي.. محتاره والله محتاره!! عشان جذي قاعده استخير ربي.. ادعي لي أختي... الله يكتب لي اللي فيه لي خير |
يالله ,,,,, يالله ,,, يالله
لية هالعذاب ؟؟؟؟؟؟؟؟؟؟؟؟ تحبية ؟ يحبك .؟ وتعذبو بعض ؟؟؟؟ ياان انا مو طبيعية ومافهمت الي بينكم ؟!!!!!!! يااما انتو مو طبيعين وتكررو احبك واحبة دون ادنى شعور فيها ؟؟؟؟؟؟؟؟؟؟؟؟ فانا الان مفهية بكل ماللكلمة من معنى ؟ وش الحل ؟ احبك ؟ وهو يرد انا احبك ؟ طيب ؟ ولية الطلاق ؟ غيرة وشك .؟؟ يختي كل حريم الكون تغار انا وانا مو متزوجة واغاااااااااااااااااااااار وغيرتي ياساتر بس احكم عقلي مدري وش اقولك لاني احترت بالرد بعد كل هالحب ؟ وتتطلقو ؟ في شي مو طبيعي بخلايا دماغكم .. ولا لو البنت تلاقي من يحبها وزوجها بهالدنيا ماتخلية ؟ ولو الرجل وجد حب حياتة ومايشوف غيرها بعيونة مايخليها ؟ بس انتو حالة شاذة جدا جداااااااااااااااااا جداااااااااااااااااااااااااااااااااااااااااااااااا اااااااااا |
| الساعة الآن 05:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©