|
أشكرك على ردك الجميل
لن أضيف شيئاً على ماكتبته أنا أعلاه لكن عليك الالتزام به فقط الزمي الرقية الشرعية كل يوم لأني فهمت الأعراض التي حصلت معك مع الرقية... استمري عليها حتى لو أحسست بتعب أو بكاء أو تثاؤب أو رغبة في النوم فقط استمري استمري اذهبي اليوم واشتري شريطاً (سورة البقرة) ودعيها تشتغل في البيت لأن الشيطان يفر من البيت الذي تقرأ به سورة البقرة... |
ههههه ذكريات ياحبي لك حبيبتي
تعالي نفحظ أنا وياك بالبررررررر بعدي والله انتي وقسم بالله الحين مروقة ولاعندي شئ نسيت الحلم الله يقلعه أمس شوي وضعي كان ماش الحين الحمد الله ورصيت زوجي وتأسفت له بس لو جاني مرة بالحلم أدبحه هههههه |
تسلمين حبيبتي كوتية
كيف سارة بنوتك عساها طيبة ماطمنتيني ياقلبي |
تسلمين حبوبتي دلوعة
والله مالها ذنب أدري والله دوم ادعيلك حبيبتي الله يفرج همك عاجلا وليس اجلأ |
هلا بك اخوي البليغ
ممكن لو تكرمت تقولي وش عندي والازرق إلي أحصله بجسدي واذا ضغطت عليه مايعورني لون أزرق وخلاص طبعا أغلبها ثاني يوم بعد الأحلام بالنسبة للرقية من يعطوني الزيت أقرف من الريحة ماستعملها اشرب بس مويا مقري عليه ووقت الرقية لو قرى علي شيخ وخاصا من أسمع هالاية ~ أم يحسدون الناس على ما اتاهم الله من فصله~ مرة كان معي زوجي والشيخ يقرأ علي وجلست انتفض بقوة والتنفس صعب عندي وابكي بصوت عالي من هناك ماضرت أحب أرقي نفسي اتعب كثير والزيت ماحب ريحتها لأن الشيخ طلب مني احظ الزيت بجسدي أسوي أول يوم ثاني يوم اتهرب منها |
صابرة نامي دوما على وضوء ولاتنسي الأذكار
وارقي نفسك هي مجرد أضغاث أحلام لاتكبرينها حرام أختك مالها ذنب لاتكسبين فيها إثم وانتي تدعي عليها |
حاضر حبيبتي روحي مجروحة
مادعيت على أختي من قلبي تكفون تراني اتعذب ندمت خلاص أرجوكم قلت الموضوع حساس لو غير أهلي عادي تكفون بدون تجريح أصلا أختي لو صار فيها شئ أموت هي وحيدتي واحبها بس لاحلمت أعوف كل من حولي الرحمة ياناس |
صابرة حساس وشو يا صااابرة تبغيني اماشيك واقولك اووووووووو روحي فسري هالخاين اللي ما يتحس على وجهه يخونك مع امك واختك !!! وشرايك بعد نوصل لاتهامه بزنا المحارم أنا بعد ردك هذا أصبحت أجزم ان أكثر مشاكلك انت سببها واذا مو انت نص بنص انتِ وياه , ماحد قال زوجك ملاك عارفة انه ظالمك ولكن تصرفاتك ليست سوية ... وصدقيني أنا ماقدر أعتبرك مظلومة اساليني ليش ! تقولين شفت حلم ( انتبهي هااااا حلم فقط ) وقمت أدعي على أختي تموت ! بالعامي يعني بقولك اياها بالله وش تحسين فيه وانت تدعين عليها ظلم وبهتااان سؤال يا صابرة دعائك على أختك هذا مو ظلم !!!! مادام ظلمتي أختك على حلم فزوجك راح تظلمينه على أشياء أبسط من كذا وبكثير ... يعني تخيلي بالله جيتك وقلت لك : انا حلمت ان زوجي يخوني ورؤيا ضايقتني وانا مصدقة عاد تقل رؤية صحابية ولا نبي اللي اشوفه على طول بيتحقق 100% , وقمت لزوجي وقمت أضربه وأصرخ فيه ويالخاين ويالحقير وطلقني وش رايك هذا تصرف انسان سوي !!!!!! الدين واضح عزيزتي , رؤيا مزعجة اتفل عن يسارك ولا تخبر أحد عنها , رؤيا تسرك أخبر اللي تحبهم وانتهى الامر .. تقولين اني استهين بالنظر صابرة واللي يرحم والديك من هو أغير الناس على محارم الله!!! الجواب : النبي صلى الله عليه وسلم طيب كيف كان تعامله مع المذنبين ! ماشاء الله كل شوي خالق لهم مشكلة ويكفخ ويضرب فيهم ويالخاينين وياللي ماتخافون من ربكم !!! وجعلكم للنار وعسى ربي يفضحكم ان كنتوا ما تبتوا بصدق !!! يعني بالله تتخيلين منظر زوجك مرسل لك مسج يقولك وينك ويجيه رد منك قصف جو أرض بحر !!! بصراحة لو انا مكانه بقعد مصدووومة وفاتحة عيوني ساعة من الاستغراب وماني مصدقة عيني يعني يا اختي في شي بالعقل , أعطي كل ذنب حقه , ولا تظنين ان طريقتك هذه تبعد بزر عن ذنب فضلا عن رجل طول بعرض وعنده حرمتين , طريقتك استخفافية جدا وانا كمرأة ما أرضى انسان يعاملني بهالطريقة فكيف برجل!!! الحل بتذكيره دائما بفضل غض البصر , بحسن تبعلك له , ترى حسن التبعل ماهو روج وشخطة كحل وملابس مشخلعة وليالي حمراء وخضراء وصفراء , وفي النهار اللسان طولة طوووول وصراخ وهواش !! حسن تبعلك له يبدأ من احترامك له وتغاضيك عن عيوبه مع محاولة اصلاحها بالمنهج النبوي الصحيح ومن ثم انتهاءا لتزينك والامور البسيطة اللي هابات فيها الحريم في المنتديات وصارت شغلهن الشاغل ومع هذا ما قامت بيوت الكثيييرات على سنع كلها هواش ومطااقق... تقولين وتعالي أحلمي مكاني لي أحلمه ورديلي خبر عادي حلمت أكثر من أحلامك هذه بطليقي وكلها ورااااااااء ظهري بل ان منها قبل طلاقي واااضحة انها طلاق وفراق ووكلت امري لله ومشيت معاه بالادب والاحترام والمحبة لاخر لحظة , وخلاص كلن راح بحال سبيله ... والله كنت أطبق الأدب النبوي في الرؤيا بحذافيره , والله اللي لا اله الا هو من بركة الدعاء هذا اني ما يمر نص اليوم الا وانا نسيت وش شفت في المنام وضايقني , لا تقولين بشر وكل انسان وطاقته في منهج نبوي مشروع من عند خالقنا سبحانه يوم انه يقولك ما بتضرك يعني ما بتضرك صدقيني صابرة انا مطلقة واقولك هالكلام , والله اللي لا اله الا هو ما عمري تجرأت مرة أخاطب زوجي بنفس طريقة مخاطبتك له وأقولك هالكلام علشان تعرفين صبر زوجك عليك وانت بنعمة منتي مقدرتها !!! وعلشان ما تزعلين بعد كنت زوجة معدد وأعرف مشاعرك 100% , ولا وأبشرك كل الأفكار اللي اقراها عن زوجات المعددين الله ما تجيني , اللي تقول أقعد أتخيل كيف ينام معها واللي يسويه معي يسويه معها ظنتي بعد ان فيه حريم من السفاهة وهو يجامعها زوجها مخها شغال هو يسوي كذا لفلانة وناسية نفسها وتفكر بضرتها من الفضاااوة !!!!!!!!!!!!!!!!!!!! بصراحة أفكار منافية للمرووءة والحياء مع احترامي يعني لا تقولين حنا بشر كل شي تقدرين تسيطرين عليه , لا وتسوين احسن منه بعد وتصير مشاعرك لها مشااااعر عادية كأي انساااانة ... هو غلطان وانتِ غلطانة وقفي هالمهزلة اللي صايرة معاك , انت قاعدة تظلمين نفسك واللي حولك , قريت قصتك يوم انك ما كنتِ تحبين زوجك والله لو بقيتي ما تحبينه وعشتي معاه بادب واحترام مودة اصرف لك من هالحب القاتل ... كل شي له حدود يا عزيزتي اذا زاد عن حده انقلب ضده ... النهي عن المنكر يوم يصير بهواش وصراخ ينقلب ضده الحب الزعل ........الخ كل شي فكري في حياتك وتغييرك مبدأ من داااخلك اعرفي وين الخلل وارجعي لربك لان واااضح انشغاللك بزوجك وبعدك عن الله وسيطرة الشيطان على افكارك لدرجة ان حلم يقلب حياتك فوووق تحت ... اهتمي بالرقية كثير الله يعينك ودعواتي الخالصة لك بالتوفيق والهداية |
غاليتي وحبيبتي وأختي و من أذكرها وأدعو لها بالخير دوما وأبدا أول شي وش الأخبار ؟؟ صار لي من يومين أروح للموضوع السابق لكن ما ادري ليش تقفل !!! كنت أحاتيج واااااااايد وخايفة عليج جني حاسة إن فيج شي الشي الثاني ما أبيج تقولين آنا ندمانة لأني حطيت الموضوع وأحس إني تسرعت وخليته !!\ احنا وين ؟؟ وعدج لنا وين ؟؟ احنا ما قلنا واتفقنا إنج تكونين ويانا تشكين لنا كل شي ما يهمج من حجي هذا وذاك انتي تقولين اللي بقلبج سمعي من تبين تسمعين ومن اللي يقنعج ويقولج كلام صحيح وما همج من اللي يضايقج أو يقول ف حقج شي ما يعجبج الشي الثالث و الأهم موضووع الحلم حبووبتي الأحلام كثير منها تكوون اعتقادات الواحد يعتقد فيها مثل لما يكوون صاحي ولاحظي شي مهم انتي لما تفكرين في شغلة معينة تلاحظين رووحج تلقائيا تحلمين فيها ! طبعا مو كل شي تفكرين فيه بس بعض الأشيا\ الحلم المزعج هذا عساه ما يتكرر ياااااااااااااارب مثل ما فسر لكم الشيخ صلة الرحم ! عارفة |إن مالج ذنب بس شتسووين بعد انتي بنفسج قلتيها >> حلـــم شووفي أدري وآنا حاسة بهالشي لما الواحد يحلم بحلم مزعج ويضايق يتم يفكر فيه غاليتي أبد ما عجبتيني لما كلمتي زوجج وقلتي له لو تخون ربي بيفضحك حبيبتي مهما نكوون معصبين ومتضايقين\ ما يصير نصب جام غضبنا على الأشخاص الآخرين هم مالهم ذنب ! يعني احنا تونا نقول من قبل احنا ف مرحلة اصلاح مرحلة بناء الشخصية من جديد مرحلة هدم الماضي مدام تشوفي نفسج معصبة وااااايد لاتكلمينه انطري لما تهدين وعقب كلميه بس ف نفس الوقت عجبتيني ف شغلة حلوووة واشجعج عليها لما فتح لج موضووع يضايقج وانتي بذكائج لفيتي السالفة أحييج على هالشي وربي أسعدني هالتصرف منج يالغاالية أيضا نتحجى عن أختج انتي تحبينها وايد وتغلينها وما ترتاحين إل لما تشوفينها مرتاحة وآنا أدري بهالشي وعارفة إنج ما تكرهينها بس هذا الشي ردة فعل للحلم اللي يرادوج بس مهما يكوون يا عمري انتي لاحظي وفكري زين اختج مثل ما تحبينها تحبج و زوجج هم يحبج ويموت فيج يعني مهما يكووون الموضوع هذا ابعديه عن بااالج لا تقولين حلمت فيها وهو معاها وهاللون لالالالالا قوولي هذي خرابيط هذا حلم مزعج هذا كابوس وعدى هذا بس لأن زوجي ما يصل الرحم اقنعي مخج واقتنعي حبيبتي لو كل واحد حلمنا فيه حلم مو زين وعلى أرض الواقع كرهناه أو تضايقنا منه جان شفتي العالم كله يكره بعضه عمري صابرة حاسة ف شعوورج ومقدرة اللي تمرين فيه لكن ياقلبي اصمدي و خلج مثل ما قلنا ما يهزج شي ولا حلم ولا غيره حبيبتي أدري إنج قووية وأعرف إنج بتظلين صامدة على طوول وأدري إنج متضايقة ف الوقت الحالي بس معليش ياعمري ربي بيفرجها مثل ما فرجها من قبل غاليتي وحبيبتي نامي بالأذكار والقراءن ودووم صلي ع النبي و ذكريه وحطي تحت وسادتج قراءن صغير وخلي ب شنطتج قراءن صغير طلعي تفسحي غيري جووو كلمي زوجج عاااااادي ولا كأن شي صار ولا حلم ياج اختج انظري لها بنظرة حب ولا تخلين سالفة الحلم ترادوج تتغلب عليج أبد وأتمنى هالحلم ما ينعاااااااد لج أبد وشووفي مرة ثانية ما أبيج تقولين ندمت لأني خليت موضووع صج بزعل منج ترى حطي اللي تبينه وقولي اللي تبينه وشرحي كل اللي تبينه احنا معاااااااج وبنظل ومعااااااااج وأي شي يضايقج قووليه ترى حتى لو ما قلتي آنا أحس إنج زعلانة عسى ربي يبعد عنج الزعل والضيق لي عوووووووووودة باعمري ما بخليـــج أبد ودي |
ماعندي بطارية خلص الشحن عندي
واعتذر عن التأخير أرجع البيت ان شاء الله وارد عليكم شيخة البنات أحبك |
| الساعة الآن 02:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©