|
أصابع اليد الواحده ما هي سوا ....
لا يمكن تعميم هذه النظرية ... ولكن على كل واحدة أن تعرف ما يصلح لزوجها ... بس من الباب للطاقة أقول هو حياتي ولا جزء منها دون أن أعرفه ... وأعمم هذي طريقة صح وتلك خطأ ... فهذا تعميم صارخ .. |
حلوه كلمتك احلاهم واتحداهم لما قلتي
خليه كل حياتك ينحاش.. خليه جزء منها يركض وراك.. عند المفروض الوحده مو اذا تزوجت تروح كل هواياتها واهتماماتها اي نعم اهتمي فيه وقومي بكل واجباتك وكوني منه قريبه وقومي معه في مرضه واصبري على وضعه لكن مارسي هواياتك بنات تخلو عن صديقاتهم من تزوجو تقول مافي وقت عطي وعيشي عمرك |
اقتباس:
|
يبنا ت ترى الكلام هاذا ماينفع مع كل الرجال لأن لكل رجل شخصيه وكل زوجه تعرف شخصية زوجها إذا كان راح يتقبل التطنيش وإلا لا لاتتهور وحده فيكم وتقوم تطنش زوجها بدون ماتحسب عواقبها أخاف لقدر يصير لها شئ وبعدين تدعي علينا وطريقة التطنيش مو إذا قال لها السلام عليك تقفي بظهرها عنه وإلا إذا قال لها تعالي أبغاك تقوم ترد عليه أنا مشغوله ماني فاضية الحين و إلا يقول لها جيبي لي كذا تقوله ما أقدر روح أنت جيبه لا هاذا موتطنيش هاذا يسمى كارثه على راسها التطنيش مثلا إذا كانت معودته على شئ أوأسلوب معين أول شئ تخفف منه شوي بس إذا مالاحظت أي تقدم منه تقطعه عنه نهائي مثلا لو طلع برى لاتجلس تدق عليه تحرق جواله هاه متى بترجع طفشت وأنا جالسه بروحي لا خليه براحته لو جاء من برى لاتسأليه وين كنت و مع من جلست و إ يش سويت لا خففي قدر المستطاع من السؤال
ولا تراسلينه بالجوال إلا بين فتره و فتره حركات الدلع والغنج خففي منها شوي وكلام الحب و الغزل أعطيه منها بالقطاره طبعا كل و حده تعرف شخصية زوجها و تفهمها عدل علشان تكون النتائج حلوه و في صالحها إن شاء الله ربي يحفظكم لأزواجكم و يقر بهم أعينكم . |
تصدقي ياسمو الأميرة من أمس لما شفت معرفك وأنا أفكر اسألك بسؤال
بس الظاهر بيصير مشكلة لو سألته بالموضوع هذا بالذات لأنك بتقولي ماراح تتغيروا يازوجاااات أبداً:D تحمليني وبسألك .. بما إنه زوجك عضو معنا وله حضوره في فترة ماضية من الزمن ( لأني الآن ماأشوفه ) اش شعورك لما تشوفينه يرد على العضوات ويردون عليه حتى لو الإحترام سيد الموقف ماتحسي بشيء جواتك كذا يضايقك ؟ أو يزعلك ؟ طبعاً حتى لو كان الزوجين واثقين من أنفسهم وواضحين لبعض ويحبون بعض مايجي في نفسك لو شي بسيط وشكراً كثير .. برجع إن شاء الله أرد على موضوعك بس جاوبيني قبل :D |
أحلاهم وأتحداهم
سامحك الله الموضوع ليس عليه إضافات ولا تعديلات لكن أنتي سامحك الله ، لم تقرأي الموضوع كاملا !! وبالفعل >> على العموم ( حصل خير ) !! |
اقتباس:
إذا تقصدين الموضوع الأساسي اللي هو موضوع سمو الاميرة نعم ماعليه إضافات ولا تعديلات.. لكن إذا تقصدين أول رد لك في هذا الموضوع فمع إحترامي لك .. لاتكذبين.. لانك نزلتي الموضوع الساعة 4 وسبع دقايق.. أنا أقتبست الرد وكتبت بس مابعد أعتمدت.. وانتي اضفتي اللمقصد الثاني.. الساعة 4 و17 دقيقة!!!!! عفوا 14 اخر تعديل كان بواسطة » سبلية في يوم » أمس عند الساعة » 04:14 PM ولما أنا أعتمدت ردي لقيت إضافتك.. أرجعي لردك وشوفي هذي العبارة بمكان توقيعك.. معناته في تغيير بردك.. ــــــــــــــــــــــــ والسموحة من صاحبة الموضوع والأعضاء اللي يقرون |
بالنسبة للرجل .. وبالنسبة للمرأة .. خير الأمور الوسط.
وأي شيء يزيد عن حده ينقلب ضده. |
للاسف الكثير فاهم فكرة التطنيش غلط .. واتكلم عن علم .. الزوجه مسكينه تطنش زوجها وتشوفه يهتم فيها ويسأل عنها وتعتقد انه التطنيش هو اللي غيره ..بالتالي تحسب انها عملت انجاز .. وهذا الاعتقاد او التفكير غلط .. الزوج يرجع ويهتم ويزيد جرعات الحب لان الزوجه عطته فرصة .. جميل ان تكثر الزوجه في الحب لان الحب نعمه .. وجميل ان تكثر الاهتمام لان هذا الشيء يرضيها .. فهي من اختارت هذا التصرف .. وهي المسئولة عنه .. لا يمكنها ان تلوم الزوج وتطلب منه ان يعبر عن حبه لها بطريقتها هي .. نعم على الزوجة ان تعيش حياتها ولكن تراعي زوجها .. فمو معقولة انها بتفكر تكمل دراستها كنوع من التغيير والاهتمام بالنفس ... وقرارها هذا بيأثر سلبيا على حياتها الزوجيه ... مو معقوله تفكر ان تعمل وعملها ممكن يؤثرعلى علاقتها مع زوجها .. مو معقولة تطلع مع صديقاتها وزوجها جالس في البيت نعم الزوج مو حياتك لكنه شريك حياتك .. مو شريك في محل او شركه ... شريك حيــــاة .. تعرفين شو تعني كلمة حيـــــــاة .. عمري ما سمعت ان رجل تزوج وقال لزوجته : ما ابيك تمارسين هواياتك واهتماماتك .. ما ابيك تهتمين بنفسك وتطورين من نفسك .. ابيك كل يوم تسوين لي ليلة رومانسية بلون .. ابيك كل يوم تعملين لي مساج .. ابيك كل دقيقه تتصلين تطمنين علي .. ابيك كل يوم تطبخين لي طبق من بلد مختلف .. هذي تصرفات تطلع من الزوجه تعبيرا عن حبها ... واذا ما سوتها لوجه الله اولا واخيرا .. عمرها ما بترضى وتفرح .. الليالي الحمره والخضره والصفره تعبير عن حب اذا ما فيها تعب وجهد ما لها طعم .. واذا كانت لوجه الله فما يهم كم كلفت من مال وجهد .. ومو شرط كل زوج يحب هذي الانواع من المفاجآت .. يمكن فنجان قهوة في وقت مناسب يفرحه ويريحه .. فالمرأة محظوظة لان عندها واايد طرق علشان تعبر عن حبها .. عكس الرجل اللي فرصه قليله لكنها فعاله للي يفهمها ويقدرها .. وبالاخير .. همسه لكل اخت غاليه علي ... اذا تبين تتغيرين تغيري وانتِ مع زوجك مو تبعدين عنه لانه مو هو اللي واقف في طريق تقدمك ... انتِ اللي واقفه مكانك .. والتغيير اللي بيكون مقترن بتطنيش فهو مؤقت .. وبترجعين بعد فترة لحالتك الاولى ويمكن أسوأ .. يمكن كلامي مو مرتب .. بس حبيت اطلع الكلام اللي في خاطري .. وربي يسعدكم ويحفظكم ويهنيكم .. |
دعوة لكل النساء
احتفظي بحياتك احتفظي بدكرياتك احتفظي بصديقاتك احتفظي بهوايتك ومارسيها واضيفي لها زوج حبيه اغدقي عليه حنانك دلعيه بس مو دايما عيشي معو ولا تعيشين لاجله ادا رومنسيتك كبيرة فلا تغرقينه فيها بكرا بيختنق ويحاول الهروب منك وزعي عواطفك على الكل اطفالك والدينك واقتطعي لزوجك جزء بس لااتجعليه محور حياتك |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©