|
اقتباس:
الحمد لله تستطيع ان تكشت و تمرح الآن و في المستقبل و بأي وقت بدون استئذان و لا مسؤولية و تسترخي و تفرح مع اصحابك و كأنك عزوبي هل بعد عشر سنوات مثلا ,,,بعد ما يكون عندكم عيال أكثر ,,تستطيع ذلك نعم بالتأكيد و لاشيء سيمنع لكن زوجتك هل تستطيع ان تأخذ اجازة ثلاث ليال مثلا ,,لنقل تذهب فقط بيت أهلها و تترك الأطفال عندك تعتني بهم ,,من ,,,و إلى,,,و تشعر (هي) بحياة العزوبية و تذكر الماضي الجميل من دلع و راحة ,,, لن تستطيع طبعا انتم يارجال لديكم الكثيييير من الميزات عنا نحن النساء و اهمها الحرية و الإجازة و الراحة المؤقتة من المسؤولية,, فتذكروا ذلك و احمدو الله كثيرا,,,ما حد وصي عليكم |
والحرمه حتىهي تعطي من بداية زواجها وهي تتحمل اهل الزوج وحركاتهم اللي ماتخلص غير تقوم القيامه من اصغر واحد فيهم الى اكبر واحد احس زوجة الابن مستهدفه كانها الشرق الوسط ذا الايام ماعلينا
الحرمه تعطي حنانها للرجل تعطي صحتها لابناء هذا الرجل وتعطي راحتها الام مثل طبيب الطوارئ خلاص لاراحة بعد اليوم الحرمه تعطي الزوج الحب والصبر صح يمكن بيوم تنكر بس لاننا النساء خاصة بعد الحمل والولاده نصير نسايات كثيرات النسيان ولذلك اشترط في الشهاده امرائتان عن رجل عشانا نسايات وقت الزعل منا لو وحده تسالها وش اسم امك ماتتذكره كثير احنا الحريم اذا زعلنا نقول يافلان انا اكرهك مااطيقك بس بعدها بساعه خلاص نحس ان كل شي عادي بس الهرمونات عندنا تلعب دور وصفنا الرسول بالقوارير لضعفنا ونعومتنا ورقتنا رفقا بنا ياتماسيح |
و الله رااااااح اقدرة هذا الشي لاخرررررررررررريوم في عمررررررررررررري بس بشررررررط مايتزوج علي لوفكريتزوج راح انسى كل شي سواة
|
عليكم الســــلام والرحمة
بنظري إنه كلامك مو صحيح 100% لأنه الخطأ مو في الحب الكبير ، الخطأ في صرفه لإنسانة أو إنسان مايستحق هذا الحب ! الحياة من غير حب مافيها بهارات حلوه للحياة فيه زوجات يبان فيهم الحب الزايد عن اللزوم وفيه العكس ... |
سبحان الله دايما يوجد تعميم
عموما جزاك الله خير |
موف صعبة المنال اشكركم
عاشقة الغالي وجهة نظر بعيده التعميم |
وانتو يالرجال تحبوا تملكو الزوجة وتخلونهم مثل الخدم في البيت
اشتغلي واطبخي ونظفي واغسلي واكوي وتربية اطفال واهتمام بالزوج وياويلها وياسواد ليلها اذا ماسوت اللي تبغاه انا احكي من واقعي مع زوجي زوجي يحبني ومتعلق فيني وانا احبة ومتعلقة فيه اقول له ابي اروح لاهلي ازورهم كل اسبوع يقول لي الاسبوع الجاي والحين بنتي مع اهلي وانا بشقتي وزوجي اذا كلمتة متى اروح بيت اهلي وش ردة لي يقول لي اذا رحتي من يصحيني من النوم علشان اروح الدوام اذا جى والبيت مو نظيف ليش البيت مو نظيف مع انه يعرف ان وراي دوام يادوب ارجع واطبخ وانظف اللي اقدر عليه وفي الوقت نفسه رافض يجيب شغاله بحجة انه يبي يرتاح ببيته وبلبسه وانا حاسة نفسي بموت من التعب وعلى كذا ماتذمرت عليه واشتكيت يشوفني اتعب ويغمى علي بعض الاحيان عادي ياخذني للمستشفى يخلص الجلوكوز حدي يوم مرتاحة بس يوم ثاني ترجع حليمة لعادتها القديمة يعني مثل ما انتو يالرجال تشتكوا من حريمكم احنا كمان نشتكي منكم مانعرف وش نسوي لكم علشان ترضون علينا والله العظيم ان الحريم اوفى من الرجال بكثير وانا مو انانية ولازوجي ومره زوجي طلب مني اني اتزوج اذا ربي اخذ بامانته وقالي عيشي حياتك بس رفضت وانا كمان طلبت من زوجي نفس الطلب لما شخصوا مرة حالتي بان عندي ورم في المخ وكان خطأ طبي رجاء لاتقول خففوا من حبكم بالعكس قول زيدوا من حبكم بس بدون انانية |
يكون في علمك يااخي الكريم
نحن معشر النساء وبالذات اللي ماعندها خادمه اشغالنا في البيوت تفوق اشغالكم واتعابكم خارج البيت (((وكثير من الرجال لايقدرون هذا العمل))) واتحداك لو مسكت البيت بمسؤلياته من اطفال الى ترتيب المنزل الى الغسيل بنوعيه الملابس والمواعين الى تنظيف الاطفال وتلبيسهم هذا غير الطبخ واستقبال الضيوف والى اخر اااااااااااااااااااااااااااااااااااااااااااااااااا ااااخره لا يااخي الكريم المراه تتحمل اكثر من الرجل وتضحي لاجله ولاجل ابنائه وتظل الى اخر عمرها تعطي وماتمل وهنا اقولها وبكل حب واحترام لزوجي اني لن اتركه مهما جارت الظروف وتغير الحال وساظل احبه وارعاه الى اخر يوم في عمري لان المراه اذا احبت (((احبت بكل اخلاص وتضحيه))) احب اذكر نقطه انو اللي يترك شريك حياته في الاغلب بعد ان تغير الحال وقست الظروف هم الرجال فكم من امراه تغير ظرفها وتغير حالها وساء وراح عنها زوجها وتركها الله يسامحك بس |
نسـيم الوسم ما اقولك الترك لا مستحيل زوجه تترك زوجها اذا قست
الضروف بس بالكلام يعني تقول ما معه شي ما يصرف مثلا او تعبان او غيره وتنسى الماضي الي ضيعه عشانها كرز لا تتذمرين من شي اولا واخرا انتي الي تسوينه قبل لا تنوينه لزوجك وحبك له انويه احتساب وطلب رضى الله عز وجل وبعدين لا جل انك تحبينه |
أبو سعود التميمي
صباح الفل والورد قرأت موضوعك بعناية فيه حاجة مهمة طافت عليك إذا كان هدفك من العطاء للزوجة هو من أجل أن تجد ثمرة فأنت مسكين ، أنت تزرع في كثيب رمل عقنقلي الصحيح : يجب أن تبذل وتعطي للمرأة والأطفال والبيت على أنه واجب أنت مسؤول عنه يوم القيامة كذا يكون صح ، وترتاح وتريح ثم هناك نقطة ياليتك تدير بالك عليها زين وتفكر فيها على انفرااااااااااااد وبهدوء النقطة هي : هل كل ثمرة فإنها قابلة للمشاهدة ؟ هناك ثمار لكن غير قابلة للمعاينة المجردة بإمكانك البحث في الحياة وسوف تشاهد نماذج كثيرة سأساعدك بمثال : أب يلاحظ ابنه ويعطيه ويرعاه ويتابعه الولد وصل الجامعة 1 ـ الثمار المشاهدة نجاح الطالب وحصوله على شهادة . 2 ـ الثمار غير المشاهدة ، الولد لا يتعاطى المخدرات << وهذه الثمرة تفاحة في شجرة السالمين لا يراه إلا المدمنين . :( نسأل الله السلامة والعافية أخيرا أنت ماشي في حياتك وعندك زوجة :14: غيرك ( وذ آوت وايف ) :24: تسلم لي وألف تحية ـ أبو سليمان ـ |
| الساعة الآن 02:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©