|
اقتباس:
ااااااااخ من كلمة ظلم ,, ان شاء الله ما أكون ظلمت الاولى,, نعم انا مااشكي من زوجتي الاولى, الاولى على عيني وراسي,, ممكن تكون غير سعيدة معاي لأني كثير المشاكل مع زوجتي الثانية وهذا يأثر على نفسيتي فبالتالي ما أقدر أسعد زوجتي, لكن تقصير قاعد أحاول قدر المستطاع اني ما أقصر عليها , خاصة انها هي الغالية بقلبي , ولا يوم بحياتي فكرت اني افارقها . وربي يوجهني لطرق الصواب يارب |
بس مانصحك تفكر في الطلاق عشان كدا حتظلم اولادك وكدا حتكون العواقب وخيمة المراة بعد الطلاق ماعاد ليها نفس تهتم باولاد ولا بطيخ والاولى كل ماتشوف اولاد زوجتك الثانية حتفتكر الغلطة دي وما اظن حتهتم فيهم الا يكون تفرقة بين الاطفال وانت شكلك عادل وتخاف الله فتدخل اولادك هذه الدوامة اللي مالها مخرج ارجوك
|
البلا كل البلا من الثانيه...واذا تبي تادبها نصيحه تزوج عليها جيب الثالثه على راسها واذا ماتبي تتزوج هددها وشف النتيجه؟؟
بعدين انتوا الرجال الله يهديكم يوم تقولون نبي نتزوج الثانيه لان نبي ونبي ...وووو...اشياء مالقيتوها في الاولى طيب وش الي يضمنكم ان الثانيه بتلقون عندها..؟؟الي مو عند الاولى؟؟؟ سؤال محيرني؟؟ وسؤال ثاني لو مايضايقك اخي صاحب المشكله...هل وجدت عند الثانيه الشي الي انت تبيه..خصوصا في العلاقه الخاصه كما ذكرت؟؟وليش مافهمت الاولى الي انت تبيه عشان تسويه لك؟؟وهل كنت تحبها ولا عادي؟؟ والان عنك زوجتين بامانه من تحب اكثر...وليش؟؟وايهم اجمل؟؟للفائده فقط واذا ماتبي تجاوب براحتك |
أخي الكريم أسأل زوجتك عن السبب "الرئيسي " للمشكلة او حاول أن تكتشفه بنفسك.. بالنسبة لي لا أتوقع انه الغيرة . الله يصلح حالكم ويصبركم على بعض... |
اقتباس:
مشكور أخوي الرسمي,, وجعل الله ماكتبته حرز لك من النار ,, |
اقتباس:
اولا..جزاك الله خير على عدلك لزوجتيك...(مع ان سبب زواجك على الاولى مااشوفة سبب مقنع انك تعدد والله يجزاها خير زوجتك انها بعدين تفهمت الامر وتركتك براحتك) ثانيا:زوجتك الثانية تغااااااااااااااااااااار عليك...مثلها مثل باقي النسوان...بس زياااااااااادة عن اللزوم... يعني ماقد فهمتها انك تزوجتيني وانت تعرفين ان عندي زوجة وهي ام العيال شئت ام ابيت؟ ثالثا:يمكن صغر سن زوجتك الاولى خلاها تغار...حتى لو مابينت... اللي فيها طبع صعب انة يتغير... اسالها السؤال هذا(انا قصرت في شئ معك؟؟)مع اني اشوفك مو مقصر... يمكن تختلق اعذار (بس ماراح تقول لك اللي بداخلها واللي هو انا ابيك لي لحالي واغار عليك) وهددها اذااستمرت على فعلها هذا لاتلوم الا نفسها(عساها تخاف ويكون رادع لها ) استخدم اسلوب الشدة معها(ماابي اشيشك عليها اخاف تضربها واستاثم بس اذا صار الامر هذا ياثر على البيت الاولى مسكينة ذيك وش ذنبها) لو انك مااسمك ابو فهد كان قلت هذا جارنا.....المسكين نفس قصتك...يبغى الراحة وتورط.. بس الطلاق شيلة من راسك...(بعد ايش يوم جابت من ولد وبنت وش ذنبهم) واتوقع سبب زواجك شئ بخاطرك ماارتحت الا لين صار....وصار اللي صار...:29: الله يعينك... |
اخي الفاضل ابو فهد
زوجتك(ف) %100انها تحبك جدا وتغار عليك وكذلك مبين انها امراه تحب الجدااااااااااااااااااال وانت عكس ذلك((يعني لاتحب االنقاش)) وايضا غيرتها مفرطه الله يعينها ويعينك وايضا عصبيه وتثور لاسباب بسيطه حاورها باسلوب هادئ واشرط شرط عليها عدم الغلط والسب والعصبيه ووضح لها انك رجل يبحث عن الراحه والسعاده واخبرها ^^^ان اسلوبك معي وعدم احترامك لي سبب لي الكثير من التعاسه وان اي علاقه خاليه من الاحترام علاقه مالها قيمه قولها((تحبيني اذا احترميني واسعديني ومالك اي تدخل بالبيت الاول نهائيا)) وانتي بحبك لي تستطيعين جعل يومك جنه لي ولك وقووول لها من(((((باب التهديد)))))))) دوام الحال من المحال وصبري ماراح يطول واسلوبك لو ظل ع هالحال راح يصير شئ انتي ماتبغينه فاصلحي من نفسك وحددي الاشياء اللي ماابيها والغيها من حياتك حتى تعيشي في سعاده وسلام معي نصيحه حاول تطول بالك وتصبر اكثر ان الله مع الصابرين وبرضه عشان عيالك وان شاء الله ((بالحوار الهادئ)) راح تهدئ اموركم وتصلون االى حل والله يعينك |
أخي الكريم اسمح لي ان أكلمك من قلب وأم ومطلقة تعرف عواقب الطلاق جيدا ... حضرتك بدأت موضوعك بأنك أنغريت بالتعدد ولم تكن متصور تماما التصور عن وجود مشكلات تنشا من التعدد , وتظن أن الزواج من ثانية مجرد فراش وزوجة جميلة وانتهى االأمر ( هذا وأنت تبلغ من العمر قرابة 36 قبل زواجك الثاني ومتزوج من 11 سنة وأب لأطفال) ولا أدري ماذا أبقيت للمراهقين والعزب , مادمت أنت المجرب متصور الحياة وردية !! فبدأت تمهد لنفسك أنك انغشيت بالتعدد وأنك لم تتصور الوضع ,, اخترت زوجة على معايير معينة واتممت زواجك وعشت معها فترة السنتين براحة وسعاااادة , بعد هذا بدات تدب المشكلات في بيتك الثاني بسبب الغيرة الغيرة هذه لن يكون مصدرها فرااااغ صدقني , هناك ما يهيجها وأنت من يفعل هذا ... مستحيل تعدل بين زوجتين وتقوم بواجبات اثنتين وكانت احداهن هادئة ومن ثم فجأة هاجت من دون سبب وتتهمك أنك لا تعدل بينهن ... هذا في الغالب غير معقووول ولابد له من أسبااااب هيجت غيرة المراة الثانية ... واستمرت حياتك معها نكد في نكد , والآن انت تقول لنا ماذا أفعل !! ماذا تفعل !!! أولا : أولادك من الثانية ليست مشكلتهم انك منت مقدر موضوع التعدد ومنت مقدر ان التعدد في مشاكل حاله حال اي زواج , هذه مشكلتك أنته مب مشكلة عيالك علشان تحملهم مسؤوووليته !!! وتجينا بكل براءة تدعي عدم تصورك لحقيقة زواج التعدد ... لا يا أخي هذه مشكتك وانت الذي ستوجد لها حل يتضمن مصلحة الطفلين أولا وأخيرا ... ثانيا : ابحث عن سبب هيجان غيرة الثااانية فهي لن تهيج من غير سبب خصوصا أنها كانت هادئة وفجأة ثااارت ... ثالثا: هل تعتقد أنك ماسك بزمام بيتين بحكمة ؟ لا أظن هذا فأنت متهاون في جوانب لا ينبغي التهاون فيها وصورتك عند الثانية وكأنها لا تخشى فيها كثير من فراقك لها ولهذا هي معتمدة على هذا الامر ومتأكدة أنك لن تطلقها .. رابعا : هل ترى أنك استنفذت جميع الحلول ؟ انت طلقتها تأديبا ... طلقتها يومين ورجعتها !!! أين تأديبك لها ؟ كان ينبغي ترسل لها مصروفها ومصروف الاولاد مع أخوها , لا تجيب على اتصالاتها ولا تكلمها وتقطعها لمدة حتى توشك العدة أن تنتهي وترى مدى تغيرها وندمها , اما تطلقها اليوم وترجعها غدا فما الفائدة ؟؟؟ حقيقة أنا أدعوك أن تعيد النظر فيما تفعله فأنت لا تتصرف بحكمة وحزم كافيين |
اقتباس:
ما فهمت وش تقصد أخوي!! زوجتي الاولى وش دخلها بالاصلاح!؟؟ أخوي أنا لي 3 سنوات ماكل تبن مكرم السامع - ولا تهونون, لا أنا متهني مع قرة عيني ولاني مرتاح من العلة اللي جبتها بيدي.. أنت عارف أخوي وشي ثلاث سنوات ,, ثلاث سنوات وكل سنه اردى من اللي قبلها, أنا ما قاعد أشوف نفسي وبس,, أنا برضو أشوف حال أسرتي بكاملها,, عيالي منها كل ما أكون عندها لابد من الصراخ والزعيق من قبلها,, عيالي صاروا يكرهوني يحسون اني انا اللي أجيب لهم المشاكل. ولما ما اكون عندهم مدري وش حالهم!!! بيتي الاول تضرر من سوء تصرفاتها,, وأتصالها عليهم وسبها لهم , نفسيتي صارت بالحظيظ بسببها . وأرجع أعيد وأزيد أخي الكريم لو صار الواحد عنده ضغوطات وشلون تقدر تسعد اللي حواليك,, أهلي أمر عليهم على السريع تجنبا لسؤالهم عن سبب ضيقي خاصة الوالد الله يحفظة ابوي رجل معدد وحذرني من التعدد وقالي لاتشتري بحلالك عله ,, بس بيني وبين نفسي قلت ايه هين وهذا كلام شيبان والوضع الان افضل من أول والامور الان بسعة,, بس فعلا ضاقت فيني الوسيعة,, عاجز مدري وش أسوي الله المستعان |
الماضي الدفين مدري وش دخل زوجته الأولى بالموضوع
استغرب تحشريها بكل رد؟؟؟؟ معليش اختي لاتزعلي مني انا من المحبين لرردودك |
| الساعة الآن 08:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©