|
سكوتك من الاصل كان غلط لانك سكتي عن الباطل و هو واجب عليك النهي عنه اذا صدر من اي انسان مسلم فكيف اذا كان زوجك!!!!!
من لا يخاف الله لا يستحق ان يكون زوجا و سندا.....كوني صارمه في شروطك للبقاء معه...او يتغير او يذهب كل في طريقه ... هذه العلاقات المحرمه تاخذ صاحبها الى الهاويه و تشده الى الاسفل يوما بعد يوم فاذا لم يكن هناك نيه صادقه و توبه نصوح فلا امل من التغيير....والله الموفق |
السكوت لا يجيب حل
|
اقتباس:
الله يلهمني الصبر والحكمه ويرشدني للصواب مشكوره يالغاليه |
اقتباس:
والله يالغاليه منتظره على نااااااااار ابي افاتحه بالموضوع مره ثانيه مثل مانصحتوني وهو الى الان يتهرب مني ومو معطيني فرصه اتناقش معاه لانه عارف نفسه والله اني ماسكه اعصابي بالقوه ونفسيتي مدمره على الاخر بس احاول اهدي نفسي ابي اسوي كل اللي علي عشان مااندم صبر جميل والله المستعان مشكوره حبيبتي على سؤالك ودعائك لي |
اقتباس:
اللهم امين ليته يحس بالنعمه اللي هو فيها بس اكيد بيحس لما يفقدها اللي يحل لنفسه الحرام يحرمه الله من الحلال مشكوره حبيبتي جزيتي خيرا |
اقتباس:
1_ زوجي مايخاف من احد وعنده المال لكنه عنييييييييييييييييييييييييييد جدا ومايحب النصح من اي شخص اذا احد نصحه يعند ويزيد اصراره اكثر يكابر كثيييير و يخاف على صورته في نظر الناس لانه يحب يكون افضل شخص في نظرهم وللاسف كله ريااااء لذلك لايتقبل اي انتقاد من اي شخص بس عفوا اخوي مافهمت قصدك من الضغط عليه من خلال نقاط ضعفه او قوته؟ 2-تصرفاته لها علاقه كبيره بإهماله لصلاته رغم اني من بيت محافظ و متدين واهلي قبلو به لانه معروف بمحافظته على صلاته بس للاسف اكتشفت بعد الزواج انه مرائي بس قدام الناس يتسابق على الصفوف الاولى في الصلاه ويؤم بهم اما في البيت مايصلي ولاركعه الا اذا كلمته لانه مرات يستحي مني ويقوم يصلي ومرات يعند واذا تركته وماذكرته بالصلاه ينام بدون صلاه ويروح الدوام بدون صلاه فكرت بالطلاق في بدايت زواجي لاني صدمت من اهماله لصلاته وسالت شيخ في هيئه الامر بالمعروف والنهي عن المنكر قالي الشيخ اذا لم يترك الصلاه كفرا بها او منكرا لوجوبها وكان تركه لها تهاونا منه وتكاسلا فلا يجوز لك طلب الطلاق بل اصبري وجاهدي في مساعدته ونصحه الدائم نفسيتي إستائت جدا من اهماله لصلات طبعا ماعلمت اهلي من باب الستر عليه وصابره معاه وانصحه دائما واذكره بالصلاه واحتسبت اجري على الله والحين زادت صدمتي بخيانته ساعات اقول انه انا السبب اللي صبرت وسترت عليه والله ماادري اخوي هل اللي انا سويته صح اوغلط جزاك الله عني خير الجزاء |
اقتباس:
انا بعد مثلك لمااكتشفت خيانته من اول اسبوع بزواجي ماسكت واجهته وهددته اني بروح لهلي واعتذر ووعدني انه ماراح يعيدها قبلت ومشيت الموضوع بس للاسف تفاجأت قريب انه رجع لها الطريق مره ثانيه الله المستعان سعدت بمرورك حبيبتي |
اقتباس:
لاحول ولاقوه الا بالله الله يعوضك خير منه مشكوره على النصيحه |
اقتباس:
صدقت اذا رحت وتركته يمكن يحس بقيمتي ومن يدري يمكن ماتفرق معاه الله يكتب اللي فيه الخير مشكوره حبيبتي |
اختي اول شي احب اقول شي ترى اغلب الرجال اللي يخونون يكونوا اصلا على علاقات مع بنات قبل الزواج وطبعا مستحيل يتزوج اي وحدة فيهم ويختار او يخلي اهله يختاروا له من بيت اصل وفصل وذات الدين والاخلاق ,,,
وبعد الزواج في منهم يكون عنده ذمه وضميره يصحى وايمانه يقوى ويخاف على زوجته وبناته ويبطل خرابيط ,,, وفي منهم لا خلاص ضمن زوجه بالحلال واجهة قدام الناس وتخلف له عيال وتقوم بخدمته وتلبي طلباته وفي نفس الوقت يستمر في خرابيطه قال ايه يتسلى وزوجك من هذا النوع ... نصيحتي روحي لاهلك... لمي ملابسك وقولي له وديني بيت اهلي انت مو راضي تتناقش وتقول انك رجال تسوي اللي يعجبك خلاص انا مو عاجبني هذاالوضع وماراح اخلي واحد زيك يربي عيالي هالتربية المنحرفة واصري على روحتك وشوفي كيف راح يخاف ويرجع هو اللي يعتذر منك ويحسبلك الف حساب ,,, واذا رحتي لاهلك مو ضروري تقولي لهم السبب قولي لهم ابي ارتاح عندكم كم يوم تعبانة واذا ابوك وامك متفهمين وحكيمين تكلمي معاهم بالموضوع وفهميهم انك تبغي تادبيه وهم راح يساعدوك ,,, اختي اكثري من الدعاء والاستغفار ورددي(اللهم سخر لي زوجي واجعله سكنا لي ,,, وسخرني له واجعلني سكنا له ,,, واجعل بيننا مودة ورحمة) |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©