منتدى عالم الأسرة والمجتمع - عطوني رأيكم في مهزلتي الزوجية وانتحار حبنا (مستجدات 327)

صفحة 4 من 36

الأخيرة »

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - عطوني رأيكم في مهزلتي الزوجية وانتحار حبنا (مستجدات 327) (http://www.66n.com/forums/showthread.php?t=221294)

forgiveme

10-03-2011 12:21 AM

اقتباس:

المشاركة الأصلية كتبت بواسطة a7bha (المشاركة 2584346)

الحمد لله لا ادخن ولم ادخن في حياتي ولا اشرب ولم اشرب مستقيم حتى المغامرات والعلاقات العاطفية رغم توفرها الا اني مشغول بعملي ودراستي العليا وتشتكي من عدم تواصلي اجتماعيا مع الناس والسبب اني منشغل جدا بعملي ودراستي واشتكت من البخل وانا سفرتها الى 5 دول اوروبية في شهر العسل هذا غير السفرات كل صيف وجبتلها 5 شغالات في فترة الزواج اللي هي 6 سنوات ودلعتها اكثر مما ينبغي بالذهب وخلافه ومهتم بها عاطفيا وجسديا وابدي لها حبي وهي نفس الشئ لكن المشاكل من الاهل تراكمت0

اخي الكريم...
ماشاءالله لاقوة الابالله...انااشوفك ماقصرت عليها بشئ هذا غير اخلاقك الحميدة اللي تنهاك عن رذائل الاخلاق....والغيرة على زوجتك نابع من حبك لها....بس للاسف زوجتك ماادركت الشئ هذا...
ولاراح تدركة الا اذا صار اللي تبية (الطلاق)وجلست في بيت اهلها فترة ...ذاك الوقت تضرب اخماس باسداس على قرارها...
حتى لوالاهل بينهم مشاكل...هذاشئ يصير في اكبر البيوت عــــــــــــادي مو سبب انها تطلب الطلاق منك...
لو على كذا كل البنات بيطلبون الطلاق...
دام الزوج قايم بحقك وزيااااادة....ليش الطلاق؟؟؟؟
وابوها للاسف يراكض بالمحاكم...اللي بياكلها هو صدقني...وراح يندم هو وبنتة....
اذا شفتها مصرة الله يعينك...خلها تشبع من هواها...
وانت الشرع محللك اربع...

forgiveme

10-03-2011 12:38 AM

اقتباس:

المشاركة الأصلية كتبت بواسطة a7bha (المشاركة 2584414)

كلامك سليم لكن المشكلة اني متعلق فيها وفي الاطفال بشكل خيالي في آخر مكالمة كلمتها قبل 3 ايام قلت وش اللي يرضيك لو تبين 50 الف ريال جبتها لك تدرين وش قالت قالت والله لو تكتب الفيلا بإسمي ما رجعت لك انا انخرست ولا تكلمت لأني تذكرت ان المشاكل زادت واتصالات امها زادت بعد ما شريت الفيلا اللي صارت حديث القريب والبعيد كيف واحد عمره 30 ويشتري فيلا من غير ما حد يساعده والله التفكير ذبحني والاوهام دخلت برأسي ما ادري وش يبون بتخريب بيتي؟؟

ليش انخرست؟؟؟:29:

ليش ماقلت لها اتقي الله بكلمتك هذي..
ماتدرين لو الله بلاك بواحد يستكثر عليك الريال....
موقفك هذا ذكرني بواحد مثل وضعك يحب زوجتة...استغلت الوضع هذا وكل شوي عند اهلها...والمسكين طقم ذهب رايح وطقم ذهب جاي....يعني استغلتة...وبالاخير قالت طلقني ابي اعيش مع واحد ثاني عيشة احلى من هذي..............وش سوى؟؟؟

تركها فترة معلقة(يغثها)وتزوج وبعد زواجة بفترة..طلقها...
هي طبعا تزوجت شايب مسكنها في بيت مافية مكيفات(عقب العز اللي كانت فية)
وطلقها وتزوجت بعدها بعقيم....ونادمة اشد الندم...
المراد من الكلام هذا كلة

زوجتك للاسف مو مقدرتك ولاحسبت حساب للايام الجاية.....
والخسران بالاول والاخير هي...

ابو جـــــوري

10-03-2011 01:30 AM

وعليكم السلام ورحمة الله وبركاته

والله ابوها هذا انسان مريض

الناس تبني وابوها يهد والله صدق أبوك

اخوي الفاضل :

زوجتك أنسانه تنقل أسرارك واسرار بيتك لأهلها واهلها يوجهونها يمين ويسار

ومو بعيده انهم يعلمونها وش تسوي ضانين منهم انها سوف تكون الآمره الناهيه في البيت وهي الكل في الكل

لكن ما أقول غير الله يهدي ابوها

انت فتحت لهم هالباب وهم استغلوه

شافوك طيب قالو خينا نطلع على ظهره

والله يا اخي الفاضل قصتك عجيبه

في شي مبهم في السالفه

اكيد في سبب لكل هذا

إنت روح المحكمه وطبيعي خليك وان طلبو الطلاق حقهم بس أنت لك مهرك وكل شي تاخذه

مو معقول ان حرمتك لها الدرجه بايعه العشره وهي عندها اطفال

الحريم يتحملون عشان اطفالهم وعشان ماينحرمون من حنان الأب ويعيشون عيشه طيبه

الله يصلحها يارب

المنبجس

10-03-2011 07:27 AM

لاتطلقها على شان عيالكم .....و تزوج بالثانية بس مو علشان تأدبها وتظلم الثانية لا
عيش حياتك مع زوجتك الثانية وأنبسطوا ومتى ما أنطحن الحَب الي براسها هي وأهلها ترجع لبيتها
وانت ذك الوقت بتعدل بينهم بأذن الله...

ملاحظة مهمة : فهمت من كلامك بأنك شخص طيب ولاتحب المشكال,,, وعلشان كذا إذا مابتتغير في المستقبل ماأنصحك بالزوجة الثانية لأنك ماراح تعدل وأنت بالطيبة الزائدة هذي...

ليه الغرور؟

10-03-2011 09:37 AM

الي انا استغربه...تصرف اهلها...معقوله فيه اهل ماينصحون بنتهم ولايتفاهمون...
معقوله فيه اهل يرضو على بنتهم الطلاق لا وباصراربعد

هم شايفين بنتهم وكيف انت مرفهها..وهي بعد عندها شغاله وفيلا وكل طلباتها مجابه ...كيف تقوم تطلب الطلاق عشا شي تافه بس لانك طلبت منها تكو علاقتها رسميه مع خالها...من حقك تمنعها تكلم خالها وقت الفجر وليش الرسايل الي ترسلها اصلا وليش تكلمه م وراك ليش ماتكلمه قدامك..طيب الرسايل ليش تمسحها ايش كان مكتوب فيها..كل هذا يثير الشك..
المفروض يوم سمعتها تكلم الفجر تدخل عليها وتاخذ الجوال عشان تشوف الارقام قبل لاتمسحها وتقطع الشك باليقين..
مو معقوله تطلع شريحه من وراك عشان بس تكلم خالها..ليش خالها مقطوع من شجره ..هي لو انها حكيمه كا تنازلت عن مكالمة خالها للابد بمقابل الرفاهيه الي انت موفرها لها لكنها اختارت الطريق الي هي تبيه..وتصرفها ماله علاقه لا بعين ولاحسد لانها مو مريضه ..وبكامل قواها العقليه
المشكله هنا ان اهلها واقفين معها والاهل اذا وقفوا مع بنتهم خلاص معناه كل شي منتهي..الله يعينك بس..الي مثلها مايفوقون الابعد الطلاق..وياليت تثقل و تخفف من ترجيك لها هي شافت نفسها عليك ونافشه ريشها لانك مبين لها انك تحبها وماستغني عنها..

ليه الغرور؟

10-03-2011 09:45 AM

اقتباس:

المشاركة الأصلية كتبت بواسطة a7bha (المشاركة 2584486)

اخي الكريم اشكرك على مداخلتك والحقيقة ان اللجوء إلى الإمارة غير مجدي لأن ما فيه شي بالغصب وانا لا اريد عودتها مغصوبة وانا دخلت رجال لهم قيمتهم في هذا الموضوع لكن ابو زوجتي منقاد لبنته وامها ولم يقدر الرجال الي جاؤوه لمحاولة الصلح انا حيرتي في موضوع الطلاق هل ابادر بالطلاق او انتظر ان يجددوا دعواهم في المحكمة لأني بأمانة انسان احترم نفسي ولا اريد ان اتمرمط في المحاكم ولكن هناك من اشار علي بأن المحكمة قد تحاول الاصلاح لكن هي ابدت عدم رغبتها في الصلح لكن اللي حيرني طلبها للخادمة هل هذي اشارة او لا لأن اللي تطلب الطلاق كيف تطلب خادمة؟؟

عادي تطلب الشغاله تجي مع اطفالها.على اساس انها شغالة اولادها وانت تدفع راتبها. واضح وضوح الشمس ليش محتار..
وبعدين انا استغرب وحده من اول سنه زواج وفي بيتها خادمه..اجل هي وش وظيفتها في البيت..الا اذا كانت موظفه هذا شي ثاني..

a7bha

10-03-2011 11:05 AM

اقتباس:

المشاركة الأصلية كتبت بواسطة ليه الغرور؟ (المشاركة 2584726)

المقصود طول الله عمرك ان الوحدة اللي تبي الطلاق خلاص تنسى الرفاهيات اللي كان يقدمها الزوج ومن ضمنها الشغالة والجقيقة اني بدأت بإجراءات تسفيرها من الآن وهي ما دامت تطلب الطلاق تتحمل حتى اني لو طلقت مستحيل آ خذ منها ريال واحد لأن هذا يتعارض مع اللي تربيت عليه صح ان الشرع يبيح لي لكن ما ارى هذا رجولة تظل ام ولدي وبنتي0

a7bha

10-03-2011 11:08 AM

اقتباس:

المشاركة الأصلية كتبت بواسطة ليه الغرور؟ (المشاركة 2584721)

بالضبط اصلا ما خربها الا أهلها وخصوصا امها عانيت منها الأمرين من كثرة تدخلاتها وحاولت اقف في وجهها بعدما طفح الكيل فحاربتني للأسف واقنعت بنتها بالطلاق وهم اصلا عائلة عادي عندهم الطلاق مثل السلام عليكم 3 من عماتها مطلقات وكان وكيلهم ابو زوجتي ما يعرف يحل المشاكل 0

a7bha

10-03-2011 11:11 AM

اقتباس:

المشاركة الأصلية كتبت بواسطة المنبجس (المشاركة 2584694)

ملاحظة مهمة : فهمت من كلامك بأنك شخص طيب ولاتحب المشكال,,, وعلشان كذا إذا مابتتغير في المستقبل ماأنصحك بالزوجة الثانية لأنك ماراح تعدل وأنت بالطيبة الزائدة هذي...

في حال طلقتها سانتظر لفترة لعلها تراجع نفسها فان لم يكن سأتزوج لكن لو تزوجت صعب ترجع لي خلاص لا هي تبي تكون مع شريكة ولا انا رايق لمشاكل زوجتين زوجة بلشت فيها كيف زوجتين صحيح ان البشر يختلفون لكن والله زوجتي كرهتني بالزواج0

a7bha

10-03-2011 11:18 AM

اقتباس:

المشاركة الأصلية كتبت بواسطة ابو جـــــوري (المشاركة 2584627)

عزيزي بالنسبة للمهر هناك من أيدني باسترجاعه لكني بصراحة ارى في ذلك منقصة للرجل واهانة
اما بالنسبة لوجود شئ غير طبيعي في الموضوع هذا الشئ انا متأكد منه وعجزت عن فهمه هي بنت وحيدة امها مع 5 اخوان شباب وامها متعلقة بها بشكل جنوني وابوها وامها مو مرتاحين لبعض كثير وحاول يتزوج ووقفت بنته في وجهه اللي هي زوجتي وكانت تدعي عليه بالموت وكنت احاول اهديها المهم في تلك الفترة طلبت مني اوديها لطبيبة نفسية وشخصت حالتها باكتئاب شديد المهم اني عرفت بعد كذا ان مر عليها حالة نفسية قبل زواجي منها وهي بالثانوي وتعالجت عند شيخ بالرقية الشرعية وحاولت اتكتم على الموضوع ولا اثيره لاني احبها وما ارغب بالمشاكل0

الساعة الآن 12:45 AM.

صفحة 4 من 36

الأخيرة »

عرض 40 مشاركات من هذا الموضوع لكل صفحة