|
اقتباس:
اللي قبل مايجون اهلي فيها اقصد فترة زواجي .. كان بيني وبين اهله حزازيات .. لما اناقش زوجي اقوله للي يصير تفضل مني مو من واجبات يقولي طيب عارف بس انا احب تسوين كذا .. ومرات في بعض الامور يحسسني انه واجب ويتفاجا يوم اقوله مو من واجبي .. زي ماقالت اختي سيدة الموقف بعض الامور الي نشوفها مو واجب هم بعقليتهم واجب .. من عبارات امه وتقصدني بالكلام ( اذا مرته ماخدمت امه وش يبيبه ) |
انا ذكرت بموضوع لي سابق سالفة ولد اخوه ..
كنت اناقشه على جيات الولد البيت .. يجي هو بالوقت اللي انا يادوب اجلس معه مع زوجي يدخل معه او يناديه .. ويقعد يسولف معه ويلعب ساعه ساعتين بعدين يطلع الولد فوق .. بعدها زوجي يحط راسه وينام .. وانا مالي بذا الوقت .. تكرر هالشئ كثير وصرت اتضايق نحط الاكل يناديه ( احيانا ) وانا طوله الاكل مره اجيب له ملعقه مره صحن مره عصير .. غير كذا انا طبعي مااحب الاطفال ياكلون معي - اقرف- مااحب تخبيصهم ,, ومرات والله مااكل الا مجامله .. ومره ناقشته عن الولد يجي بيتنا عادي بس فيه حدود معينه يقوله انتي تبغين تردين ولد اخوي؟ تراه ولد اخوي من لحمي ودمي ( ماادري وش مناسبة هالجمله ) رفض اني اكمل نقاش .. وقال تبغين كل شئ على كيفك ! طبعا .. رومنسيات منه لي اختفت من رابع شهر من زواجي .. عشان كذا المواضيع اللي تتكلم عن قلة رومانسية الزوج مااشارك فيها لاني اعاني من نفس المشكله ولا عندي حل .. مره كان طالع دوامه وطلبت فقط ضمه ... يصد ويتعداني ويقول انتي فاضيه ..او ضمه سريعه اي كلام .. بالمقابل انا اشوفه مع عيال اخته واخوانه .. يضمهم ويبوسهم ويوم اشوفه يسوي كذا احس بداخلي حسره وايامها انا بالشهر السادس من زواجي ..( مااحبيت اتكلم عن هالجزئيه لكم بس اوضح كم نقطه بحياتي مزعجتني ) |
حبيبتي
موضوعك صح يقهررررر ولكن لايحتاج الى انك تفكرين بلانفصال من هلموضوع\.... يعني حاولي مره تجارينه شوي مره تطنشينه مره تغاضي عن الرد يعني لاتحطين راسك براسه وتردين بكل امر لان قلبه بيزيد ويبي يمشي كلامه عليك بكل امر يعني حاوريه وكوني ذكيه واسلوب حلو يعني مثلا يوم ولد اخوه عندكم فقولي له حبيبي انا فقدك وفقد وجودك وضحكتك صرت منشغل عني بس تجيء وتنام ان ودي تحدد يوم بلاسبوع لجية ولد اخوك لاجل يسلينا لكن الايام ال2 ابيك لي انا ابي اونسك واسولف معك وووالخ يكون هدفك حل الامر ويكون اسلوبك حلو اما اذا قولتي له ااسلوب عادي احس مابيتقبل ويقول تتامري علي وان قالها قولي حشا انا مااحب اتأمر ع حبيبي وبكذا تهدىء نفسيته ويتقبل مبدئيا كلامك وبيسكت يعني خلي كلامك يتخلله كلام حلو ويهدي لاجل يسمع لك استخدمي ذكائك فقط بلكلام الحلو والصوت الهادىء ... وعن غرفة النوم فااكيد امك مستحيل تمنعينها من شوفة الغرفه وزوجك قالها يريد ان يرد لك الصاع صاعين ولسبب انك منعتي بنت من اهل زوجك فلو انك قلتي ان شاءالله يعني مرري الموضوع وان بديتي تورين اهلك البيت فاافتحي غرفتك وان عرف زوجك قولي لو انك امك طلبتني روية غرفتي لكان وريتها من باب الاحترام لها وكأم افتح لها غرفتي لرؤيتها وليس لتفتيشها سوى من امي او امك في فرق ولكن افتح غرفتي لكل الاقارب سوى من جهتي وجهتك ! ف احس مافي خصوصيه ابدا فمنهم من يمكن يبحث عن نقد او استهزاء بلغرفه او بااغراضها فهلغرف خاصه بنا . وانتهى جادلي برد حلو هادىء ويتخلله كلام حلو وزوجك صدقيني بيسكت ومن ناحية اهله فياحبيبتي استمري ع فعل الواجب منه فقط ولستي ملزمه بلقيام ببيت اهله الا اذا تطلب الامركعزومه عندهم مثلا وان زوجك فتح الموضوع اكثر من مره فقولي الله يهديك حبي كم مره تجادلنا بهلامر ..؟ خلاص حبي مابنعيد كلامنا . |
اقتباس:
احيانا اقول يمكن هاذي بداية الحياه بعد سنتين واكثر يمكن يهدى ويفهم .. ومرات اقول هذا طبعهم وصعب اغيره .. جزاك الله خير اختي . |
حبيبتي
توك لك سنه وكم شهر ؟؟ استمري ع اسلوبك لانه صح وهو عدم تدخل احد من اهله بغرفة النوم مثلا وغيرها من الامور لاني لاارى انك اخطئتي بشيء وما عليك مع الايااااااااام بيتعود ع طبعك وهي الخصوصيه . |
اقتباس:
صح بينا حب بس مافي تفاهم ..بالذات اذا الامر متعلق باهله .. اناقشه .. اقنعه .. مجرد طلوعه من عندي ويتكلم معاهم احسه يرجع لنفس التفكير .. يعني لو عشت بعيد عنهم لكان الحال افضل بكثير .. دائما يسعدني تواجدك .. |
مادري ليش احس زوجك مأخذ فكره عن الزوجه انها ضد اهل الزوج , واضح انه متأثر بقصص او مواقف
فهو علطول يتحسس منك تجاه اي موقف لاهله .. جربتي تجيبين هدايا للام والاخوات ..جربتي تنصحينه ببر امه وانه لازم يدعي لها ويتصدق عنها ,, وانه لازم يزور خواته حتى لو كان يزورهن |
اقتباس:
وولو شفته زعلان من امه وربي انا اقوله مرعلى امك وماعليش .. وهي لو تزعل على ولدها تزعل مني بعد حتى ولو مالي دعوه بالموضوع لاني تشك اني محرضته عليها .. اذا عججزت اكسب رضاهم ... على الاقل ابغى يكفوني خيرهم وشرهم .. |
حبيبتي الكثير من الرجال ومنهم زوجي نفس الطبع يعتبرون الزوجه ضد اهل زوجها ولاينفع لاطيب ولااي شي لان الفكرة مترسخه بالدماغ خلاص
لكن تجربتي 13 سنه تقريبا اجعلي الى اهل زوجك حدود بكل شي سواء قبل زوجك او لا واهم شيء تعمليه تدلعي زوجك اخر دلع واخر دلال الاكل افضل اكل البس الفراش وانتي تعرفين المعنى دلعيه بالكلام خليه يجنن جنونه بك ويشتاق الى بيته في كل لحظه وافضل ان تتسرعي بعمليه الانجاب لانها تقوي صله الرجل بزوجته وبيته وبعدها يصبحون اهله الجانب الغير رئيسي في حياته الحمد لله انا عملت هل الشي ونجح لكني لااقل ان يزعل على اهله وانصحه يتصل بهم ويبعثلهم هدايا لكن انااا لا انا برانيه عن الموضوع ليس لي دخل اقول له اهلك لك ولاامنعك عنهم واهلي لي واقتنع اخيرا بعد هذه السنين وبعد المشاكل التي شاب منها الراس اتمنى لك الحياة السعيدة |
اقتباس:
|
| الساعة الآن 03:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©