|
هلا روح واخواتي الحلوات
الاخوات ما قصروا 00 وجايه متأخره كما قالت غاليتي بنت مكه لكن اللي جبيت اضيفه 00 أن كل طفل يحتاج لإسلوب تربوي فمنهم الشقي جداً 00 فهذا لا بد أن يهابك بإحترام حتى وأن وصل للضرب الغير مبرح0000 ومنهم اللذي لا يسمع الكلام 00 فلا بد أن تتدرج بالعقوبه معه إلى أن يتوب ومنهم اللطيف المسالم 00 ولكن مشاغب 00 فهذا لغة الحوار تنفع معه لا احب مسألة الحرمان واحب أن يكون للوالدين هيبه إحترام وليست هيبة خوف عندما نربي اطفالنا في بيوتنا حق التربيه سينعكس ذلك على الاطفال والوالدين في المجتمع من حولنا ونقطه اخيره الطفل يربى من اليوم الاول لوالدته ( فإما ان تربيه او هو يربيك ) لإن بعض الامهات ما تصحى لتصرفات اطفالها إلا بعد سنتين وتلاحظ أنها فقدت السيطره يجب أن نحملهم القيام بمسؤولياتهم وتصحيح اخطائهم 0 ** ياليت تسمعين او تقرأين للدكتور إبراهيم الخليفي 00 تربية الاطفال وغيرها يمكن يعجبك وينبهك لأمور معينه 00 |
اسرة ..
اقتباس:
يصير شخص حقود و ما ينسى الإساءة و يشيل في قلبه .. و باالنسبة لعدم الحديث ، فصح كلامك .. أول مرة أتأثر و بعد كذا ما صار يهتم :( ........................................... المسداني .. المشكلة كمان إنه ولدي ما عنده أخوان و لا أخوات .. فما أحب أزعله و يجلس لوحده يبكي و ماحد يطبطب عليه .. عكس بزورة أختي ، ما شاء الله يوم تخاصم واحد منهم ، ألاقيه يجلس يفضفض لأخوه و كمان زوجي إذا شافني زعلت ولدي ، يقوم هو كمان يخاصمه .. فنصير 2 ضد 1 .. عشان كذا ما كنت أحاول أشد مع ولدي ، أقول كفاية أبوه .. :25: و أبدا و نادرا ما أضربه ، و دايما عقابي له بالشئ اللي يناسب الغلط .. عشان كذا حسيت في الأخير إنه طريقتي مامنها فايدة و لا صار يسمع كلامي :( بس استفدت من جد من نصايحكم و بأطبقها .. :22: و أنا مثلك ، ما أكلت أي ضرب من أمي و لا أبوي الله يرحمه .. الضرب ياكلوه الكبار و نحن اللي نتعلم من أغلاطهم .. :d و معاك حق ، الإنتقاد هو اللي يأثر .. و هذه النقطة اللي لخبطت بينها و بين تأثير الضرب .. لإنه أمي مثل أمك ، تنتقد و ما تمدح .. عكس أبوي الله يرحمه كان دايم يرفع من معنوياتي ^_^ و ولدي دايم أتقصد أمدحه قدام الناس و أخليه يسمعني ،. و الطريقة نفسها استخدمها مع أي طفل ، و أمدح فيهم دايما .. و يعجبوني الأطفال يوم تمدحيهم و يبدأوا يخجلوا و يطيروا من الفرح و يعملوا حركات بطولية :d ............................................... مهره .. ولدي مثل ولدك ، حنون مرة علي وحساااااااااااس .. عشان كذا أخاف أضربه و يتأثر .. اقتباس:
................................................ المسداني .. اقتباس:
و يعاملني مثل ما كنت أعامله بحنان .. بس أحس من كثر ما أعطيت لولدي كل الحب و الحنان ، إني راح أقصر مع الطفل اللي جاي في الطريق .. من جد ، ما أحمل له أي مشاعر و أخاف لا شعوريا أفرق ما بينهم ..؟؟؟ : ( |
|
ما شاء الله عليكم متجمعين هنا ذكريات وأساليب وفضفضات
شوفي يا اختي أنا كنت أتعرض للضرب لكن مواقف معينة وبالضبط كيف كان ما أذكر على نفسي وللأسف كنت أتعرض لضرب ولنقد لاذع كله في سبيل إني أكون زي الألف وما أخطأ وأكون أحسن الناس وأحسن وحده تعليم وطموح وإنجازات لكن للأسف كبرت وأنا دائما خايفه وحقي يآخذونه مني وأنا صغيره في المدرسة حتى الكلام ما أعرف أتكلمه زين يعني انهزت ثقتي بنفسي ليومك هذا أعاني من تبعات التربية مع إني كبرت وفهمت وكلش لكن ما تخطيت كل رواسب الطفولة ولحد الحين أخترع من الصراخ العالي ويأزمني وبالنسبة لأطفالي للأسف بعض الأحيان أسقط طفولتي عليهم لا شعوريا من الصراخ أو الضرب على إني معتمده الحوار والإقناع كأساس لكن لازم يجي صراخ وضرب مساكين الله يعينهم علينا خصوصا إذا قلتي كم مره وهم مطنشين ولا يعيدون يكررون الخطأ لكن الحمد لله الضرب مو على كل حال ولا هو بذاك الايلام النقد الحمد لله محاولة أتجنبه بشكل كبير لأني أحسه هو سبب التأثر السلبي الأكبر على شخصيتي أستخدم الحرمان من الأشياء اللي يخربوها يعني مثل اختي اللي قالت لو شخبطت بنتي بالألوان ولا رمتهم أرفع عنها الألوان فترة صحيح تتأدب لكن بعد فترة ترجع لعادتها يعني يبغالنا نعيد ونزيد الله يعينا اقتباس:
أول مره أسمع كذا وكنت أعتقد انه مجدي لأنه فعلا يضايق الطفل إذا درى ان أمه زعلانه ولا ما تبغى تكلمه لكن فعلا حصلت مواقف تزعل بنتي وترجع تقول لا تكلميني أنا زعلانه وتمشي وفعلا توبيخ الأم وضربها أخف شدة من توبيخ وضرب الأب ومثل ما اتفق الجميع انه الحنان والتعبير عن الحب مهم جدا لأنه الطفل ما يفهم كذا ويعي من نفسه يستنبط من اللي يشوفه يعني كثير كنت أحس إنهم ما يحبوني إذا وبخوني ولا شيء وقت كنت صغيرة فالحين إذا صار ووبخت بنتي ولا شيء أبين لها بعدها إأني حبها وأخاف عليها ومن هذا الكلام ومن خوفي عليها وبختها ولا أحد ثاني ما اهتم انتي شتسوين صح ولا خطأ التربية صعبة الله يعينا ويقدرنا نبذل ما هو خير لهم استفدت من الجميع الله يوفقكم والله يعينك عزيزتي حمل وطفل في سن يبدأ يعاند ويفرض شخصيته ويتعمد بعض المرات يستفز والدينه |
روح معليش على المداخلة في موضوع تصدقين ياcolors من وقت الطفولة إلى الحين ماأقدر ادافع عن نفسي وثقتي بنفسي معدومة من أثر الضرب والإهانات قلبتي علي المواجع وربي حتى مجرد ماأسمع صراخ أتعب كثييير وخصوصا تتأزم معدتي عشان كذا دايما أقول لكل الأمهات انتبهوووووووووا لاتضربوا أطفالكم ضرب مبرح خصوصا عالوجه لاتهينوهم عززوا ثقتهم بأنفسهم بكرة تندمون والله الضرب المعقول مثلا لما نجي نقول للطفل ددا إذا قرب مكان خطر ولاكذا ضرب خفيف عاليد أو استخدام أنواع عقاب أخرى |
انضربت من امي
لكن عسل على قلبي وضرب الاطفال في بعض المواقف يعتبر من حسن التربيه لكن يراعى العقل في ذالك ويراعى مشااعر الأطفال وضمهم للصدر والحنيه عليهم والمسح على رؤوسهم |
ذكريات لا تغيب ..
المشكلة عندي إنه ولدي إذا غلط غلط بسيييييط حتى لو من غير قصد ،. فتلاقي أبوه ما يصدق .. و زوجي صحيح ( هادي و بارد ) و أنا ( حارة ) .. بس زوجي من الناس اللي ينفس غضبه في الولد و الحمد لله أنا عكسه في التعامل مع الأطفال .. لدرجة إنه دايما أمي كانت تقولي و أنا في الغربة : أخاف على ولدك منك ، تحطي حرتك فيه .. و متطمنة لإنه زوجك هادي .. أقول لها : و الله ما تدري إنه العكس هو الصحيح و إني أدلعه اخر دلع .. :25: اقتباس:
و من ناحية طولة البال و التطنيش ، فشكلي لازم أخفف منهم شوي .. لإنه ولدي تعود مني الشيئين هذولا .. .................................... روح المساء .. ايوة أفتكر البرنامج كانوا يجيبوه زمان و مرة كان خطير ،، مادري إذا يعرضوه دحين و لا لأ .. من جد حابة يعيدوه لنا ؟؟؟ بس ولدي الحمد لله ما وصل لدرجة الأطفال اللي يعرضوهم في البرامج من الجنان و الصياح :d بس إنه مرات ( عنيد ) .. :( . . طبعا اليوم ولدي رفض ياكل و دايما ما يرضى ياكل غير اللي بمزاجه و متعبني مرة في أكله .. و ياكل بس أكلات ماهي مفيدة أبدااااااااااااااا .. لدرجة إنه مرررررة نحف الأيام هذه و وزنه نزل .. و خفت عليه يمرض و يدخل المستشفى لاا سمح الله :( في الأخير اشتكيت لأبوه و قلت له : ولدك يسمع كلامك .. شوف خليه ياكل ، من جد تعبني ،، من كم يوم ما بياكل شئ .. و كل ما أعطيه لقمة ، يخرجه من فمه .. أبوه جاب الحزام - و أنا انفجعت و أشرت لزوجي بعيني ، لا تضربه - .. :11: المهم ، بس خوفه بالحزام و رضي ولدي ياكل في الأخير و الدموووووع تنزل من عيونه زي السيل .. و اليوم عالعشاء و لأول مرة في حياة ولدي ، جلس و أكل ( بيض مقلي ) و عجبه مررررة .. و مرررررة فرحت له .. شكله التخويف بالحزام جاب نتيجة .. :25: و إن شاء الله إذا تزوجتي ،. زوجك يعوضك عن الحرمان اللي فقدتيه .. :22: ............................................... أنفاس العطور .. معاك حق .. في النقطة هذه .. اقتباس:
و صح كلامك ، من ناحية الضرب من غير سبب .. و مثلك في االمدرسة انضربت مرة من الأبلة و من غير سبب ،، و لحد دحين قلبي يوجعني يوم أفتكر كيف ضربتني :( كنت جديدة في الفصل و تاني يوم أداوم و هي كانت مقهورة من بنات الفصل ، و عاقبتني معاهم :( ما أحبها .. :29: و عشان كذا ، يوم أعاقب ولدي .. أقوله له إنت عملت كذا و كذا ، و كم مرة كلمتك و ما سمعت كلامي .. و شوف إيش صار دحين ؟ عشانك ما سمعت كلام ماما .. :( |
ياعمري عليه روح اسمحيلي من خلال كلامك عن زوجك مدري ليه كذا يعامله بقسوة أحس كأنه زوجك يحسب إنه ولدك أخذك منه يعني يغار منه ممكن مجرد تحليل آآمين ربي يسعدك عالدعوة اللي تطيب الخاطر |
ندى ...
صدقتي و الله ، الطفل ما حتفرق معاه بعد كذا .. عشان كذا جيت سألت ؟ لإنه ولد قريبتي زي كذا ، ما يسمع كلام أحد .. لإنه متعود عالضرب و ( يتلذذ ) به .. من جد ، يجلس يضحك يوم ينضرب و يعاند أكثر و أهله تعبوا منه و مرة الكل استغرب منه ، يوم نفذ لي طلب طلبته منه .. و مو عارفين إيش السر و كيف سمع كلامي و معروف إنه أشقى طفل في العيلة ومجنن أهله ؟ و السر ، إني دايم أمدحه قدام الناس و أرفع من معنوياته و يموت فيا ، حتى أمه تستغرب منه ؟ تقول عمره ما يحب أحد و لا يبوس أحد و لا حتى يسمع كلام أحد .. عشان كذا انقهر من ولدي ؟؟؟ :( ليه يعاندني و أنا اللي ما أضربه و دايم أمدحه و أتكلم معاه ؟ يبغالي أبدل ما بينهم ، عشان يعرف قيمة أمه و أبوه :d الصراحة ، بديت أؤمن إنه ( الضرب للولد ) مرات لابد منه .. <- مهرة بتنبسط دحين :d بس ( بشروط و قيود ) .. و أفتكر يوم ولدي كان أصغر شوي وو ما كان يتكلم لسى ،، و يوم يبكي .. يجي أبوه بيضربه ، فأوقفه و أقول له أستنى أكيييد فيه شئ يبغاه و نحن مو فاهمينه و يطلع من جد ، يكون هناك شئ مخليه يبكي .. ...................................... زحمة ذكريات قلتيها و الله ، ولدي في البيت و معاي و مع أبوه .. مافيش أحلى و أحسن منه .. بس إذا أرسلته للروضة أو إذا تركته مع أولاد أخواتي كم ساعة يلعب معهم .. تلاقيه يقلب علي و يعمل حاله ( رجال ) علي و تتغير أخلاقه ..؟؟؟ :( ما أعرف ليش بيتغير ؟؟؟ الكل يقول إني مدلعته ، بس أمي الوحيدة الله يسعدها ، اللي تقول لي : ( دام ولدك عاقل ماشاء الله و يسمع كلامك ، فلا تشدي معاه .. سيبيه ) أنا ما أضربه ، بس إذا شفت مثلا أخلاقه مرة بدأت تتغير ،، فأحاول أدور عن السبب ؟ قلت في داخلي ، احتمال إنه بيشوف بزورة أخواتي يردوا على أمهم و يتصارعوا .. فيقلدهم ؟؟؟ طبعا ولدي كان ( متغرب ) فترة و دحين اللي بدأ يختلط مع أولاد الأقارب بس ليش بيتغير يوم يروح الروضة ؟ مادري ..؟؟؟ المفروض يتحسن مو العكس .. :29: ......................................... شيهانة .. مع حق في نقطة ( التدليع ) .. و الحمد لله بديت أحط له حدود في الدلع ،. من زمان كنت أقول لزوجي ، ولدي من يوم يصير عمره 4 سنوات و يبدأ يفهم كل شئ .. وقتها بأتركك تعلمه و تعاقبه .. بس دحين لسى طفل و مو عارف يتكلم عشان يعبر عن نفسه .. و يوم أنزل السوق مع ولدي ، أعلمه ما يشتري أي شئ .. مع إنه الفلوس موجودة و الحمد لله بس خليه يتعلم ،، و دحين في روضته أتقصد أحط له عصير في شنطته و كيك و حلاوة و ( ريال واحد ) لإني كنت من قبل ، أعطيه الفلوس من غير أي حساب .. الأسبوع اللي فات ولدي يقول لأبوه ، يبغى يشتري ( ايفون 4 ) .. :d و ضحكتيني في كلمة ( البربسة ) .. يعني كلام زوجي طلع صحيح ؟؟؟ إنه ضربي له عالكتف ، و لاشئ .. أحسن شئ إني أشد شوي في ( العقاب ) .. :29: و لا من ناحية الحنان و المدح و الدلع ، فأحسه شبعان منهم .. و هذا اللي مخليه يتمرد علي و يبدأ يطنشني و يعاندني .. :( |
معليه بأنقز لرد ( روح المساء ) ..
اقتباس:
على الكرسي ، بس لإنه كان ( يبكي ) .. وقتها من جد انفجعت و زعلت مرة و ما تخيلت أشوف زوجي ( الهادي و المسالم ) بالشكل هذا ؟؟؟ و وقتها على طول افتكرت أخوانه و أبوه و أخواله و أعمامه ( و طريقة تعاملهم مع الأطفال ) .. و على طول اترسم في خيالي شكل أخوه يوم أخذ ( الشبشب ) الله يعزك و ضرب ولده الصغير و كنت عروسة لسى ، و كنت أقول بداخلي ( الحمد لله إنه زوجي مختلف عنه تماما ) و سمعت من سلفتي إنه زوجي يوم كان صغير ، كان دايم ينضرب بالـ ( شبشب ) الله يعزك و عالوجه .. . . بس الحمد لله دحين زوجي كويس و أخف من قبل ، بس مجرد ( يخوف ) ولده .. يمكن لإنه ولدي يحبب نفسه لأبوه و يحضنه و يبوسه و يتكلم معاه ؟ و مرات كنت أجلس مع زوجي و أتكلم معاه عن الموضوع هذا و يكون الجو ( هادي ) و برواقة أكلمه و أقنعه بالأمثلة و القصص ، و مرة قلت له ، لو الضرب يجيب نتيجة .. كانت جابت مع أبوك ؟؟؟ لإنه زوجي تعامله رسمي جدا مع أبوه و يكذب دايما على أبوه ، و السبب إنه أبوه كان بس يضربه و قلت لزوجي ، ما أبغى ولدك يصير كذا معاك يوم يكبر .. أبغاه يكون زي كأنه ( صاحبك ) .. و غير إننا جلسنا في الغربة فترة ، و هناك ( ممنوع تضربي الطفل ) فكان غصب عنه يكتم غضبه يخاف من الشرطة و الشعب :d ، و صار يشوف الناس في الخارج كيف تعامل أطفالها بحنان .. كنت أحسبه غيرة ..؟؟؟ بس ما أظن الموضوع يتعلق بالغيرة ، أكثر من إنه ( تربى كذا و كان مو شايف غير هذه الطرق في التعامل مع الأطفال ) .. . . و ما تتخيلي لو أقول لك ، كيف دحين ولدي يحب أبوه أكثر مني ماشاء الله :(:29: حتى أمس ولدي يبعدني و يبغى ينام مع أبوه و يحضن أبوه و يقول لي ( روحي هناك ) .، قلت لولدي ( و الله الضرب شكله ينفع معاك ، اللي يضربك تحبه و اللي تدلعك - كخة صارت - ) .. :25: |
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©